Lomaŋ 12:12 - Bible

¹² Ka lii-nɛ̃ɛ kula kákili-kɛ-zui su. Ka kálii kpele mɛni-kpɔ̂lu su. Ka tɔɔ Ɣâla-fɛliɛ su a gbanaŋɔɔ.

Yálá laawoo hɛɓɛ (dc)

¹² Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Yálá laawoo hɛɓɛ

¹² Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Lomaŋ 12:12 ပူးပေါင်းရင်းမြစ်များ

Mąątɛ̨nɛ̨ 109:4

Berei máŋ ŋá díwɛlini lai, kɛ́lɛ dítɔɔ̂i ḿâ, a nɛ̃ɛ ma kpîŋ ŋ́gɛ Ɣâla fɛ̀li dímɛni ma.

Mąątɛ̨nɛ̨ 37:7

Ílii kpéle í Yâwɛɛ maa kpɛ́ŋ. Ílii fé sɛ̀lɛŋ diai mɛ̂ni ma díkɛ mɛ̂ni a ƃûu ƃoi, kpaa máŋ diai mɛ̂ni ma dímɛni kpɛtɛɛ nyɔ́mɔɔ-ŋai ŋ̀aa-see a kɛ̂i.

Mąątɛ̨nɛ̨ 40:1

Ŋa Yâwɛɛ maa kpɛ́ŋ a lii kpêle pere. A ŋ̀óli tɔ́ɔ ḿâ a kpɔŋ ḿâ.

Mąątɛ̨nɛ̨ 62:8

Ŋánûa, ka láa a Ɣâla a ɣele kélee. Ka kámɛni kpɔ̂lui kélee maa mɛ̂ni ƃó ma, kpɛ́ni fêi, ǹyaa ƃa kúŋuŋ maa ƃó-nuui.

Hanwon 10:28

Tɔ̃yâ-nuu ŋɔkili-kɛ-zui a pâ a lii-nɛ̃ɛ, kɛ́lɛ ŋwana-lɔ̂ɔ-nuu ŋɔkíli-kɛ-zui káa nɔ́ kpɛ́ni-kpɛni.

Hanwon 14:32

Ŋ̀wana-lɔ̂ɔ-nuui ŋɔŋwana-lɔ̂ɔ-tuai a ǹyée mɛi ɣâle, kɛ́lɛ tɔ̃ya-nuu ŋɔtɔ̃yâ-tuai a maa kɔ̃ɔ.

Maafîu 5:12

Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.

Lukə 10:20

Kɛ́lɛ, káfe lii-nɛ̃ɛ kɛ̀ nyiŋi su a gɛɛ nyînaŋ nyɔ́mɔɔ-ŋai da káwoo siɣe; kɛ́lɛ, kálii e nɛ̃ɛ a gɛɛ kálaa pɔ̃yɛɛ̂i Ɣâla-taa.”

Lukə 21:19

Kálii-kpele-pere ƃe ka pâi káfulu-laai sɔlɔ ƃôi la.

Lukə 8:15

Nyii-ŋai ǹɔii lɛ́lɛɛi mai, dia ƃa ǹûai da m̀ɛni dí ŋ̀óoi lâai kɛ́ a tɔ̃yâ-lii lɛ́lɛɛ dí ƃa a lii-kpele-perei.

Gɛlaɠaa 1:14

Ǹûai ŋí kélee díkɛ̀ zu tɔnɔɔ dí díkpîŋ pu Ɣâla fɛliɛ su, da nɛyâai, Zîsɛ ǹee Mere da ǹêɣe-sinaâi.

Gɛlaɠaa 12:5

Pitɛ è kɛ̀ gbini-pɛrɛi mu. Kɛ́lɛ, Kôrai-toli-kpɔŋ è kɛ̀ Ɣâla fɛlîi m̀ɛni ma a gbanaŋɔɔ.

Gɛlaɠaa 2:42

Dí dítãi dámaa pù sɛŋ maa kɔ́riɛɛ su zia-ƃelai yée mu. Da dia-ni díkɛ̀ díkîe ma dí ɣala fɛli gîe ma díkɛ dílaa mii gîe ma.

Gɛlaɠaa 6:4

Kɛ́lɛ, kwa pâi kúŋuŋ pûi Ɣâla fɛliɛ su a tãi kélee da ŋɔwóoi ƃoɔ.”

Lomaŋ 15:13

Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 15:4

Mɛni-ŋai dí bɔ̃̀yɛ nàa tuɛi, dí bɔ̃̀yɛ a gɛ́ɛ ku mɛni maa kɔ́ri a dia, a gɛ́ɛ lii-kpele su da Ŋ̀âla-kɔlɔi ŋɔŋa-nɛnɛ kili-kɛ-zu e kɛ́ kúyêei.

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Lomaŋ 8:25

Kɛ́lɛ, à kɛ̀ kili-kɛ-zu à kɛ̀ kúyêei zɛŋ mɛni ma kúfa gàai, gɛ̀ ní kwa m̀aa kpɛ̂ŋ a lii-kpele.

Korɛntə dɔlɔɔ 13:13

Mɛni ma, zɛŋ saaƃa ŋí, laa-la, kili-kɛ-zu, da wɛli-kɛ-maa díkaa nɔ́ naa wɔlɔ-wɔlɔ, kɛ́lɛ, zɛŋ saaƃai ŋí nyíi dɛɛ̂i gélee mai, ǹyaa ƃa wɛli-kɛ-maa.

Korɛntə veelɛ 12:8

Ŋa Kúnuu-namui kpera fe la kɛ́ saaƃa mɛnii ŋí mɛni ma a gɛ́ɛ mɛnîi kpîŋ é síɣe ḿbôlu;

Filipə 3:1

Gbɛɛ ŋái, ŋánûa, ka lii-nɛ̃ɛ kula Kúnuu-namui kponôi. Vé ḿâ a mɛni kpanaŋ a gɛ́ɛ ŋa mɛni tɔnɔi pɔ̃yɛ kâa, ǹyaŋ ǹɛ́lɛɛ̂i kámɛni ma.

Filipə 4:4

Ka lii-nɛ̃ɛ kula Kúnuu-namui kponôi a ɣele kélee; ŋa ŋɔ́nɔ m̀ôi káa a gɛ́ɛ ka lii-nɛ̃ɛ kula.

Kolosə 1:11

Kasu é kpánaŋ a wála-wala kélee ŋɔfólo-laai ŋɔwála-walai sârai lii-kpele kélee mɛni ma da mɔ̃lɛ su-koya a lii-nɛ̃ɛ,

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolosə 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Kolosə 4:2

Ka kɛ́ nɔ́ Ɣâla fɛlîi a ɣele kélee. Ka kámɛi káa zu a sɛɣɛi-fei.

Tɛsalonikə dɔlɔɔ 1:3

Kálaa-laa-tii kɛ́ɛi a tôo kúkili ŋá Kúnâŋ Ɣâla ŋɛ́i, da káwɛli-kɛ́-maa-mɔ̃lɛ̂i é pɛ́lɛ gíli-kɛ-zui ma gáa káyêei a tãi kélee Kúnuu-namui Zîsɛ Kôrai kponôi.

Tɛsalonikə dɔlɔɔ 5:8

Kɛ́lɛ, tãi nɔ́ kúkaa la a ŋele-ƃɔi pɔ́ɔi, kwaa ku kɛ́ a kúŋuŋ su séɣeŋɔɔ, ku laa-la kɔli-kalaŋ da wɛli-kɛ-maa kɔli-kalaŋ pɛlɛ ku-keŋe lá gbaƃɛlɛi é kɛ̂ a ƃalo-laa maa-kili kɛ-zu.

Tɛsalonikə veelɛ 1:4

Mɛni ma kúa kpîŋ kwa yoŋka tèe ka mɛni ma Ŋ̀âla-toli-kpɔŋ-ŋai su káfɔrɔ-fɔrɔi mɛni ma. Kwa yoŋka tèe ǹaa-lai gáa káyêei kákpɔara-ƃelai samai mɛ̂ni ma é pɛlɛ mɛni-kpɔ̂lu-ŋai ka tɛɛ̂i zui dîa.

Tɛsalonikə veelɛ 3:5

Kúnuu-namui é kálii-ŋai tenîŋ tɔ́ɔ Ɣâla ŋɔwɛli kɛ́-maai ma da Kôrai ŋɔlii-kpelei.

Timote dɔlɔɔ 6:11

Kɛ́lɛ, à kɛ̀ a yái íkaa a Ɣâla ŋɔnúui, tée nyíŋi kélee ma; kɔ́ a gɛ́ɛ í kɛ́ a tɔ̃yâ-nuu, í kɛ́ a Ɣâla-mɛni kɛ́-nuu, laa-la é kɛ́ íyeêi, wɛli-kɛ-maa, fɔlɔ-fɔlɔ, da sɔŋ-lɛlɛ-laa.

Timote veelɛ 3:10

Kɛ́lɛ, ya ŋásɛŋ-lɛɛi káa, ya ǹdûa-perei káa, mɛnii ŋa ŋ̀wɛ̂lii ŋa gɛ ŋ̀éniɛi sui, ŋálaa-lai, ŋálii-kpelei, ŋáwɛli-kɛ-maai, ŋáfɔrɔ-fɔrɔi,

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa-mɛni fólo-laa su,

Taitɔ 3:7

a gɛɛ é kúkɛ a tɔ̃yâ-ƃela a ŋɔƃɛlɛ-sêei kú kɛ́ a pɔɔ-sɛŋ mɛi-ƃela yɛ̂ɛ berei ŋwɔlɔ-wɔlɔ fúlu-laai ŋɔkili-kɛ-zui káa lai.

Hebreu 10:32

Kɛ́lɛ, ŋele pɔlɔ-ŋai dí lɛ́ɛ kákili ŋá gwaa-ponoɔi-kaa káa pôlu ma, tãi ká kɔ̀ la kpɔ́ a gbanaŋɔɔ mɛni-soli-kaa sui.

Hebreu 10:36

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ka ŋɔkono-teei sɔlɔ ƃo.

Hebreu 12:1

Mɛni ma tãi nɔ́ sére támaa tínaŋɔɔ̂i la kûa yɛ̂ɛ ɣele-kɔlɔŋ kolei, fɛ̂ɛ nɔ́ kúa máŋ kú gbîri-wiyɛɛ-ŋai láa da zɔnyɔ̂ŋ ŋai nyíi-ŋai da kúkpàaŋ kú gba-kpa fúlɔi maa kîrɛ siɣe kpɔ́ a gbanaŋɔɔ nyíi gáa kútuɛi.

Hebreu 3:6

Kɛ́lɛ, Kôrai è kɛ̀ a núu sã́a Ɣâla ŋɔpɛ́rɛi mɛi yɛ̂ɛ ǹóŋ. Ǹyaŋ kúa ƃa ŋɔpɛ́rɛi à kɛ̀ kwa kúlaa-lai sôŋ a gbanaŋɔɔ é seri gɔ̃yɛŋ ma da kúlii-nɛɛi kúkili-kɛ-zui su.

Hebreu 5:7

Tãi Zîsɛ è kɛ̀ la ŋɔnúu-kpune-kɔlɔi sui, ǹúui pɔ̂ri è kɛ̀ mì a gɛɛ é gúla saa yêei, Zîsɛ è vɛ̀li é gbera fé a ŋ̀óo su kɛ́tɛ a ŋ́ɛi-ya, ǹyaŋ ŋ̀óo è sîŋ sòŋ, kpɛ́ni fêi, yao-maa è kɛ̀ ǹyêei Ɣâla mɛni ma.

Hebreu 6:12

Káfe kɛ̀ a nyɛ̃ŋ-nyɛ̃ŋ ƃela, kɛ́lɛ, ká kɛ́ a diai pɔɔkɔ̂ŋ-ƃela díkaa a gono-tee-ŋai sɔlɔ ƃo-ƃela laa-la da lii-kpele sârai.

Hebreu 6:15

Ǹyaŋ Eberaɣɛ̃ɛ nyíi maa-kpɛŋ kɛ̀ a lii-kpelei, é góno-teei sɔlɔ ƃô.

Zĩi 5:7

Mɛni ma, ŋánûa, ka kálii kpéle é lɛ́ɛ la zu Kúnuu-namui pa-tãi é seri. Ka gáa, gbâlaŋ ŋá tii-kɛ-nuui a dunai maa-ŋuŋ da gbɛɛ ŋái maa kpɛ̂ŋ lii-kpele-pere su a gɛɛ é ŋɔsí-sãai m̀á lɛlɛɛ sɔlɔ ƃo.

Piɛrə dɔlɔɔ 4:13

Kɛ́lɛ, ka lii-nɛ̃ɛ kùla yɛ̂ɛ berei ka Kôrai è mɛni-solii sɔlɔ ƃo lai, a gɛɛ káa máŋ ka lii-nɛ̃ɛ kúla lii-laa é kɛ́ káyêei tãi ŋɔfólo-laai a lɛ́ lai.

Piɛrə dɔlɔɔ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

Piɛrə veelɛ 1:6

Ka kátarei da pú mà a kákpîŋ mɛi-kaa, ká kákpîŋ mɛi-kaai da pú mà a fɔlɔ-fɔlɔ, ká káfɔrɔ-fɔrɔi da pú mà a Ɣâla-mɛni-kɛɛ.

M̀ɛni-lɛɛi 13:10

À kɛ̀ núu a ŋ̀wɛ̂lii é kɛ́ a luɛ, a pâi kɛ̂i a luɛ. A kɛ̀ núu à núu pàa a ƃóa-sɔkpɔ, ƃóa-sɔkpɔ nɔ́ ƃe pâi baâi. Dólii ká ŋí Ŋ̀âla-ƃelai dílii-kpelei da dílaa-lai mɛni ma.