Levetekɔ 2:9 - Bible

⁹ Ǹyaŋ zâla láa soŋ-nuui a pâi zama-sɛŋ ŋí da kulâi ma é gɛ́ a zãai ŋí kélee pɔ́ɔ ŋa tôoi é géreŋ ŋ̀âla-teƃelei ŋá, nyii géreŋ kuŋ lɛ̂lɛɛi Yâwɛɛ mɛni mai.

Yálá laawoo hɛɓɛ (dc)

⁹ Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Yálá laawoo hɛɓɛ

⁹ Ɉaláá laa həli mun a ɉaláá hɛn tii ta həɠə, yili kaa a kili too ŋą haláá. Ə yili kələn ɉaláá kulɔi. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 2:9 ပူးပေါင်းရင်းမြစ်များ

Lɛɛ gbɔwɔ ɓa 29:18

Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Azaya 53:10

Yâwɛɛ a m̀ôi ǹyɛɛi, “Ńyãa ƃé gɛ̀ gɛ́ mɔ̃̀lɛ. Ŋɔsaai è kɛ̀ a sâla, ŋuŋ ma ƃô da su-mɛni lɛ̂ɛ mɛni ma. A pâi ǹônii kâai. À kɛ̀ tí ŋɔfúlu-laai su a pâi kôyaai. Yâwɛɛ ŋɔmɛni kpɛtɛɛi ŋ̀aa see pâi kɛ̂ zarâi.

Levetekɔ 1:9

Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 2:16

Zâla láa soŋ-nuui é zama-sɛŋ ŋí géreŋ ŋ̀ɔi kúla zu nyii gáa a zãâi kélee pɔ́ɔ ŋá tôoi é pɛ́lɛ géreŋ sɛŋ kúŋ nɛ̃ɛi kélee ma é díkereŋ. Gáa a kéreŋ sama-sɛŋ Yâwɛɛ mɛni ma.

Levetekɔ 2:2

é pá la Eelɔŋ ǹônii pɔ́ nyii-ŋai díkaa a zâla láa soŋ-ƃelai. Zâla láa soŋ-nuui é ǹyée láa fɛ́ɛ tɔnɔ kula zu da ɔle-wulɔi é pɛ́lɛ géreŋ-sɛŋ kúŋ nɛ̃ɛi kélee ma é géreŋ a zãai kélee pɔɔ ŋa tôo ŋ̀âla-teƃelei ŋá nyii géreŋ kúŋ lɛ̂lɛɛi Yâwɛɛ mɛni mai.

Levetekɔ 2:8

Ya pá a m̀ii-sɛŋ sama-sɛŋ Yâwɛɛ pɔ́, dɛ́ɛ zâla láa soŋ-nuui pɔ́ é lí la ŋ̀âla-teƃelei ma.

Levetekɔ 24:7

Kúŋ sɛŋ kúŋ nɛ̃ɛ pú ma teƃelei ŋá a gɛɛ gɛ́ ƃò a kili too ŋ̀á sama-sɛŋ Yâwɛɛ mɛni ma.

Levetekɔ 4:31

É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔŋ su-mɛni a pâi lɛɛ̂i.

Levetekɔ 5:12

É pá la zâla láa soŋ nuui pɔ́, nyii pâi ǹyée láa fɛ́ɛ tɔnɔ siɣêi zu a gélee pɔɔ ŋá tôoi é géreŋ ŋ̀âla-teƃelei ŋá Yâwɛɛ mɛni ma. Gáa a sɔnyɔ̂ŋ su mɛ́ni lɛ̀ɛ maa sâla sɛŋ.

Levetekɔ 6:15

Zâla láa soŋ-nûui é ǹyée tɔnɔ láa fɛ́ɛ a felaƃa fũa lɛ́lɛɛ sumóɔɔ a wúlɔ nyii è gùla m̀ii-sɛ̂ŋ sala-sɛŋ sui da kéreŋ-sɛŋ kúŋ nɛ̃ɛ é géreŋ ŋ̀âla-teƃelei ŋá a kili too ŋ̀á sala-sɛŋ, nyii gáa a kéreŋ sala-sɛŋ kúŋ nɛ̃ɛ Yâwɛɛ mɛni mai.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”

Lonon mo 5:26

Zâla láa soŋ-nuui é dólo sala-sɛŋ daloŋ soŋ zu a kili-too ŋa sala-sɛŋ é géreŋ ŋ̀âla-teƃelei ŋá, é maa yâi tɛ́ɛ ǹɛnîi pɔ́ é gbele.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛi. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Filipə 2:17

À kɛ̀ máŋ da ŋ́ãa pù zâla-sɛŋ ma nyíi gáa a kálaa-lai da kátii kɛ́ɛ Ɣâla mɛni mai, ńii nɛɛ̂i kwa ka-ni ku kɛ́ lii-nɛ̃ɛ kula kúkelee.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.