Lomaŋ 14:17 - Bible

¹⁷ Kpɛ́ni fêi, Ɣâla ŋɔkâloŋ-laai su-kulai fa nɔ́ a mìi-sɛŋ da kpele-sɛŋ, kɛ́lɛ, zu-kulai ƃa tɔ̃yâ laa-la, lii-sêe, da lii-nɛ̃ɛ M̀ɔlêŋ Maa Waai su;

Yálá laawoo hɛɓɛ (dc)

¹⁷ Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Yálá laawoo hɛɓɛ

¹⁷ Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Nįį-Mąąhəɠɛɛ a dɛɛ gu pɔ.

Lomaŋ 14:17 ပူးပေါင်းရင်းမြစ်များ

Azaya 32:17

Mɛi-kâa laa lɛ́lɛɛ mɛni da lii-sêe da pâi kɛ̂i ǹɔii su. A pâi kɛ̂i tí, kpɛ́ni fêi, nûa da pâi kɛ̂i tɔ̃yâ da teniŋ-ƃô mɛni-ŋa kɛ̂i a díkîe-ni.

Azaya 45:24

“Da pâi môi a gɛɛ ńyãa tɔnɔ nɔ́ ƃé a gɛ̀ núu kponoi é kpanaŋ, gɛ́ tɔ̃yâ mɛni-ŋa kɛ̀. Diai da tɔ̀ɔ mai, da mɔ̃lɛ dí ŋumɛ.

Azaya 55:12

“Ka pâi kulâi Babelɔŋ a lii-nɛ̃ɛ, ka lí lii-sêe su. Ǹyée kpaya-kpayai da bɛlɛ-pɛlɛɛi da pâi kɛ̂i wule-ŋa toôi. Ŋ̀úru-ŋai dia máŋ da pâi kɛ̂i díyee ŋá lôkwai a lii-nɛ̃̂ɛ pere.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi gɛ̂i nûa díkɛ dílaa ma yɛ̂ɛ núu a yokpo tòo ma. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Maafîu 3:2

“Ka kálii pene, kpɛ́ni fêi, Ŋ̀âla-taa kâloŋ-laai a lɛɣɛ.”

Maafîu 6:33

Kɛ́lɛ, ka ŋɔkâloŋ-laai kɔ́ri da ŋɔtɔ̃yâ-laai fulɔi. À kɛ̀ ti, gɛ̀ ní, zãâi ŋí kélee a pâi kɛ̂i a kápɔɔ.

Lukə 14:15

Diai da dîa-ni dí kɛ̀ see ni teƃelei mai, díta tɔnɔ e mɛnii ŋi mɛni, ǹyɛɛ mai, “Lûwa káa ǹúui ma nyii pâi kpólo miî Ɣâla ŋɔkâloŋ-laai sui!”

Ɉaan 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Ɉaan 3:3

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a nina, à wàla kɛ́ ti, va pɔ̂ri Ɣâla ŋɔkâloŋ-laai kâai.”

Ɉaan 3:5

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a ǹyái da Mɔleŋ, à wàla kɛ́ ti, va pɔ̂ri liî Ɣâla ŋɔkâloŋ-laai su.

Gɛlaɠaa 13:52

M̀ɔlêŋ Maa Waai è pà Zîsɛ ŋɔpôlu-ƃelai líi è nɛ̃ɛ da.

Gɛlaɠaa 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.

Lomaŋ 15:13

Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 8:6

Ǹyaŋ núu kíli puɔɔ gbîŋ-tua-perei ma káa a saa, kɛ́lɛ, núu kíli puɔɔ M̀ɔlêŋ ma káa a fulu-laa da lii-sêe.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Korɛntə dɔlɔɔ 4:20

Kpɛ́ni fêi, Ɣâla ŋɔkâloŋ-laai kɔ́ɔ fe tɔ̂ɔni lóno ma, kɛ́lɛ, gɔ́ɔ tɔɔ̂i wála-wala ma.

Korɛntə dɔlɔɔ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Korɛntə dɔlɔɔ 8:8

Mii-sɛŋ fe pâi kúkɛ̂i a gɛ́ɛ Ɣâla e ǹyée see kúmu. Ve a mɛni nyɔ́mɔɔ à kɛ̀ kúfa mii-sɛŋ-sii da mii. Kɛ́lɛ, à kɛ̀ kwà maa-mii-sɛŋ ti mii, nyíti fe pâi káƃaloɔ̂i.

Korɛntə veelɛ 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galatə 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Filipə 2:1

Mɛni ma à kɛ̀ ŋa-nɛnɛ káa Kôrai kponôi, wɛli-kɛ-maa kpɔŋ-maa, kámɔ̂leŋ ni ka-kɛ-zu-tɔnɔɔi, da wɛli-kɛ-maa, é pɛ́lɛ maloŋ-kaa ma,

Filipə 3:3

Kpɛ́ni fêi, kúa ƃe kúkaa a nuu-kpɛtɛ-ƃela a tɔ̃yâ, kúai kwa Ɣâla fɛli mɔ̂leŋ su, kúkɛ lii-nɛ̃ɛ kula Zîsɛ Kôrai kponôi. Kúfa lâa a núu kpono kpɛtɛ-mɛni.

Filipə 3:9

Ŋa ŋ̀wɛ̂lii ŋá kɛ́ gbonôi, a gɛ́ɛ ŋ́gbîŋ tɔ̃yâ laa-la fè kɛ̀ ńyêei nyíi kula dɔ̂ŋ sui, kɛ́lɛ, fɛ̂ɛ dɔ̃yâ-laai nyíi gáa Kôrai kponôi laa-la sârai. Gáa a dɔ̃yâ-laai kùla Ɣâla yêei nyíi kùla laa-la sui,

Filipə 4:4

Ka lii-nɛ̃ɛ kula Kúnuu-namui kponôi a ɣele kélee; ŋa ŋɔ́nɔ m̀ôi káa a gɛ́ɛ ka lii-nɛ̃ɛ kula.

Filipə 4:7

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sârai.

Kolosə 1:11

Kasu é kpánaŋ a wála-wala kélee ŋɔfólo-laai ŋɔwála-walai sârai lii-kpele kélee mɛni ma da mɔ̃lɛ su-koya a lii-nɛ̃ɛ,

Tɛsalonikə dɔlɔɔ 1:6

Ǹyaŋ ká kɛ̀ a kúpɔkɔŋ-ƃela da Kúnuu-namui, kpɛ́ni fêi, ka ŋ̀óoi sɔlɔ ƃo mɛni-kpɔ̂lu támaa su a lii-nɛ̃ɛ nyíi M̀ɔlêŋ Maa Waai e bu kákponôi;

Tɛsalonikə dɔlɔɔ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Hebreu 13:9

Káfe nɛ̀ɛ naa sɛŋ-lɛɛ nina-sii da kpɛni-ŋa dífe kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Piɛrə dɔlɔɔ 1:8

Ǹúui káfe niî gáa níi, ka ŋ̀wɛ̂lii. Berei máŋ káfe gaâi la tãi ŋí su, kɛ́lɛ, kalaâi lai. Ka lii-nɛ̃ɛ su kɛ́tɛ kúla nyíi ǹáa fɛɛ̂i kpɔ́ a folo-laa a ŋánaai.

Piɛrə veelɛ 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛ̂i dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.