Levetekɔ 26:36 - Bible

³⁶ “Káai pâi kɛ̂i gɔ-pu-laai sui, ŋa pâi gɛi káyao a ŋánaa kákɛ pú a láa kpâla too tîŋ. Ka pâi pûi yɛ̂ɛ ǹyaa ƃe kákpɔara-ƃelai da kɛ̀ kákpɛ̂i kɔ́ su.

Yálá laawoo hɛɓɛ (dc)

³⁶ «Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Yálá laawoo hɛɓɛ

³⁶ «Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Levetekɔ 26:36 ပူးပေါင်းရင်းမြစ်များ

Zɛnɛse 35:5

Tãi Zeeka-ni dí kɛ̀ liî lai, yao kɛ́tɛ è pà daa-ŋai su-ƃelai kponôi, nyii-ŋai kɛ̀ naa kɔlɛ mai. Ǹyaŋ dífe pɔ̂ri ní Zeeka-ni kpɛ̂i.

Zɛnɛse 4:12

Ƃà tíi kɛ̀ ǹɔii ma, vé pâi sí-sɛŋ kpɛtɛ̂i íyêei. Ƃa pâi kɛ̂i nɔ́ a pilaŋ-gɔ́ɔ ma-nuu ǹɔii su.”

Kɔlɔnikɔ Veerɛi 14:14

Zuda kɔkɔ-ƃelai dí Gɛra taa-lêei kɔlɛ ma kpanaŋ-ŋai kélee kpɔ́ su kàra. Kpɛni fêi Yâwɛɛ è gɛ Gɛra ƃelai díyao kpɔ́ a ŋanaa. Dí naa sãa kélee kpúŋ síɣe, kpɛ́ni fêi, sãa támaa è kɛ̀ naa.

Zôo 13:25

Lé mɛni ƃé ya ḿaa yaôi la íkɛ ŋ́gɛ̀ yɛ̂ɛ láa-kpala ƃé a kùla wúru ma, íkɛ ŋ́gɛ̀ yɛ̂ɛ mɔlɔŋ kâla ƃé fãa a vɛɛi?

Mąątɛ̨nɛ̨ 53:5

Kɛ́lɛ, da pâi yaôi, yɛ̂ɛ berei kpɔ́ dífe ta yao ní lai, kpɛ́ni fêi, Ɣâla a pâi ŋɔnûai kpɔara-ƃelai káo-ŋai taa-taai. Ɣâla a ǹyée kúla dí mu. M̀ɛni ma Eezuɛ a pâi díyee mɛi ɣâlei a ŋánaa.

Mąątɛ̨nɛ̨ 53:6

Ŋa Ɣâla fɛlîi a gɛɛ Eezuɛ a pâi kulâi Zãiyɔŋ é díyee mɛi ɣále. Eezuɛ-ƃelai líi a pâi nɛ̃ɛ̂i a tãi Ɣâla a pâi ŋɔ́nɔ gɛ̂i la díƃûu ƃó pôlui.

Mąątɛ̨nɛ̨ 89:43

Ya gɛ́ ŋɔkɔ́kɔ sãai da kɛ́ nɔ́ ǹyêei kpɛ́ni-kpɛni. Ya gɛ́ gbɔara-ƃelai yée a tɛɛ ma kɔ́ su.

Hanwon 28:1

Ŋwana-lɔ̂ɔ-nuu a pû à nɛ̃ɛ mà núu fé kɛ̀ gbɛ̂i, kɛ́lɛ tɔ̃yâ-nuu lii-kpeleɛ̂i yɛ̂ɛ yala-sulu.

Azaya 30:17

Káwala tɔnɔ fa pɔ̂ri tɔɔ̂i kákpɔara-ƃelai díkɔ kuluƃai dɔnɔ perêi. Díkɔ-kuluƃai ǹɔ́ɔlu da pɔ̂ri gɛ̂i kákelee ká pú. Da gɛ̀ ka kákɔ-kuluƃa-ŋai kélee ká pú. Zɛŋ nɔ́ pâi lɛɛ̂i kápôlui ǹyaa ƃa káƃenâi ká dɔ̀ɔ ǹyéei tôŋ sui.

Azaya 7:2

Tãi Zuda kaloŋ è m̀ɛni la a gɛɛ Siria kɔ kɔ́-ƃelai da Eezuɛ kɔkɔ́-ƃelai da díyee pú gîei a gɛɛ dí kɔ́ pɛ́lɛ mai, ǹyaa da ŋɔnûai dílii è tùmo-tumo yɛ̂ɛ fãa su-kpanaŋɔɔ a sɔ̀ɔ wolâ wuru-ŋa dîa.

Azaya 7:4

Ka m̀ó m̀a a gɛɛ é ǹíi kpéle, é m̀ɛi káa. Vé yào a ŋ̀ánaa Gâloŋ Lesi da Gâloŋ Peka-ni díkɔi ma kpɛ́ni fêi díkaa nɔ́ yɛ̂ɛ ŋume-kpua feerɛ ƃé kérenîi.

Ɉeremi 37:10

A nɛ̃ɛ ma kpîŋ ká Babelɔŋ kɔkuluƃa-ŋai yée mɛi ɣále, diai nɔ́ lɛɛi dia ƃa ǹûai nyíi-ŋai ká díŋwàna dí kɛ́ ƃò lâani dísua-kɔlɔ pɛrɛi-ŋai mui, da pâi dímu siɣêi dí daa-lêei ŋí kéreŋ kpɔ́ kpái.”

Ɉeremi 46:16

Kákɔ-kuluƃa-ŋai da karêŋ da too, díkɛ mò díkîe-ni dîa dîyɛɛi, ‘Gɛ́ a maa félaa kú lí kúpɔ-taai kúnûai pɔ́ naa, kú kúla kúkpɔara-ƃelai díƃoa-sɔkpɔ-ŋai ŋɛ́i-tuɛ!’

Woolaa 1:3

Zuda-ƃelai dímɔ̃lɛ-laai da maa sɛŋ-soli maai pôlu ma, da kɛ́ a lɔii da kpɛ́ni-ŋa su-ƃela. Da kɛ́ lɔii da kpɛ́ni-ŋa su-ƃela sáma, díkɛ̂i fé ma. Díkpɔara-ƃelai da dímaa tínaŋ, ǹyaŋ pere fé ŋɔ́nɔ díyêei dí pú.

Woolaa 1:6

Zãiyɔŋ ŋɔkɛ́tɛ-laai a kùla ǹyêei. Ŋɔnúu láa túɛ-ƃelai da kɛ́ yɛ̂ɛ pîlaŋ sua-ŋa ƃé dílaa mii kwaa ma fé ma. Da lɛɛ pûi díkpɔara-ƃelai yêei kɔlɔ a kpɛɛ dîa.

Woolaa 4:19

Kúkpɔara-ƃelai dí kɛ̀ kúkpɛ̂i a kîrɛ. Dí kîrɛ kɔɔ è kɛ̀ a dɛɛ́ kuɛ ma tãi a kɛ̂ kɔɔ̂nii lai. Dí kɛ̀ kúkpɛ̂i ǹyée-ŋai ma, dí gbã tée kúperêi vɛ̃ɛ-kpâlaŋ su.

Izikiɛ 21:12

Núu kpune ǹóŋ, ye wɔ́lɔ a ɣele perei. Kpɛ́ni fei mòa-sɔkpɔi ŋí káa ŋánûai mɛ̂ni ma. Gáa Eezuɛ-ŋai láa-tuɛ ƃelai mɛ̂ni ma. Gáa pâi dí paai. É pɛlɛ ŋá ǹûai kélee dîa. Íkeŋe-la lokwa a maloŋ-too maa pere.

Izikiɛ 21:15

A pâi gɛi dí yao dí támaa ɣele dítoo dí siɣaŋ lá ƃelei. Ŋáƃoa-sɔkpɔ tɛ̂ɛi gɛ fólo. Gɛ pere kɛ̂ɛi yɛ̂ɛ ŋ̀ele-gbâna ŋɔmãla-mãla, m̀aa waa núu paa mɛ̂ni ma.

Izikiɛ 21:7

Ǹyaŋ a kɛ̀ da í marê kɛ dîɛi, ‘Lé mɛni ƃé ya nyiɛ̂i lai,’ mò dîa yɛ̂ɛi, ‘Ŋa nyiɛ̂i duŋ ŋá m̀ɛnii maa mɛ̂ni ma. A kɛ̀ kà m̀ɛni, núu kélee líi a pâi karâi goi. Díyee é sáa dîa. Díkili-tɔɔ mai kélee su a pâi karâi. Díkpeleŋ a pâi kɛ̂i a vii-kpɛ̂ɛ yɛ̂ɛ yá. Ǹyaŋ a pâi pâi a tɔ̃yâ.’ ” Ŋ̀wála-wâla kélee Yâwɛɛi ƃé mò ti.

Osia 8:3

Eezuɛ a ǹyée kúla mɛni lɛ́lɛɛ mu. Gbɔara-ƃela da pâi pîlanii bôlu.

Levetekɔ 26:17

Ŋa pâi ḿbôlu fêi kâa a gɛɛ kákpɔara-ƃelai dí káyee mɛi ɣále díkɛ ƃò kámɛi. Ká pâi yaôi kpɔ́ ká pɛ́lɛ pûi yɛ̂ɛ ǹyaa ƃe núu da a kákpɛ̂i.

Levetekɔ 26:35

Tãi nɔ́ gáa lâani lai a pâi kɛ̂i víi tɔɔ̂i é tɛ́ɛ la tãi ḿâ kákɛ̀ la m̀a ká kɛ́ tíi kɛ̂i.

Dutɛrɔnome 1:44

Nya ƃe Amora-ŋai dí pà kâa yɛ̂ɛ kɔ̃́iŋ a dèe dí kákpɛ dí káyee mɛi ɣále Idɔŋ dílɛɛ kápôlu ka dîa-ni ká seri Ɔma.

Zasua 5:1

Amɔra kaloŋ-ŋai kɛ̀ Zɔdiŋ Ya-leei pôlu vóloi liî-pere da Keena kaloŋ-ŋai kɛ̀ Mɛditɛrenia Yuoi kpono ma pere kɛ́ɛ da mɛni a gɛ́ɛ Yâwɛɛ a Zɔdiŋ Ya-leei kpála Eezuɛ-ŋai pere da tɛɛ naai, dí yao kpɔ́ a ŋ̀ánaa. Dílii fé ŋɔ́nɔ wɔ́lɔ kpele ní Eezuɛ-ŋai dîa.

Zasua 7:5

Eea-ƃelai dí pɛ̀lɛ Eezuɛ-ŋai kpɛ́ɛ ma é síɣe dísiɣãŋ lá dí yéŋ ǹyéei kwára botoi su. Dí núu buu-saaƃa káo lɔ́ɔlu mɛi da pàa. Ǹyaŋ Eezuɛ-ŋai líi è tòo pôlu a ŋ̀ánaa.

Samuɛlə dɔlɔɔ 17:24

Eezuɛ kɔ-kuluƃa-ŋai kɛ́ɛ da gâai, díkelee dí yào dí pú.