Lomaŋ 8:11 - Bible

¹¹ À kɛ̀ ǹúui Zîsɛ mu siɣe saa yêei Ŋɔmɔ̂leŋ káa kákponôi, gɛ̀ ní ǹúui Zîsɛ Kôrai mu siɣe saa yêei a pâi máŋ fulu-laa tɛɛ̂i kákpono-saa-ŋai pɔ Ŋɔmɔ̂leŋ sârai nyíi gáa kákponôi.

Yálá laawoo hɛɓɛ (dc)

¹¹ Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Yálá laawoo hɛɓɛ

¹¹ Akɛ Yálá nwɔ Nįį ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Nįį ti ka hu, ɉáálai.

Lomaŋ 8:11 ပူးပေါင်းရင်းမြစ်များ

Azaya 26:19

Kúnûai nyii-ŋai da saai, da pâi dímu-siɣei saa yêei. Da pâi ŋɔ́nɔ kɛ̂i pôlu yɛ̂ɛ berei díkɛ̀ la a bɔlɔɔi. Da pâi dímu-siɣêi dí kúla m̀olôŋ su. Da kùla m̀oloŋ su, da pâi kɛ̂i lii-nɛ̃ɛ wule-ŋa toôi. Yâwɛɛ ŋɔkwaa ponoɔɔi a pâi dímaa ponôi yɛ̂ɛ nɛ̀ŋ a pù kala ŋûnu ŋá a ɣele-wala pɛpɛ.

Izikiɛ 37:14

Ŋa pâi ŋámɔ̃lêŋ pûi kákponôi kákɛ a ká fúlu. Ŋa pâi pâi a káa kákpɔɔi lɔii su. À kɛ̀ tí, gɛ̀ ni ka pâi gɔ̂lɔnii a gɛɛ ńyãa Yâwɛɛ ƃé mò tí, ŋá ŋa-see kɛ́.’ ”

Ɉaan 14:17

Ǹyaa ƃa Dɔ̃yâ-Mɔleŋ kpîŋ, nyii ǹɔii fa pɔ̂ri zɔlɔ ƃôi. Kpɛ́ni fêi, va gàa, kpaa máŋ é gɔ́lɔŋ. Kɛ́lɛ, ká gɔ́lɔŋ. Kpɛ́ni fêi, gáa kákɔlɛ ǹyaŋ a pâi kɛ̂i kákponôi.

Ɉaan 5:21

Kpɛ́ni fêi, berei nɔ Nàŋ-nuui a núu mu sîɣe la saa yêei, e fulu-laa tɛɛ dípɔi, berei nɔ ƃe Nòŋ-nuui ǹyaŋ a fulu-laa tɛ̀ɛ nyii kélee pɔ a ŋ̀wɛlii.

Gɛlaɠaa 2:24

Ɣâla è m̀u sìɣe saa yêei, kpɛ́ni fêi, saa fa pɔ̂ri kɛ̀ zonîi.

Lomaŋ 16:10

Ka kála tí Apɛ̂lɛ ma, nyíi a gbîŋ lɛ́ Kôrai mɛni mai. Ka kála tí diai dîa díkaa Alisitobulu ŋɔsuui sui.

Lomaŋ 16:3

Ka kála ti Purisela ma da Akoila, nyíi-ŋai díkaa a ḿarâa-tii kɛ-ƃela Kôrai kponôi,

Lomaŋ 16:7

Ka kála tí Ɛŋdulonikɔ ma da Zûnia, nyíi-ŋai díkaa a ŋánûai. Dí kɛ̀ a ḿarâa pelesinɛ-ŋa. Díkaa a nûa kpaya-kpaya zia-ƃelai sama. Dí kɛ̀ a Kôrai-ƃela ńduɛ.

Lomaŋ 16:9

Ka kála tí Ɔɔbânɔ ma, nyíi gáa a kúƃarâŋ-tii kɛ-nuu Kôrai kponôi da ŋáwɛli-kɛ-maa-nuui Siteezi.

Lomaŋ 6:12

Káfe nɛ̀ɛ naa sɔnyɔ̂ŋ è kɛ́ a kákponôi téniŋ tɔɔ-sɛŋ. Káfe nɛ̀ɛ naa sɔnyɔ̂ŋ é gɛ́ sɛŋ wɛli é tɛ́ɛ kálii pôlu a ŋ̀ánaa.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Lomaŋ 8:12

Mɛni ma, ŋánûa, kpa káa kûa, kúkpîŋ tua-perei ŋɔkpa fêi, a gɛ́ɛ kú tûa a kúkpîŋ tua-perei

Lomaŋ 8:2

Kpɛ́ni fêi, vulu-laa-Mɔleŋ ŋɔtɔ̂ŋ, nyíi a fulu-laa tɛ̀ɛ Zîsɛ Kôrai sârai, a ŋ́uŋ ma ƃo sɔnyɔ̂ŋ ŋɔtɔ̂ŋ yêei da saa.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Korɛntə dɔlɔɔ 15:16

À kɛ̀ saa-ƃela dífe pâi dímu siɣêi saa yêei, gɛ̀ ní Kôrai fe m̀u siɣe ni saa yêei.

Korɛntə dɔlɔɔ 6:14

Ɣâla e Kúnuu-namui mu siɣe saa yêei, ǹyaŋ a pâi kúmu siɣêi máŋ saa yêei a ŋɔwála-walai.

Korɛntə veelɛ 4:11

Kpɛ́ni fêi, tãi kúkaa la ɣele mai, kútɛɛ̂i saa pɔ Zîsɛ mɛni ma, a gɛ́ɛ ŋɔfúlu-laai e lɛ kúkponôi su nyíi a saai.

Korɛntə veelɛ 4:14

Ku gɔ́lɔŋ a gɛ́ɛ ǹúui Kúnuu-namui Zîsɛ mu siɣe saa yêei, a pâi kúmu siɣêi saa yêei máŋ kwa Zîsɛ-ni é pá a kúa kwa kaa-ni ŋ̀ɛi tuɛ.

Korɛntə veelɛ 5:4

Tãi kúkaa niî la bɛ́rɛi ŋí mui, kúkaa kúŋuŋ su-woo saâi a lii-sɛlɛŋ; zu-kulai fa kwa ŋ̀wɛ̂lii ku kúla mu, kɛ́lɛ, kwa ŋ̀wɛ̂lii ku kɛ́ pɛ́rɛ lɛ́lɛɛ mu é tɛ́ɛ nyíŋi ma, a gɛ́ɛ sɛŋ nyíi kélee a tɛ̂ɛi fulu-laa e zu kara.

Galatə 6:8

Kpɛ́ni fêi, núu a sɛŋ sí ŋɔkɛ-pere-nyɔŋ mɛni mai, a su-kara kùla ŋɔkɛ-pere-nyɔŋ su; kɛ́lɛ, núu a sɛŋ sí M̀ɔlêŋ mɛni mai, a wɔlɔ-wɔlɔ fulu-laa kùla M̀ɔlêŋ su.

Ifisiɛŋ 2:5

berei máŋ ku kɛ̀ a kúsaa la kútɔ̂ŋ karaai sârai. Ǹyaa ƃe kúkɛ̀ fulu-laa su kwa Kôrai-ni (ƃɛlɛ-sêe sârai ƃe ka ƃalo la),

Filipə 3:21

nyíi pâi kúkpono maa-yeŋɔɔ-ŋai kɛ̂i a gɛ́ɛ dí kɛ́ yɛ̂ɛ ŋɔfólo-laa-kponoi ŋɔwála-wâlai sârai nyíi a pɔ̂ri kɛ̂ mì a gɛ́ɛ é pá a sɛŋ kélee gbîŋ kpono mai.

Hebreu 13:20

Ǹii-see-Ɣalai nyíi Zîsɛ Kôrai kùla saa yêei é pá la pôlu a ŋwɔlɔ-wɔlɔ kpanaŋ-woo-kɛɛi maa-ŋãai, nyíi gáa a m̀ála-ŋai mɛi-kaa-nuu kɛ́tɛi,

Piɛrə dɔlɔɔ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sârai a gɛɛ kálaa-lai da kákili-kɛ-zui káa Ɣâla kponôi.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

M̀ɛni-lɛɛi 1:18

da gɛ-ɣele-ma-nuui. Ŋá sàa, ǹyaŋ gáa, ŋ́gaa a ḿvulu wɔlɔ-wɔlɔ da wɔlɔ-wɔlɔ. Saa da Saa-taa díkîi káa ńyêei.

M̀ɛni-lɛɛi 11:11

Kɛ́lɛ, ŋ̀ele-kûu saaƃa da gbûrai tɛ̂ɛ pôlu mà fúlu-laa-lɛwo è kûla Ɣâla yêei e lɔ díkponôi dí dímu sìɣe dítɔɔ díkɔɔ ŋá. Diai díkàai, díyao kpɔ́ a ŋánaa.