Lomaŋ 1:21 - Bible

²¹ Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, kili ŋá púɔɔ.

Yálá laawoo hɛɓɛ (dc)

²¹ Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Yálá laawoo hɛɓɛ

²¹ Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 1:21 ပူးပေါင်းရင်းမြစ်များ

Zɛnɛse 6:5

Yâwɛɛ è gàa a gɛɛ núu-kpune ŋɔŋwana-lɔɔi è kɛ̀ a gɛ́tɛ ǹɔii ma, díkoi-mɛni-ŋai díkɛ ƃô a nyɔ́mɔɔ a tãi kélee.

Zɛnɛse 8:21

Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ̂mɔɔi é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Tɔɔɓɛlaa dɔlɔɔ 20:23

M̀ɛnii ŋí kɛ́ɛ kɛ̂i, Siria kaloŋ ŋɔnûa láa túɛ-ƃela kpaya-kpayai dí ǹia-woo ƃò dîyɛɛi, “Díɣâla-ŋai díkaa a ǹyée-ŋai su Ɣala-ŋa. M̀ɛnii tí ƃé gɛ̀ díkɛ ƃò a díwála-walaa kúmɛi. Kɛ́lɛ kwa dîa-ni kwa kɔ̀ diŋ-tiŋ ŋá pere, kúlâai la kwa pâi kɛ̂i a kúyee a pâi tɛɛ̂i dîa.

Tɔɔɓɛlaa veelɛ 17:15

Dífe wɔ́lɔ díwoli tɔɔ ní Yâwɛɛ ma ŋɔlia-woo-ŋai da ŋɔtɔ̂ŋ-ŋai ǹyaŋ dí díyee kùla Gbanaŋ-woo kpanaŋɔɔ lɛ́lɛɛi mu nyii Yâwɛɛ è wɔ́lɔ gɛ̀ dínâŋ-pɔlɔ-ŋai yêei. Dí pɛ̀lɛ ɣâla-pɔkɔŋ kpɛ́ni-kpɛni-ŋa fɛliɛɛ ma ǹyaŋ dia kpîŋ dí kɛ̀ nɔ́ kpɛ́ni-kpɛni. Yâwɛɛ è wɔ́lɔ mò Eezuɛ-ŋai dîa a gɛɛ dífe pìlaŋ mɛni-ŋai pôlu díkɔlɛ ma lɔii-ŋuŋ-ŋai dí kɛ̀ gɛ̂i, kɛ́lɛ Eezuɛ-ƃelai dí díkpîŋ kɛ̀ nɔ́ yɛ̂ɛ dia.

Mąątɛ̨nɛ̨ 50:23

Sɛɣɛ-fei tɛ̂ɛ ƃé gáa a zãâi nyii a ƃaa-kɛ ma tɛ̂ɛ ḿbɔ. Tɔ̃yâ ma ŋa pâi diai kélee da díwoli tɔ̂ɔ ḿâi ŋuŋ-ma ƃoi.”

Mąątɛ̨nɛ̨ 81:12

Nya ƃe ŋa ǹɛɛ la naa ŋ̀oii kpɔ̂lɔi ká kɛ̀ ŋ̀wɛ̂lii ká gɛ́i, ká kɛ́ gɛ̀. Kɛ́ kɛ̀ ká kpɔ́ɔ-kpɔɔi mɛni kɛ̂i.

Mąątɛ̨nɛ̨ 86:9

Óo Ǹuu-namui, yá ƃé ǹɔii-ŋûŋ-ŋai kélee kpɛ̀tɛ. Da pâi díŋuŋ maa pîlanii dí ífɛli. Da pâi íwala-wala-laa kɛ́tɛi maa tɛ̂i.

Ikilisiati 7:29

M̀ɛnii ŋí ŋâa gɔ́lɔŋ kpɔ́ a gbîŋ. Ɣâla è núu-kpune kpɛ̀tɛ a naa fii-kpɛɛ, kɛ́lɛ núu-kpune a gbîŋ kɛ́-pere kpânaŋ.

Azaya 60:2

Kpíni a pâi tôoi ǹɔii-ŋûŋ-ŋai dîa, kɛ́lɛ Yâwɛɛ ŋɔfólo-laai a pâi gɛ̂i í fólo. Ŋɔkɛ-naa-laai maa kwaa ponoɔɔi a pâi kɛ̂i ímɛi.

Ɉeremi 16:19

Yâwɛɛ, yá ƃé ya maa-kɔ̃ɔ, íkɛ wála-wala-laa tɛ̀ɛ ḿbɔ, tãi ŋa kɛ̂ la mɛni kpɔ̂lu sui. Lɔii-ŋuŋ-ŋa da pâi pâi ípɔ-naa díkula ŋ̀éniɛi gwaa kélee ma dí mó yâ dîyɛɛi, “Ŋ̀âla-ŋai kɛ̀ kúnâŋ pɔlɔ-ŋai yêei, dífe kɛ́ ní a tɔ̃yâ ɣâla-ŋa. Díkɛ̀ nɔ́ a ɣâla-pɔkɔɔŋ nyíi-ŋai kɛ̂i fé kɛ́ ní dîai.

Ɉeremi 17:9

“Gbɛ̂ɛ ƃa târe núu-kpune ŋɔkili-ŋa-siâi su? Sɛŋ tá fé naa gɛ̀ núu pɛ̀lɛ yɛ̂ɛ ǹyaa. A kɔ̂lɛi kpɔ́ zale fé ma.

Ɉeremi 2:5

Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kɛ̂i fé kɛ́-ni dîai.

Ɉeremi 9:14

Kɛ́lɛ, dí lɛ̀ɛ díkpîŋ kili-ŋa-siâi pôlu a wolii kpɔ̂lɔ-pere, ǹyaŋ díkaa nɔ́ Bêe ɣalai pôlu yɛ̂ɛ berei dínâŋ pɔlɔ-ŋai díwɔ́lɔ ǹɛ la diai.

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔɔkɔŋ ŋai da dílii penei kɛ́ dítinaŋ ḿbɔ naa pere.

Izikiɛ 20:25

“Ŋá tɔ̂ŋ tɛ̀ɛ dípɔ nyii ve lɛ́lɛ nii, kpaa máŋ va fulu-laa tɛɛ núu pɔi.

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, sɛŋ-kao kole da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Ɉaan 3:19

Mɛni-ŋa-teɛɛi ká ŋi, a gɛɛ gwaa-ponoɔi a pá ǹɔii su, núu-kpune ǹyaŋ dí kpini wɛ̀li é tɛ́ɛ kwaa-ponoɔ ma, kpɛ́ni fêi, dítûai e kɛ̀ a nyɔ́mɔɔ.

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 1:19

M̀ɛni-ŋai núu a pɔ̂ri gɔ̂lɔnii é pîlaŋ Ɣâla mai díkili ŋá ponoɔɔ̂i zu, kpɛ́ni fêi, Ɣâla ǹyaa kpîŋ a ǹɛ́ dîa.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Lomaŋ 11:10

Tɔɔ díŋɛi é kpíni dîa a gɛ́ɛ dífe kwaa kaa, dí dímaa pɛ́lɛ wɔlɔ-wɔlɔ da wɔlɔ-wɔlɔ.”

Lomaŋ 15:9

a gɛ́ɛ ŋɔ́nɔ Zɛ̃tai-ŋai dí Ɣâla ŋɔfólo-laai maa tɛ ŋɔmaloŋ-kaai mɛni ma, yɛ̂ɛ berei bɔ̃yɛɛ̂i lai, “Mɛni ma ŋa pâi ímaa-mɛni ƃôi Zɛ̃tai-ŋai sama, ŋa wule tóo a ílaa”;

Dutɛrɔnome 28:29

Vóloi a kula ka pâi kɛ̂i káyee pɛlɛ-pɛ̂lɛi yɛ̂ɛ ŋɛi-pû-nuu. Mɛni kélee ka káyee pìli zui, ŋ̀á fé pâi wɔ́lɔ kɛ̂i ma. Nûa da pâi káluânii díkɛ káfili. Núu da fé pâi kɛ̂i naa é káŋuŋ ma ƃó.

Timote veelɛ 3:2

Kpɛ́ni fêi, nûa da pâi kɛ̂i a díkpîŋ-wɛli-ƃela, dí ƃo a sɛŋ-kao wɛli-ƃela, su-mɛni kɛtɛ-ƃela, yoŋka-ƃela, woo-nyɔŋ-ńâ-ƃela, ǹûai dífa díkaa-ƃela wóo mɛnii, ǹûai dífa mɛni lɛ́lɛɛ maa-sɛɣɛi-féi kɛ̀i, da ǹûai dímaa fé waa níi,

Piɛrə dɔlɔɔ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni-ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

M̀ɛni-lɛɛi 14:7

È mò a ŋ̀óo su kɛ́tɛ, nyɛɛi, “Ka yao Ɣâla ma ka fólo-laa tɛɛ bɔ̀, kpɛ́ni fêi, ŋɔmɛni-ŋa-tée-tãi a pá. Ka ǹúui fɛ́li nyíi Ɣâla-taa kpɛ̂tɛ da ǹɔii, da ǹyúoi, é pɛ́lɛ ǹyá-pɛlɛ-ŋai diai.”

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”