Lonon mo 20:15 - Bible

¹⁵ Í gɔ́lɔŋ máŋ berei kúnuu-pɔlɔ-ŋai dí lì la Ize lɔii su ƃɛ́i kwa dîa-ni kú kóraŋ támaa kɛ̀ naai. Kɛ́lɛ Ize-ŋai dí kúsòŋ a nyɔ́mɔɔ kwa kúnuu-pɔlɔ-ŋai.

Yálá laawoo hɛɓɛ (dc)

¹⁵ Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Yálá laawoo hɛɓɛ

¹⁵ Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Lonon mo 20:15 ပူးပေါင်းရင်းမြစ်များ

Zɛnɛse 15:13

Nya ƃe Yâwɛɛ è mò Eberaŋ ma ǹyɛɛi, “Dɔ̃yâi ŋí kɔ́lɔŋ a gɛɛ ísuui su-ƃela da pâi kɛ̂i a ŋɔ̃ya-ŋa lɔii da su nyii vé a dípɔɔi. Da pâi kɛ̂i naa a luɛ-ŋa. Da pâi dímɔ̃lɛi naa kóraŋ ŋuŋ náaŋ (400) yée mu.

Zɛnɛse 46:6

Dí lì a dítaa-tulɛ-ŋai Ize lɔii su da díkɔ̃liŋ kélee nyii-ŋai dí zɔ̀lɔ ƃô Keena lɔii sui. Zeeka è lì a ŋɔnúu-suui kélee.

Zɛnɛse 46:7

È lì a ǹônii-sinaai, ǹônii-sinaai díwɔ lonii-sinaa, ǹônii-nɛyãai, nyíti-ŋai díwɔ̂ lonii-nɛyãai da ŋɔnuu-suui kélee.

Samia Veerɛi 12:18

Ŋ̀ele kûui ǹɔ́ɔlu mɛi feerɛ ɣelei ǹolôŋ è sàa. Deeƃé yée-mu-ƃelai dí kɛ̀ yaôi a gɛ́ɛ dí ǹolôŋ saa tuŋ too ma. Dí mò dîyɛɛi, “Ka gáa, ǹolôŋ kɛ́ɛ kɛ̀ a vúlu kú lòno bɔ́ vé ŋ̀óli tɔ̀ɔ ní kûa, kwa pâi ǹolôŋ saa tuŋ too pere kɛ̂i léŋ ma? Kwà gɛ̀ tí, ɣele da a pâi mɛni ŋánaa kɛ̂i a gbîŋ.”

Lɛɛ gbɔwɔ ɓa 1:16

“Tãi kà lí la a gɛɛ ká Ibulu nɛnî kélee da maa fúloŋ, ǹolôŋ a kɛ̀ a surɔ̂ŋ-loo ka baa. Kɛ́lɛ, a kɛ̀ a nɛnî-loo, ka fé bàa”

Lɛɛ gbɔwɔ ɓa 1:22

Nya ƃe è mò ŋɔnûai kélee dîa ǹyɛɛi, “Ibulu-ŋai kélee da a lóŋ-surɔ̂ŋ maa sɔlɔ ƃô ka bili Ǹâai Ya-leei su. Kɛ́lɛ, ka dílônii nɛyãai kélee lɛ́ɛ a dífulu.”

Lɛɛ gbɔwɔ ɓa 12:40

Tãi Eezuɛ-ŋai dí gɛ̀ Ize lɔii sui è kɛ̀ a kóraŋ ŋuŋ náaŋ pôlu buu saaƃa (430).

Lɛɛ gbɔwɔ ɓa 5:14

Díi mɛi-ƃelai nyii-ŋai Gâloŋ è díkɛ̀ Eezuɛ-ŋai mɛi, da díyee mu-tii-kɛ ƃelai nyii-ŋai dia máŋ dí dípù Eezuɛ-ŋai mɛi, dí dímarê kɛ́ dîyɛɛi, “Bɔ̂rɔ kanei ka gbɛtɛ fólo mai, káfe sâa gbɛ̀tɛ ní lé mɛni ma?”

Lonon mo 11:5

Ǹyɛ̃ɛi kú kɛ̀ miî Ize lɔii su kpɛ́ni-kpɛnii, nàa káa kúkili ŋá. Kilikɛmai, wata-melɔŋ, gɔ̂ne-yaƃai, da gwii-yaƃai é pɛ́lɛ zãâi nyii-ŋai dîa da mii-sɛŋ kúŋ nɛɛi dímaa mɛni káa kúkili ŋá.

Lonon mo 16:13

Kúkulâi í mò mii-sɛŋ kpɛtɛ-lɔii lɛ́lɛɛi su í pá a kúa ƃɛ́ vɛ̃ɛ-kpâlaŋ su a gɛɛ í kúpaâi gáa a mɛni-loŋ, a gɛɛ í íkpîŋ kɛ́ a kâloŋ kúmɛi?

Lonon mo 20:14

Mose kɛ́ɛ Kedɛi, è kéla-ŋa tɛ̀ɛ Idɔŋ kaloŋ pɔ́ naa. Dí mò ma díyɛɛi, “Eezuɛ-ŋai nyii-ŋai díkaa a íkaa-yɔɔ-ŋai dí worɛ-woo ká ŋí. Í gɔ́lɔŋ berei kú tɛ̀ɛ la mɛni-kpɔlu támaa sui.

Lonon mo 20:16

Ǹyaŋ tãi kú wɔ̀lɔ la Yâwɛɛ ma a gɛɛ é kpɔ́ŋ kûai, è kúwoo mɛ̀ni é ŋɔkélai tɛ́ɛ nyii kúkùla Ize lɔii sui. Ǹyaŋ kúkaa nâa ƃɛ́ Kedɛ taai su ílɔii koyaŋ ma.

Gɛlaɠaa 7:15

Nya ƃe Zeeka è lì Ize, é sáa naa da kúnâŋ-ni.

Gɛlaɠaa 7:19

Gâloŋ ŋí è ŋ̀wana-lɔ̂ɔ tua tee-tèe kɛ̀ a kúsuui su-ƃelai. È tùa a kúnâŋ-ni a nyɔ́mɔɔ, é díkɛ a gɛ́ɛ dí dílônii kɔatara-ŋai kɛ́ díŋuŋ lá é píli a gɛ́ɛ dífe kɛ̀ ɣele ma.

Dutɛrɔnome 26:6

Kɛ́lɛ ǹɔii tí su-ƃela dí kúsòŋ a nyɔ́mɔɔ. Dí gɛ̀ kú tíi kpânaŋ-ŋa kɛ́ kú mɔ̃lɛ a zu kôyaa.