Lonon mo 6:23 - Bible

²³ mó Eelɔŋ ma da ǹônii dîa a gɛɛ fɛ̂ɛ dí lûwa láa Eezuɛ-ŋai dîa a ŋ̀óo-ŋai ŋí:

Yálá laawoo hɛɓɛ (dc)

²³ «'Mo Aarɔn da nonnii diɛ, yɛ́ diɛ: «Bələi da lúwɔ́ too la Israɛlə lonnii diɛ, bələ ka:

Yálá laawoo hɛɓɛ

²³ «'Mo Aarɔn da nonnii diɛ, yɛ́ diɛ: «Bələi da lúwɔ́ too la Israɛlə lonnii diɛ, bələ ka:

Lonon mo 6:23 ပူးပေါင်းရင်းမြစ်များ

Zɛnɛse 24:60

Dí lûwa tòo Lubɛka ma díyɛɛ mai, “Kúsâaƃɔlɔ, ƃa pâi kɛ̂i a lóŋ támaa káa-lee! Ísuui yée a pâi tɛɛ̂i ŋɔkpɔara-ƃelai dîa!”

Zɛnɛse 47:10

Nya ƃe Zeeka è lûwa tòo gâloŋ ma é kúla.

Zɛnɛse 47:7

Nya ƃe Zosɛ è pà a ǹâŋ Zeeka gâloŋ ŋɛ́i-tuɛ. Zeeka è lûwa tòo gâloŋ ma.

Zɛnɛse 48:20

Nya ƃe è lûwa làa dîa a ŋ̀elei tí ǹyɛɛ, “Tãi da pâi kɛ̂i lûwa lâai la núu ma Eezuɛ lɔii sui, da pâi m̀ôi dîyɛɛ, ‘Ɣâla é lûwa láa yâ yɛ̂ɛ Ifiraŋ da Manasɛ.’ ” È Ifiraŋ tɔ̀ɔ Manasɛ ŋɛ́i-túɛ.

Tɔɔɓɛlaa dɔlɔɔ 8:55

È mu sìɣe é tɔ́ɔ é lûwa too Eezuɛ kpɔŋ kɛ́tɛi ma a ŋ̀óo tɛ́ɛ ɣelêi ǹyɛɛi,

Kɔlɔnikɔ Maa-ŋuŋ 23:13

Amaraŋ ǹyaŋ ǹônii-sinaai ƃé kɛ̀ a Eelɔŋ da Mose. Dí Eelɔŋ siɣe zu a gɛ́ɛ gɛ́ zãa maa-waa-ŋai mɛi kâa. Dí ǹônii-sinaai siɣe zu a gɛ́ɛ díkɛ kéreŋ sɛŋ kúŋ-nɛ̃ɛ kereŋ Yâwɛɛ ŋɛ́i-tuɛ a ɣele kélee, díkɛ tíi kɛ mi, díkɛ ŋɔlûwai láa seri ǹûai dîa.

Kɔlɔnikɔ Veerɛi 30:27

Zâla-laa-soŋ ƃelai da Liiva-ŋai dítɔɔ dílûwa too ǹûai dîa. Ɣâla è dífɛli-wooi mɛ̂ni, kpɛ́ni fêi, è seri kpɔ́ Ɣâla-taa ŋɔmaa waa kwaai ma ƃɛ́ɛi gáa naai.

Lɛɛ gbɔwɔ ɓa 39:43

Mose è díi-ŋai kélee kàa, é gáa a gɛɛ ǹûai dí gɛ̀ nɔ́ yɛ̂ɛ berei Yâwɛɛ è mò la mai. Ǹyaŋ è lûwa làa dîa.

Lonon mo 6:22

Yâwɛɛ è mò Mose ma a gɛɛ é

Lomaŋ 1:7

Ɣâla e káwɛlini káai kákaa Luŋ. A kátoli a gɛ́ɛ kákɛ a ǹyaa Ɣâla bɔ́ɔ. Kúnâŋ Ɣâla yêei da Kúnuu-namui Zîsɛ Kôrai dí káƃɛlɛ sée dí lii-see tɛɛ kápɔ.

Korɛntə dɔlɔɔ 1:3

Ƃɛlɛ-sêe da lii-sêe dí kɛ́ káyêei e kula Kúnâŋ Ɣâla yêei da Kúnuu-namui Zîsɛ Kôrai.

Korɛntə veelɛ 13:14

Kúnuu-namui Zîsɛ Kôrai ŋɔƃɛlɛ-sêei da Ɣâla ŋɔwɛli kɛ́-maai é pɛ́lɛ M̀ɔlêŋ Maa Waai ŋɔkɛ-naai ma é kɛ́ kákelee kákɔlɛ.

Dutɛrɔnome 10:8

Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.

Dutɛrɔnome 21:5

Zâla láa soŋ-ƃelai nyii-ŋai díkaa a Liiva ǹônii-sinaai da pâi pâi kpɛ́ni fêi, dia ƃa káloai-ƃela ka Káɣâlai Yâwɛɛ-ni dí kɛ́ lûwa fɛli kámɛni ma. Dia ƃé da laa-sâa mɛni-ŋa kélee kpɛtɛ káloai.

Dutɛrɔnome 33:1

Ǹûwa-ŋai ká ŋí Ɣâla ŋɔtíi-kɛ-nuui Mose è dòo Eezuɛ-ŋai dîa é lɛ́ɛ pâi saâi.

Hebreu 7:1

Mɛkisɛdɛi ŋí è kɛ̀ a Salɛŋ-kaloŋ, gɛ ƃo ŋɔ́nɔ a Ŋ̀âlai Gɛ́tɛi ŋɔsâla láa soŋ-nuu, è Eberaɣɛ̃ɛ káa kulâi kɔ́ kɔ̂i nyíi è kâloŋ-ŋa da-ni paa zui, é lûwa láa ma.

Hebreu 7:7

Sîa kélee fé zu a gɛɛ núu pɔlɔ a lûwa làa lôloŋ ma.

Zasua 8:33

Eezuɛ-ŋai kélee, díŋuŋ túɛ-ƃelai, díkɔ kuluƃa-ŋai láa túɛ-ƃelai, dímɛni ŋáa tée-ƃelai da ŋɔ̃ya-ŋai kɛ̀ dísamai dí díŋaa kɔ̀lɛ a núu kpûlu feerɛ. Zâla láa soŋ-ƃelai díkɛ ǹúu-kpûlu feerɛi ŋí loai dí kɛ́ lì a Yâwɛɛ ŋɔkono-têe gãlai. Ǹúu kpului dɔnɔ è kɛ̀ a bôlu féɛɛ Gɛriziŋ Yeei ma, gbélii pôlu féɛɛ Ibaa Yeei ma pere yɛ̂ɛ berei Yâwɛɛ ŋɔyée mu-nuui Mose è mò la dîa a gɛ́ɛ dí tɔ́ɔ lai dí Yâwɛɛ ŋɔlûwai sɔlɔ ƃói.

Piɛrə dɔlɔɔ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔ̂leŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe dí támaa káyêei.

Zɔ̂ŋ Veerɛi 1:3

Ƃɛlɛ-sêe, maloŋ kâa, da lii-sêe da pâi kɛ̂i kúyêei é kúla Ɣâla Nàŋ-nuui yêei da Zîsɛ Kôrai, Nàŋ-nuui Ǹóŋ, tɔ̃yâ da wɛli-kɛ-maa su.