Lonon mo 16:46 - Bible

⁴⁶ Mose è mò Eelɔŋ ma ǹyɛɛi, “Íŋɔŋ-siɣe-sɛŋ-foloi síɣe í ŋɔŋ kula ŋ̀âla-teƃelai ma í bú zu í kéreŋ-sɛŋ kúŋ nɛ̃ɛ pú ŋá í lí la Eezuɛ-ŋai pɔ́ naa a maa félaa í dísɔnyɔ̂ŋ maa sâla kula. Kpɛni fêi, Yâwɛɛ a ǹíi ŋwána. Ǹyaŋ zaa-kɔlɔ-felai a nâa pâi.”

Lonon mo 16:46 ပူးပေါင်းရင်းမြစ်များ

Kɔlɔnikɔ Maa-ŋuŋ 27:24

Zoa nyíi dakâa kɛ̀ ǹee ma Zerusi è wɔ́lɔ kɛ̀ gbakolo-ŋai lônoi, kɛ́lɛ vé kpɛɛ-ni dílonoɔɔ ma kpɛ́ni fêi Ɣâla è wɔ́lɔ ǹíi wàna Eezuɛ-ŋai dîa ǹúu lóno mɛnii ŋí ma. Mɛni ma dífe wɔ́lɔ ǹúu lóno mɛnii ŋí pɔ̃yɛ-ni Gâloŋ Deeƃé ŋɔkâloŋ kɔlɔi su.

Mąątɛ̨nɛ̨ 106:29

Dí Yâwɛɛ líi tòo pôlu a dítûa pere sii ŋí. Nya ƃe è ǹíi ŋwàna é kɔlɔ-fela nyɔ́mɔɔ píli dísama.

Mąątɛ̨nɛ̨ 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Levetekɔ 10:6

Mose è mò Eelɔŋ ǹônii Ilieazɛ da Itama-ni dîa ǹyɛɛi, “Káfe káŋuŋ leɣa lɛ̀ɛ a gbiniŋ-kpiniŋɔɔ kpaa máŋ ká káseɣe-ŋai fála yɛ̂ɛ ka kɛ̀ malôŋ see ƃoi. Ka gɛ̀ tí ka pâi saâi. Ǹyaŋ Yâwɛɛ líi a pâi ŋwanâi Eezuɛ-ŋai kélee dîa. Kɛ̀lɛ Eezuɛ ƃelai kpéli-ŋai da pɔ̂ri ŋɔŋ saai ŋí maa wɔ̂lɔ kɛ̂i nyii Yâwɛɛ a dooi.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Habakukə 3:5

Kɔlɔ-fela-ŋa díkaa dúɛ pere, saa kɛ́ ƃò bólu pere.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Lonon mo 1:53

Kɛ́lɛ Livai-ŋai nɔ́ ƃa pɔ̂ri díƃûui tînanii zua kɔlɔ seɣe pɛrɛ maa waai ma, dí mɛi káa a gɛɛ núu da fé la pá la naa é ŋ́gɛ ńii é ŋwána Eezuɛ-ŋai dîa.”

Lonon mo 11:33

Zuai kɛ́ɛ niî ǹûai lá dífe niî kpɛɛ ní a miɛɛi, Yâwɛɛ è níi ŋwàna dîa é saa-kɔlɔ-fela pili dîa.

Lonon mo 18:5

Ílônii nɔ́ ƃé ka dîa-ni ká zua kɔlɔ seɣe pɛrɛ maa waai mu-tii-ŋai kɛ́ é pɛ́lɛ ŋ̀âla-teƃelei maa-tii-ŋai dîa a gɛɛ ńii fé ŋɔ́nɔ ŋwàna Eezuɛ-ŋai dîa.

Lonon mo 25:13

Ǹyaa da ŋɔsuui su-ƃelai da pâi kɛ̂i a sâla-laa soŋ-ƃela wɔ́lɔ-wɔlɔ da wɔlɔ-wɔlɔ. Kpɛni fêi, vé fáa ní ma a gɛɛ ǹûai dí ɣâla da kpɛ́ni tɔ́ɔ ńduɛ. È Eezuɛ-ŋai dísɔnyɔ̂ŋ su-mɛni-lɛɛ maa-sala kula.”

Lonon mo 25:8

é pílaŋ la Eezuɛ-nuui pôlu ŋɔsua kɔlɔ seɣe pɛrɛi mu é dífeerɛŋɔɔ dísɔɔ a gbalai. Mɛnii ŋí ƃé gɛ̀ zaa-kɔlɔ-felai kɛ́ kpèra Eezuɛ-ŋai sáma.

Lonon mo 8:19

Ŋa Livai-ŋai kúla Eezuɛ-ŋai sáma ŋa dítɛɛ Eelɔŋ pɔ́ da ǹônii a gɛɛ dí tíi kɛ́ Eezuɛ-ŋai dîɛ Zua kɔlɔ seɣe pɛrɛ maa waai mu, a gɛɛ ŋɔ́nɔ dí sâla kula Eezuɛ-ŋai dísɔnyɔ̂ŋ su-mɛni-lɛɛ mɛni ma, a gɛɛ da lɛ̀ɣɛ Zua kɔlɔ pɛrɛ maa waai kɔlɛ mɛni nyɔ́mɔɔ fé díkɛ̀.”

Dutɛrɔnome 9:22

“Ká gɛ̀ Yâwɛɛ é ǹíi ŋwána máŋ Tabɛra, Masa da Kibiro ǹyéei ma.