Lomaŋ 8:28 - Bible

²⁸ Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Yálá laawoo hɛɓɛ (dc)

²⁸ Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Yálá laawoo hɛɓɛ

²⁸ Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lomaŋ 8:28 ပူးပေါင်းရင်းမြစ်များ

Zɛnɛse 50:20

Ká mɛni nyɔ́mɔɔ kpɛ̀tɛ ḿɛni ma. Kɛ́lɛ Ɣâla è bène a mɛni lɛ́lɛɛ a gɛɛ tãi ŋí su nûa támaa dífulu-laai é lɛ́ɛ díyêei ńzârai yɛ̂ɛ berei gáa la sâai.

Samia Veerɛi 16:12

Ɣele da Yâwɛɛ a pâi ŋámɛnii kpɔ̂lui kâai é mɛni lɛ́lɛɛ kɛ́ mî ǹónoi a gɛ̂i ḿâi m̀ɛni ma.”

Nehemi 1:5

Ŋá mò ńyɛɛi, “Óo Yâwɛɛ Ɣâla, yái íkaa Ɣâla-taai, yá ƃa ŋ̀wála-wala kélee Ɣalai. Ǹyaŋ fɛ̂ɛ núu kélee dí ƃaa kɛ́ maa tɛ́ɛ ípɔ. Ƃa íkono têei ŋàa sèe kɛ̀ ǹúui kélee yêei í ŋwɛ́li ní gɛ́ íwoo mɛni, gɛ́ í tɔ̂ŋ-ŋai mɛi kâai.

Mąątɛ̨nɛ̨ 69:36

Ǹɔii a pâi lɛɛ̂i a dílônii pɔ́ɔ, da diai dí ŋ̀wɛ̂li níi da dia-ni dí ƃò naa.

Lɛɛ gbɔwɔ ɓa 20:6

Kɛ́lɛ ŋa wála támaa malôŋ káa diai da ŋ́wɛ̂lii dí ŋatɔ̂ŋ-ŋai mɛi káai.

Ɉeremi 51:29

Ǹɔii è kpɛ̃liŋ kpɛ́ni fêi, Yâwɛɛ a ŋɔmɛni kpɛtɛɛ ŋa-see kɛ̂i a gɛɛ é Babelɔŋ kɛ́ yɛ̂ɛ fɛ̃ɛ-kpâlaŋ su ƃɛ́i fúlu-sɛŋ da fa pɔ̂ri kɛ̂i naai.

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”

Markə 12:30

Ínuu-namu Ɣâla wɛ́li a ílii kélee, ímɔ̂leŋ kélee, íkili kélee, da íwala-wala-laai kélee.’

Gɛlaɠaa 13:48

Zɛ̃tai-ŋai kɛ́ɛ da nyíŋi mɛ́nii, dílii è nɛ̃ɛ, dí Kúnuu-namui ŋɔwóoi ŋɔfólo-laai maa tɛ. Diai kélee è kɛ̀ a sɛŋ a gɛ́ɛ dí ŋ̀wɔ́lɔ-wɔlɔ fulu-laai sɔlɔ ƃoi, dí làa la.

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Lomaŋ 8:30

Diai e dísèe díŋuŋ ŋá a maa-ŋuŋ e dítoli máŋ; diai e dítòlii, e díkɛ̀ a tɔ̃yâ-ƃela; diai e díkɛ̀ a tɔ̃yâ-ƃelai, e folo-laa tɛ̀ɛ dípɔ máŋ.

Lomaŋ 9:11

Berei máŋ dífe niî kɛ̀ nîa-pɛlɛɛi maa sɔlɔ ƃo ni lai, ǹyaŋ nîa-pɛlɛɛi kpîŋ dífe niî kɛ̀ mɛni lɛ́lɛɛ kpaa máŋ mɛni nyɔ́mɔɔ kɛ́ níi, Kúnuu-namui e mo Lubɛkɛ ma, “Nìa-nuui a pâi tíi kɛ̂i ǹeɣe-nuui mi.” Ɣâla a pâi kɛ̂i nɔ́ niî núu lɛ̂i yɛ̂ɛ berei a ŋ̀wɛ̂lii lai. Ve pâi dílɛ̂i díkɛ-mɛni ma, kɛ́lɛ, a pâi dílɛ̂i nɔ́, kpɛ́ni fêi, a dítoli.

Korɛntə dɔlɔɔ 1:2

Ɣâla-toli-kpɔŋ gáa Kɔleŋ da diai dímaa waai Zîsɛ Kôrai kponôi, e pɛlɛ diai kélee dîa díkaa kwaa kélee mai Ɣâla e dítòli a Ɣâla-ƃela gîe ma dí Kúnuu-namui Zîsɛ Kôrai láa tóli nyíi gáa a kwa dîa-ni Kúnuu-namui:

Korɛntə dɔlɔɔ 1:24

Kɛ́lɛ, Zûu-ŋai da Gurii-ŋai nyíi-ŋai Ɣâla e dítòlii, Kôrai káa díŋɛi a Ɣâla ŋɔwála-walai da ŋɔtárei.

Korɛntə dɔlɔɔ 1:9

Ɣâla sã́âi, nyíi kátòli Ǹóŋ Zîsɛ Kôrai Kúnuu-namui ŋɔkɛ-naai sui.

Korɛntə dɔlɔɔ 2:9

Kpɛ́ni fêi, yɛ̂ɛ berei bɔ̃yɛɛ̂i lai, “Mɛnii nuu ŋɛi fe niî gáa ni, kpaa máŋ núu wóli fe niî mɛni ni, kpaa máŋ ve niî lɔ ni núu líi su, mɛnii Ɣâla a gbɛtɛ diai dí ŋ̀wɛ́li ni dímɛni mai,”

Korɛntə veelɛ 5:1

Ku gɔ́lɔŋ a gɛ́ɛ à kɛ̀ ǹɔii ŋí su-pɛrɛi kúkaa mui garâi, pɛ́rɛ káa kúyêei é kúla Ɣâla yêei, nyíi gáa a pɛ́rɛ dífe dɔɔ ni a díyêei. Gáa a wɔlɔ-wɔlɔ-pɛrɛ Ɣâla-taa.

Galatə 1:15

Kɛ́lɛ, tãi ǹúui ńzee dí lɛ́ɛ pâi ḿaa sɔlɔ ƃôi, e ńdòli la ŋɔƃɛlɛ-sêei sârai,

Galatə 1:6

Gulâi a ńyãa a gɛ́ɛ kákaa káyee kulâi Kôrai mu a maa félaa nyíi kátòli ŋɔƃɛlɛ-sêei sui, kakɛ tinaŋ tuŋ da kpɛni pɔ naa-pere

Galatə 5:8

Nia-woo-sii ŋí fé kúla ní ǹúui yêei kátolii.

Ifisiɛŋ 3:11

Nyíŋi è kɛ̀ yɛ̂ɛ berei Ɣâla ŋɔwɔlɔ-wɔlɔ mɛni-kpɛtɛɛi káa la nyíi e gɛ̀ Kúnuu-namui Zîsɛ Kôrai sârai,

Ifisiɛŋ 4:1

Mɛni ma ńyãai ŋ́gaa a pelesinɛ Kúnuu-namui mɛni mai, ŋá m̀ó káa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Dutɛrɔnome 6:5

Ka ŋ̀wɛ́li a kálii kélee, kámɔlêŋ kélee da káwala-walai kélee.

Dutɛrɔnome 8:16

È mana nyii kánûa-pɔlɔ-ŋai dífe kɛ́ ní a gɔlɔŋɔɔi tɛ̀ɛ kápɔ ká mii vɛ̃ɛ-kpâlaŋ su. È su-kɔɔŋ kpanaŋ tɛ̀ɛ ká pɔ a gɛɛ ǹaa a kɛ̀ tí é lûwa láa kâa, é mɛni lɛ́lɛɛ kɛ́ kâa.

Filipə 3:14

Ŋa kɔ̂i a gɛ́ɛ ŋa seri mɛnii ma gáa ŋ́gili ŋái, a gɛ́ɛ ŋa maa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Tɛsalonikə dɔlɔɔ 5:9

Kpɛ́ni fêi, Ɣâla fe niî gbɛtɛ ni kúmɛni ma a gɛ́ɛ kulii-ŋwana sɔlɔ ƃo, kɛ́lɛ, a gbɛtɛ kúmɛni ma a gɛ́ɛ ku ƃalo-laa sɔlɔ ƃó Kúnuu-namui Zîsɛ Kôrai sârai,

Timote veelɛ 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, e gɛ̀ a gbîŋ-nia-mɛnii ŋɔwála-walai da m̀ɛlɛ-seei nyíi e dɛ̀ɛ kúpɔ Zîsɛ Kôrai kponôi a tãi su kôya.

Timote veelɛ 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Hebreu 9:15

Mɛni ma, gáa a gbanaŋ-woo-kɛɛ ninai tɛɛ-nuu, a gɛɛ diai a dítôlii, dí ŋwɔlɔ-wɔlɔ pɔɔ-sɛŋ sɔlɔ ƃó nyíi Ɣâla è góno tèe la díyêei. Kpɛ́ni fêi, saa-mɛni a pá nyíi a díkula dísɔnyɔ̂ŋ-ŋai su nyíi kɛ̀ gbanaŋ-woo-kɛɛi maa-ŋuŋ mui.

Zĩi 1:12

Lûwa káa ǹúui ma a ǹíi kpèle su-kɔɔŋ yêei, kpɛ́ni fêi, à tɔ̀ɔ zu-kɔɔŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli ni.

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Piɛrə dɔlɔɔ 3:9

Káfe mɛni nyɔ́mɔɔ su tòo a mɛni nyɔ́mɔɔ, kpaa máŋ ka larâŋ pɔ́ɔ kúla a larâŋ. Kɛ́lɛ, nyíi ka pɔ̂ri gɛ̂i, ǹyaa ƃa ká lûwa láa mà, kpɛ́ni fêi, da kátoli nyíŋi ma, a gɛɛ ká lûwa sɔlɔ ƃó.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

Zɔ̂ŋ Maa-ŋuŋ 4:19

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

M̀ɛni-lɛɛi 3:19

Diai ŋa díwɛli níi, ŋa lôno dîa ŋá tɔ̂ŋ kpɛ́ dîa; mɛni ma kpanaŋ í ílii pene.