Lomaŋ 14:18 - Bible

¹⁸ ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Yálá laawoo hɛɓɛ (dc)

¹⁸ Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Yálá laawoo hɛɓɛ

¹⁸ Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Lomaŋ 14:18 ပူးပေါင်းရင်းမြစ်များ

Zɛnɛse 4:7

À kɛ̀ ƃà tùa a ǹɛ́lɛɛ, fé pâi ńyee seêi ímu? Kɛ́lɛ à kɛ̀ ƃà wàla tûa a ǹɛ́lɛɛ, gɛ̀ ní sɔnyɔ̂ŋ káa ípɛrɛi lá a gɛɛ ǹyée é pɔ̂ri yâ, kɛ́lɛ fɛ̂ɛ í ǹyée mɛi ɣále.”

Ikilisiati 9:7

Kɛ́ ílaa miî a lii-nɛ̃ɛ pere, íkɛ íŋwã̂ai kpêle a koi-nɛ̃ɛ, kpɛ́ni fêi, m̀ɛnii ŋí ƃé a Ɣâla líi làa.

Markə 13:34

Gɛ̂ɛi yɛ̂ɛ núu à kɛ̀ liî sia kôya ma. À kɛ̀ kulâi ŋɔpɛ́rɛi lá, díi a ŋ̀wɛ̂lii ǹyée mu-ƃelai dí gɛ̂i a ǹɛ dîa é m̀ó gbôŋ lá mɛi káa-nuui ma a gɛ́ɛ é naa mɛi káa a ǹɛ́lɛɛ.

Ɉaan 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Gɛlaɠaa 10:35

Kɛ́lɛ, ǹúui kélee à yâo Ɣâla ma lɔii kélee sui, gɛ́ tûa-pere lɛ́lɛɛ kɛi, Ɣâla a ǹyée sèe maa nuui mu.

Lomaŋ 12:11

Káfe nyɛ̃-yɛ̃ŋ kátii-ŋai su. Kɛ́lɛ, ka kpanaŋ kámɔ̂leŋ su, ká tíi kɛ́ Kúnuu-namui mi.

Lomaŋ 14:4

Gbɛ̂ɛ ƃa yá a gɛ́ɛ í núu da kpɛni yée-mu-nuu ŋɔmɛni ŋá tée? Mɛi-nuui ŋɛi tuɛ ƃe a tɔ̂ɔ naa, kpaa máŋ é tóo. A pâi tɔɔ̂i, kpɛ́ni fêi, pɔ̂ri káa Mɛi-nuui mi é gɛ́ é tɔ́ɔ.

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ-woo-ŋa.

Lomaŋ 6:22

Kɛ́lɛ, ká nâa kùla sɔnyɔ̂ŋ ŋɔwála-walai mu ka kɛ́ a Ɣâla ŋɔnûa. M̀ɛni lɛ́lɛɛ ƃa ka nâa kɛ́ a Ɣâla pɔ́ɔ, nyaŋ mɛni lɛ́lɛɛi pâi kulâi nyíŋi su kámɛni mai nya ƃa wɔ́lɔ-wɔlɔ fulu-laai.

Korɛntə dɔlɔɔ 7:22

Kpɛ́ni fêi, ǹúui dí dòli Kúnuu-namui kponôi yɛ̂ɛ luɛi, gáa a Kúnuu-namui ŋɔŋuŋ-ma-ƃo. Bere nɔ́ ƃe è kɛ̀ la a ǹúui kɛ̀ a ŋuŋ ma ƃóɔ tãi dí dòli lai, gáa a Kôrai ŋɔluɛ.

Korɛntə veelɛ 4:2

Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii; kúfa fâa ma a gɛ́ɛ ku wôya maa kɔ́ri, kpaa máŋ ku Ɣâla ŋɔwóoi ƃó a maa-faleŋɔɔ, kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔ pono ŋá.

Korɛntə veelɛ 5:11

Mɛni ma berei ku Kúnuu-namui ŋɔkili-ŋa-siai kɔ́lɔŋ lai, kúkaa nuu-kpune líi penêi; berei kúkaa lai Ɣâla e gɔ́lɔŋ, ǹyaŋ eêi pɔ̂ri kɛ̂i a sɛŋ a gɛ́ɛ káa máŋ ka gɔ́lɔŋ kákili-ŋa-siai su.

Korɛntə veelɛ 5:9

Mɛni ma à nɛ̀ɛ máŋ ku kɛ́ kúpɔ-taai kpaa máŋ ku kúla naa, ku kúkili ŋá sîa a gɛ́ɛ ku ǹíi láa.

Korɛntə veelɛ 6:4

Kɛ́lɛ, mɛni kélee su kwa kúkpîŋ lɛ́ a Ɣâla yée-mu-ƃela a fɔlɔ-fɔlɔ mɛni-soli su, mɛni-kpɔ̂lu su, da lii-sɛ̂lɛŋ,

Korɛntə veelɛ 8:21

kpɛ́ni fêi, kwa ŋ̀wɛ̂lii ku mɛni lɛ́lɛɛ kɛ́, kúfe gɛ̂i nɔ́ Kúnuu-namui ŋɛi mɛni ma, kɛ́lɛ, kwa gɛ̂i máŋ núu-kpune ŋɛi.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.

Filipə 4:8

Gbɛɛ ŋái, ŋánûa, mɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛɛ̂i dí ǹáa maa tɛ́i, ka kákili ŋá sia e pîlaŋ mɛni-ŋai ŋí dîa.

Kolosə 3:24

Ka gɔ́lɔŋ a gɛ́ɛ ka pâi bɔɔ-sɛŋ sɔlɔ ƃôi Kúnuu-namui yêei a káfela-fei. Kákaa tíi kɛ̂i Kúnuu-namui Kôrai mi.

Timote dɔlɔɔ 2:3

Nyíŋi lɛ́lɛɛ̂i, ǹyaŋ gɛ ƃo a lii-laa Kúƃalo-nuui Ɣâla ŋɛi,

Timote dɔlɔɔ 5:4

À kɛ̀ pɔɔ-nɛni lônii da kɛ̀ ma, kpaa máŋ ǹônii-lonii, tɔɔ fulɔi dí m̀aa kɔ́ri berei da pɔri ƃaa kɛ́-maa tɛɛ̂i la dínûai pɔ dí díkpai da kula; kpɛ́ni fêi, nyíŋi káa a Ɣâla lii-laa mɛni.

Piɛrə dɔlɔɔ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi da da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Piɛrə dɔlɔɔ 2:20

Le-mɛni lɛ́lɛɛ ƃe naa, à kɛ̀ kà mɛni nyɔ́mɔɔ kɛ́, ka mɛni-soli káa mɛni ma a lii-kpele? Kɛ́lɛ, à kɛ̀ kà mɛni lɛ́lɛɛ kɛ̀, ka mɛni-soli káa mɛni ma a lii-kpele, gáa a Ɣâla nîa-mɛni.

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Piɛrə dɔlɔɔ 3:16

Kákili-ŋa-siai é kɛ́ a maa waa a gɛɛ nûa da lòno kâa, diai da lòno kâa kátûa-pere-lɛ̂lɛi mɛni ma Kôrai kponôi, dí ŋumɛ.