Levetekɔ 26:6 - Bible

⁶ “Ŋa pâi gɛ̂i lii-see kɛ́ ƃò káyêei ǹɔii su. Ŋa pâi vɛnɛ-sãa nyɔ́mɔɔ-ŋai kélee kpɛ̂i kákɛ̂i. Kɔ́ mɛni fé ŋɔ́nɔ pâi kɛ̂i ǹɔii su.

Yálá laawoo hɛɓɛ (dc)

⁶ Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Yálá laawoo hɛɓɛ

⁶ Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Levetekɔ 26:6 ပူးပေါင်းရင်းမြစ်များ

Tɔɔɓɛlaa veelɛ 2:24

È tìnaŋ dí pɔ́ naa pêre é dí káa sĩi, é dí náɣaŋ Yâwɛɛ láai su. Nya ƃe lɔɔ fɛnɛ-sãa kpaya-kpaya feerɛ dí kùla nɔɔi su dí zinâa-nɛyãai buu náaŋ káo feerɛ páa.

Kɔlɔnikɔ Maa-ŋuŋ 22:9

Kɛ́lɛ ya pâi lóŋ-surɔŋ maa sɔlɔ ƃôi nyíi lii-see a pâi ǹyêei, kpɛ́ni fêi, ŋa pâi dɛɛ̂i bɔ́. Ŋa pâi gɛ̂i é víi tɔ́ɔ ŋɔkpɔara-ƃelai kélee yêei. Ǹáa ƃé pâi kɛ̂i a Saloma. À gâloŋ-laai sɔlɔ ƃô, ŋa lii-see tɛɛ̂i Eezuɛ-ŋai pɔ́ ŋá dímɛi káa.

Kɔlɔnikɔ Veerɛi 20:30

Naa pôlu ma, Zeosafa è ŋɔkâloŋ-laai kɛ̂ kpɔ́ a lii-see kpɛ́ni fêi Ɣâla è fii tɔ̂ɔ tɛ̀ɛ bɔ́ ƃéla kélee ma.

Zôo 11:19

Sɛŋ-da fé pâi ímaa yaôi. Núu támaa a pâi é ǹyée sée íŋɛi.

Zôo 5:23

Kɔni fé pâi kɛ̂i íkpâlaŋ ŋa. Ǹɔɔ fɛnɛ-sãai dífe pâi pɛlɛ̂i yâ.

Mąątɛ̨nɛ̨ 144:14

Tɔ́ɔ kúniŋa-ŋai dí díkaa a dámaa, mɛni nyɔ́mɔɔ fé da kɛ̀, kpaa máŋ da é sáa. Tɔ́ɔ lii-too pôlu wɔ̀lɔ-woo da fé tɛ̀ kú taa lêe-ŋai da su.

Mąątɛ̨nɛ̨ 147:14

A kálɔii ŋɔgɔyɛŋ pere-ŋai maa kɔ̃̂ɔ, gɛ́ mii-sãa lɛ́lɛɛ-ŋa tɛ̀ɛ kápɔ.

Mąątɛ̨nɛ̨ 29:11

Yâwɛɛ a gɛ̀ ŋɔnûai kponôi é kpanaŋ. A lûwa làa dîa lii-see kɛ́ ƃò díyêei.

Mąątɛ̨nɛ̨ 3:5

Ŋà làa ŋá nyìi, ɣele a ƃɔ̀, ŋa ŋ́ɛi lá ƃò ŋa ḿû sîɣe ŋɔ́nɔ, kpɛ́ni fêi, Yâwɛɛ a ḿɛi kâai.

Mąątɛ̨nɛ̨ 4:8

Ŋa pâi lâai ŋá nyíi lii-see su. Óo Yâwɛɛ, yá tɔnɔ nɔ́ ƃa gɛ̀ ŋ́gɛ ƃò ŋuŋ ma ƃô su.

Mąątɛ̨nɛ̨ 85:8

Ŋ́oli tɔɔ̂i Ɣâla Yâwɛɛ ma. A lii-see maa kono tee kɛ̂i kúyêei, à kɛ̀ kwa kúlii pène, kwa pâi zɔlɔ ƃôi.

Lɛɛ gbɔwɔ ɓa 23:29

Fé pâi dípɛ̂i kóraŋ tɔnɔ yée mu ǹɔii fa lá lɛ̀ɛ la a vólo, lɔɔ sua ŋai dí táma naa kámɛni ma.

Hanwon 3:24

Ƃà lì lâai, ífe pâi yaôi, ƃa pâi nyiî a ǹɛ́lɛɛ.

Hanwon 6:22

Da pâi íteniŋ tɔɔ̂i ƃɛ́i kélee ƃa lî naai. Ƃà kɛ̀ láa-ni da pâi ímɛi kâai. Ƃà ímu sìɣe da pâi kɛ̂i ília-woo ƃôi.

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 35:9

Yala-sûlu-ŋa da kélee fé pâi siâi a berei ŋí, kpaa máŋ maa yâo ŋwana-lɔ̂ɔ fɛnɛ-sɛŋ da. Díta fé pâi wɔ́lɔ tɛɛ̂i la. Diai nɔ́ Yâwɛɛ a díŋuŋ ma ƃôi, dia ƃé pâi kɛ̂i tɛɛ̂i la.

Azaya 45:7

Ńyãa ƃé kpíni da kwaa ponóɔɔ kpɛ̀tɛ. Ŋa lûwa làa nûa dîa, ŋ́gɛ mɛni kpɔ̂lu làa da-ŋa dîa. Ńyãa ƃa Yâwɛɛ. Ńyãa ƃa m̀ɛni-ŋai ŋí kɛ̀.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Ɉeremi 30:10

M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Ɉeremi 31:26

À kɛ̀ tí, nûa da pâi kɛ̂i dîyɛɛi, ‘Ŋá ǹyii ŋá ŋɛ́i lá ƃó ŋ́gbonôi kpanaŋɔɔ.’

Izikiɛ 14:15

“Kpaa máŋ, ŋâa pà fɛnɛ-sãa tɛɛ̂i ǹɔii kpîŋ su dí naa sãa kélee kpɔ́ su kara é lɛ̀ɛ a bûŋ. À kɛ̀ tí, núu da kpîŋ fa pɔri tɛɛi naa, kpɛ́ni fêi vɛnɛ-sãai da pâi kɛ̀i naa.

Izikiɛ 14:17

“Kpaa máŋ ŋa kɔ́ tôoi ǹɔii tí su ŋa pa a kɔ́-kɔ-sãa kpaya-kpaya ŋá ǹaa ƃele da vɛnɛ-sãai kélee páa.

Izikiɛ 14:21

M̀ɛnii Ŋwâla-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere ǹáaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Izikiɛ 34:25

Ŋa pâi lii sêe kpanaŋ-woo kɛ̂i díyêei é dímɛi káa. Ŋa pâi díkulâi ǹɔɔ-fɛnɛ-sãa ŋwana-lɔ̂ɔ-ŋai yêei. Da pâi kɛ̂i ǹɔii su a lii-see. Da pâi kɛ̂i nyîi ǹɔɔi su sɛŋ da fa dí kɛ̀.

Izikiɛ 34:27

À kɛ̀ tí ŋ̀úru-ŋai díkaa ǹɔɔi sui da pâi ƃâi. Ǹɔii a pâi gɛ̂i mii-sɛŋ é lɛ́lɛ. Da pâi kɛ̂i dílɔii su a lii-see pere. Tãi ŋa pâi díkula yêei kɛ̂i la díkpɔara-ƃelai yêei nyii díkɛ̀ a luɛ-ŋai, maa tãi ƃé da pâi gɔ̂lɔnii la a gɛɛ Ńyãa ƃa Yâwɛɛ.

Izikiɛ 5:17

É tée burui ŋa pâi gɛ̂i é ká paai ma, ŋa pâi lɔɔ-fɛnɛ-sãa tɛɛ̂i a gɛɛ díka nîa-pɛlɛɛ-ŋai su kara. Kɔ́ da kɔlɔ-fela da pâi ká lɔii pênei dí bɛlɛ. À kɛ̀ tí, Ńyãa kpîŋ ŋa pâi ká su karâi a ƃóa-sɔ̂kpɔ. Ńyãa Yâwɛɛ ńyãa ƃé mò tí.”

Osia 2:18

“M̀aa ɣêlei tí ŋa pâi ŋ́gono-têei ŋánûai yêei a gɛɛ ǹɔ́ɔ sua-ŋai, ŋɔni-ŋai, da dɔara-sãai dífe mɛni ŋánaa kɛ̀ a dia. Ŋá pâi kerâŋ, ƃóa-sɔ̂kpɔ da kɔ́kɔ mɛni kperâi ǹɔii ma. Ŋa pâi gɛ̂i dí kɛ́ lii-sêe su.

Osia 2:20

Ya pâi kɛ̂i a ŋánɛnî. Ŋa pâi íwɛ̂lii a tɔ̃yâ-pere, gɛ̀ ní, ya pâi ńyãa Yâwɛɛ ŋ́gɔlɔnîi.”

Levetekɔ 25:18

M̀ɛni ma, ka ŋátɔ̂ŋ-ŋai mɛi káa ká m̀ɛni-ŋai kɛ́ ŋá m̀o kâai, gɛ̀ ní ka pâi lɛɛ̂i ǹɔii ma ŋá dɛ̀ɛ kápɔi káŋuŋ ma ƃóɔɔ.

Levetekɔ 25:19

Ǹɔii a pâi sí-sãa kpɛtɛ̂i kákɛ m̀ii ká kɛ́ ƃò naa káŋuŋ ma ƃóɔɔ.

Levetekɔ 26:22

Ŋa pâi gɛ̂i fɛnɛ-sãa nyɔ́mɔɔ-ŋa dí tóo kásama dí kálônii paa, dí kátama ɣele su kara da kátaa tulɛ-ŋai kálɛɛ nɔ́ a kákpulu lôŋ.

Levetekɔ 26:25

Ŋa pâi gɛ̂i nûa dí kɔ́ pɛ́lɛ kâa, kpɛni-fêi kà ŋákpanaŋ wooi síɣe dɔɔ̂i. Kà pù ká lì kátaa lee-ŋai su, ŋá kɔlɔ-fela píli naa kâa, ká kákpîŋ tɛ̀ɛ kákpɔara-ƃelai pɔ́ a kpala ǹá pere.

Levetekɔ 26:7

Kákpɔara-ƃelai da yée fé pâi tɛɛ̂i kâa.

Mise 4:4

Da pâi liî díkpɔmɔ kpâlaŋ-ŋai ŋá tɛi-tɛi dí sée dífîi wuru-ŋai mu, ǹyaŋ yao fé pâi kɛ̂i díkɔlɔi. Ŋ̀wála-wâla kélee Yâwɛɛ ƃé mò tí.

Sofoni 3:13

Diai lɛ̀ɛ pôlu Eezuɛi, dífe pâi mɛni nyɔ́mɔɔ kɛ̂i, dífe pâi lɛ́ɛ kɛ̂i, dífe pâi lɛ́ɛ kɛ̂i kpaa máŋ núu-pɛlɛ-wôo é kúla díla. Da pâi dílaa miî dí nyíi, sɛŋ da fé pâi dímaa yaôi.”

Egaa 2:9

Bɛ́rɛ ninai a pâi fôloi é tɛ́ɛ bɔ́lɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

Zakari 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”

Ɉaan 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Gɛlaɠaa 12:6

Ɛɛlɔ è gbɛ̀tɛ a gɛ́ɛ é Pitɛ kula gbini-pɛrɛi mu é bàa a ŋ̀ele-walai. M̀aa kpinii tí Pitɛ è kɛ̀ gbini-pɛrɛ mɛi káa-ƃelai veerɛ loai. È kɛ̀ a ŋ̀íriɛɛ a yɔlɔ feerɛ. Gbini-pɛrɛ mɛi-kaa-ƃelai dí kɛ̀ gbini-pɛrɛi lá díkɛ naa mɛi kaa.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.