Levetekɔ 7:16 - Bible

¹⁶ Kɛ́lɛ à kɛ̀ a kono-tee sala sɛŋ kpaa máŋ kili-kula sâla-sɛŋ, da pɔ̂ri da miî gbeli é lɛ́ɛ dí m̀ii a bôlu ma ɣelei.

Yálá laawoo hɛɓɛ (dc)

¹⁶ «Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Yálá laawoo hɛɓɛ

¹⁶ «Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Levetekɔ 7:16 ပူးပေါင်းရင်းမြစ်များ

Mąątɛ̨nɛ̨ 116:14

Zãâi ŋa ŋ́gono tèe la ǹyêei, ŋa pâi dɛɛ̂i bɔ́ ŋɔnûai ŋɛ́i-tuɛ.

Mąątɛ̨nɛ̨ 116:18

Ŋa pâi ŋákono têe-ŋai ŋ̀aa-see kɛ̂i Yâwɛɛ yêei Ŋɔpɛ́rɛ Kɛ́tɛi mu, ŋɔnûai ŋɛ́i-tuɛ Zerusâlɛŋ. Ka Yâwɛɛ láa maa tɛ́.

Mąątɛ̨nɛ̨ 66:13

Ŋa pâi pâi a kéreŋ sala sãa ípɛrɛi mu. Gono têe-ŋai ŋá gɛ̀ íyêei,

Lɛɛ gbɔwɔ ɓa 35:29

Eezuɛ nɛyâai da zinaâi nyii-ŋai ŋwɛ̀li a gɛɛ dí sama-sɛŋ tɛɛ díi-ŋai kélee mɛni mai, Yâwɛɛ è mò Mose ma a gɛɛ dí gɛ́i, dí pà a sama-sãa Yâwɛɛ pɔ́ é kúla dílii su.

Hanwon 7:14

“Lii-see sâla kula mɛ̂ni è kɛ̀ ḿâ. Ŋa sâa ŋákono-tee-wooi ŋaa-see kɛ́.

Izikiɛ 46:12

“A kɛ̀ gâloŋ a ŋ̀wɛ̂lii é gula ǹíi-su sâla kula ḿɛni ma, nyii gáa kéreŋ-salai kpaa lii-see-salai, gɛ̀ ní ká ziɣãŋ nyii ǹá kulâi vóloi kulâi perei lá ƃó m̀ɛni ma. À kɛ̀ tí, a pâi ŋɔkéreŋ sâlai, kpaa máŋ ŋɔlii-see salai kulâi nɔ́ yɛ̂ɛ berei a sâla kùla la a Vii-tɔɔ-ɣelei. Ǹyaŋ à kɛ̀ tí a pâi kulâi dí gbôŋ lá tɛ́.”

Levetekɔ 22:23

Ka pɔ̂ri gili kula sala-sɛŋ kulâi ḿâ a taa-tulɛ nyii maa kpôrɛɛi, kpaa máŋ gbono ŋá fé pɔ̂ri níi. Kɛ́lɛ káfe gɛ̀ a gono têei ŋ̀aa sèe kɛ́ sala-sɛŋ.

Levetekɔ 22:29

Kà kɛ̀ sɛɣɛ̂-fee sala kulâi Yâwɛɛ ma ka gɛ̀ yɛ̂ɛ berei dɔ̂ŋ a m̀o lai. A pâi ǹyée seêi mu.

Levetekɔ 23:38

Ŋ̀ele kûu-ŋai ŋí ŋ̀aa-see kɛ́ mɛni fé a Vii-tɔɔ-ɣelei maa mɛni maa sãai da, kásama-sãai, kákono tee-ŋai ŋ̀aa-see kɛ́-sãai da ǹii-kula sama-sãai ka dɛ̀ɛ Yâweɛ pɔ́i da.

Nahumə 1:15

Ka gáa, ŋ̀orɛ̂-woo ƃó-nuui kɔ́ɔ mu tiŋ káa tɛ̂i ǹyéei su gɛ́ pà a duŋ lɛ́lɛɛi lii-sêe mɛni ma! Óo Zuda-ƃela, ka kɛ́ nɔ́ kúu kɛ̂i ḿâ, ká kákono têe-ŋai ŋ̀aa-see kɛ́, kpɛ́ni fêi, ŋ̀wana lɔ̂ɔ nuui fé pâi pâi ŋɔ́nɔ kápɔ a saa.

Lonon mo 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kakono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Dutɛrɔnome 12:11

Ǹaa ƃé Yâwɛɛ a pâi ǹɛ̂i a kásee kwaa ma. Gɛ̀ ní fɛ̂ɛ ká pá naa a kákereŋ sama sãai kásâla sãai, kákɔ̃liŋ buu-ɣelei, zama sãâ da kpɛ́ni-ŋai da nyii-ŋai kélee ká kákono tèe la Yâwɛɛ mɛni mai.

Dutɛrɔnome 12:17

Káfe mii-sãai ŋí da mii kákpîŋ taa-ŋai da su: Kási-sãai m̀á buu ɣelei, ŋwãai da ɔle wúlɔ ninai kɔ̂ɔŋ-sɛŋ kúu buu-ɣelei, kpaa máŋ kátaa-tulɛ lonii maa-ŋuŋ-ŋai, mii-sãa sama-sãai ka kákono tèe lai, zama-sãai ka mɛni kula kálii sui da kásama-sãai gbîŋ-kpîŋ-ŋai.

Dutɛrɔnome 12:26

Kɛ́lɛ zãai nyii maa waai da nyii-ŋai ká kákono tèe lai ka dísiɣe ká lí a dîa ƃɛ́i Yâwɛɛ è naa lɛi.

Dutɛrɔnome 12:6

Ǹaa ƃé ká pá naa a kákereŋ sama sãai, kásâla-sãai, kákɔ̃liŋ buu-ɣelei kásama sãa kpiŋ-kpiŋ-ŋai zama-sãai ká kákono-tee lai, da kátaa-tulɛ lonii m̀aa-ŋuŋ-ŋai.