Lomaŋ 7:14 - Bible

¹⁴ Ku gɔ́lɔŋ a gɛ́ɛ dɔ̂ŋ a kûla M̀ɔlêŋ yêei; kɛ́lɛ, ŋ́gaa nɔ́ a núu-kpune. Dí ŋ́gɔ̀lɛ yɛ̂ɛ luɛ a gɛ́ɛ ŋá tíi kɛ́ sɔnyɔ̂ŋ mi.

Yálá laawoo hɛɓɛ (dc)

¹⁴ Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Yálá laawoo hɛɓɛ

¹⁴ Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Lomaŋ 7:14 ပူးပေါင်းရင်းမြစ်များ

Zɛnɛse 37:27

Ka pá kú gɔlɛ Isima-ŋai dîa. Kúfe kúyee pɛ̀lɛ mà, kpɛ́ni fêi, gáa a kúlêɣe, kú ƃô a kpono tɔnɔ.” Nya ƃe m̀arâai dí fàa ŋ̀óo mâ.

Zɛnɛse 37:36

Midiɛŋ-ŋai dí lì dí Zosɛ kɔ̀lɛ gɔkuluƃa-ŋai kɛ́ Ize kaloŋ mɛi kâai laa-tuɛ nuu kɛ́tɛi mâ Ize. Nalôŋ kpîŋ láa ƃe kɛ̀ a Potifa.

Zɛnɛse 40:15

Kpɛ́ni fêi, dí ŋ́ûma Ibulu-ŋai dílɔii su dí pá a ńyãa ƃɛ́. Ǹyaŋ fé mɛni nyɔ́mɔɔ da kɛ́ ní a gɛɛ da pɔ̂ri ḿbûi la kpíni-pɛrɛ mu.”

Tɔɔɓɛlaa dɔlɔɔ 21:20

Eɣa è mò Ilaiza ma ǹyɛɛi, “Gɛ̀ ní, ƃaâ ŋ́gaa ŋákpɔara-nuui!” Ilaiza ǹyɛɛ m̀ai, “Ŋaâ íkaa, kpɛ́ni fêi, ya fáa ma a gɛ́ɛ í mɛni nyɔ́mɔɔ kɛ́ a Yâwɛɛ.

Tɔɔɓɛlaa dɔlɔɔ 21:25

(Kpakolo ta fé wɔ́lɔ kɛ́ ní naa zɔŋ nyɔ́mɔɔ yɛ̂ɛ Eɣa. Ŋɔnɛnîi Zɛsebɛɛ è gɛ̀ é sɔnyɔ̂ŋ kpɛ́ɛ pôlu ŋánaa kɛ́ a Yâwɛɛ.

Tɔɔɓɛlaa veelɛ 17:17

Da kâa dílônii kùla máŋ a kéreŋ sala ŋâla-pɔkɔŋ-ŋai dîa. Dí kɛ̀ tɛli kpɛ̂i, dí kɛ́ lì tuɛ-mɛni ƃó-ƃela pɔ́naa. Eezuɛ-ŋai díkpîŋ tɛ̀ɛ mɛni nyɔ́mɔɔ kɛ́ mɛni ma nyii-ŋai díwɛli fé kɛ́ ní Yâwɛɛ mai. Dí gɛ̀ ǹíi é ŋwána dîa a ŋánaa.

Zôo 42:6

Maa mɛ̂ni ma, ŋâa nâa ŋ́oo síɣe pôlu. Ŋa ḿbôlu tɔɔ ńdûa-pere ma ŋa muluŋ da luu pú ŋûa a malôŋ-pere.”

Mąątɛ̨nɛ̨ 119:25

Kɔlɔ a kpɛɛ ḿâ, ŋ́gɛ ƃò lâani muluŋ su. Gɛ́ ŋá ḿu-siɣe yɛ̂ɛ berei í íkono tèe lai.

Mąątɛ̨nɛ̨ 51:6

Teniŋ ƃô da tɔ̃yâ laa nɔ́ ƃé í ŋ̀wɛli ní. Ńíi láa fɛ̂ɛ a ítarei.

Lɛɛ gbɔwɔ ɓa 22:3

A kɛ̀ daa-tulɛi káa niî ŋùma ǹúui ǹyêei a vúlu, a nɛ̃ɛ ma é kɛ́ a niŋa, wɛlɛ-sôo kpaa máŋ ƃála, fɛ̂ɛ ŋ̀uma-nuui tí é zɛŋ tí è ŋumai kɛ́ feerɛ é dɛ̀ɛ pôlu.

Hanwon 30:2

Ŋáƃooi a ŋ́gɛ fé ƃóloŋ ní núu-kpune ma. Fa mɛni ŋá kàa yɛ̂ɛ núu-kpune.

Hanwon 30:5

“Ɣâla ŋɔwóoi kélee káa a tɔ̃yâ. Gáa yɛ̂ɛ kɔ́-kɔ-nuu maa-kɔ̃ɔ kɔli-kalaŋ diai mɛni ma da pâ bɔ́i.

Azaya 50:1

Yâwɛɛ è m̀o ǹyɛɛi, “Gáa kákili ŋá a gɛ́ɛ ŋá kákpɛ̀ yɛ̂ɛ surɔ̂ŋ a ŋɔnɛnîi lɛ̂ɛ? À kɛ̀ tí, gɛ̀ ní, dáa-lâa kɔlɔi ŋá dɛ̀ɛ kápɔi, ǹyaa kɔɔ? Kpaa máŋ gáa kákili ŋá a gɛ́ɛ ŋá kátɛ̀ɛ a sɛ́ɣɛ-sãa diai pɔ́ díkpa káa ḿâi? Kpao, kásɔnyɔ̂ŋ maa luɛ-laa ƃé kákaa zu. M̀ɛni nyɔ́mɔɔ-ŋai ká gɛ̀, da nyíi-ŋai ka gɛ̂i maa luɛ-laa ká ŋí ka zui.

Azaya 52:3

Ŋ̀wála-wâla kélee Yâwɛɛ a m̀ôi ŋɔnûai dîa ǹyɛɛi, “Núu da fé sɛŋ da kɔ̀lɛ ní kápôlu dílɛɛ pâi liî a káa luɛ-laa su, ǹyaŋ núu da fé pâi sɛŋ da kɔlɛ̂i káŋuŋ ma ƃó mɛni ma.

Azaya 6:5

Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Levetekɔ 13:12

À kɛ̀ gbôdoi a ǹúui kpono gwaa kélee síɣe a sɛŋ nyii zâla láa soŋ nuui a pɔ̂ri gâai,

Levetekɔ 13:16

Kɛ́lɛ à kɛ̀ balai a ƃálo, naa kɛ́ kole, fɛ̂ɛ maa nuui é lí zâla láa soŋ nuui pɔ́ naa,

Levetekɔ 19:18

Káfe mɛni kpâ kùla, kpaa máŋ mɛni nyɔ́mɔɔ é kɛ́ kálii su káƃarâŋ nuu mɛni ma, kɛ́lɛ ka kákɔlɛ ma ǹúui wɛ́li yɛ̂ɛ káa kpîŋ. Ńyãa ƃa Yâwɛɛ.

Amɔsə 2:6

Ɣâla Yâwɛɛ è mò, ǹyɛɛi, “Eezuɛ ŋɔsɔnyɔ̂ŋsaaƃa kpaa náaŋ mɛni ma, fé pâi ŋɔtɔŋ-kpɛ-maai siɣêi pôlu ma kpɛ́ni fêi, da dɔ̃yâ-nuui kɔ́lɛ sɛŋ-kao kole pôlu, da gôlo-nuui kɔ́lɛ kɔ́ɔ ŋá-kɔlɔ pôlu.

Maafîu 16:23

Nya ƃe è tìnaŋ Pitɛ pɔ-pere, ǹyɛɛ mai, “Sêtɔŋ, síɣe ŋ́gɔlɛ! Íkaa ḿbilîi ƃáre ŋá. Kpɛ́ni fêi, Ɣâla ŋɔmɛni fé íkili ŋá, fɛ̂ɛ núu ŋɔmɛni.”

Maafîu 18:25

kɛ́lɛ, gɛ́ɛ ve pɔ̂ri ni gbai kpɛɛ̂i, ŋɔnuu-namui è mò a gɛɛ dí gɔlɛ da ŋɔnɛnîi é pɛ́lɛ ŋɔnîa-pɛlɛɛi dîa da zɛŋ kélee gáa ǹyêei a gɛɛ é ŋɔkpâi kpɛ́ɛ.

Maafîu 5:22

Kɛ́lɛ, ŋá m̀ôi kâa, ǹúui kélee a ǹíi ŋwâna gɔlɛ-ma-nuui ḿâ kpɛni-kpɛnii, maa nɛ̃ɛ̂i dí tɔ̂ŋ kpɛ́ maa-nuui tí ma. Ǹúui kélee a gɔlɛ-ma-nuui ŋumɛ̂i, maa nɛ̃ɛ̂i maa-nuui tí é tɔ́ɔ mɛni-ŋá-tee-kpɔŋ ŋ́ɛi-tuɛ. Ǹúui kélee a m̀ó, ‘Íƃoɔɔ̂i!’ maa nɛ̃ɛ̂i maa-nuui tí é kɛ́ Dɛ̂ƃele-taa ŋɔŋ ŋɔmɛni-kpɔ̂lui su.

Maafîu 5:28

Kɛ́lɛ, ŋá m̀ôi kâa, ǹúui kélee a ŋ̀ɛ́i pɛ̀lɛ nɔ nɛnî da ma, ŋ̀wɛ́li é zòŋ a wulu-wulu kɛ́ɛ maa-perei, maa-nuui tí a nâa wulu-wulu kɛ́ ǹíi su-pere.

Lukə 5:8

Samaŋ Pitɛ kɛ́ɛ a gáai, e pɛ̀lɛ Zîsɛ kɔ́ɔ mu, ǹyɛɛ mai, “Ye ísu kula mâ, Kúnuu-namui, kpɛ́ni fêi, ŋ́gaa a sɔnyɔ̂ŋ-nuu.”

Lukə 7:6

Nya ƃe da Zîsɛ-ni dí li. Gɛɛ gɛ̂i fé kɛ́ ni a gôya bɛ́rɛi mai, gɔkuluƃa-ŋai mɛi nuui e m̀arâa tɛ̀ɛ bɔ naa a gɛɛ dí m̀o ma, dîyɛɛi, “Kúnuu-namui, ífe íkpîŋ mɔ̃lɛ yɛ̂. Kpɛ́ni fêi, ḿaa fé ǹɛɛ ni a gɛɛ í lɔ ŋápɛrɛi mu.

Lomaŋ 3:9

Nyíŋí su-kulâi ƃa lé? Zu-kulâi ƃa kúai a Zûu-ŋai kúa nɔ́ ƃóɔɔ̂i Zɛ̃tai-ŋai fêi? Vé tí kpɔ́ a dɔnɔ kpîŋ, Ŋaâ gbâa m̀ó a m̀aa-nuŋ a gɛ́ɛ núu kélee káa sɔnyɔ̂ŋ ŋɔwála-walai mu, Zûu-nuu da Gurii-nuu.

Lomaŋ 6:6

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurii ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ,

Lomaŋ 7:18

Kpɛ́ni fêi, ŋá gɔ́lɔŋ a gɛ́ɛ mɛni lɛ́lɛɛ kélee fe ŋ́gbonôi, nya ƃa ŋ́gbîŋ-tua-perei su. Ŋa ŋ̀wɛli ŋá mɛni-ŋai kɛ́ dílɛlɛɛ̂i, kɛ́lɛ, fa díkɛ̀.

Galatə 4:3

Bere nɔ́ ƃe kúa máŋ; tãi ku kɛ̀ la a nîa-pɛlɛɛi, ku kɛ̀ la a luɛ-ŋa ŋ̀éniɛi su-ƃelai tûa-perei yée mu.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Dutɛrɔnome 6:5

Ka ŋ̀wɛ́li a kálii kélee, kámɔlêŋ kélee da káwala-walai kélee.

Hebreu 4:12

Kpɛ́ni fêi, Ɣâla ŋɔwóoi káa a vúlu gɛ́ tíi kɛ̀ ŋá liɣɛɛ é tɛ́ɛ ƃóa-sɔkpɔ ma nyíi ŋá káa gwaa feerɛ mai, gɛ́ lɔ́ fúlu-laa da mɔ̂leŋ díloai é lɛ́ɛ la zu é seri ƃɛi díŋa kɔlɛɛ̂i naai, gɛ ŋɔ́nɔ lɔ́ kpulɔ̂ŋ-ŋá da kpɔrɔ díloai é lɛ́ɛ la zu é seri ƃɛi díŋa kɔlɛɛ̂i naai. Ɣâla ŋɔwóoi a kúlii ŋɔkili-ŋa-siai da ŋɔmɛni-kpɛtɛɛi kɛ̀ a zu ponoɔ.