Levetekɔ 15:5 - Bible

⁵ Ǹúui kélee a lɛɣɛ maa nuui ŋɔgbìŋ mai, maa nuui é gbîŋ waa da ŋɔseɣei, ǹyaŋ vé pâi kɛ̂i a maa waa é lɛ́ɛ la zu ɣele wulii é kɛ́.

Yálá laawoo hɛɓɛ (dc)

⁵ Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Yálá laawoo hɛɓɛ

⁵ Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:5 ပူးပေါင်းရင်းမြစ်များ

Mąątɛ̨nɛ̨ 26:6

Yâwɛɛ, ŋâa ńyee ŋá wáa a gɛɛ ŋá ǹɛ́ yâ a gɛɛ ńzɔŋ fé ḿâ. Ŋa lɛɣɛ a íɣâla-teƃelei a gɛɛ ŋá í fɛ́li.

Mąątɛ̨nɛ̨ 51:2

Ŋá ŋwana-lɔ̂ɔ-tuai wáa mî ḿâ, ímaa wáa í ŋ́gula mî ŋásɔnyɔ̂ŋ su.

Mąątɛ̨nɛ̨ 51:7

Ŋásɔnyɔ̂ŋ wáa ḿâ, gɛ̀ ní ŋa pâi kɛ̂i a ḿaa waa. Ŋ́waa ḿî, gɛ̀ ní ŋa pâi kɛ̂i fôloi yɛ̂ɛ yee-fũa.

Lɛɛ gbɔwɔ ɓa 19:10

Yâwɛɛ è mó Mose ma ǹyɛɛi, “Lí ǹûai pɔ́ naa í kpɔ́ŋ dîa dí díkpîŋ kpɛ̀tɛ sâa da tínaa ḿvɛli mɛni ma. Dí díseɣe-ŋai wáa.

Azaya 1:16

Ka kpera mɛni nyɔ́mɔɔ kɛ́ɛ ma, ká ǹanii wáa kâa. Tɔ̃yâ ma ka kpera mɛni nyɔ́mɔɔ kɛ́ɛ ma.

Azaya 22:14

Ŋ̀wála-wâla kélee Ɣâlai Yâwɛɛ è m̀o mâ ǹyɛɛi, “Tɔ̃yâ ma, zɔnyɔ̂ŋ ŋí su-mɛ̂ni fé pâi wɔ́lɔ lɛɛ̂i. Gula-maa nɔ́ ƃa saa. Ńyãa Ǹuu-namui Ŋ́wala-wala kélee Yâwɛɛ ƃé m̀o tí.”

Izikiɛ 36:25

Ŋa pâi yá lɛ́lɛɛ kpɛmɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa wâai ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa wâai ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 36:29

Ŋa pâi ká kulâi kámɛni nyɔ́mɔ-ŋai su ŋá kámaa wáa. Ŋa pâi mii-sɛŋ maa poôi ŋá gɛ́ é támaa puru fa ŋɔ́nɔ ká kɛ̀.

Levetekɔ 11:24

“Ǹúui kélee a lɛ̂ɣɛ zãâi ŋí da poma mai, maa nuui fé pâi kɛ̂i a m̀aa waa é lɛ́ɛ la zu ɣele wulii é kɛ́.

Levetekɔ 11:25

Ǹúui kélee a tela da poma siɣei, fɛ̂ɛ maa nuui é ŋɔseɣei waa ǹyaŋ maa nuui maa fé pâi kɛ̂i a ŋ̀waa é lɛ́ɛ la zu ɣele wulii é kɛ́.

Levetekɔ 11:28

Ǹúui a téla lɛ̀ɣɛ poma mai, fɛ̂ɛ maa nuui é ŋɔseɣei wáa. Maa nuui fé pâi kɛ̂i a maa waa é lɛ́ɛ la zu ɣele wulli é kɛ́. Díkaa a vɛnɛ-sãai nyii-ŋai dímaa fé waa ní kámɛni mai.

Levetekɔ 11:32

Sɛŋ nyii kélee vɛnɛ-sãai ŋí da poma a lɛɣɛ mai, maa sɛŋ maa fé pâi kɛ̂i a ŋ̀waa. E máŋ kɛ́ yɛ̂ɛ sɛŋ nyii kélee gbɛtɛɛi a wúrui, seɣe, sua kɔlɔ, ƃɔrɔ-saa kpaa máŋ sɛŋ-folo sii kélee da. Fɛ̂ɛ í maa sɛŋ maa waa yá su. Kɛ́lɛ, maa fé pâi kɛ̂i a ŋ̀waa é lɛ́ɛ la zu ɣele wulii é kɛ́.

Levetekɔ 13:34

Zâla láa soŋ nuui a pâi ŋɔ́nɔ balai maa kpɛɛ̂i a vóloi ǹɔ́ɔlu mɛi feerɛ ɣelei. À kɛ̀ vé niî ƃɛrɛ ní, zu fé siŋ ní gɛ̀ ní zâla lâa soŋ nuui a pâi môi a gɛɛ maa nuui maa waâi. Maa nuui a pâi ŋɔseɣei waâi. Ǹyaŋ a pâi kɛ̂i a m̀aa waa.

Levetekɔ 13:6

Zâla láa soŋ nuui a pâi ŋɔ́nɔ nuui ŋí maa kpɛɛ̂i a vóloi ǹɔ́ɔlu mɛi feerɛ ɣelei. À gàa a gɛɛ balai ŋáa a yenîi gɛ ní gáa nɔ́ a pala kpɛ́ni nyii tèe gɔlɔ ḿâ gbôdo kɔlɔ-fela fêi. Zâla láa soŋ nuui a pâi môi a gɛɛ maa nuui maa waâi ǹyaŋ maa nuui é nɔseɣei waa gɛ̀ ní a pâi kɛ́ a maa waa.

Levetekɔ 14:27

A pâi daa-tulɛi ŋãa da kpɛmɛŋ niî a ǹáa mii yee gbuai giei lɔ́ɔlu mɛi feerɛ Yâwɛɛ ŋɛ́i-tuɛ.

Levetekɔ 15:18

À kɛ̀ surɔ̂ŋ a lɔ̀-pɔrɔŋ a nɛnî, fɛ̂ɛ dífeerɛŋɔɔ dí díwaa, ǹyaŋ dífe pâi kɛ̂i a dímaa waa é lɛ́ɛ la zu ɣele-wulii é kɛ́.

Levetekɔ 15:4

Gbìŋ nyii kélee ǹúui tí a lâa ŋ̀ái kpaa máŋ é see ŋ̀ái, maa gbìŋ maa fé waa ní. Sɛŋ nyii kélee a see mɛi, maa sɛŋ maa fé waa ní.

Levetekɔ 15:6

Nuui kélee a sêe sɛŋ da mɛi nyii ǹúui ǹyái a kulâi mai è sèe mɛi, fɛ̂ɛ maa nuui é gbîŋ waa da ŋɔseɣei, ǹyaŋ vé pâi kɛ̂i a maa waa é lɛ́ɛ la zu ɣele-wulii é kɛ́.

Levetekɔ 16:26

Ǹyaŋ ǹúui lì a ǹyínaŋ ŋɔƃolii vɛ̃ɛ-kpâlaŋ sui a pâi ŋɔseɣei waâi é gbîŋ waa é lɛ́ɛ pâi pôlu m̀ûui su.

Levetekɔ 16:28

Ǹúui pâi díkêreŋii fɛ̂ɛ é ŋɔseɣe-ŋai waa é gbîŋ waa é lɛ́ɛ pâi pâi pôlu m̀ûui su.

Levetekɔ 17:15

“Núu da kélee a sua da miî nyii sàa gbɔɔ̂i yêe ma kpaa máŋ fɛnɛ-sɛŋ nyii núu da é báai, é máŋ kɛ́ a Eezuɛ nuui da kpaa máŋ ŋ̀ɔ̃ya nyii gáa dísamai, fɛ̂ɛ maa nuui é ŋɔseɣei wáa é gbîŋ waa, ǹyaŋ vé pâi kɛ̂i a m̀aa waa é lɛ́ɛ la zu ɣele-wulii é kɛ́. Gɛ̀ ní a pâi nâa kɛ́i a m̀aa waa.

Lonon mo 19:10

Ǹúui a niŋa-kereŋ-luui ŋá tɛ̀ mai, é ŋɔseɣe-ŋai wáa. Kɛ́lɛ maa fé pâi niî kɛ̂i a ŋwaa é lɛ́ɛ la zu ɣele-wulii é kɛ́.’

Lonon mo 19:22

Ǹúui maa fé waa ni à kɛ̀ à ǹyée pɛ̀lɛ sɛŋ da kélee ma, maa-sɛŋ tí maa fé pâi kɛ̂i a ŋwaa. Ǹyaŋ núu da kélee à ǹyée pɛ̀lɛ maa-sɛŋ tí mai, maa-nuui tí maa fé pâi kɛ̂i a ŋwaa é lɛ́ɛ la zu ɣele-wulii é kɛ́.”

Hebreu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Hebreu 9:26

Eêi kɛ̀ tí, gɛ̀ ní Kôrai eêi pɔ̂ri mɛni-soli kâai a tãi támaa é síɣe ŋ̀éniɛi kɔ́ɔ pîlaŋ-tãi ma. Kɛ́lɛ, berei gáa lai, è pà nɔ́ zu tɔnɔ a gbanaŋ-woo-kɛɛ pɔlɔi maa-ɣeniɛi kpɛɛ ŋá a gɛɛ é sɔnyɔ̂ŋ kpera a gbîŋ kúlaa a sâla.

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.

Samuɛlə dɔlɔɔ 20:26

Sɔ̂ɔ fé mɛni da ƃó ní a maa ɣelei tí, kpɛ́ni fêi, è kɛ̀ gíli ŋá siâi ǹyɛɛi, “Ɣele ta mɛni da aâ Deeƃé kɛ́ nyíi a gɛ́ m̀aa wàa ní. Tɔ̃yâ ma m̀aa fé wàa ní.”