Lukə 10:21 - Bible

²¹ Maa aƃai tí su Zîsɛ líi è nɛ̀ɛ M̀ɔlêŋ Maa Waai sârai, ǹyɛɛi, “Ŋa ísɛɣɛ̂i fêi, Ńâŋ, Ɣâla-taa da ŋ̀éniɛi Su-nuu-namui, a gɛɛ ya mɛnii ŋi lóo dáre-ƃelai dîa da mɛni maa-kɔri-ƃelai, ya ǹɛ́ nîa-pɛlɛɛi dîa; é máŋ kɛ́ ti, Ńâŋ, nyíti máŋ e kɛ̀ a ínîa-mɛni lɛ́lɛɛ.

Yálá laawoo hɛɓɛ (dc)

²¹ Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Yálá laawoo hɛɓɛ

²¹ Nąąlɔwai tii hu kpɔlɔ, Nįį-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Lukə 10:21 ပူးပေါင်းရင်းမြစ်များ

Mąątɛ̨nɛ̨ 24:1

Ŋ̀éniɛi káa a Yâwɛɛ pɔ́ɔ da zu sãa kélee é pɛ́lɛ núu-kpune ma.

Mąątɛ̨nɛ̨ 25:14

Diai da Yâwɛɛ wóo mɛnii, dia ƃa ŋɔwɛli kɛ́-maa-ƃelai. A tɔ̂ɔ ŋɔkpanaŋ-wooi pôlu díyêei.

Mąątɛ̨nɛ̨ 8:2

Nîa-pɛlɛɛ da kwâtara-ŋa kélee da ílaa maa tɛ̀ wule-woo-ŋa su. Ya íkpɔara-ƃelai kélee su kàra. Díta fa pɔ̂ri mɛni da kɛ̂i a yá.

Azaya 29:14

M̀ɛni ma, ŋa pâi mɛni mĩli-miliɛɛ-ŋa da mɛni kpaya-kpaya-ŋa kɛ̂i díŋɛi. Ŋa pâi gɛ̂i dáre-ƃelai dísamai, díkili ŋá é tɛi, ŋá gɛ́ mɛni lɛ́lɛɛ da kélee fa kûla ŋ̀ôya tare-ƃelai kponôi.”

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 62:5

Berei nyáŋkpa a nɛnî-kpela kùla là a kɛ̂ a ǹíi lá, gɛ́ m̀aa kɔ̃̂ɔi, berei ƃé ílônii-sinaa da pâi ímaa kɔ̃ɔ̂i la. Ɣâla líi a pâi kɛ̂i a nɛ̃ɛ ímɛni ma, yɛ̂ɛ nyáŋkpa da nɛnî-kpela da díkîe-ni kùla a nina.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Sofoni 3:17

Íɣâlai Yâwɛɛ káa íkɔlɛ. Ŋɔwála-wala-laai à gɛ̀ íyee é tɛ́ɛ íkpɔara-ƃelai dîa. A pâi lii-nɛ̃ɛ kulâi í mɛni ma, a pâi ísɔnyɔ̂ŋ su-mɛni lɛɛ̂i ŋɔwɛ̂li-kɛ-maai mɛni ma. A pâi wule toôi é lii-nɛ̃ɛ kula ímɛni ma

Maafîu 16:17

Nya ƃe Zîsɛ è ŋ̀óo zu tòo, ǹyɛɛ mai, “Lûwa káa yâ Zôna ǹóŋ Samaŋ! Kpɛ́ni fêi, núu-kpune fé m̀ɛnii ŋí lɛ ni yâ, kɛ́lɛ, Ŋáɣâla-taa-Naŋ ƃe ǹɛ yâ.

Maafîu 21:16

Dí mò ma, dîyɛɛi, “Íkaa m̀ɛnii mɛnîi ǹûai ŋí da môi?” Zîsɛ è mò dîa, ǹyɛɛi, “Ooei. Káfe niî wɔ́lɔ ŋ̀óoi ŋí lono ni, ‘Nia-pɛlɛɛ da kɔatara-ŋa ƃe ya laa-maa-tɛ kpɛtɛ díla ímɛni ma?’ ”

Maafîu 3:7

Kɛ́lɛ, tãi è Faresii-ŋai da Sâdusii-ŋai dámaa kàa la díkɛ pa batâi mɛni mai, è mò dîa, ǹyɛɛi, “Káai a kali nyɔ́mɔɔ koi-lonii! Gbɛ̂ɛ ƃe kálîa-woo ƃò a gɛɛ ká pú ǹii-ŋwanai nyíi gáa pâi yêei?

Markə 10:15

Tɔ̃yâ ma, ŋá m̀ó kâa, ǹúui va ǹyée sèe Ɣâla ŋɔkâloŋ-laai mu yɛ̂ɛ lôloŋ, va li naa.”

Lukə 15:5

À kpɛ̀ɛ a gáa, a bu gâraŋ ŋá, gɛ̀ níi-nɛ̃ɛ kula.

Lukə 15:9

Tãi à gàa lai, a m̀arâai da gɔlɛ-maa-ƃelai tôli gîe ma, ǹyɛɛi, ‘Kwaa lii-nɛ̃ɛ kula mî. Kpɛ́ni fêi, ŋaâ zɛŋ-kaoi káa nyii ŋa ǹáŋ.’

Ɉaan 11:41

Nya ƃe dí vɛ̃ɛ-ƃelai kùla naa. Zîsɛ e ŋ̀ɛi tɛ̀ ɣelêi, e m̀o, ǹyɛɛi, “Ńâŋ, ŋa ísɛɣɛ̂i fé a gɛɛ ya ŋ́oo mɛ́ni.

Korɛntə veelɛ 4:3

À kɛ̀ máŋ kútuŋ lɛ́lɛɛi loôi, gɛ̀ ní ǹoôi nɔ́ diai dîa díkaa saâi.

Ifisiɛŋ 1:11

Dí kúwɔ̂i lɛ̀ kûa Kôrai kponôi. Dí kúlɛ̀ nàa tuɛ, yɛ̂ɛ berei ŋɔsapoi káa lai, nyíi a mɛni kélee kɛ̀ yɛ̂ɛ berei ŋɔnîa-mɛnii ŋɔmɛni kpɛtɛɛi káa lai.

Ifisiɛŋ 1:5

A kúlɛ nàa tuɛ a gɛ́ɛ kúkɛ a ǹônii Zîsɛ Kôrai sârai, yɛ̂ɛ berei ŋɔnîa-mɛni lɛ́lɛɛi káa lai,