Levetekɔ 6:27 - Bible

²⁷ Sɛŋ da kélee kpaa máŋ núu da kélee a lɛ̀ɣɛ zâla sɛŋ ŋí ḿâ, zâla-seŋ a pâi bɔ́ɔ lɛɛ̂i m̀a kpɛ́ni-fei m̀aa wâai. Ŋãa da a tela pù seɣe da ḿâ, fɛ̂ɛ dí maa seɣei tí wáa gwaa ma waai ma.

Levetekɔ 6:27 ပူးပေါင်းရင်းမြစ်များ

Lɛɛ gbɔwɔ ɓa 29:37

Sɔnyɔ̂ŋ su-mɛni-lɛɛ sala kula ŋ̀âla-ƃelei mɛni ma a ɣele-kûu lɔ́ɔlu mɛi feerɛ í zee díi maa waa kɛ́-mɛni ma. Gɛ̀ ní a pâi kɛ̂i a maa waa. Ǹyaŋ núu da sɛŋ kélee pâi lɛɣɛ̂i mai, a pâi kɛ̂i a maa waa.

Lɛɛ gbɔwɔ ɓa 30:29

Bere sîi ŋí ƃé fɛ̂ɛ í zãai ŋí sée la. Ǹyaŋ da pâi kɛ̂i a dímaa waa. Sɛŋ kélee pâi lɛɣɛ̂i diai, a pâi kɛ̂i a maa waa.

Izikiɛ 44:19

Kɛ́lɛ tãi da kɛ̂ liî la banaŋ mâ ǹûai pɔ́ naai, gáa a sɛŋ dí dítii kɛ́ seɣei nyii díkɛ̀ tíi kɛ̂i zui kúla dîa dí dílɛɛ gwaa mâ waai mâ. À kɛ̀ tí, maa nɛ̃ɛ̂i a gɛɛ díseɣe da kpɛ́ni tóo dîa díseɣe maa waai fa lâ sɛŋ sóli la ǹûai dîa.

Levetekɔ 11:32

Sɛŋ nyii kélee vɛnɛ-sãai ŋí da poma a lɛɣɛ mai, maa sɛŋ maa fé pâi kɛ̂i a ŋ̀waa. E máŋ kɛ́ yɛ̂ɛ sɛŋ nyii kélee gbɛtɛɛi a wúrui, seɣe, sua kɔlɔ, ƃɔrɔ-saa kpaa máŋ sɛŋ-folo sii kélee da. Fɛ̂ɛ í maa sɛŋ maa waa yá su. Kɛ́lɛ, maa fé pâi kɛ̂i a ŋ̀waa é lɛ́ɛ la zu ɣele wulii é kɛ́.

Levetekɔ 6:18

Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔi wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 7:19

À kɛ̀ zuai ŋí a lɛ̀ɣɛ sɛŋ da ḿâ nyii maa fé waa níi, núu da fé m̀ii, kɛ́lɛ fɛ̂ɛ dí géreŋ. Ǹúui nyii kélee maa waai a pɔ̂ri zuai ŋí da miî.

Egaa 2:12

‘À kɛ̀ zâla láa-soŋ-nuui dɔnɔ a sua kpûa maa waa sìɣe é ǹɔ́ ŋɔyokpoi ǹyîƃa su, ŋɔyîƃai à lɛ̀ɣe kpólo ma, kpaa máŋ wúlɔ sane kpaa máŋ mii-sɛŋ sii kélee, a pɔ̂ri gɛ̂i maa é waa?’ ” Zâla láa-soŋ-ƃelai dí zu tòo “Kpao.”

Maafîu 14:36

Dí gbera fê a gɛɛ dí ŋɔyokpoi wóŋ sóŋ nɔ́. Ǹyaŋ diai kélee ŋɔyokpoi wóŋ sòŋ, dí ƃàlo.

Maafîu 9:21

Ǹɛnîi ŋí è mò goi-pere, ǹyɛɛi, “A kɛ̀ nɔ ŋà ńyee pɛ̀lɛ ŋɔyokpoi ma, ŋa pâi ƃálôi.”

Korɛntə veelɛ 7:1

Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔ̂leŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Korɛntə veelɛ 7:11

Ka gáa, berei Ɣâla-nia lii-solii e ká kɛ̀ la ka mɛni soŋ a gbanaŋɔɔ̂i, berei e ká kɛ̀ la a gɛ́ɛ ká kákpîŋ maa-kɔ̃ɔ̂i, berei e ká kɛ̀ la kálii é ŋwánai, berei e ká kɛ̀ la ká yaôi, berei e ká kɛ̀ la ŋ́wɛli é kákɛ̂i, berei e ká kɛ̀ la ká mɛni kélee kɛ́ a ǹɛ́lɛɛi, da berei e ká kɛ̀ la a gɛ́ɛ ka mɛni ŋa tee a ǹɛ́lɛɛ! Ka kákpîŋ lɛ́ pere-sii kélee su a gɛ́ɛ kásɔŋ fe mɛnii su.