Lomaŋ 1:1 - Bible

¹ Ńyãa Pɔ̂ɔ, ŋ́gaa a Zîsɛ Kôrai yée mu-nuu. È ńdòli a gɛ́ɛ ŋá kɛ́ a ŋɔsia-ƃelai da. E ńziɣe a gɛ́ɛ ŋá Ɣâla ŋɔtuŋ lɛ̂lɛɛi ƃó,

Yálá laawoo hɛɓɛ (dc)

¹ Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Yálá laawoo hɛɓɛ

¹ Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Lomaŋ 1:1 ပူးပေါင်းရင်းမြစ်များ

Kɔlɔnikɔ Maa-ŋuŋ 23:13

Amaraŋ ǹyaŋ ǹônii-sinaai ƃé kɛ̀ a Eelɔŋ da Mose. Dí Eelɔŋ siɣe zu a gɛ́ɛ gɛ́ zãa maa-waa-ŋai mɛi kâa. Dí ǹônii-sinaai siɣe zu a gɛ́ɛ díkɛ kéreŋ sɛŋ kúŋ-nɛ̃ɛ kereŋ Yâwɛɛ ŋɛ́i-tuɛ a ɣele kélee, díkɛ tíi kɛ mi, díkɛ ŋɔlûwai láa seri ǹûai dîa.

Azaya 49:1

Káai a ǹɔii-ŋuŋ su kôya-koya-ŋai su-ƃelai ŋ̀einiɛi gwaa kéleei, ka káwoli tɔ́ɔ ḿâ. Dílɛɛ pâi ḿaa sɔlɔ ƃôi, Yâwɛɛ è ńzìɣe zu é ŋ́gɛ a ŋɔtíi kɛ́ nuu.

Ɉeremi 1:5

“Ŋá lɛ́ɛ pâi íkpɛtɛ̂i ílee koo-ƃɔ̂lɔŋ su, ŋá kɛ̀ a íkɔlɔŋɔɔ. Ílee é lɛ́ɛ pâi ímaa sɔlɔ ƃôi, ŋá ísìɣe zu, ŋá ílɛ a ɣâla-woo ƃó núu ǹɔii ŋuŋ-ŋai dîa.”

Markə 1:14

Zɔ̂ŋ kɛ́ɛ da sòŋ a pelesinɛ da bú kpini-pɛrɛ mui, Zîsɛ è lì Galalii gɛ Duŋ Lɛ́lɛɛi ƃo naa é pîlaŋ Ɣâla ma,

Ɉaan 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Ɉaan 15:15

Fe pâi ŋɔ́nɔ káwôlii a yée-mu-ƃela. Kpɛ́ni fêi, ǹyée-mu-nuui fe mɛnii kɔ́lɔŋ ŋɔnuu-namui a gɛ̂i. Kɛ́lɛ, ŋa kátoli a wɛ́li-ƃela. Kpɛ́ni fêi, nyii-ŋai kélee ŋa mɛni Ńâŋ lái, ŋa gɛ́ ká gɔ́lɔŋ.

Ɉaan 15:20

Ŋ̀óoi ŋá mòi, é lɛ́ɛ kákili ŋá a gɛɛ, ‘Yée-mu-nuu fe tɛɛ ni ŋɔnuu-namui ma.’ À kɛ̀ da ŋ́gbɔ̀ara da pâi máŋ kákpɔarâi; da ŋáwooi mɛi kâa, da pâi káwoôi mɛi kâai máŋ.

Gɛlaɠaa 13:9

Nya ƃe Sɔ̂ɔ, nyíi máŋ dí dòli a Pɔ̂ɔi, è kɛ̀ a ǹáa fɛ́ɛ a M̀ɔlêŋ Maa Waai. È ŋ̀ɛ́i pìlaŋ mà,

Gɛlaɠaa 20:24

Kɛ́lɛ, mɛni-ŋai ŋí dɔnɔ kpîŋ fa ńii sɛ̀lɛŋ, kpaa máŋ ŋá ŋáfulu-laai siɣe a gbanaŋɔɔ ŋ́gbîŋ mɛni ma. Fɛ̂ɛ nɔ́ ŋa Ɣâla ŋɔtíi kpɛ́ɛ nyíi ŋa zɔlɔ ƃo Kúnuu-namui Zîsɛ yêei, a gɛ́ɛ ŋa Ɣâla ŋɔƃɛlɛ-seei maa tuŋ lɛ́lɛɛi maa sêre-faa kɛ́.

Gɛlaɠaa 21:40

Gɔkuluƃa-ŋai mɛi-nuu kɛ́tɛi kɛ́ɛ a fáa Pɔ̂ɔ wóo mai, Pɔ̂ɔ è tɔ̀ɔ bɛ́rɛi lá é ǹyée sã́a gbɔŋ mɛi a gɛ́ɛ dí dímɛi sáa. Gbɔŋ su-ƃelai kɛ́ɛ da dímɛi saai, è lòno dípɔ Ibulu-wooi su ǹyɛɛ dîai,

Gɛlaɠaa 22:21

Nya ƃe, e mò mâ, ǹyɛɛi, ‘Kula naa. Kpɛ́ni fêi, ŋa pâi ítɛɛ̂i kwaa kôya ma Zɛ̃tai-ŋai pɔ naa.’ ”

Gɛlaɠaa 22:7

Ŋá tòo ǹɔii ma ŋá wóo da mɛni, ǹyɛɛ ḿâi, ‘Sɔ̂ɔ, Sɔ̂ɔ, ya ŋ́gbɔarâi lé mɛni ma?’

Gɛlaɠaa 26:1

Nya ƃe Agulepa e mò Pɔ̂ɔ ma, ǹyɛɛi, “Ya pɔ̂ri nâa lônoi íkpîŋ mɛni ma.” Nya ƃe Pɔ̂ɔ e ǹyée sâa gɛ nâa gbîŋ maa kɔ̃ɔ, ǹyɛɛi:

Gɛlaɠaa 26:14

Tãi kúkelee ku tòo la ǹɔii mai, ŋá wóo mɛ̀ni gɛ lono ḿbɔ Ibulu-wooi su, ǹyɛɛi, ‘Sɔ̂ɔ, Sɔ̂ɔ, lé mɛni ƃe ya ŋ́gbɔara lai? Yà wúru-ŋa-seniɛ tùa a íkɔɔ, a íwàna.’

Gɛlaɠaa 27:23

Kpɛ́ni fêi, Ɣâla, nyíi bɔɔ ƃa ńyãai, nyíi ŋɔ́nɔ ŋa vɛlii, ŋɔkélai e tɔ̀ɔ ŋ́ɛi sâa gbínii su,

Gɛlaɠaa 9:15

Kɛ́lɛ, Kúnuu-namui è mò mà, ǹyɛɛ, “Lí, kpɛ́ni fêi, gáa a ǹúui ŋa ǹɛ́ a ŋátii kɛ́-nuui dɔnɔ a gɛ́ɛ é lí a ǹáa Zɛ̃tai-ŋai sáma, gâloŋ-ŋai da Eezuɛ-ƃelai.

Lomaŋ 1:16

Ńâai a Duŋ Lɛ́lɛɛi maa mɛni, kpɛ́ni fêi, gáa a Ɣâla ŋɔwála-walai ƃalo-laa mɛni ma diai kélee da lâa lai dímɛni ma. M̀aa-ŋuŋ, gáa Zûu-nuu da Gurii-nuu mɛni ma.

Lomaŋ 1:5

Zîsɛ è ḿɛlɛ sèe é ńziɣe a ŋɔpôlu-ƃelai dɔnɔ a gɛ́ɛ ǹɔii-ŋûŋ-ŋai su-ƃelai kélee dí woo mɛni kɛ́ kili-kɛ-zu kɛ́ ƃò díyêei.

Lomaŋ 1:9

Ɣâla káa a ŋásêre a gɛ́ɛ ŋa kálaa tòli Ŋáɣâla-fɛliɛɛi su a ɣele kélee. Ŋa tíi kɛ̀ mì a ńii kélee Ǹóŋ maa-tuŋ lɛ́lɛɛi ƃóɔɔ su.

Lomaŋ 11:13

Kɛ́lɛ, ŋa lônoi káai a Zɛ̃tai-ŋai kápɔ. Tãi nɔ́ ŋ́gaa la a Zɛ̃tai-ŋai dísia-nuui, ŋa kɔ̂i a gɛ́ɛ ŋa Ŋáɣâla-tii kɛ́ ƃaa kɛ́-maa-pere su

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛi. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Lomaŋ 15:29

ŋá gɔ́lɔŋ a gɛ́ɛ ŋà pà kápɔ ŋa pâi pâi a lûwa kɛ́tɛ e kula Kôrai (ŋɔtuŋ lɛ́lɛɛi su).

Lomaŋ 16:18

Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ-woo-ŋa.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi kɛ̀ noo-perei wɔ́lɔ a tãi su kôya,

Korɛntə dɔlɔɔ 1:1

Ńyãa Pɔ̂ɔ, Ɣâla è ńdòli kwa ḿarâŋ nuui Soteni a ŋɔnîa mɛnii a gɛ́ɛ ŋá kɛ́ a Zîsɛ Kôrai ŋɔsia-nuu da kúƃarâŋ Soteni,

Korɛntə dɔlɔɔ 9:1

Ŋuŋ ma fé ƃó ni? Sia-nûu fa ńyãa? Fe niî Kúnuu-namui Zîsɛ káa ni? Káfe a ŋátii m̀aa sêre-faa Kúnuu-namui sârai?

Korɛntə veelɛ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, kwa Temete nyíi gáa a ku ƃarâŋ-nuui, Ɣâla-toli-kpɔŋ gáa Kɔleŋ da Ŋ̀âla-ƃelai kélee díkaa Ɛkeya-lɔii kwaa kélee:

Korɛntə veelɛ 11:5

Gáa ŋ́gili ŋá a gɛ́ɛ fe a nuu-doo-mu pere-sii kélee su zia-ƃelai ŋí sama nyíi-ŋai da dí-kpîŋ kɛ̀tɛi.

Korɛntə veelɛ 11:7

Ŋá sɔnyɔ̂ŋ kɛ̀ a ŋ́gbîŋ maa-yeŋɔɔ a gɛ́ɛ kámaa é tɛ́, kpɛ́ni fêi, ŋa Ɣâla tuŋ lɛ́lɛɛi ƃò káa káfe ḿvela fe ni?

Korɛntə veelɛ 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fe a núu-doo-mu pere-sii kélee su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛni-kpɛni.

Korɛntə veelɛ 2:12

Tãi ŋá pà la Toroɛ Kôrai ŋɔtuŋ lɛ́lɛɛi ƃó mɛni mai, dí gbôŋ lá ƃò ńduɛ Kúnuu-namui kponôi;

Korɛntə veelɛ 4:5

Kpɛ́ni fêi, kúfe kúa kpîŋ kúmaa-mɛni ƃôi, kɛ́lɛ, kwa Zîsɛ Kôrai maa-mɛni ƃôi a gɛ́ɛ gáa a Kúnuu-namui, kúa kpîŋ kúkaa a káyee-mu-ƃela Zîsɛ maa-mɛni ma.

Galatə 1:1

Ńyãa Pɔ̂ɔ ŋ́gaa a sia-nuu-núu-kpune fe ŋ́gɛ̀ ní a sia-nuu, kpaa máŋ fe kɛ́ ni a sia-nuu núu-kpune sârai, kɛ́lɛ, ŋá kɛ̀ a sia-nuu Zîsɛ Kôrai sârai da Ǹaŋ-nuui Ɣâla nyíi Kôrai mu siɣe saa yêei,

Ifisiɛŋ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, Ŋ̀âla-ƃelai, (nyíi-ŋai díkaa Ɛfesɛi), nyíi-ŋai díkaa a laa-la-ƃela máŋ Zîsɛ Kôrai kponôi:

Ifisiɛŋ 1:13

Káa máŋ ka dɔ̃yâ-wooi mɛni, nyíi gáa a m̀álo-laai maa-tuŋ lɛ́lɛɛi, ka láa a Kôrai. Ɣâla e M̀ɔlêŋ Maa Waai tɛ̀ɛ kápɔ nyíi e góno tèe la káyêei. Bere ƃe Ɣâla e kálɛ-mɛnii su kpanaŋ la Kôrai kponôi.

Ifisiɛŋ 4:11

E núu da-ni tɛ̀ɛ kúpɔ a gɛ́ɛ dí kɛ́ a sia-ƃela, da-ni a Ɣâla ŋɔlóno kɛ́-ƃela, da-ni a Ɣâla-woo taa-taa-ƃela, da-ni a pasɛ-ŋa, da-ni dí ƃo a sɛŋ-lɛ-ƃela,

Dutɛrɔnome 10:8

Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.

Filipə 1:1

Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ-Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Filipə 2:11

a gɛ́ɛ ŋɔ́nɔ la-gbɔ kélee e m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Kolosə 1:1

Ńyãa Pɔ̂ɔ, ńyãai ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa mɛnii káa lai, kwa Temete nyíi gáa a kúƃarâŋ nuui,

Kolosə 1:25

Ŋá kɛ̀ a Kôrai-toli-kpɔŋ ŋɔtii-kɛ-nuu, yɛ̂ɛ berei Ɣâla e ńɛ̀ la kámɛni ma a gɛ́ɛ ŋá Ɣâla ŋɔwóoi lɛ́ kâa a ǹɛ́lɛɛi,

Tɛsalonikə dɔlɔɔ 2:2

kɛ́lɛ, berei máŋ ku mɛni-soli kàa la Felepâi dí ŋumɛ-tua kɛ́ naa a kúai, yɛ̂ɛ berei káa kpîŋ ká gɔ́lɔŋ lai, lii-kpele é kɛ́ kúyêei Kúɣâlai kponôi a gɛ́ɛ ku Ɣâla ŋɔtuŋ lɛ́lɛɛi ƃó kâa, berei máŋ núu támaa dífe kɛ́ ni a dífaa la mai.

Tɛsalonikə dɔlɔɔ 2:8

Mɛni ma ku káwɛ̀li kpɔ́ a dámaa, mɛni ƃe kúfe Ɣâla ŋɔtuŋ lɛ́lɛɛi tɛɛ ni la nɔ́ kápɔ, kɛ́lɛ, ku ku-kpîŋ tɛ̀ɛ máŋ kápɔ, kpɛ́ni fêi, ká kɛ̀ a kúwɛli-kɛ-maa-ƃela kpanaŋɔɔ-ŋa.

Tɛsalonikə dɔlɔɔ 2:9

Kpɛ́ni fêi, ŋánûa, kútii da kúmɔ̃lɛi maa-mɛni káa kákili ŋá; ku tíi kɛ̀ a kpini da folo a gɛ́ɛ tãi ku kɛ̀ Ɣâla ŋɔtuŋ lɛ́lɛɛi ƃôi la kâai, kúfe kátà tɔnɔ kpîŋ kpàaŋ.

Timote dɔlɔɔ 1:1

Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Kúƃalo-nuui Ɣâla è m̀o la Zîsɛ Kôrai sarâi nyíi gáa a kili-kɛ-zui.

Timote dɔlɔɔ 2:7

Dí ńɛ̀ a Ɣâla-woo ƃo-nuu da sia-nuu nyíŋi mɛni ma (ŋa dɔ̃yâi ƃôi, fé lɛ́ɛ kɛ̂i), dí ńɛ̀ a Zɛ̃tai-ŋai dísɛŋ-lɛ-nuu laa-la su da tɔ̃yâ.

Timote veelɛ 1:11

Dí ńɛ̀ a Ɣâla-woo ƃo-nuu, sia-nuu, da sɛŋ-lɛ-nuu Duŋ Lɛ́lɛɛi ŋí mɛni ma.

Taitɔ 1:1

Ńyãa Pɔ̂ɔ, ŋ́gaa a Ɣâla yée-mu-nuu, ŋ́gɛ ƃò ŋɔ́nɔ a Zîsɛ Kôrai ŋɔsia-nuu. Diai Ɣâla è dílɛ̀i, kwa dîa-ni kúlaa-lai káa zu tɔnɔɔ da dɔ̃yâi maa-tarei gáa díyêei nyíi da Ɣâla-mɛni-kɛɛ díkaa zu tɔnɔɔi.

Hebreu 5:4

Núu fa ƃâa kɛ̀ gbɔɔ̂i ḿâ, kɛ́lɛ, Ɣâla ƃa dòli yɛ̂ɛ berei è Eelɔŋ tòli lai.

Hebreu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Zĩi 1:1

Ńyãa Zĩi ŋ́gaa a Ɣâla da Kúnuu-namui Zîsɛ Kôrai dítii-kɛ-nuu, Nuu-suu puu kao féerɛi díkaa Zɛ̃tai-ŋai samai: Ŋá fáa kâa.

Piɛrə dɔlɔɔ 4:17

Kpɛ́ni fêi, mɛni-ŋa-tee-tãi a pá a gɛɛ gɔ́ɔ é pîlaŋ Ɣâla ŋɔpɛ́rɛi-mu-ƃelai dîa, ǹyaŋ à kɛ̀ gɔ́ɔ à pîlaŋ kûa, gɛ̀ ní le ƃe pâi kɛ̂i a diai dífa díwoli tɔ̀ɔ Ɣâla ŋɔtuŋ lɛ́lɛɛi mai?

Piɛrə veelɛ 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛ̂i dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Zûu 1:1

Ńyãa Zûu, ŋ́gaa a Zîsɛ Kôrai yée-mu-nuu, ŋ́gɛ ƃo a Zĩi ǹêɣe, Diai Ɣâla è dítòli, nyíi-ŋai Ɣâla Nàŋ-nuui è díwɛli, nyíi-ŋai Ɣâla è díkɛ̀ naa Zîsɛ Kôrai mɛni mai.

M̀ɛni-lɛɛi 1:1

Zîsɛ Kôrai ŋɔmɛni-lɛ́ɛi nyíi Ɣâla e dɛ̀ɛ bɔ́ a gɛɛ m̀ɛnii pâi kɛ̂i a maa félaai é lɛ́ ǹyee-mu-ƃelai dîa. Ǹyaŋ è nyíŋi lɛ̀ a ŋɔkélai tɛ́ɛ ǹyée-mu-nuui Zɔ̂ŋ pɔ naa.

M̀ɛni-lɛɛi 22:6

È m̀o mâ, nyɛɛi, “Ŋ̀óo-ŋai ŋí sã́âi, díkɛ ƃò a tɔ̃yâ-woo-ŋa. Ǹyaŋ Kúnuu-namui, nyíi gáa a Ɣâla ŋɔlóno-kɛ-ƃelai dímɔ̂leŋ Ŋɔɣâlai, a Ŋɔɣâla-taa-kelai tɛ́ɛ a gɛɛ é m̀ɛnii lɛ́ yée-mu-ƃelai dîa nyíi pâi kɛ̂i a maa félaai.”

M̀ɛni-lɛɛi 22:9

Kɛ́lɛ, è m̀o mâ, nyɛɛi, “Ífe nyíti kɛ̀! Kwa káa-ni kúkaa nɔ́ a yée-mu-ƃela kwa íƃarâai, nyíi-ŋai díkaa a Ɣâla ŋɔlóno-kɛ-ƃelai, da diai da gɔlɔi ŋí wóo-ŋai lâai kɛ̀i. Ɣâla fɛ̀li.”