Lukə 1:32 - Bible

³² A pâi kɛ̂i a núu kɛ́tɛ, da pâi dólîi a Ǹúui Gɛ́tɛi Ǹóŋ; Nuu-namui Ɣâla a pâi ǹâŋ Deeƃé ŋɔkâloŋ-see-sɛŋ tɛɛ̂i bɔ,

Yálá laawoo hɛɓɛ (dc)

³² Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Yálá laawoo hɛɓɛ

³² Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Lukə 1:32 ပူးပေါင်းရင်းမြစ်များ

Samia Veerɛi 7:16

Ŋa pâi íkɔ̃liŋ da íkâloŋ-laai maa kɔ̃ɔ̂i. Íkâloŋ see-sɛŋ a pâi kɛ̂i naa wɔ́lɔ-wɔlɔ da wɔ́lɔ-wɔlɔ.’ ”

Mąątɛ̨nɛ̨ 132:11

Í íkono tèe Deeƃé yêei a gbanaŋɔɔ, gono-teei nyii ífe pâi íyee kulâi mui: “Ŋa pâi íloŋ-surɔŋ dɔnɔ kɛ̂i a kâloŋ, nyii pâi lɛɛ̂i ípɔɔ ŋá a kâloŋ.

Mąątɛ̨nɛ̨ 132:12

A kɛ̀ ílônii-sinaai da ŋákpanaŋ-wooi ŋ̀aa sèe kɛ̀ da ŋátɔ̂ŋ nyii ŋá dɛ̀ɛ dí pɔ́i, dílônii dia máŋ da pâi lɛɛ̂i í pɔ́ɔ ŋá wɔ́lɔ-wɔlɔ da wɔlɔ-wɔlɔ.”

Azaya 16:5

À kɛ̀ tí, núu tɔnɔ a pâi kulâi Gâloŋ Deeƃé ŋɔsuui su é kɛ́ a kâloŋ Môa-ŋai mɛi. Ŋɔkâloŋ-laai kɔ́ɔ a pâi pîlanii a wɛli-kɛ́-maa kpanaŋɔɔ. A pâi ŋɔnûai mɛi kâai a tɔ̃yâ da teniŋ-ƃô pere. A pâi gɛ̂i tɔ̃yâ-laa mɛni kɛ́ ƃò naa núu kélee mɛni ma.

Ɉeremi 17:25

À kɛ̀ tí, díkâloŋ-ŋai da dítii kɛ́-ƃela kpaya-kpayai da pâi tɛɛ̂i a ziɣãŋ-ŋai ŋí láƃerei kâloŋ-wala-wala laa kɛ́ ƃò díyêei yɛ̂ɛ berei Deeƃé è wɔ́lɔ kɛ̀ lai. Gɛ̀ ní da Zuda-ƃela é pɛ́lɛ Zerusâlɛŋ-ƃela dîa, da pâi kɛ̂i seêi soo sia-keleŋ-ŋa su, dí kɛ̀ sèe soo-ŋa mɛi, gɛ̀ ní nûa da pâi kɛ̂i nɔ́ Zerusâlɛŋ a tãi kélee.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Maafîu 1:1

Zîsɛ Kôrai, nyii gáa a Deeƃé ǹóŋ da Eberaɣɛ̃ɛ ǹóŋ, ŋɔsuui pîlaŋ-pere ká ŋí.

Maafîu 12:42

Siƃa-ƃelai díkâloŋ-nɛnîi da ŋ̀éniɛi ŋí su-ƃelai da pâi dímu siɣêi m̀ɛni-ŋa-teɛɛi su. A pâi tɔ̂ŋ pûi dîa, kpɛ́ni fêi, è kùla ǹɔii kóyaŋ ma a gɛɛ é ŋ̀óli tɔɔ Saloma ŋɔtáre-wooi ma. Kɛ́lɛ, ka gáa, sɛŋ da káa ƃɛ gɛ́tɛ̂i é tɛ́ɛ Saloma ma.

Maafîu 28:18

Nya ƃe Zîsɛ è pà dípɔ é lóno dípɔ, ǹyɛɛi, “Wála-wala-laa kélee tɛɛ̂i ḿbɔ Ɣâla-taa da ǹɔii ma.

Maafîu 3:11

“Ŋa kábatâi kɛ̂i a yá lii-pene mɛni ma. Kɛ́lɛ, ǹúui nyíi gáa pâi ḿbôlui ŋɔwala-wala-laai tɛɛ̂i ŋ́ɔ̂i ma. Ḿaa fé nɛ̃ɛ ní a gɛ́ɛ ŋá ŋɔkpâŋ-kpalii siɣei. A pâi kábatâi kɛ̂i a M̀ɔlêŋ Maa Waai da ŋɔŋ.

Markə 14:61

Kɛ́lɛ, Zîsɛ fé da ƃó ní. Zâla láa soŋ-nuu kɛ́tɛi ǹyɛɛ ŋɔ́nɔ m̀ai, “Yá ƃa Kôrai, Ǹûwa Ɣalai Ǹóŋ?”

Markə 5:7

é láɣi ǹyɛɛ mai, “Zîsɛ, Ŋ̀âlai Gɛ́tɛi Ǹóŋ, lé ƃé yâ ŋ̀wɛ̂lii í gɛ́ a ńyãai? Ɣâla láai su ŋa íkpera fêi, ífe ŋ́ɛi maa nɔ̃ɔ!”

Lukə 1:15

kpɛ́ni fêi, a pâi kɛ̂i a núu kɛ́tɛ Kúnuu-namui ŋɛi, ve pâi ŋwã̂ai, kpaa máŋ kpele-sɛŋ kpanaŋ kélee da kpelêi, à kɛ̀ ti, a pâi kɛ̂i a ǹáa fɛ́ɛ a M̀ɔlêŋ Maa Waai, é kúla zɔlɔ-ƃo-tãi ma.

Lukə 1:35

Ŋ̀âla-taa-kelai e mò ma, ǹyɛɛi, “M̀ɔlêŋ Maa Waai a pâi pâi ímɛi, ǹyaŋ Ǹúui Gɛ́tɛi ŋɔwála-wâla-laai a pâi ǹinîŋ pûi yâ, nyii ya pâi zɔlɔ ƃôi da pâi dólîi a núu maa waai, Ɣâla Ǹóŋ.

Lukə 1:76

Kɛ́lɛ, ya máŋ, lôloŋ, da pâi ítolîi a Ǹúui Gɛ́tɛi ŋɔlóno-kɛ-nuu, kpɛ́ni fêi, ya pâi liî Kúnuu-namui ŋɛi tuɛ, í ŋɔpere-ŋai kpɛtɛ,

Lukə 3:16

Zɔ̂ŋ e díkelee díwoo su tòo, ǹyɛɛi, “Ŋa kábatâi kɛ̀ a yá, kɛ́lɛ, ǹúui ŋɔwala-wala-laai tɛɛ̂i ŋ́ɔ̂i mai, gáa pâi, nyii ḿaa fé nɛ̃ɛ ni a gɛɛ ŋa ŋɔkɔ́ɔ-ŋa-kɔlɔi ɣɛli fuloŋ. À pâi kábatâi kɛ̂i a M̀ɔlêŋ Maa Waai da ŋɔŋ.

Lukə 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Ɉaan 12:34

Gbɔŋ e ŋ̀óo su tòo, dîyɛɛi, “Kwa mɛni dɔ̂ŋ su a gɛɛ Kôrai a pâi lɛɛ̂i ɣele ma wɔlɔ-wɔlɔ da wɔlɔ-wɔlɔ. Ya pɔ̂ri môi leŋ a gɛɛ fɛ̂ɛ dí núu-kpune Ǹóŋ tɛ́ ɣelêi? Gbɛ̂ɛ ƃe gáa a núu-kpune Ǹóŋ ŋi?”

Ɉaan 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Gɛlaɠaa 16:17

Nɛnî-lo tɔnɔi ti è pìlaŋ kúpôlu kwa Pɔ̂ɔ-ni, gɛ laɣi, ǹyɛɛi, “Ǹûai ŋí díkaa a Ŋ̀âla Gɛ́tɛi yée-mu-ƃela. Ǹûai ŋí da m̀álo-laa-perei lɛ̂ kâa.”

Gɛlaɠaa 2:30

M̀ɛni ma gɛ́ɛ a Ɣâla ŋɔlóno kɛ́-nuui, gɛ́ ƃò a gɔ́lɔŋɔɔ a gɛ́ɛ Ɣâla a góno tée ǹyêei kpɔ́ a gbanaŋɔɔ a gɛ́ɛ a pâi ŋɔsuui su-nuu dɔnɔ seêi ŋɔkâloŋ see-sɛŋ ŋái,

Gɛlaɠaa 2:36

“M̀ɛni ma tɔɔ Eezuɛ lɔii gwaa kélee é gɔ́lɔŋ a tɔ̃yâ a gɛ́ɛ Zisɛi ŋí ka gbàmo ŋ̀úru su-tíyeŋɔɔ̂i mai, Ɣâla a gɛ́ a Nuu-namu da Kôrai.”

Gɛlaɠaa 7:48

“É máŋ kɛ́ ti, Ǹúui Gɛ́tɛi va kɛ̂ pɛ́rɛ mu, dí dɔ̀ɔ a núu-kpune yeei, yɛ̂ɛ berei Ɣâla ŋɔlóno kɛ́-nuui a mò la, ǹyɛɛi,

Lomaŋ 1:4

Ɣâla e Ǹóŋ lɛ̀ wála-wala-laa kɛ́ ƃò ǹyêei yɛ̂ɛ berei ŋɔmaa-waa-laai káa la ŋɔmu-siɣe saa-yeei sârai. Ǹyaa ƃa Zîsɛ Kôrai, Kúnuu-namui.

M̀ɛni-lɛɛi 3:7

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Feledɛfiai ŋɔkélai pɔ naa: ‘Dɔ̃yâ-nuu maa waai, nyíi Deeƃé ŋɔkîi káa ǹyêei, nyíi a gbôŋ lá ƃò núu fé naa é ǹá tɛ́i, nyíi a gbôŋ lá tɛ̀ núu fé naa é ǹá ƃói, ŋɔwóo-ŋai ká ŋí.