Lukə 1:33 - Bible

³³ a pâi kɛ̂i Zeeka ŋɔkaayɔi mɛi wɔlɔ-wɔlɔ da wɔlɔ-wɔlɔ. Ŋɔkâloŋ-laai kpɛɛ ŋá fé pâi kɛ̂i ma.”

Yálá laawoo hɛɓɛ (dc)

³³ Gaa pai tɔɔlaa kɛi Israɛlə lɔi nwun na, nwɔ tɔɔlaai kpɛlai hva kɛ mą.»

Yálá laawoo hɛɓɛ

³³ Gaa pai tɔɔlaa kɛi Israɛlə lɔi nwun na, nwɔ tɔɔlaai kpɛlai hva kɛ mą.»

Lukə 1:33 ပူးပေါင်းရင်းမြစ်များ

Samia Veerɛi 7:13

A pâi pɛ́rɛ tɔɔ̂i mî, ǹyaŋ ŋa pâi gɛ̂i ŋɔkâloŋ-laai kɛ́ ƃò a wɔ́lɔ-wɔlɔ kaloŋ-laa.

Samia Veerɛi 7:16

Ŋa pâi íkɔ̃liŋ da íkâloŋ-laai maa kɔ̃ɔ̂i. Íkâloŋ see-sɛŋ a pâi kɛ̂i naa wɔ́lɔ-wɔlɔ da wɔ́lɔ-wɔlɔ.’ ”

Mąątɛ̨nɛ̨ 45:6

Gâloŋ-laai Ɣâla a dɛɛ ípɔi, gɔyɛŋ fé ma. Ya ínûai mɛi kâai a teniŋ ƃô-pere.

Mąątɛ̨nɛ̨ 89:4

ńyɛɛ mai, ‘Ísuui su nuui da nɔ́ ƃe pâi wɔ́lɔ kɛ̂i a kâloŋ. Ŋɔkâloŋ-laai a pâi kɛ̂i naa wɔ́lɔ-wɔlɔ da wɔ́lɔ-wɔlɔ.’ ”

Azaya 16:5

À kɛ̀ tí, núu tɔnɔ a pâi kulâi Gâloŋ Deeƃé ŋɔsuui su é kɛ́ a kâloŋ Môa-ŋai mɛi. Ŋɔkâloŋ-laai kɔ́ɔ a pâi pîlanii a wɛli-kɛ́-maa kpanaŋɔɔ. A pâi ŋɔnûai mɛi kâai a tɔ̃yâ da teniŋ-ƃô pere. A pâi gɛ̂i tɔ̃yâ-laa mɛni kɛ́ ƃò naa núu kélee mɛni ma.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Ɉeremi 23:5

Yâwɛɛ è mò ǹyɛɛ, “Tãi a pâi, maa tãi tí, ŋa pâi téniŋ ƃô kaloŋ siɣêi nyíi pâi kulâi Deeƃé ŋɔsuui sui. A pâi kɛ̂i a gâloŋ nyíi pâi ŋánûai mɛi kâai a táre-pere, gɛ́ tùa a táre-pere. A pâi pâi a tɔ̃yâ làa ǹɔii gwaa kélee ma.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Danîa 7:18

Kɛ́lɛ Ŋ̀âla Kɛ́tɛi ŋɔtíi kɛ́-ƃela pɔlɔ maa waa-ŋai ƃé pâi gâloŋ laa-ŋai ŋí sɔlɔ ƃôi gɛ́ ƃò díyêei wɔ́lɔ-wɔlɔ da wɔlɔ-wɔlɔ.”

Danîa 7:27

Nyíŋi pôlu ma da pâi ŋ̀wála-wala-laai, gɛ́tɛ-laai da gâloŋ-laai kélee tɛɛ̂i Ŋ̀âla Kɛ́tɛi ŋɔnûai pɔ́ ǹɔii ma. Núu da fé pâi dílɔii-loŋ wála-wala-laai kulâi díyêei. Ǹúu láa túɛ-ƃelai kélee ǹɔii mai da pâi tíi kɛ̂i díyêei dí kɛ́ ƃaa kɛ́-maa tɛɛ dípɔ.”

Abdiasə 1:21

Diai Idɔŋ-ŋai yée mɛi ɣàlei, da pâi tɛɛ̂i Zãiyɔŋ yeei ma dí kɛ́ Idɔŋ-ŋai mɛi. Ǹyaŋ Kúnuu-namui a pâi kɛ̂i a kâloŋ ŋɔnûai mɛi.”

Mise 4:7

Dí kɔ̃liŋɔɔi dí naa kôya dípɔ-taai ma kɛ́lɛ ŋa pâi dí kɛ̂i ŋɔ́nɔ a lɔii-ŋûŋ ŋá díkɛ a lɔii-ŋûŋ kpanaŋɔɔ. Ŋa pâi kɛ̂i dímɛi a kâloŋ Zãiyɔŋ yeei ma wɔ́lɔ-wɔlɔ.”

Maafîu 1:1

Zîsɛ Kôrai, nyii gáa a Deeƃé ǹóŋ da Eberaɣɛ̃ɛ ǹóŋ, ŋɔsuui pîlaŋ-pere ká ŋí.

Maafîu 28:18

Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma.

Lukə 1:34

Nya ƃe Mere e mò Ŋ̀âla-taa-kelai ma, ǹyɛɛi, “Nyiŋi a pɔ̂ri kɛ̂i leŋ? Kpɛ́ni fêi, surɔ̂ŋ fé ńyêei.”

Lomaŋ 9:6

Kɛ́lɛ, Ɣâla ŋɔwooi fe niî fɛɣɛ ni. Kpɛ́ni fêi, ve nɔ́ a sɛŋ a gɛ́ɛ diai kélee da kúla Eezuɛ-suui sui, díkaa a Eezuɛ-ŋa kpîŋ.

Galatə 3:29

Ǹyaŋ à kɛ̀ kákaa a Kôrai pɔ́ɔ, gɛ̀ ní kákaa a Eberaɣɛ̃ɛ ŋɔsuui da ŋɔpɔɔ-sɛŋ mɛi-ƃela gono-teei lá-woo ma.

Galatə 6:16

Lii-see da maloŋ-kaa é kɛ́ diai kélee dîa da sîa dɔ̂ŋ ŋí lá-woo mai, da Eezuɛ-ŋai díkaa a Ɣâla pɔ́ɔi.

Filipə 3:3

Kpɛ́ni fêi, kúa ƃe kúkaa a nuu-kpɛtɛ-ƃela a tɔ̃yâ, kúai kwa Ɣâla fɛli mɔ̂leŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono kpɛtɛ-mɛni.

Hebreu 1:8

Kɛ́lɛ, gáa lônoi gɛ́ pìlaŋ Ǹóŋ ma, ǹyɛɛi, “Óo Ɣâla, íkâloŋ-see-sɛŋ káa nɔ́ naa wɔ́lɔ-wɔlɔ da wɔ́lɔ-wɔlɔ. Deniŋ-mo-wurii ƃa íkâloŋ-laai su-wurii.

M̀ɛni-lɛɛi 11:15

È nâa kɛ̀ tí, Ŋ̀âla-taa kelai mɛi feerɛ-ɣelei è ŋɔturii fɛ̀ɛ, wóo su kɛ́tɛ támaa díkula Ɣâla-taa díyɛɛi, “Ǹɔii su-kaloŋ laai a kɛ́ a Kúnuu-namui ŋɔkâloŋ laai da Ŋɔkôrai, ǹyaŋ a pâi kɛ̂i m̀ɛi wɔlɔ-wɔlɔ da wɔlɔ-wɔlɔ.”