Lomaŋ 6:13 - Bible

¹³ Káfe nɛ̀ɛ naa sɔnyɔ̂ŋ é gɛ́ kátɔɔ-saŋ da é kɛ́ a ŋ̀wana-lɔ̂ɔ kɛ́-sɛŋ. Kɛ́lɛ, ka kákpîŋ tɛɛ Ɣâla yɛ̂ɛ ǹúui kùla saa yêei é pá fúlu-laa sui. Ka kátɔɔ-saŋ kélee tɛ́ɛ Ɣâla pɔ́ yɛ̂ɛ tɔ̃yâ laa-la maa tii kɛ́-sãa.

Yálá laawoo hɛɓɛ (dc)

¹³ Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Yálá laawoo hɛɓɛ

¹³ Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:13 ပူးပေါင်းရင်းမြစ်များ

Kɔlɔnikɔ Veerɛi 30:8

Káfe ŋuŋ-su kpânaŋ kula yɛ̂ɛ berei kánâŋ ni díwɔlɔ gɛ̀ lai. Ka Yâwɛɛ wóo mɛni. Ka pá Ŋ̀âla-pɛrɛ Kɛ́tɛi la nyíi aâ m̀aa wáa wɔ́lɔ-wɔlɔ da wɔlɔi. Ka tíi kɛ́ Káɣâlai mî a gɛ́ɛ é ŋɔlii-ŋwanâi ŋá ŋánai kúla kâa.

Mąątɛ̨nɛ̨ 37:30

Dɔ̃yâ-ƃelai da lôno a táre pere. Fili fé díkɛ mɛni da su.

Hanwon 12:18

Ƃoo-woo a sôli yɛ̂ɛ ƃóa-sɔ̂kpɔ, kɛ́lɛ táre-woo a núu ƃàlo.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Izikiɛ 18:4

Ǹúui nyii kélee kpɔ́ gáa ɣele mai, gáa a ḿbɔɔ, é máŋ kɛ́ a ǹaŋ-nuu kpaa máŋ ǹoŋ-nuu, díkelee díkaa a ḿbɔɔ. Ǹúui nyii kélee pâi sɔnyɔ̂ŋ kɛ̂i, a pâi saa tí-ti ƃoi.

Danîa 3:28

Gâloŋ è mò dîa nyɛ̀ɛi, “Laa maa-tɛ é tɛ́ɛ Káɣâlai pɔ́ ka kula ŋ̀ɔŋ kpɔ̂lui sui. È ŋɔkélai tɛ̀ɛ é káŋuŋ ma ƃó ká kúla ŋ̀ɔŋ kpɔ̂lui su. Ká làa la. Ká ŋ́oo pìli. Káfe fáa ní a gɛɛ ka ŋáɣâlai fɛ́li. Ká fàa ma a gɛɛ ká sáa é tɛ́ɛ la ɣâla da kpɛ́ni fɛliɛɛ ma fɛ̂ɛ nɔ́ Káɣâlai.

Lukə 15:24

kpɛ́ni fêi, ńoŋ ŋi e kɛ̀ a zaa, a ŋɔ́nɔ kɛ́ a vulu; e kɛ̀ a ǹáŋɔɔ, nya ƃe a káa.’ Nya ƃe dí pɛ̀lɛ lii-nɛ̃ɛ kɛ́ɛ ma.

Lukə 15:32

Maa nɛɛ̂i kɛ̀ ku lii-nɛ̃ɛ kula, kúlii é láa. Kpɛ́ni fêi, ílêɣei ŋi kɛ̀ a zaai, a kɛ́ ŋɔnɔ a vulu; e kɛ̀ a ǹáŋɔɔ, nya ƃe a káa.’ ”

Ɉaan 5:24

Tɔ̃yâ kpîŋ, ŋá m̀ó kâa, ǹúui a ŋ́oo mɛ̀ni é láa a ǹúui ńdɛ̀ɛi, wɔlɔ-wɔlɔ fulu-laa káa ǹyêei. Va pâ mɛni-ŋa-teɛɛi su, kɛ́lɛ, a kula saa-yeei e li fulu-laa su.

Lomaŋ 1:29

Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da ƃo a laa-ƃo kɛ́ɛ.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 6:11

À kɛ̀ tí káa máŋ ka kákili ŋá sía a gɛ́ɛ ka nâa kpera káɣeniɛi kɛ́ɛ ma a sɔnyɔ̂ŋ. Kɛ́lɛ, kákaa a káfulu Ɣâla yêei Zîsɛ Kôrai sârai.

Lomaŋ 6:16

Káfe gɔ́lɔŋ a gɛ́ɛ à kɛ̀ kà kákpîŋ tɛ̀ɛ núu da pɔ́ a yɛ̂ɛ woo mɛni luɛ-ŋa, gɛ̀ ní kákaa a ǹúui tí ka ŋ̀óo mɛnii ŋɔluɛ-ŋa? Kákaa a sɔnyɔ̂ŋ ŋɔluɛ-ŋa nyíi a kákɛ̀ kásaai, kpaa máŋ kákaa a woo mɛni ŋɔluɛ-ŋa nyíi a kákɛ̀ a tɔ̃yâ-ƃelai.

Lomaŋ 6:19

Ŋa kákɔlɔŋ woo-ŋa ƃôi kâa, kpɛ́ni fêi, kákponôi fíi kpɛɛ̂i. Ká ǹɛɛ naa kákponôi gwaa kélee kɛ́ ƃò a ŋwana-lɔ̂ɔ kɛ́ sãa. Kɛ́lɛ fɛ̂ɛ ka ǹɛɛ naa kákponôi gwaa kélee kɛ́ ƃò naa Ɣâla ŋɔtíi kɛ́ mɛni ma.

Lomaŋ 7:23

Kɛ́lɛ, ŋa tɔ̂ŋ da kpɛni kâa ŋ́gbonôi gɛ kɔ dɔ̂ŋ pɔ nyíi gáa ŋ́gili ŋái, nyíi a ŋ́gɛ̀ a luɛ a gɛ́ɛ ŋá kɛ́ sɔnyɔ̂ŋ ŋɔtɔ̂ŋ mu nyíi gáa ŋ́gbonôi.

Lomaŋ 7:5

Tãi ku kɛ̀ niî la kúkpîŋ tua-perei pôlui, dɔ̂ŋ e kúsɔnyɔ̂ŋ wɛli-lii-ŋai mu siɣe, nyíi-ŋai dí tíi kɛ̀ kúkponôi a gɛ́ɛ ku ƃa saa mɛni mai.

Korɛntə dɔlɔɔ 6:15

Káfe gɔ́lɔŋ a gɛ́ɛ kákpono-ŋai díkaa a Kôrai woŋo-ŋa? Mɛni ma ŋa pâi Kôrai ŋoŋo-ŋai siɣêi ŋá díkɛ a nɛnîi a gbîŋ tɛ̀ɛ sinâa pɔ sɛŋ-kao mɛni mai woŋo-ŋa? Ve ti a dɔnɔ kpîŋ!

Korɛntə dɔlɔɔ 6:20

dí káyà a kásɔ̃ɔ. Mɛni ma ka pá a folo-laa Ɣâla pɔ

Korɛntə dɔlɔɔ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Korɛntə veelɛ 10:4

kpɛ́ni fêi, kúkɔ-kɔ-sãai dífe a ŋ̀éniɛi ŋí su-kɔ-kɔ-sãa, kɛ́lɛ, Ɣâla ŋɔwála-walai káa díyêei a gɛ́ɛ dí siɣãŋ wólo.

Korɛntə veelɛ 5:14

Kôrai ŋɔwɛli kɛ́-maai káa tíi kɛ̂i a kúa, kpɛ́ni fêi, kúlâi la a gɛ́ɛ núu tɔnɔ e sàa núu kélee mɛni ma; mɛni ma núu kélee a saa.

Korɛntə veelɛ 5:15

E sàa núu kélee mɛni ma a gɛ́ɛ diai díkaa ɣele mai, dífe kɛ̀ ɣele ma díkpîŋ mɛni ma, kɛ́lɛ, dí kɛ́ ɣele ma Kôrai mɛni ma, nyíi sàa dí-mɛni ma e mu siɣe saa yêei.

Korɛntə veelɛ 8:5

dí kpɔŋ-maai dí gɛ̀ nyíi kúkili fe kɛ́ ni mai, kpɛ́ni fêi, maa-ŋuŋ dí díkpîŋ tɛ̀ɛ Kúnuu-namui pɔ, dí díkpîŋ tɛɛ kúpɔ Ɣâla ŋɔnîa-mɛnii su.

Ifisiɛŋ 2:5

berei máŋ ku kɛ̀ a kúsaa la kútɔ̂ŋ karaai sârai. Ǹyaa ƃe kúkɛ̀ fulu-laa su kwa Kôrai-ni (ƃɛlɛ-sêe sârai ƃe ka ƃalo la),

Ifisiɛŋ 5:14

Mɛni ma m̀ôɔi, “Óo nyíi-nuu, íŋɛi lá ƃo í kúla saa yêei, Kôrai a pâi kwaa-ponoɔ tɛɛ̂i ípɔ.”

Dutɛrɔnome 25:16

Ǹúui kélee a sɛŋ kɔ̂ɔŋ a wôya perei, m̀ɛlɛ kpɛɛ̂i Káɣâlai Yâwɛɛ koi.

Filipə 1:20

yɛ̂ɛ berei ŋátɔ̃yâ-maa-kpɛŋ káa la da gili-kɛ-zui gáa ǹyêei a gɛ́ɛ fe pâi ŋumɛ̂i mɛni kélee ma, kɛ́lɛ, lii-kpele támaa a pâi nâa kɛ̂i ńyêei, yɛ̂ɛ berei e wɔ́lɔ kɛ̀ la ńyêei, a gɛ́ɛ ŋa pâi ƃaa kɛ́-maa tɛɛ̂i Kôrai pɔ, à nɛ̀ɛ ma máŋ ŋá kɛ́ a ḿvulu kpaa máŋ ŋá sáa.

Kolosə 2:13

Ká kɛ̀ a kasaa tɔ̂ŋ karaa su. Dífe kákpɛtɛ ni. Kɛ́lɛ, Ɣâla e ká kɛ̀ a káfulu ka Kôrai-ni, e kútɔ̂ŋ karaa-ŋai kélee su-mɛni lɛɛ.

Kolosə 3:5

Mɛni ma ǹɔii su-mɛni-ŋai díkaa kákponôi ka dí-páa, dîa ƃa wulu-wulu kɛ́ɛ, mɛni maa liƃiɛ, tua-pere-nyɔŋ maa-sɛŋ wɛliɛ, kili-ŋa-sia nyɔ́mɔɔ, da sɛŋ maa-lii teɛɛ, nyíi gáa a ɣâla da kpɛni fɛliɛɛi.

Tɛsalonikə veelɛ 2:12

a gɛ́ɛ dí tɔ̂ŋ pu diai dîa dífe laa ni a dɔ̃yâi, kɛ́lɛ, díkɛ lii-nɛ̃ɛ kula sɔnyɔ̂ŋ sui.

Timote veelɛ 2:15

Kɔ́ a gbanaŋɔɔ í íkpîŋ tɛɛ Ɣâla pɔ yɛ̂ɛ ǹúui ǹyaa Ɣâla e fàa maa-mɛni mai, yɛ̂ɛ tii-kɛ-nuu nyíi ŋumɛ fé ŋ̀ɛi, kɛ́lɛ, e dɔ̃yâ-wooi soŋ-pere kɔ́lɔŋ a ǹɛ́lɛɛi.

Zĩi 4:1

Le ƃe pà a ǹaa-sâai da namu-kɔ̂ɔi kásamâi? Vé a kátûa-pere-nyɔŋ maa-sɛŋ-wɛliɛi nyíi gáa namu kɔ̂i kákponôi?

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere-nyɔŋ maa-sɛŋ-wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Zɔ̂ŋ Maa-ŋuŋ 1:9

À kɛ̀ kwa kúsɔnyɔ̂ŋ-ŋai ƃo, gɛ̀ ní deniŋ m̀ôɔi, zɔŋ lɛ́lɛɛi, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.