Levetekɔ 4:24 - Bible

²⁴ é ǹyée pɛ́lɛ ŋ̀uŋ ma é báa ŋ̀âla-teƃelei ŋá ƃɛ́i da géreŋ sâla kula taa-tulɛi paa naai Yâwɛɛ ŋɛ́i-tuɛ. Gáa a sɔnyɔ̂ŋ sala sɛŋ.

Yálá laawoo hɛɓɛ (dc)

²⁴ A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Yálá laawoo hɛɓɛ

²⁴ A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Levetekɔ 4:24 ပူးပေါင်းရင်းမြစ်များ

Tɔɔɓɛlaa veelɛ 12:16

Zɛŋ kâoi da kâa dɛ̀ɛ a kpa kpɛɛ sama-sɛŋ da sɔnyɔ̂ŋ su-mɛni lɛɛ sama-sɛŋ, dífa kâa bù ŋâla-pɛrɛ kɛ́tɛi mu. Kɛ́lɛ zɛŋ kâoi ŋí a kâa kɛ̀ nɔ́ zâla láa-soŋ-ƃelai mɛni ma.

Kɔlɔnikɔ Veerɛi 29:23

Dí pà a m̀oli-ŋai zɔnyɔ̂ŋ-salai kula mɛni ma. Nya ƃe gâloŋ da ǹûai kélee dí díŋa tɛ gîe ma dí díyee pɛlɛ m̀oli-ŋai dîa.

Lɛɛ gbɔwɔ ɓa 29:38

“Zâlai ŋí ƃé fɛ̂ɛ í gula ŋ̀âla-ƃelei ma. Fɛ̂ɛ í kóraŋ tɔnɔ ƃala-lonii feerɛ kúla a sâla ŋ̀âla-teƃelei ŋá a ɣele kélee.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Levetekɔ 1:11

É ƃolii kpaa m̀álai ŋí páa yá ŋûa-pere ŋ̀âla-teƃelei kɔlɛ Yâwɛɛ ŋɛ́i-tuɛ. Eelɔŋ ǹônii nyii-ŋai díkaa a zâla láa-soŋ-ƃelai dí daa-tûlɛi ŋãa kpɛ́mɛŋ dí dínaŋ ŋ̀âla-teƃelei kpono ma.

Levetekɔ 1:4

É ǹyée pɛ́lɛ géreŋ sama-sɛŋ ŋuŋ ma a gɛɛ Yâwɛɛ é ǹyée sée zama-sɛŋ mu-maa-nuui ŋɔsɔnyɔ̂ŋ su mɛni lɛɛ mɛni ma.

Levetekɔ 1:5

Gɛ̀ ní a pɔ̂ri daa-tûlɛi paâi Yâwɛɛ ŋɛ́i-tuɛ. Eelɔŋ ǹônii, nyii-ŋai díkaa a zala-laa-soŋ-ƃelai dí daa-tulɛi ŋãa kpɛ́mɛŋ ŋ̀âla-teƃelei kpono ma dínaŋ ma Yâwɛɛ ŋɔsua kɔ̂lɔ seɣe pɛrɛi láƃelei.

Levetekɔ 14:13

A pâi m̀álai paâi ƃɛ́i a zɔnyɔ̂ŋ sala taa-tulɛi da géreŋ salai maa-taa-tulɛi ŋai pàa naa. A pâi gɛi tí kpɛ́ni fêi, zɛŋ pɔɔ tôo sâla-sɛŋ nyii ga yɛ̂ɛ sɔnyɔ̂ŋ sala-sɛŋ káa a zâla láa soŋ nuui pɔ́ɔ. Ǹyaŋ maa waâi a ŋánaa.

Levetekɔ 16:15

“Gɛ̀ ní a pâi m̀olii paâi nyii gáa a ǹûai dísɔnyɔ̂ŋ maa sâla-sɛŋ é pá a ŋãa Gwaa ma Waai ma é gbɛ́mɛŋ m̀aloŋ kâa see-sɛŋ ma é da é kpɛ́mɛŋ ŋ̀ɛ́i yɛ̂ɛ berei è gɛ̀ la a niya ŋãai.

Levetekɔ 3:13

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ, Eelɔŋ ǹônii dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 3:2

É ǹyée pɛ́lɛ niŋai ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi gbôŋ lá. Eelɔŋ ǹônii nyii-ŋai díkaa a zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ la.

Levetekɔ 3:8

é ǹyée pɛ́lɛ ŋuŋ ma, é báa Yâwɛɛ ŋɔsua kɔ̂lɔ seɣe pɛrɛi ŋɛ́i-tuɛ. Zâla láa soŋ-ƃelai dí ŋãa kpɛ́mɛŋ ŋ̀âla-teƃelei kpono ma dí dínaŋ ma.

Levetekɔ 6:18

Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔi wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 6:22

Zâla láa soŋ nuui nyii gáa a Eelɔŋ ǹóŋ sinaai dɔnɔ nyii pâi Eelɔŋ pɔ́ɔ ŋá siɣêi é kɛ́ zâlai ŋí kulâi Yâwɛɛ ma wɔlɔ-wɔlɔ da wɔlɔ-wɔlɔ. É zâla-sãai ŋí kélee kpɔ́ kéreŋ vé da lɛ̀ɛ.

Levetekɔ 6:25

mó Eelɔŋ ma da ǹônii ǹyɛɛ dɔ̂ŋ-ŋai ká ŋí bîlaŋɔ̃i zɔnyɔ̂ŋ sala sɛŋ mai. Zɔnyɔ̂ŋ sala fɛnɛ-sɛŋ páa ƃɛ́i ƃa géreŋ salai maa taa-tulɛi pàa naai Yâwɛɛ ŋɛ́i-tuɛ. Gáa a sâla sɛŋ maa waa ŋánaa.

Levetekɔ 7:2

Ƃɛ́i da géreŋ sâla sɛŋ maa taa-tulɛi pâa naai, naa ƃé dí mɛni kpa kúlaa maa taa-tulɛi páa naa. Dí ŋãa kpɛ́mɛŋ ŋ̀âla-teƃelei ḿâ dí dínaŋ la.