Levetekɔ 4:35 - Bible

³⁵ Zâla láa soŋ nuui é zɔnyɔ̂ŋ sala sɛŋ ŋí wúlɔ kélee kúla yɛ̂ɛ berei è gɛ̀ la a ǹíi-see salai máa ƃalai é géreŋ ŋ̀âla-teƃelei ŋá a kéreŋ sala Yâwɛɛ mɛni ma. Berei sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kùla. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.”

Yálá laawoo hɛɓɛ (dc)

³⁵ Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Yálá laawoo hɛɓɛ

³⁵ Ə nwulɔ kɛɛnąą kəlee kulɔ mą, yɛ bələi da gulɔ la liilaa haláá ɓɛlaa ɓa. Ɉaláá laa həli mun ə di kələn ɉaláá kulɔ kəhi mɛ̨i, ɓɛlɛɛ ɉaláá kɔ̨nɔ̨nŋąą diɛ yiiɠaai a Yai-Laa nwɛiɠaai. Ɉaláá laa həli mun a gólói tii kɛ nui a ɉon gɛ mąą mɛ̨nį ɓa, nɛ̨ŋɛ̨n mąą nu ə ɉəɠə mąąhvaa a lɛɛ.

Levetekɔ 4:35 ပူးပေါင်းရင်းမြစ်များ

Levetekɔ 12:8

“À kɛ̀ va pɔ̂ri m̀ála loŋ sɔlɔ ƃôi gɛ̀ ní é pá a toloŋ feerɛ kpaa máŋ popôo feerɛ, dɔnɔ é kɛ́ géreŋ salai kula mɛni ma, gbéli kɛ́ ƃo zɔnyɔ̂ŋ salai kula mɛni ma. Zâla láa soŋ-nuai a pâi sâla kulâi a zãai ŋí ǹɛnîi ŋɔsɔnyɔ̂ŋ su mɛni lɛɛ mɛni ma, ǹyaŋ ŋɔsɔnyɔ̂ŋ su mɛni a pâi lɛɛi. Ǹɛnîi maa a pâi kɛ̂i a ŋ̀waa.”

Levetekɔ 14:18

Zâla-láa soŋ nuui a ŋ̀úlɔi nyii lɛ̀ɛ ǹyée ŋái pú nuui da maa waai ŋûa. Bere sîi ŋí ƃe zâla láa soŋ nuui a pâi nuui maa sâla kulâi lai la m̀aa waa mɛni ma Yâwɛɛ ŋɛ́i-tuɛ.

Levetekɔ 14:53

Gɛ̀ ní a pâi ƃôi ŋ̀ɔni fului ma é lí. Bere sîi ŋí su a pâi bɛ́rɛi maa sâla kulâi ǹyaŋ a pâi kɛ̂i a maa waa.

Levetekɔ 15:15

Zâla láa soŋ nuui a pâi zãai ŋí kulâi sâla. Dɔnɔ kɛ́ ƃò zɔnyɔ̂ŋ salai kula mɛni ma. Ǹyaŋ a pâi nuui ŋí ŋɔsɔnyɔ̂ŋ maa sâla kulâi Yâwɛɛ ŋɛ́i-tuɛ ǹyái kɛ̀ kulâi m̀ai mɛni ma.

Levetekɔ 19:22

Ǹyaŋ zâla-laa soŋ nuui a pâi sâla kulâi a m̀ála sirɛi ŋí zurɔ̂ŋ ŋɔsɔnyɔ̂ŋ su mɛni lɛɛ mani ma nyii è gɛ̀ a Yâwɛɛi. Ǹyaŋ ŋɔsɔnyɔ̂ŋ su mɛni a pâi lɛɛ̂i.

Levetekɔ 4:20

É gɛ́ nɔ́ yɛ̂ɛ berei è gɛ̀ la a zɔnyɔ̂ŋ su mɛni lɛ̀ɛ maa sâla kula niŋa-sirɛi. Bere sîi ŋí ƃe a ǹûai dísɔnyɔ̂ŋ su mɛni lɛ̀ɛ maa sala kùla la. A kɛ̀ tí, dísɔnyɔ̂ŋ su mɛni a pâi lɛɛ̂i.

Levetekɔ 4:26

É daa-tulɛi ŋ̀úlɔ kélee kéreŋ ŋ̀âla-teƃelei ŋá yɛ̂ɛ berei a gɛ̀ la a ǹíi-see sala sɛŋ. Gɛ̀ ní zâla láa soŋ nuui a pâi ǹúu láa túɛ-nuui ŋí ŋɔsɔnyɔ̂ŋ maa sâla kulâi, ǹyaŋ ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:10

Gɛ̀ ní é dòloŋ kpaa máŋ bopôoi veerɛ ɣelei kúla a kéreŋ sâla yɛ̂ɛ berei maa nɛ̃ɛi é gɛ́ lai. Ǹyaŋ zâla láa soŋ nuui é ǹúui ŋí maa sâla kula zɔnyɔ̂ŋ mɛni ma è gɛ̀i. A kɛ̀ tí, ŋɔsɔnyɔ̂ŋ su-mɛni a pâi lɛɛ̂i.

Levetekɔ 5:13

Gɛ̀ ní zâla láa soŋ nuui a pâi ǹúui ŋí maa sâla kulâi zɔnyɔ̂ŋ mɛni ma è gɛ̀i. Nyaŋ Ɣâla a pâi ŋɔsɔnyɔ̂ŋ su mɛni lɛɛ̂i. Felaƃai ŋí gbéli káa a zâla láa soŋ nuui pɔ́ɔ yɛ̂ɛ berei gáa la a m̀ii-sɛŋ sala sɛŋ.

Levetekɔ 5:6

é pá a ƃála-sâa kpaa máŋ ƃoli-sâa Yâwɛɛ pɔ́ a ŋɔsɔnyɔ̂ŋ maa sâla sɛŋ. Zâla láa soŋ nuui é ǹúui ŋí ŋɔsɔnyɔ̂ŋ ḿaa sâla kula a m̀álai kpaa m̀ólii ŋí.

Levetekɔ 6:7

Ǹyaŋ zâla láa soŋ nuui a pâi ŋɔsɔnyɔ̂ŋ maa sâla kalâi Yâwɛɛ ŋɛ́i zɔnyɔ̂ŋ mɛni ma è gɛi. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 9:7

Gɛ̀ ní Mose è mò Eelɔŋ ma ǹyɛɛi, “Lí ŋ̀âla-teƃelei ma í zɔnyɔ̂ŋ sala sɛŋ da géreŋ sâla-sɛŋ tɛ́ɛ ísɔnyɔ̂ŋ su mɛni lɛɛ mɛni ma ka ǹûai. Zâla sɛŋ tɛ́ɛ a gɛɛ ǹûai dísɔnyɔ̂ŋ su mɛni é lɛɛ yɛ̂ɛ berei Yâwɛɛ è mò lai.”

Lonon mo 15:25

Fɛ̂ɛ zâla láa soŋ-nuui é zâla-ŋai ŋí kúla mâ Eezuɛ-ŋai kélee mɛni ma. Gɛ̀ ní ŋa pâi dísɔnyɔ̂ŋ su-mɛni lɛɛ̂i. Kpɛni fêi, dí pɔara-maa kɛ̀. Ǹyaŋ da pá a kéreŋ-sala da dísɔnyɔ̂ŋ su-mɛni lɛɛ̂ maa-sala ḿbɔ dípɔara-mai mɛni ma.

Lonon mo 15:28

Zâla-laa soŋ-nuui ƃa núu ŋɔsɔnyɔ̂ŋ su-mɛni lɛɛ maa-sala kùla, nyii vé gíri ní é zɔnyɔ̂ŋ kɛi. Gɛ̀ ní ŋɔsɔnyɔ̂ŋ pôlu a fé.

Lomaŋ 10:4

Kpɛ́ni fêi, Kôrai káa a dɔ̂ŋ kpɛɛ ŋá a gɛ́ɛ diai kélee laa-la káa díyêei dí dítoli a tɔ̃yâ-ƃela.

Lomaŋ 4:25

nyíi dí bàa kútɔ̂ŋ karaai mɛni ma é m̀u siɣe saa yêei a gɛ́ɛ é kúkɛ a tɔ̃yâ-ƃelai.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Korɛntə veelɛ 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Kolosə 1:14

nyíi kúŋuŋ-ma-ƃoi káa gbonôi, nyíi gáa a kúsɔnyɔ̂ŋ su-mɛni-lɛɛi.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Hebreu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Piɛrə dɔlɔɔ 2:22

Vé sɔnyɔ̂ŋ kɛ́ ní. Núu-pɛlɛ-woo da kélee máŋ fé kúla ní ǹá.

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.