Lomaŋ 3:4 - Bible

⁴ Vé tí a dɔnɔ kpîŋ! Tɔɔ Ɣâla maa-mɛni é kɛ́ a tɔ̃yâ, berei máŋ núu-kpune mɛni fé la a tɔ̃yâi, yɛ̂ɛ berei bɔ̃yɛɛ̂i lai, “Nûa da pâi ítolîi a tɔ̃yâ-nuu ílono-woo-ŋai ma. Ɣele da ímɛnii ŋá tèe lai, ímɛnii a pâi lɛ̂lɛɛi.”

Yálá laawoo hɛɓɛ (dc)

⁴ Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Yálá laawoo hɛɓɛ

⁴ Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Lomaŋ 3:4 ပူးပေါင်းရင်းမြစ်များ

Zôo 36:3

Ŋa pâi nɛ̂i yâ a gɛɛ ŋá mɛni ŋá káai su kɛ̂tɛi. Ǹyaŋ ŋa pâi nɛ̂i yâ a gɛɛ Ŋ́gbɛtɛ-nuui Ɣâla a tûa a teniŋ ƃô-pere.

Zôo 40:8

Tɔ̃yâ ma ya ŋ̀wɛ̂lii í ńɛ a lɛ́ɛ nûu. Ya pâi ŋámɛnii ŋá têei í ǹɛ́ a gɛɛ íwɔ̂i mɛnii lɛ̂lɛɛi?

Mąątɛ̨nɛ̨ 100:5

Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.

Mąątɛ̨nɛ̨ 116:11

berei máŋ kpîŋ ŋá yào la ŋá mó ńyɛ̂ɛi, “Núu da fé ŋɔkili kɛ-zui pù núu-kpune ma.”

Mąątɛ̨nɛ̨ 119:160

Ítɔ̂ŋ ŋuŋ ƃa tɔ̃yâ Ítɔ̂ŋ-ŋai sã̂a, gɛ́ ƃò naa wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 138:2

Ŋá ŋ́ɛi pìlaŋ í Ɣâla-pɛrɛ Kɛ́tɛi ma, ŋá ŋ́uŋ maa pîlaŋ, ŋá sɛɣɛi-fei tɛɛ ípɔ. Ŋa pâi ílaa maa tɛ̂i, íwɛli-kɛ maa kpanaŋɔɔi da íteniŋ ƃô-laai mɛ̂ni ma, kpɛ́ni fêi íkɛ̂tɛi ítɔ̂ŋ kpanaŋɔɔ é tɛ́ɛ sɛŋ kélee ma.

Mąątɛ̨nɛ̨ 51:4

Ŋá sɔnyɔ̂ŋ kɛ́ a yá, yá tɔnɔ nɔ́ ƃé ŋá sɔnyɔ̂ŋ kɛ́ a yá. Ŋá m̀ɛnii kɛ̂ nyii ya dòli a ŋwana-lɔ̂ɔ-tuai. M̀ɛni ma íŋa mɛnii ŋá tèe a zã́a. Ísɔŋ fé yá ŋá mɛnii ŋá téɛɛi mɛni ma.

Mąątɛ̨nɛ̨ 62:9

Núu-kpune káa nɔ́ a fãa lâɣi. Sɛŋ da kélee fé da kponôi, gɛ́tɛ, kpaa máŋ guro-te. Ya díkɔ̀ɔŋ, díwuyɛ fé a sɛŋ da. Dífoɣâŋɔɔi nɔ́ yɛ̂ɛ fãa-laɣi.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Maafîu 11:19

Núu-kpune Ǹóŋ è pà gɛ ǹáa mii gɛ ŋwã̂ai kpèle, kɛ́lɛ, dí mò, dîyɛɛ, ‘Ka gáa, gáa a mii-sɛŋ wɛli-nuu gɛ ƃo a ŋwã̂ai-kpele-nuu, gɛ ƃo a ŋuŋ-fela-fei kula-ƃela da sɔnyɔ̂ŋ-ƃela díwɛli!’ Kú táre kɔ́lɔŋ táre ŋɔtíi-ŋai su.”

Lukə 20:16

A pâi pâi e díi-kɛ-ƃelai su kara, e m̀á-kpɔmɔ-kpalaŋ tɛɛ nûa da kpɛni-ŋa pɔ.” Díkɛɛ da mɛnii ŋi mɛnii, dí mò, dîyɛɛi, “Ɣâla, ífe ǹɛɛ naa é kɛ́ ti!”

Ɉaan 3:33

Ǹúui nyii a ǹyée sèe ŋɔsêre-wooi mui, a zìɣe a gbanaŋɔɔ a gɛɛ Ɣâla káa a tɔ̃yâ-Ɣala.

Lomaŋ 11:1

Gɛ̀ ní ŋa mare-kɛɛ kɛ̂i. Ɣâla a bôlu tɔɔ ŋɔnûai dîa? Ve ti a dɔnɔ kpîŋ! Ńyãa kpîŋ ŋ́gaa a Eezuɛ-nuu, ŋ́gɛ ƃo a Eberaɣɛ̃ɛ ŋɔsuui su-nuui da, ŋ́gɛ ƃo ŋɔ́nɔ a Bɛŋsima ŋɔsii da.

Lomaŋ 11:11

M̀ɛni ma ŋa mare-kɛɛ kɛ̂i. Da karêŋ a gɛ́ɛ dí tóo? Ve ti a dɔnɔ kpîŋ! Kɛ́lɛ, díkɛɛ dífe Ɣâla wóo mɛni níi, ƃalo-laa a lí Zɛ̃tai-ŋai pɔ, a gɛ́ɛ é gɛ́ Eezuɛ-ŋai dí tólo kúla.

Lomaŋ 3:31

Kwa pɔ̂ri ŋaŋ dɔ̂ŋ pilîi a naa-lai ŋí? Vé tí a dɔnɔ kpîŋ! Kúfa bìli, kɛ́lɛ, kwa zòŋ a gbanaŋɔɔ.

Lomaŋ 6:15

Lé ƃé ŋaŋ? M̀aa nɛ̃ɛ̂i kú sɔnyɔ̂ŋ kɛ́, kpɛ́ni fêi, kúfe tɔ̂ŋ mu, fɛ̂ɛ m̀ɛlɛ-seei? Vé tí a dɔnɔ kpîŋ!

Lomaŋ 6:2

Vé tí a dɔnɔ kpîŋ! Kwa pɔ̂ri kɛ̂i léŋ nɔ́ sɔnyɔ̂ŋ su à kɛ̀ saa a kúloai tée kwa sɔnyɔ̂ŋ ní?

Lomaŋ 7:13

Gɛ̀ ní ŋaŋ dɔ̂ŋ nyíi ǹɛ́lɛɛ̂i è pà ḿbɔ a saa? Ve ti a dɔnɔ kpîŋ! Sɔnyɔ̂ŋ ƃé pà ḿbɔ a saa sɛŋ lɛ́lɛɛ sârai, a gɛ́ɛ sɔnyɔ̂ŋ é lɛ́ a sɔnyɔ̂ŋ, a gɛ́ɛ dɔ̂ŋ é sɔnyɔ̂ŋ lɛ́ a sɛŋ nyíi nyɔ́mɔɔ̂i kpɔ́ a ŋánaai.

Lomaŋ 7:7

Kwa pâi ŋaŋ kɛ̂i le? A gɛɛ dɔ̂ŋ káa a sɔnyɔ̂ŋ? Ve ti a dɔnɔ kpîŋ! É máŋ kɛ́ ti tɔ̂ŋ eêi wàla kɛ́ ɣele ma, fei sɔnyɔ̂ŋ kɔ̀lɔŋ. Fei sɛŋ maa-lii-teɛɛ kɔlɔŋ, eêi kɛ̀ dɔ̂ŋ eêi wàla m̀o, ǹyɛɛ, “Ífe sɛŋ maa-lii tèe.”

Lomaŋ 9:14

Le ƃe ŋaŋ kwa pâi m̀ôi? Ɣâla fa tɔ̃yâ kɛ̀? Ve ti a dɔnɔ kpîŋ!

Korɛntə dɔlɔɔ 6:15

Káfe gɔ́lɔŋ a gɛ́ɛ kákpono-ŋai díkaa a Kôrai woŋo-ŋa? Mɛni ma ŋa pâi Kôrai ŋoŋo-ŋai siɣêi ŋá díkɛ a nɛnîi a gbîŋ tɛ̀ɛ sinâa pɔ sɛŋ-kao mɛni mai woŋo-ŋa? Ve ti a dɔnɔ kpîŋ!

Korɛntə veelɛ 1:18

Yɛ̂ɛ berei Ɣâla sã́âi la kpɔ́ a tɔ̃yâi, kúwooi fe niî kɛ́ ni a Ooei, Kpa.

Galatə 2:17

Kɛ́lɛ, à kɛ̀ tãi ku kɛ̀ kɔ̂i la a gɛ́ɛ ku kɛ́ a tɔ̃yâ-ƃela Kôrai kponôi, dí kúa kpîŋ kúkàa a sɔnyɔ̂ŋ-ƃela, gɛ̀ ní sɔnyɔ̂ŋ a kûla Kôrai kponôi? Ve ti a dɔnɔ kpîŋ!

Galatə 2:21

Fa gɛ̀ a gɛ́ɛ Ɣâla ŋɔƃɛlɛ-sêei é kɛ́ nɔ́ kpɛni-kpɛni; kpɛ́ni fêi, eêi kɛ̀ dɔ̃yâ-laa eêi kɛ̀ dɔ̂ŋ sârai, gɛ̀ ní Kôrai ŋɔsaai maa-sâpo fei kɛ̀ ma.

Galatə 6:14

Kɛ́lɛ, e folôŋ mâ kpɔ́ a zu kôya a gɛ́ɛ ŋá yoŋka tée, fɛ̀ɛ nɔ́ ŋá Kúnuu-namui Zîsɛ Kôrai ŋɔsaa-wurii maa-yoŋka tée, zaa-wurii a gɛ́ ŋ̀éniɛi a saa ŋ́ɛi, ǹyaŋ ŋa saa ŋ̀éniɛi ŋɛi.

Dutɛrɔnome 32:4

“Gáa a kɔni, gɛ́ tîi maa waa, dûa-pere kélee sãa. Gáa a kili kɛ-zu Ɣala, va pɔara maa kɛ̀. Zɔŋ lɛ̂lɛɛi, gɛ́ ƃò a tɔ̃yâ Ɣala.

Timote dɔlɔɔ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyai.

Hebreu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísârai nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Zɔ̂ŋ Maa-ŋuŋ 5:10

Ǹúui a lâa a Ɣâla Ǹóŋ, sere-faa káa gbonôi. Ǹúui va lâa a Ɣâlai, a gɛ́ a lɛ́ɛ-nuu, kpɛ́ni fêi, vé niî laa ní a Ɣâla ŋɔsêre-faai è gɛ̀ Ǹóŋ mɛni mai.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

M̀ɛni-lɛɛi 3:7

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Feledɛfiai ŋɔkélai pɔ naa: ‘Dɔ̃yâ-nuu maa waai, nyíi Deeƃé ŋɔkîi káa ǹyêei, nyíi a gbôŋ lá ƃò núu fé naa é ǹá tɛ́i, nyíi a gbôŋ lá tɛ̀ núu fé naa é ǹá ƃói, ŋɔwóo-ŋai ká ŋí.