Lonon mo 32:1 - Bible

¹ Lubiŋ da Gâa dísuui su-ƃelai, taa-tûlɛ támaa è kɛ̀ díyêei. Tãi dí Zazɛ da Gilia lɔii kàa la a lɔii lɛ́lɛɛ taa-tulɛ tɔɔ-mɛni mai,

Yálá laawoo hɛɓɛ (dc)

¹ Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Yálá laawoo hɛɓɛ

¹ Taatɛlɛɛ kpulu kɛnɛ̨ ə kɛ Rubɛn lonnii da Gadə lonnii di yəi. Di Yazerə da Galaadə lɔi kaa, di gaa diɛ nɔi lɛlɛɛi taatɛlɛɛɠaa mąą mɛ̨nį ɓa.

Lonon mo 32:1 ပူးပေါင်းရင်းမြစ်များ

Zɛnɛse 13:2

Eberaŋ è kɛ̀ a dɔɔ a taa-tulɛ, sɛŋ-káne da gôo.

Zɛnɛse 13:5

La nyii da Eberaŋ dí lìi, ƃála-ŋa dí kɛ̀ ǹyêei máŋ da taa-tulɛ é pɛ́lɛ sua kɔlɔ seɣe pɛrɛ-ŋa dîa.

Zɛnɛse 29:32

Nya ƃe Liɛ è koo sîɣe é lóŋ-surɔ̂ŋ maa sɔlɔ ƃó é ǹáa sée a Lubiŋ ǹyɛɛi, “Yâwɛɛ a ŋámɛni-solii káa, mɛni ma ŋásurɔ̂ŋ a pâi ŋ́wɛ̂lii.”

Zɛnɛse 47:4

Díyɛɛ gâloŋ mai, “Kwa pá a gɛɛ kú sée ǹɔii ŋí su. Ǹyaŋ kútaa-tulɛ-ŋai láa miî fé ŋɔ́nɔ ma, kpɛ́ni fêi, burii ŋánaai Keena lɔii su. Mɛni ma kwa íkperai fêi a gɛɛ í íyee mu-ƃelai lɛ́ɛ naa dí sée Gosɛŋ lɔii-kpiniŋ su.”

Samia Veerɛi 24:5

Dí Zɔdiŋ Ya-leei tìyeŋ dí díi kɔ́ɔ pîlaŋ Aroɛ da daa-leei su kɛ̀ ǹyéei loai, dí lí Gâa da Zazɛ pere.

Samia Veerɛi 24:6

Dí pà Gilia dí sèri Ita-ŋai dílɔii Kedɛ ma dí pá Daŋ. Dí kuláa Daŋi dí lì dí tínaŋ Sidɔŋ ma,

Kɔlɔnikɔ Maa-ŋuŋ 4:41

Ǹûai ŋí dí dílaa sìɣei, dí pà ǹɔii ŋí su Ɛsekaya ŋɔkâloŋ-laa koraŋ su Zuda lɔii mɛi. Dí kɔ́ pɛ̀lɛ Aaŋ ŋɔsuui su-ƃelai dîa da Meuniŋ-ŋai dîa díyee mɛi ɣále. Dí díyee mɛi ɣâle dí díkelee kpɛ dí ǹɔii ŋí síɣe a díƃala-ŋai mɛi kâai. Díkaa naa é tóo sâa ma.

Lɛɛ gbɔwɔ ɓa 12:38

Da nûa da kpɛ́ni-ŋa díkɛ̀ máŋ dísama díkɛ lì é pɛ́lɛ taa-tulɛ támaa dîa.

Ɉeremi 22:6

“Zuda kaloŋ-pɛrɛi lɛ̂lɛɛi kpɔ́ ŋ́ɛi yɛ̂ɛ berei Gilia lɔii káa lai, kpaa yɛ̂ɛ berei Lɛƃanɔŋ yee kpaya-kpayai káa lai. Kɛ́lɛ, ŋa pâi ǹaa kɛ̂i a lɔii pûŋ ƃɛ́i núu da kélee fé pâi seêi naai.

Ɉeremi 48:32

Ŋa pâi wɔ̂lɔi diai kùla Simai dímɛni ma, ŋá wɔ́lɔ a ŋ̀ánaa Zazɛ-ƃelai mɛ̂ni ma. Sima taa-leei, íkaa yɛ̂ɛ kpɔmɔ nyíi ŋ̀owo a lí Ǹyuo Saai pôlu pere a seri kpɔ́ Zazɛ. Kɛ́lɛ, ífolo lá ƃóɔɔ ƃai da íkpɔmɔ ƃai kélee kpɔ́ su a kara.

Ɉeremi 50:19

Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Ɉeremi 8:22

Sále fé ŋɔ́nɔ Gilia? Sále-tíi kɛ́-muu fé naa? Lé ƃé kɛ́ ŋánûai dífe ƃâloi?

Mise 7:14

Yâwɛɛ, ínûai í dílɛi, dí mɛi káa yɛ̂ɛ berei ƃála-mɛi-kaa nuu a ŋɔƃála-ŋai mɛi kâa lai. Berei máŋ díkaa la kwa kôya ma vɛ̃ɛ-kpâlaŋ sui, lɔii lɛ́lɛɛ káa díkɔlɛ ma. Tɔɔ dí lí dísee Basãŋ da Gilia lɔii lɛ́lɛɛ-ŋai ma yɛ̂ɛ berei dí wɔ́lɔ gɛ̀ lai.

Lonon mo 21:32

Nya ƃe Mose è mɛni maa-kpɛɛ-ƃela tɛ̀ɛ Zazɛ-taai su. Dí daai ŋí sìɣe da gɔlɛ ma taa-ŋai, dí Amora-ŋai kɛ̀ daa-ŋai tí sui kélee kpɛ́.

Lonon mo 32:2

dí lì Mose da zâla láa-soŋ-nuui Ilieza pɔ́ é pɛ́lɛ Eezuɛ-ŋai túɛ ƃelai kpéli-ŋai dîa.

Lonon mo 32:26

Kúnîa-pɛlɛɛi, kúnɛyâai da kúƃala-ŋai da kúniŋa-ŋai da pâi lɛɛ̂i ƃɛ́ Gilia taa-lee-ŋai su.

Lonon mo 32:3

Dí mò dîa dîyɛɛi, “Atalo, Dibɔŋ, Zazɛ, Nimela, Ɛsibɔŋ, Ilealɛ, Sibaŋ, Nebo da Beɔŋ lɔii,

Lonon mo 32:35

Ato-sofaŋ da Zazɛ da Yogbɛɣa,

Dutɛrɔnome 33:21

È ǹɔii gwaa lɛ́lɛɛ ma sìɣe zu, kpɛ́ni fêi dínuu láa túɛ-ƃelai láa mîi tɛ̀ɛ dípɔ. Da kâa Yâwɛɛ ŋɔtɔ̂ŋ-ŋai mɛi kâa. Tãi Eezuɛ láa túɛ-ƃelai da kâa díŋaa tɛ̀ la díkîe mai, Gâa ŋɔsuui su-ƃelai da kâa mɛ̀nii kɛ̂ Yâwɛɛ è kɛ̀ ŋ̀wɛ̂lii pere sîi sãa su.”

Zasua 13:25

Gâa-ŋai dílɔii è Zezɛ lɔii sîɣe, Gilia taa-leei kélee da Amɔŋ-ŋai dílɔii gbua, é tóo Ɛroɛ, nyíi gáa Laba vóloi kulâi-perei,

Zasua 22:13

Nya ƃe Eezuɛ-ŋai dí Elieza ǹóŋ Finea nyíi kɛ̀ a zâla láa-soŋ nuui tɛ̀ɛ Gilia lɔii su, Lubiŋ, Gâa da Manasɛ ŋɔsuui su nuu kpului dɔnɔ pɔ́ naa.

Zasua 22:9

Nya ƃe Lubiŋ da Gâa dísuui su-ƃelai da Manasɛ ŋɔsuui su nuu kpului dɔnɔ dí li pôlu dípɔ-taai Gilia. Dí díƃarâa Eezuɛ-ŋai lɛ̀ɛ Silo taa-leei su Keena lɔii ma dí lí Gilia lɔii ma nyíi Mose è ǹaa tɛ̀ɛ dípɔ yɛ̂ɛ berei Yâwɛɛ è mò la dîa Mose sârai.

Zɔ̂ŋ Maa-ŋuŋ 2:16

Kpɛ́ni fêi, sɛŋ kélee gáa ŋ̀éniɛi sui, núu kpono ŋɔsɛŋ-wɛliɛ, núu ŋ́ɛi ŋɔsɛŋ-wɛliɛ da fulu-laa maa-yoŋka-teɛɛ dífe kula ni Nàŋ-nuui yêei, kɛ́lɛ, díkaa a ŋ̀éniɛi su-sãa.

Nwun mąąɓo 5:16

Lé ƃé gɛ̀ díkɛ lɛ̀ɛ pôlu m̀ála-ŋai kɔlɛi? Káai a Lubiŋ suui su-ƃelai ká lɛ̀ɛ m̀ála konaŋ kɔlɛ lé mɛni ma? Ká lɛ̀ɛ naa a gɛ́ɛ m̀ála mɛi káa-ƃelai da kɛ̀ m̀ála-ŋai tôlii ká kɛ́ díwoo mɛ̂ni? Tɔ̃yâ ma Lubiŋ suui su-ƃelai díkɛ̀ a díŋaa kɔlɛɛ. M̀ɛni ƃé dí fé pɔri ní pâi la.