Lomaŋ 12:10 - Bible

¹⁰ ka kákîe-ni wɛli a núu-laa wɛli-kɛ-maa; ka kɔ́ kpɔ́ a gbanaŋɔɔ ka ƃaa kɛ́-maa tɛ́ɛ kákîe-ni pɔ.

Yálá laawoo hɛɓɛ (dc)

¹⁰ Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Yálá laawoo hɛɓɛ

¹⁰ Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Lomaŋ 12:10 ပူးပေါင်းရင်းမြစ်များ

Zɛnɛse 13:9

Kɛrɛ̂i ǹɔii kélee káa íŋɛi túɛ? Kú kúŋaa kɔ́lɛ. Ƃà lì kɔɔ-yee mɛi-pere, ŋa pâi liî laa-mii-yee mɛi-pere. Ƃà lì laa-mii-yee mɛi-pere, ŋa pâi liî kɔɔ-yee mɛi-pere.”

Zôo 1:4

Zôo ǹônii sinaai da kâa kɛ̀ kúu kɛ̂i dí pɛ́rɛ-ŋai lá tɛi-tɛi. Tãi da kâa kɛ̀ gúu-ŋai ŋí kɛ̂i lai, da kâa dísaaƃɔlɔ saaƃai tòli naa a gɛɛ dí dílaa míi, díkpele-sãa kpele gîe ma.

Mąątɛ̨nɛ̨ 133:1

Maa-nɛ̃ɛi, gɛ́ ƃò a mɛni lɛ́lɛɛ a gɛɛ Ɣâla ŋɔnûai díkɛ díkîɛ ma woo lâa-maa su.

Ɉeremi 38:12

Dí mò ḿâ a gɛɛ ŋá zeɣei láa ŋ́gbûmuŋ a gɛɛ ŋ̀ɛlii fa lâa ŋ́wana la. Ŋá gɛ̀ yɛ̂ɛ berei dí mò la ḿâi.

Maafîu 20:26

Ve pâi kɛ̂i tí kásama. Kɛ́lɛ, ǹúui ŋ̀wɛ̂lii a gɛɛ é kɛ́ a núu kɛ̂tɛ kásamâi, fɛ̂ɛ é kɛ́ a káyee-mu-nuu.

Lukə 14:10

Kɛ́lɛ, tãi da ƃɛlɛ-toli ƃò a yái, ye lí í see teƃele-wóŋ ma a gɛɛ ǹúui mɛlɛ-tolii ƃoi à pà, a pâi m̀ôi yâ, ǹyɛɛ, ‘Marâŋ, ye lí see teƃelei ŋuŋ ma’. Gɛ̀ ní, ƃâa a pâi kɛ̂i yâ ǹûai ŋ́ɛi ka dîa-ni kákaa see ni teƃelei mai.

Ɉaan 15:17

Ŋa nyíŋi ƃôi kâa, a gɛɛ ká kákîe-ni wɛ́li.

Ɉaan 17:21

a gɛɛ díkelee dí kɛ́ zu tɔnɔɔ; yɛ̂ɛ berei la yá Ńâŋ máŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Gɛlaɠaa 4:32

Nàa-laa-ƃelai dí kɛ̀ zu tɔnɔ da dímɔ̂leŋ. Núu tɔnɔ da kpîŋ fé m̀ó ní a gɛ́ɛ zãâi kɛ̀ ǹyêei, bɔ́ɔ è kɛ̀ a da, kɛ́lɛ, díkɔ̃liŋ kélee è kɛ̀ a díkîe-ni pɔ́ɔ.

Lomaŋ 13:7

Zɛŋ kélee gáa a dípɔɔi, ka dɛɛ dípɔ. Ka ŋuŋ-fela-fei tɛɛ ŋuŋ-fela-fei kula-ƃela pɔ, ka sɛŋ-kao tɛɛ ǹúui pɔ gáa a bɔ́ɔi. Ka ŋumɛ-maa tɛɛ diai pɔ ŋumɛ-maa a lî dípɔi, ka ƃaa kɛ́-maa tɛ́ɛ diai pɔ ƃaa kɛ́-maa a lî dípɔi.

Galatə 5:13

Kpɛ́ni fêi, ŋánûa, dí kátòli ŋuŋ-ma-ƃo ma; káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sârai, ká kɛ́ a kákîe-ni yée-mu-ƃela.

Galatə 5:22

Kɛ́lɛ, M̀ɔlêŋ ŋɔƃá-ŋai ƃa, wɛli-kɛ-maa, lii-nɛ̃ɛ, lii-sêe, lii-kpele, sɔŋ-lɛlɛ, mɛni lɛ́lɛɛ kɛ́ɛ, kili-kɛ-maa,

Galatə 5:6

Kpɛ́ni fêi, diai díkpɛtɛɛ̂i da diai dífe kpɛtɛ níi, dímaa-mɛni fe a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sârai.

Filipə 2:3

Káfe ŋɛi-kpala-mɛni kélee da kɛ̀ kpaa máŋ yoŋka-mɛni kélee, kɛ́lɛ, ka kákpîŋ maa yeŋ, ka káƃarâai siɣe a nûa lɛ́lɛɛ e tɛɛ káa kpîŋ kâa.

Kolosə 1:4

kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋwɛli-kɛ-maai gáa káyêei Ŋ̀âla-ƃelai kélee mɛni mai.

Tɛsalonikə dɔlɔɔ 4:9

Kɛ́lɛ, é pîlaŋ la wɛli-kɛ-maa ma káƃarâai mɛni ma, ve a sɛŋ a gɛ́ɛ núu e kɔlɔ pɔ̃yɛ kâa, kpɛ́ni fêi, Ɣâla a kákîe-ni wɛ́li-pere lɛ́ káa kpîŋ kâa;

Tɛsalonikə veelɛ 1:3

Ŋánûa, fɛ̂ɛ nɔ́ ku sɛɣɛi-fei tɛɛ Ɣâla pɔ a ɣele kélee ka mɛni ma, yɛ̂ɛ berei maa nɛɛ̂i ku gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Hebreu 13:1

Tɔɔ ŋwɛli-kɛ-maai káyêei kákîe ni mɛni mai, é lí nɔ́ tuɛ-pere.

Piɛrə dɔlɔɔ 1:22

Kámɔ̂leŋ maa waâi a dɔ̃yâi maa-woo-mɛniɛi gáa káyêei a gɛɛ tɔ̃yâ-wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Piɛrə dɔlɔɔ 2:17

Ka ƃâa kɛ́ núu kélee ma. Ka diai wɛ́li ka dîa-ni kákaa zu tɔnɔɔi. Ka yao Ɣâla ma. Ka ƃâa kɛ́ gâloŋ kɛ́tɛi ma.

Piɛrə dɔlɔɔ 5:5

Káai kákaa a ǹúu tɔɔ-ŋai máŋ ká kɛ́ ǹúu-pɔlɔ-ŋai mu a bere-sii tí. Kákelee ka kámaa ɣiri a maa-yeŋ-lii kákîe-ni mɛni ma, kpɛ́ni fêi, “Ɣâla tɔɔ̂i yoŋka-nuu ma, kɛ́lɛ, a ƃɛlɛ-sêe tɛ̀ɛ maa-yeŋ-nuu pɔ.”

Piɛrə veelɛ 1:7

Ká Ɣâla-mɛni-kɛɛi da pú mà a lii-lɛlɛ kákîe-ni mɛni ma, ka kálii-lɛ̂lɛi da pú mà kákîe-ni mɛni ma a wɛli-kɛ-maa.

Zɔ̂ŋ Maa-ŋuŋ 4:11

Ŋáwɛli-kɛ-maa-ƃelai, à kɛ̀ Ɣâla è kúwɛ̀li a bere-sii ti, fɛ̂ɛ kúa máŋ kú kúkîe-ni wɛ́li.

Zɔ̂ŋ Maa-ŋuŋ 4:20

À kɛ̀ núu da à mò, ǹyɛɛ, “Ŋá Ɣâla wɛ́li ní,” kɛ́lɛ, é gɔlɛ-ma-nuui kpɔara, gáa a lɛ́ɛ-nuu, kpɛ́ni fêi, ǹúui vé gɔlɛ-ma-nuui wɛ́li ní, nyíi a gáai, va pɔ̂ri Ɣâla wɛ̂lii, nyíi vé niî gáa níi.