Lomaŋ 3:22 - Bible

²² Ɣâla a núu sìɣe a tɔ̃yâ nuu ŋɔlaa-lai mɛni ma Zîsɛ Kôrai sârai. Va su-ɣɛɛ kɛ̀.

Yálá laawoo hɛɓɛ (dc)

²² Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Yálá laawoo hɛɓɛ

²² Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lomaŋ 3:22 ပူးပေါင်းရင်းမြစ်များ

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Ɉeremi 23:6

Tãi a pâi kɛ̂i la a kâloŋ, Zuda-ƃela da pâi ŋuŋ-maa ƃô sɔlɔ ƃôi. Lii-see kɛ́ ƃò Eezuɛ-ƃela yêei. Da pâi dôli a, ‘Yâwɛɛ ƃa kúƃalo-laai.’ ”

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Lukə 15:22

Kɛ́lɛ, ǹâŋ e mò ǹyée-mu-ƃelai dîa, ǹyɛɛi, ‘Ka pá a ǹyokpoi ǹɛ́lɛɛi a maa felaa, ka doo gɔŋ ma; ka gbono too ǹyée ma, ka kɔlɔ lɔ gɔ́ɔ ŋá;

Gɛlaɠaa 11:12

M̀ɔlêŋ è mò ḿâ a gɛ́ɛ kwa dîa-ni kú lí, fé maa tínaŋ ní. Kwa ḿarâa lɔ́ɔlu mɛi dai ŋí kú pà kú lɔ́ ǹalôŋ ŋɔpɛ́rɛi mu.

Gɛlaɠaa 15:9

Vé kúloai láa ní kwa dîa-ni. È dílii maa waa a laa-la.

Gɛlaɠaa 3:16

Ǹyaŋ laa-la sârai Zîsɛ láai su ƃé kponoi kpanaŋ tɛ̀ɛ ǹalôŋ ŋí pɔ́, nyíi ka gàa kákɛ ƃo a gɔlɔŋɔɔ̂i. Ǹaa-lai nyíi gáa Zîsɛ sârai a gɔlɔi-pono lɛ́lɛɛi ŋí tɛ́ɛ ǹalôŋ pɔ́ kákelee káŋɛi.

Lomaŋ 1:17

Duŋ Lɛ́lɛɛi su ƃé Ɣâla a ŋɔtɔ̃yâ laa-lai lɛ̂ la nûa dîa laa-la sârai mɛni ma, yɛ̂ɛ berei bɔ̃yɛɛ̂i lai, “Dɔ̃yâ-nuui a pâi kɛ-ɣeniɛi kɛ̂i laa-la sârai.”

Lomaŋ 10:12

Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii.

Lomaŋ 10:4

Kpɛ́ni fêi, Kôrai káa a dɔ̂ŋ kpɛɛ ŋá a gɛ́ɛ diai kélee laa-la káa díyêei dí dítoli a tɔ̃yâ-ƃela.

Lomaŋ 2:1

M̀ɛni ma, yái íkaa a núu-kpunei, káfalo da kélee fé íyeêi núu da kpɛ́ni ŋɔmɛni ŋá tée mɛni ma, a nɛ̃ɛ ma kpîŋ íkɛ a gbɛ̂ɛ. Yà kɛ̀ núu da kpɛni ŋɔmɛnii ŋa teêi íkaa mɛni lɛɛ̂i íkpîŋ yâ, kpɛ́ni fêi, yái íkaa a mɛni ŋá-tee-nuui íkaa mɛni tɔnɔi tí kɛ̂i.

Lomaŋ 3:30

Ɣâla káa nɔ́ tɔnɔ. A pâi Zûu-ŋai siɣêi a tɔ̃yâ-ƃela yɛ̂ɛ berei dílaa-lai káa lai, é Zɛ̃tai-ŋai síɣe a tɔ̃yâ-ƃela yɛ̂ɛ berei dílaa-lai káa lai.

Lomaŋ 4:16

M̀ɛni ƃé m̀ɛnii kélee sɛ̂lɛŋɔɔi la laa-la ma a gɛ́ɛ Ɣâla ŋɔkono-teei é kɛ́ a ƃɛlɛ-sêe mɛni kpanaŋɔɔ Eberaɣɛ̃ɛ ŋɔsuui su-ƃelai kélee mɛni ma. Díai dɔ̂ŋ mui dia nɔ́ fêi, kɛ́lɛ, diai Eberaɣɛ̃ɛ ŋɔlaa-lai káa díyêei máŋ, kpɛ́ni fêi, ǹyaa ƃé gáa a kúkelee kúnâŋ,

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Lomaŋ 9:30

Gɛ̀ ní lé ŋaŋ ƃe kwa pâi m̀ôi? Kwa pâi m̀ôi a gɛ́ɛ Zɛ̃tai-ŋai nyíi-ŋai dífe pîlaŋ ni dɔ̃yâ-laai pôlui, da zɔlɔ ƃó. Zu-kulâi ƃa tɔ̃yâ laa-la nyíi a kûla la laa-la sui;

Korɛntə dɔlɔɔ 12:13

Kpɛ́ni fêi, M̀ɔlêŋ tɔnɔi sârai dí kúkelee kúbatâi kɛ̀ kpono tɔnɔ su-Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Korɛntə dɔlɔɔ 4:7

Kpɛ́ni fêi, gbɛ̂ɛ ƃa mɛni da kàa íkponôi a dee núu da kpɛni ma? Le sɛŋ ƃe gáa íyeêi ífe zɔlɔ ƃo ni? À kɛ̀ ǹyaŋ í zɔlɔ ƃo, íkaa yoŋka teêi lé mɛni ma yɛ̂ɛ nya ƃe ve kɛ́ ni a sama-sɛŋ?

Galatə 2:16

é máŋ kɛ́ ti ku gɔ́lɔŋ a gɛ́ɛ núu fa kɛ̂ a tɔ̃yâ-nuu dɔ̂ŋ ŋɔtíi sârai, kɛ́lɛ, núu a kɛ̂ a tɔ̃yâ-nuu laa-la sârai Kôrai kponôi. Ku làa máŋ a Zîsɛ Kôrai a gɛ́ɛ ku kɛ́ a tɔ̃yâ-ƃela laa-la sârai Kôrai kponôi, kɛ́lɛ, dɔ̂ŋ ŋɔtíi kɛ́ɛ fei, kpɛ́ni fêi, núu da kélee fa kɛ̂ a tɔ̃yâ-nuu dɔ̂ŋ ŋɔtíi kɛ́ɛ sârai.

Galatə 2:20

Kwa Kôrai dí kúkpàmo wúru su-tíyeŋɔɔ ma; ǹyaŋ fe ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi; vulu-laai nâa ŋa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Galatə 3:22

Kɛ́lɛ, Ŋ̀âla-kɔlɔi a nyíŋi kélee pu sɔnyɔ̂ŋ mu, a gɛ́ɛ gono-teei nyíi gáa laa-la su Zîsɛ Kôrai kponôi é tɛ́ɛ diai pɔ laa-la káa díyêei.

Galatə 3:28

Zûu-nuu fe ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî; kpɛ́ni fêi, kákelee kákaa tɔnɔɔ Zîsɛ Kôrai kponôi.

Ifisiɛŋ 3:12

nyíi lii-kpele káa kúyêei gbonôi, da tɔ̃yâ-pere nyíi a lî a kúa Ɣâla pɔ kúlaa-lai sârai Kôrai kponôi.

Filipə 3:9

Ŋa ŋ̀wɛ̂lii ŋá kɛ́ gbonôi, a gɛ́ɛ ŋ́gbîŋ tɔ̃yâ laa-la fè kɛ̀ ńyêei nyíi kula dɔ̂ŋ sui, kɛ́lɛ, fɛ̂ɛ dɔ̃yâ-laai nyíi gáa Kôrai kponôi laa-la sârai. Gáa a dɔ̃yâ-laai kùla Ɣâla yêei nyíi kùla laa-la sui,

Kolosə 3:11

Zɛŋ kpɛtɛɛ ninai ŋí su ŋa-kɔlɛ-mɛni fe núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu kpɛtɛɛ kpaa ǹúui fe kpɛtɛ níi, ŋɔ̃yâ, Setiyeŋ-nuu, luɛ, da núu ŋuŋ ma ƃoɔ. Kɛ́lɛ, Kôrai ƃa gélee, gɛ ƃo gélee su.

Zĩi 2:23

Ŋâla-kɔlɔi ŋa-see è kɛ̀ nyíi a mò, nyɛɛi, “Eberaɣɛ̃ɛ è làa a Ɣâla, ǹya ƃe Ɣâla è ŋɔlaa-lai sìɣe a tɔ̃yâ-laa.” Ǹya ƃe gɛ̀ gɛ́ ƃô a Ɣâla ŋɔwɛli-kɛ-maa-nuu.