Lomaŋ 15:5 - Bible

⁵ Nii-kpelei da ŋ̀anɛnɛ-Ɣalai é gɛ́ ka kákîe-ni wóo mɛni yɛ̂ɛ berei Zîsɛ Kôrai e mo lai,

Yálá laawoo hɛɓɛ (dc)

⁵ Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Yálá laawoo hɛɓɛ

⁵ Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Lomaŋ 15:5 ပူးပေါင်းရင်းမြစ်များ

Kɔlɔnikɔ Veerɛi 30:12

Ɣâla yée è kɛ Zuda ƃelai pôlu é dílii kɛ tɔnɔ dí pá galoŋ da naa tii kɛ́ lɔɔi-ƃelai pɔ yɛ̂ɛ berei Yâwɛɛ è mò lai.

Mąątɛ̨nɛ̨ 86:5

Í sɔŋ lɛ̂lɛɛi, íkɛ kúsɔnyɔ̂ŋ su mɛni lɛ̀ɛ. Íwɛ̂li-kɛ-maai káa naa diai da ífɛ̀lii, dí mɛni ma.

Lɛɛ gbɔwɔ ɓa 34:6

Yâwɛɛ è tɛ̀ɛ Mose ŋɛ́i-tuɛ é gbîŋ láa tóli ǹyɛɛ, “Yâwɛɛ, Yâwɛɛ, ŋgáa a Ɣâlai maloŋ-kâa támaa káa ǹyêei. Ǹíi-ŋwana-la fé nɛ̃ɛ ní. Wɛli-kɛ-maa támaa káa ǹyêei da sãa-laa.

Ɉeremi 32:39

M̀ɛni-ŋûŋ tɔnɔi ŋa pâi gɛ̂i dí gɛ́ ḿîi ƃa, dí ƃaa kɛ́ maa tɛ́ɛ ḿbɔ a tãi kélee dí kɛ̀ ɣéniɛi su. Dà gɛ̀ tí, da pâi mɛni lɛ́lɛɛ sɔlɔ ƃôi da dísuui.

Izikiɛ 11:19

À kɛ̀ tí, ŋa pâi kili-ŋa sia nina kɛ̂i dîa, ŋa mɔleŋ-nina tɛɛ dípɔ. Ŋa pâi lìi-su kpanaŋ-ŋai kulâi díyeêi, ŋa wòo mɛ̂ni-lii tɛɛ dípɔ.

Gɛlaɠaa 4:32

Nàa-laa-ƃelai dí kɛ̀ zu tɔnɔ da dímɔ̂leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Lomaŋ 12:16

Ka tûa a kákîe-ni a ǹɛ́lɛɛ; káfè kɛ̀ a su-mɛni-kɛtɛ-ƃela, ka ŋa-yeŋ-ƃela ka kɛ́ kákîe-ni dîa; káfe kákpîŋ kɛ̀tɛ.

Lomaŋ 15:13

Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 15:3

Kpɛ́ni fêi, Kôrai fe gbîŋ líi láa ni; kɛ́lɛ, yɛ̂ɛ berei bɔ̃yɛɛ̂i lai, “Mɛni nyɔ́mɔɔ-ŋai dí mò e pîlaŋ yâi, gélee e pù ŋ́ûa.”

Korɛntə dɔlɔɔ 1:10

Ŋánûa, ŋa kákpera fêi Kúnuu-namui Zîsɛ Kôrai láai su a gɛ́ɛ kákelee ka fáa a gɛ́ɛ káfè kɛ̀ a káŋa kɔlɛɛ, kɛ́lɛ, ka kɛ́ zu tɔnɔɔ gili-ŋa-sia tɔnɔi su da mɛni-ŋa-teɛɛ tɔnɔi.

Korɛntə veelɛ 13:11

Gbɛɛ ŋái, ŋánûa, káɣele-wulii. Ka kátûa-perei pɛ́ŋ pɛ́lɛ, ká káwoli tɔ̂ɔ mɛnii ŋí ma ŋa môi kâai, ka káwoo kɛ́ zu tɔnɔɔ, ká kɛ́ lii-sêe su, gɛ̀ ní ŋwɛli-kɛ-maa da nii-see-Ɣalai a pâi kɛ̂i kákɔlɛ.

Korɛntə veelɛ 7:6

Kɛ́lɛ, Ɣâla nyíi a ǹii-soli-ƃelai ŋá nɛ̀nɛi, e kúŋa nɛ̀nɛ a Taitɔ páa.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Filipə 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a ǹɛɛ ma máŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔ̂ɔni a gbanaŋɔɔ mɔ̂leŋ tɔnɔ su a kili-ŋa-sia tɔnɔ, kakɛ mɛni kâa gîe ma Duŋ Lɛ́lɛɛi maa-laa-lai mɛni ma,

Filipə 2:2

ka ŋálii-nɛ̃ɛi lá fɛ́ɛ a kili-ŋa-sia tɔnɔ, wɛli-kɛ-maa tɔnɔ, a gɛ́ɛ ká kɛ́ zu tɔnɔɔ kili-ŋa-sia tɔnɔ é kɛ́ káyêei.

Filipə 3:16

Tɔɔ nɔ́ zɛŋ nyíi kwa zɔlɔ ƃói, ku maa-tua kɛ́.

Filipə 4:2

Ŋa Yuwôdia da Siŋtake kpera fe a gɛ́ɛ díwoo é kɛ́ zu tɔnɔɔ Kúnuu-namui kponôi.

Piɛrə dɔlɔɔ 3:20

nyíi-ŋai dífe woo-mɛni kɛ̀ ni a maa-ŋuŋ tãi Ɣâla è dímaa kpɛ̂ŋ la a lii-kpele-pere Nôa ŋɔtãi ma a geleŋ-kpɛtɛ-tãi, nyíi núu-kpulu loŋ, zu-kulâi ƃa nuu lɔ́ɔlu mɛi saaƃa, è ƃàlo zu yá sârai.

Piɛrə dɔlɔɔ 3:8

Gbɛɛ-ŋai, kákelee kákili é kɛ́ tɔnɔɔ, maloŋ-see é kɛ́ káyêei, ká kákîe-ni wɛ́li, maloŋ-kaa é kɛ́ káyêei da líi-maa-yeŋɔɔ.

Piɛrə veelɛ 3:15

Ka Kúnuu-namui maa-kpɛŋ lii-kpele siɣe a ƃalo-laa. Bere nɔ́ ƃe máŋ kúwɛli-kɛ-maa-ƃarâŋ Pɔ̂ɔ è kɔlɔ pɔ̃yɛ la kápɔ naa yɛ̂ɛ berei Ɣâla è maa-tare tɛ̀ɛ la bɔi.

Piɛrə veelɛ 3:9

Kúnuu-namui maa fé tínaŋ ní ŋɔkono-teei ŋa-see kɛ-mɛni ma yɛ̂ɛ berei núu da-ŋa da dòli la a maa tinaŋ. Kɛ́lɛ, a ǹíi kpèle kâa, va ŋ̀wɛli núu da kélee é sáa. Kɛ́lɛ, a ŋ̀wɛli núu kélee dí dílii pene.