Lomaŋ 2:5 - Bible

⁵ Kɛ́lɛ, íwolii kpɔlɔ̂i, ífa ílii pene. M̀ɛni ƃé pâi gɛ̂i ímɛni kula-maai su é kɛ́tɛ a Ɣâla ŋɔtɔ̃yâ mɛni ŋá-tee ɣelei.

Yálá laawoo hɛɓɛ (dc)

⁵ Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Yálá laawoo hɛɓɛ

⁵ Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Lomaŋ 2:5 ပူးပေါင်းရင်းမြစ်များ

Kɔlɔnikɔ Veerɛi 30:8

Káfe ŋuŋ-su kpânaŋ kula yɛ̂ɛ berei kánâŋ ni díwɔlɔ gɛ̀ lai. Ka Yâwɛɛ wóo mɛni. Ka pá Ŋ̀âla-pɛrɛ Kɛ́tɛi la nyíi aâ m̀aa wáa wɔ́lɔ-wɔlɔ da wɔlɔi. Ka tíi kɛ́ Káɣâlai mî a gɛ́ɛ é ŋɔlii-ŋwanâi ŋá ŋánai kúla kâa.

Kɔlɔnikɔ Veerɛi 36:13

È ŋɔ́nɔ tɔɔ gâloŋ Nɛbukinaza ma nyíi gɛ̀ é vóo a Ɣâla laai. È kɛ kpɔ́ a ŋ̀oli-kpɔlɔɔ. È ǹíi su kpanaŋ kpɔ́ ve tínaŋ ní Eezuɛ Ɣalai Yâwɛɛ pɔ́ pere.

Zôo 21:30

Ɣâla a ǹíi ŋwàna à kɛ̀ pâi nûa kula maa kɛ̂i, zɔnyɔ̂ŋ-ƃelai ƃé a dí malôŋ kàa.

Mąątɛ̨nɛ̨ 110:5

Ǹuu-namui káa ílaa mii yee mɛi pere. A ǹíi ŋwàna, a pâi kâloŋ-ŋa yée mɛi ɣâlei.

Mąątɛ̨nɛ̨ 95:8

“Káfe kɛ̀ a wolii kpɔ̂lɔ-ƃela yɛ̂ɛ kánâŋ pɔlɔ-ŋai kɛ̀ Mɛriƃa a tãi dí kɛ̀ la vɛ̃ɛ-kpâlaŋ su Massai.

Lɛɛ gbɔwɔ ɓa 14:17

Ŋa pâi Ize-ŋai líi su kpananîi a gɛɛ dí lɛ́ɛ Eezuɛ-ŋai pôlu. Ǹyaŋ ŋa pâi ŋáfolo-laai lɛ̂i Gâloŋ mâ da ŋɔkɔ́ kɔ́-ƃelai é pɛ́lɛ ŋɔkɔ́kɔ keleŋ-ŋai dîa da ŋɔsoo-mɛi-ƃelai.

Lɛɛ gbɔwɔ ɓa 32:34

Lí nâa a ǹûai ƃɛ́i ŋá nàa lɛ̀ yâi. É kɛ́ íkili ŋá a gɛɛ ŋákelai a pâi tɔɔ̂i kátuɛ. Kɛ́lɛ tãi ŋa pâi dínaa kâai lai, ŋa pâi dísɔnyɔ̂ŋ maa tɔ̂ŋ kpɛ̂i dîa.”

Lɛɛ gbɔwɔ ɓa 8:15

Kɛ́lɛ tãi Gâloŋ è gàa la a gɛɛ a pere loŋ sɔlɔ ƃôi, è ǹíi su kpànaŋ ŋɔ́nɔ. Vé ŋ̀óli tɔ̀ɔ ní ŋɔ́nɔ Mose da Eelɔŋ díwoo ma, yɛ̂ɛ berei nɔ́ Yâwɛɛ è mò lai.

Hanwon 1:18

Kpɛ́ni fei núu kɛ́ɛ-ŋai tí da ƃáre tɛ̀ díkpîŋ mɛni ma, ǹyaŋ m̀aa ƃârei tí ƃé pâi dífulu-laai su karâi.

Hanwon 11:4

Tɔɔ-laa fa núu kùla Ɣâla ŋɔtɔŋ kpɛ́-maai yêei, kɛ́lɛ teniŋ ƃô-laa a núu ŋuŋ ma ƃò Ɣâla ŋɔtɔŋ kpɛ́-maai yêei.

Hanwon 28:14

Lûwa káa ǹûui ma a yâo Ɣâla Yâwɛɛ ma a ɣele kéleei, kɛ́lɛ ǹúui ŋuŋ su kpanaŋɔɔ̂i, a pîli mɛni kpɔ̂lu su.

Hanwon 29:1

Ǹúui va lia-woo sìɣei é lɛ́ɛ nɔ́ ŋuŋ-su-kpanaŋ kɛ̂i, zu a pâi karâi a maa félaa, kpɛtɛ̂i fé pâi kɛ̂i mà.

Ikilisiati 12:14

Ɣâla a pâi núu kélee ŋɔmɛnii ŋá teêi nyii-ŋai noɔ̂ɔi da nyii-ŋai díkaa fíyeŋ ŋai, ǹɛ́lɛɛ kpaa máŋ ǹyɔ́mɔɔ.

Azaya 48:4

Ŋá kɛ̀ a gɔ́lɔŋɔɔ a gɛ́ɛ kákaa a wolii kpɔ̂lɔ-ƃela. Káŋuŋ su kpanaŋɔɔ̂i yɛ̂ɛ kɔli da ƃara.

Ɉeremi 40:3

ǹyaŋ aâ m̀ɛnii kɛ́ nyíi è mò a gɛɛ a pâi gɛ̂i. M̀ɛni-ŋai ŋí kélee è kɛ̀, kpɛ́ni fêi, ká sɔnyɔ̂ŋ kɛ̀ a Yâwɛɛ. Káfe káwoli tɔ̀ɔ ní ŋ̀óo ma.

Izikiɛ 11:19

À kɛ̀ tí, ŋa pâi kili-ŋa sia nina kɛ̂i dîa, ŋa mɔleŋ-nina tɛɛ dípɔ. Ŋa pâi lìi-su kpanaŋ-ŋai kulâi díyeêi, ŋa wòo mɛ̂ni-lii tɛɛ dípɔ.

Izikiɛ 3:7

Kɛ́lɛ, Eezuɛ-ŋai dífe pâi díwoli tɔɔ̂i yâ. Kpɛ́ni fêi dífe ŋ̀wɛ̂li dí díwoli tɔ́ɔ ḿâ. Eezuɛ-ŋai wôlii kpɔ̂lɔɔi dílii-su kpanaŋɔɔ.

Danîa 5:20

Kɛ́lɛ tãi è ǹíi pène la é pɛ́lɛ sɔnyɔ̂ŋ kɛ̂i da ŋɛi-tɛi, gâloŋ-laai è kùla ǹyêei é tóo.

Osia 13:12

“Eezuɛ-ŋai dísɔnyɔ̂ŋ kélee ŋáa tɛ̂ɛi ma ǹâai kɛ̂ɛ.

Amɔsə 3:10

Dífe mɛni lɛ́lɛɛ kɛ́-pere kɔ́lɔŋ, nyii-ŋai da ŋwana-lɔɔ mɛni da ŋúma-mɛni lòo díkoli-ŋai sui.

Lomaŋ 1:18

Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi.

Lomaŋ 11:25

Ŋánûa, ŋa ŋ̀wɛ̂lii a gɛ́ɛ ka noo-mɛnii ŋí ŋá káa a gɛ́ɛ káfe su-mɛni kɛtɛ kɛ́ káa kpîŋ mɛni ma. Lii-kpanaŋ a pá Eezuɛ-ŋai da-ni pɔ, e lɛɛ la zu Zɛ̃tai-ŋai kélee dí lɔ Ɣâla ŋɔkâloŋ-laai su,

Lomaŋ 9:22

A kɛ̀ ti ŋaŋ gɛ̀ ní le? À kɛ̀ Ɣâla è kɛ̀ ŋ̀wɛ̂lii a gɛ́ɛ e ŋɔlii-ŋwana kɛ́tɛi lɛ da ŋɔwála-walai, gɛ̀ ní e ǹía kpèle kpɔ́ a dámaa diai yêei gɛ̀ a gɛ́ɛ ǹíi e ŋwanai, nyíi-ŋai kɛ̀ nɔ́ su-kara mɛni mai.

Korɛntə veelɛ 5:10

Kpɛ́ni fêi, fɛ̂ɛ kúkelee kútûa-perei é lɛ́ Kôrai ŋɔmɛni-ŋa-tee see-sɛŋ ŋɛ́i tuɛ a gɛ́ɛ núu kélee é ŋɔfela-fei lɛ́lɛɛi kpaa máŋ ŋɔfela-fei nyɔ́mɔɔi sɔlɔ ƃó yɛ̂ɛ berei e ŋɔfúlu-laai kɛ̀ la gbonôi.

Dutɛrɔnome 2:30

“Kɛ́lɛ Siɔŋ fé fáa ní. Káɣâlai Yâwɛɛ è Siɔŋ líi su kpànaŋ a gɛɛ é kɔ́ kápɔ a gɛɛ ká ǹyée mɛi ɣále. Ǹyaŋ bere nɔ́ ƃé è kɛ̀ la.

Dutɛrɔnome 32:34

“Yâwɛɛ è gɔ́lɔŋ m̀ɛnii díkpɔara-ƃelai da gɛ́ a diai. A pâi díkula maa kɛ̂i tãi a sèri.

Tɛsalonikə veelɛ 1:5

Nyíŋí káa a sêre-woo Ɣâla ŋɔtɔ̃yâ mɛni ŋa-téɛɛi mɛni ma a gɛ́ɛ ká kɛ́ a ǹûai dímaa nɛ̃ɛ̂i Ɣâla ŋɔkâloŋ-laai mɛni ma, nyíi kákaa mɛni-sôli kâai m̀ɛni mai.

Hebreu 3:13

Kɛ́lɛ, ka kákîe-ni lia-woo ƃó a ɣele kélee, a gɛɛ kátɔnɔ kpîŋ káfe kálii kpanaŋ a sɔnyɔ̂ŋ ŋɔnúu pɛlɛɛ, tãi nɔ́ ŋ̀óoi da kɛ́ mà “sâai” nyii gáa Ŋ̀âla kɔlɔi sui káa niî naa nyíi bîlaŋɔɔi kûai.

Hebreu 3:15

M̀ôɔi a gɛɛ, “Sâa, kà ŋ̀óo mɛ̀ni, káfe kálii kpànaŋ yɛ̂ɛ berei ǹûai dí wɔlɔ gɛ̀ la a Ɣâla láai.”

Hebreu 4:7

È tãi da kpɛni lɛ̀ ŋɔ́nɔ, ǹyɛɛ, “Sâa,” nyíi tãi su kôya tɛɛ pôlu ma è mò Deeƃé sârai ŋ̀óo-ŋai ŋí su, nyíi-ŋai è mò a maa-ŋuŋ, “Sâa, kà ŋ̀óo mɛ̀ni, káfe kálii kpanaŋ.”

Zĩi 5:3

Kpɛ̃ɛ a pâi pɛlɛ̂i kágôo-ŋai dîa da kákane-ŋai. Ǹyaŋ maa-kpɛ̃ɛi a pâi kɛ̂i a kámaa-sere-ŋa é kákpono mii yɛ̂ɛ ŋɔŋ. Ka laai-kɛ-sɛŋ lâai kɛ́ a ŋelei-kpɛɛ-ŋa-ŋai.

Zasua 11:20

kpɛ́ni fêi, Yâwɛɛ è gɛ̀ daa lêe-ŋai ŋí su-ƃelai líi su é kpanaŋ a gɛ́ɛ da Eezuɛ-ŋai dí kɔ́ kɔ́ a gɛ́ɛ Eezuɛ-ŋai dí dípaa, dífe dímaloŋ kàa yɛ̂ɛ berei Yâwɛɛ è mò la Mose mai.

Piɛrə veelɛ 2:9

Ǹyaŋ à kɛ̀ Kúnuu-namui è nyíŋi kélee kɛ̀, gɛ̀ ní è gɔ́lɔŋ berei a pɔ̂ri Ŋ̀âla-ƃelai kula-yeei kɛ̂i la su-kɔɔŋ su é diai kɛ́ tɔŋ-kpɛ́-maa mu nyíi-ŋai dífe a tɔ̃yâ-ƃelai, é lɛ̀ɛ la zu mɛni-ŋa tée-tãi é seri,

Piɛrə veelɛ 3:7

Kɛ́lɛ, ŋelei da ǹɔii nyíi-ŋai díkaa naa tãi ŋí sui, Ɣâla ŋɔwóo tɔnɔi a dílɛɛ naa ŋɔŋ mɛni ma. A dílɛɛ naa é lɛ́ɛ la zu mɛni-ŋa tee-tãi da diai dífe láa ní a Ɣâla-mɛnii dísu-kara-tãi é seri.

Zûu 1:6

Ǹyaŋ ŋ̀âla-taa-kela-ŋai nyíi-ŋai dífe lɛ̀ɛ ní díkpîŋ-tii-ŋai mɛi, kɛ́lɛ, dí kùla díkpîŋ-kwaa-ŋai diai, Ɣâla è dípu Dɛ̂ƃele-taa-kpinii sú a gɛɛ dí lɛ́ɛ naa mɛni-ŋa-tee-ɣele kɛ́tɛi é seri.

M̀ɛni-lɛɛi 2:21

Ŋá tãi tɛ̀ɛ bɔ a gɛɛ é ǹíi pene, kɛ́lɛ, vé faâi a gɛɛ é ŋɔwulu-wulu kɛ-lii pene.

M̀ɛni-lɛɛi 6:17

Kpɛ́ni fêi, dílii-ŋwâna-ɣele kɛ́tɛi a pá, ǹyaŋ gbɛ̂ɛ ƃa pɔ̂ri tɔɔ̂i nàa tuɛi?”

Samuɛlə dɔlɔɔ 6:6

Ká fé kɛ̀ yɛ̂ɛ Ize-ƃelai da díkâloŋ. Dí kɛ̀ a díwôlii kpɔlɔɔ. Kɛ́lɛ Eezuɛ-ŋai Díɣâlai kɛ́ɛ a díkula maa kɛ́ a ŋ̀ánaai, dí tèe dîa dí lí.