Lomaŋ 8:2 - Bible

² Kpɛ́ni fêi, vulu-laa-Mɔleŋ ŋɔtɔ̂ŋ, nyíi a fulu-laa tɛ̀ɛ Zîsɛ Kôrai sârai, a ŋ́uŋ ma ƃo sɔnyɔ̂ŋ ŋɔtɔ̂ŋ yêei da saa.

Yálá laawoo hɛɓɛ (dc)

² Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Yálá laawoo hɛɓɛ

² Mąąhɔlɔɓo, Nįį nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lomaŋ 8:2 ပူးပေါင်းရင်းမြစ်များ

Mąątɛ̨nɛ̨ 51:12

Ǹíi nɛ̃ɛ̂i nyii a kûla íƃalo-laai sui tɛ́ɛ mî ḿbɔ. Ŋ́gili kúla a gɛɛ ŋá íwoo ŋàa sèe kɛ́.

Izikiɛ 1:21

À kɛ̀ goôŋ-sãa náaŋ da kɛ̀ liî, gáraŋ náaŋ-ŋai dia máŋ da kɛ̂ liî. Goôŋ-saa náaŋ da kpèra, gáraŋ náaŋ-ŋai dia máŋ da kpêra. Goôŋ-sãa náaŋ-ŋai da tɛ̀ ŋ̀elei-su, gáraŋ-ŋai dia máŋ da tɛ̂ ŋ̀elei-su. Kpɛ́ni fêi goôŋ-sãai dímɔ̃leŋ è kɛ̀ gáraŋ su.

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Ɉaan 6:63

M̀ɔlêŋ ƃe a fulu-laa tɛ̀ɛ, sɛŋ da fe lúu su; ŋ̀óo-ŋai ŋa m̀ó kâai, gáa a mɔ̂leŋ da fulu-laa.

Ɉaan 8:32

Ǹyaŋ ka pâi dɔ̃yâi kɔ́lɔnîi, dɔ̃yâi ǹyaŋ a pâi káŋuŋ ma ƃôi.”

Ɉaan 8:36

Gɛ̀ ní, à kɛ̀ Nòŋ-nuui à káŋuŋ ma ƃò, ka pâi kɛ̂i a káŋuŋ ma ƃóɔ.

Lomaŋ 16:3

Ka kála ti Purisela ma da Akoila, nyíi-ŋai díkaa a ḿarâa-tii kɛ-ƃela Kôrai kponôi,

Lomaŋ 3:27

Gɛ̀ ní lé ƃa kwa maa yoŋka têei? Sapoi ƃa lé nyíŋi mɛni ma? Zu-kulâi ƃa kwa dɔ̂ŋ da mɛi kâa? Kpao, kɛ́lɛ, a gɛ́ɛ kwa laa-la.

Lomaŋ 5:21

Yɛ̂ɛ berei sɔnyɔ̂ŋ a saa kɛ̂ la núu kélee pôlui, bere nɔ́ ƃe máŋ m̀ɛlɛ-seei a tíi kɛ̀ la tɔ̃yâ laa-la sârai wɔ́lɔ-wɔlɔ fulu-laa mɛni ma Kúnuu-namui Zîsɛ Kôrai sârai.

Lomaŋ 6:14

Káfe ǹɛɛ naa sɔnyɔ̂ŋ ŋɔwála-walai fé kɛ̀ kámɛi, tãi nɔ́ káfe la tɔ̂ŋ mu, fɛ̂ɛ m̀ɛlɛ-seei.

Lomaŋ 6:18

Ka nâa kula sɔnyɔ̂ŋ ŋɔluɛ-laai su, ka kɛ́ a tɔ̃yâ laa-la ŋɔluɛ-ŋa.

Lomaŋ 6:22

Kɛ́lɛ, ká nâa kùla sɔnyɔ̂ŋ ŋɔwála-walai mu ka kɛ́ a Ɣâla ŋɔnûa. M̀ɛni lɛ́lɛɛ ƃa ka nâa kɛ́ a Ɣâla pɔ́ɔ, nyaŋ mɛni lɛ́lɛɛi pâi kulâi nyíŋi su kámɛni mai nya ƃa wɔ́lɔ-wɔlɔ fulu-laai.

Lomaŋ 7:21

Mɛni ma ŋa gáa a gɛ́ɛ gáa a tɔ̂ŋ a gɛ́ɛ tãi ŋa kɛ̂ ŋ̀wɛ̂lii la ŋa mɛni lɛ́lɛɛ kɛ̂i, mɛni nyɔ́mɔɔ káa nɔ́ ŋ́gɔlɛ.

Lomaŋ 7:23

Kɛ́lɛ, ŋa tɔ̂ŋ da kpɛni kâa ŋ́gbonôi gɛ kɔ dɔ̂ŋ pɔ nyíi gáa ŋ́gili ŋái, nyíi a ŋ́gɛ̀ a luɛ a gɛ́ɛ ŋá kɛ́ sɔnyɔ̂ŋ ŋɔtɔ̂ŋ mu nyíi gáa ŋ́gbonôi.

Lomaŋ 7:4

Ŋánûa, ka kpera káɣeniɛi kɛ́ɛ ma dɔ̂ŋ mɛni ma a berei tɔnɔi ti Kôrai kponoi sârai, a gɛ́ɛ ká kɛ́ a núu da kpɛni pɔ́ɔ, nyíi Ɣâla e mu siɣe saa yêei, a gɛ́ɛ ku ƃá Ɣâla mɛni ma.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Korɛntə dɔlɔɔ 15:45

Mɛni ma bɔ̃yɛɛ̂i “Ǹúui maa-ŋuŋ da kɛ̂ ma Adaŋ è kɛ̀ a mɔ̂leŋ nyíi fulu-laa è kɛ̀ ǹyêei”. Kɛ́lɛ, Adaŋ gbɛɛ ŋái è kɛ̀ a fulu-laa tɛɛ-mɔleŋ.

Korɛntə veelɛ 3:17

Kúnuu-namui ƃa M̀ɔlêŋ, ǹyaŋ ƃɛi Kúnuu-namui Ŋɔmɔ̂leŋ káa naai, nàa ƃe ŋuŋ-ma-ƃo káa naa.

Korɛntə veelɛ 3:6

nyíi a kúkɛ kwa gula kɛ́ a gɛ́ɛ ku kɛ́ a kpanaŋ-woo kɛ́ɛ nina mɛi-ƃelai, ve a tɔ̂ŋ nyíi bɔ̃yɛɛ̂i, kɛ́lɛ, a kulâi M̀ɔlêŋ yêei; kpɛ́ni fêi, dɔ̂ŋ nyíi bɔ̃yɛɛ̂i a núu pàa, kɛ́lɛ, M̀ɔlêŋ a fulu-laa tɛ̀ɛ núu pɔ.

Galatə 2:19

Kpɛ́ni fêi, dɔ̂ŋ sârai kwa dɔ̂ŋ kúloai téɛɛ̂i a gɛ́ɛ ŋá kɛ́ ɣele ma Ɣâla maa-mɛni ma.

Galatə 5:1

Ŋuŋ-ma-ƃo-mɛni ma, Kôrai e kúŋuŋ ma ƃò; mɛni ma ka tɔɔ a gbanaŋɔɔ, káfè kɛ̀ ŋɔ́nɔ luɛ-laa ŋɔkpîri wiɛɛi mu.

Galatə 6:2

Ka kákîe-ni díkpîri wiɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Zĩi 1:25

Kɛ́lɛ, ǹúui a dɔ̃yâ-tɔŋ su kàa va kpera mai, nyíi gáa a ŋuŋ-maa-ƃo-tɔŋ, berei vé la a mɛni-nuui nyíi a niai, kɛ́lɛ, gɛ ƃo a maa-tii kɛ́-nuui, da pâi lûwa lâai ma ŋɔtûa-perei su.

M̀ɛni-lɛɛi 11:11

Kɛ́lɛ, ŋ̀ele-kûu saaƃa da gbûrai tɛ̂ɛ pôlu mà fúlu-laa-lɛwo è kûla Ɣâla yêei e lɔ díkponôi dí dímu sìɣe dítɔɔ díkɔɔ ŋá. Diai díkàai, díyao kpɔ́ a ŋánaa.

M̀ɛni-lɛɛi 22:1

Ǹaa kɛ́ɛ tíi, Ŋ̀âla-taa-kelai è vulu-laa ya-leei lɛ̀ mâ, gɛ̀ fólo yɛ̂ɛ gɔnii da kɛ̂ ma kɔlesetɔi, gɛ̀ kùla Ɣâla da M̀ála-loŋ díkâloŋ-see-sɛŋ ma.