Lonon mo 16:40 - Bible

⁴⁰ Nyíŋi è kɛ̀ a kili-too-ŋa Eezuɛ-ŋai mɛni ma a gɛɛ diai kélee dífe a Eelɔŋ ŋɔsuui dai dífe pà ŋ̀âla-teƃelei ma kéreŋ-sɛŋ kúŋ nɛ̃ɛ kêrenii Yâwɛɛ mɛni ma. À kɛ̀ tí m̀aa-nuui su a pâi karâi yɛ̂ɛ Koa da ŋɔnûai. Mɛni-ŋai ŋí kélee è kɛ̀ yɛ̂ɛ berei Yâwɛɛ è mò la Ilieza ma Mose sârai.

Lonon mo 16:40 ပူးပေါင်းရင်းမြစ်များ

Mąątɛ̨nɛ̨ 115:10

Káai a Ɣâla ŋɔsâla láa soŋ-ƃelai, ka láa a Yâwɛɛ. A kpɔŋ kâa, gɛ́ kámaa kɔ̃̂ɔ.

Izikiɛ 40:46

Nyii ǹá kulâai yá-ŋua perei gáa a zâla-laa-soŋ-ƃelai nyii-ŋai da tíi kɛ̀ ŋ̀âla-teƃelei mai pɔ́ɔ. Ǹûai ŋí ƃé díkaa a Zadɔɔ ǹônii-sinaai nyii-ŋai díkaa a Liva ǹônii-sinaai sáma nyii-ŋai nɔ́ ƃé da pɔ̂ri pâi Yâwɛɛ ŋɛ́i-tuɛ a gɛɛ dítii kɛ́ mì.

Izikiɛ 43:19

Ńyãai a Ŋ̀wála-wâla kélee Yâwɛɛ ŋa môi yâ a gɛɛ zâla láa-soŋ-ƃelai nyii-ŋai díkaa a Liiva ŋɔsuui su-ƃelai nyii-ŋai díkaa a Zadɔ ǹônii dîa nɔ́ ƃé dí pá ŋɛ́i-tuɛ a gɛɛ dítii kɛ́ ḿî. Ka niŋa sîrɛ-loŋ tɛɛ dí pɔ́ a gɛɛ dí sɔnyɔ̂ŋ-sala kula la.

Levetekɔ 22:10

“Ǹúui vé a zâla láa soŋ-ƃelai dísuui su nuui dai vé zama-sãa maa waai da mîi. Zâla láa soŋ-ƃelai da ŋɔŋɔ̃ya kpaa máŋ ŋɔtíi kɛ́ nuu da fé zama-sãai maa waai da mîi.

Lonon mo 1:51

Livai-ŋai nɔ́ ƃa pɔ̂ri ŋásua kɔlɔ seɣe pɛrɛ maa waai pîlanii dí gula. Núu da kpɛ́ni kélee à lɛ̀ɣɛ ŋásua kɔlɔ seɣe pɛrɛ maa waai kɔlɛ, maa-nuui a pâi sâai.

Lonon mo 16:39

Nya ƃe zâla-laa-soŋ-nuui Ilieza è ŋɔŋ-siɣe sɛŋ-folo-ŋai sìɣe é díɣale a m̀éla-ŋa a gɛɛ dí kɛ́ a ŋ̀âla-teƃelei mɛi-pɛlɛ-sãa.

Lonon mo 3:10

Eelɔŋ lɛ́ da ǹônii a gɛɛ dí zâla-laa soŋ-tii kɛ́. Kɛ́lɛ núu da kpɛ́ni kélee à lɛ̀ɣɛ naa, maa-nuui a pâi saâi.”

Lonon mo 3:38

È kɛ̀ a sɛŋ a gɛɛ Mose da Eelɔŋ é pɛ́lɛ Eelɔŋ ǹônii-sinaaai dîa dí díƃûui tɔ́ɔ Zua kɔlɔ seɣe pɛrɛ maa waai ŋɛ́i-tuɛ vóloi kulâi-pere. À kɛ̀ núu da kpɛ́ni kélee a lɛ̀ɣɛ naa, da pâi maa-nuui tí paâi.

Hebreu 5:4

Núu fa ƃâa kɛ̀ gbɔɔ̂i ḿâ, kɛ́lɛ, Ɣâla ƃa dòli yɛ̂ɛ berei è Eelɔŋ tòli lai.

Zasua 4:7

Gɛ̀ ní, ka pâi m̀ôi dîa a gɛ́ɛ Zɔdiŋ Ya-leei su è tèe káperêi ká tɛ́ɛ naa lɔii kpâla ma a Yâwɛɛ ŋɔkɔno-tee gãlai. Mɛni ma, gɔni-ŋai ŋí da pâi kɛ̂i a kili-too ŋ̀á sɛŋ Eezuɛ-ŋai mɛni ma wɔ́lɔ-wɔlɔ da wɔ́lɔ-wɔlɔ.”

Zûu 1:11

Kpalo ƃélaâi dîa! Kpɛ́ni fêi, da sîa a Kîŋ ŋɔperei, díkɛ sɔnyɔ̂ŋ kɛ̀ sɛŋ-kao mɛni ma yɛ̂ɛ Beelaŋ. Dí tɔ̀ɔ mà yɛ̂ɛ berei Kora è gɛ̀ lai. Ǹyaŋ dí sàa nɔ́ yɛ̂ɛ berei è sàa lai.