Levetekɔ 13:46 - Bible

⁴⁶ Maa nuui maa fé pâi kɛ̂i a ŋ̀wáa tãi nɔ́ gɔlɔ-felai ŋí káa la m̀ai. Vé kɛ̀ m̀ûui su kpaa máŋ m̀arâai sáma.

Yálá laawoo hɛɓɛ (dc)

⁴⁶ Bələi lɔ ɲɔ̨n a lamun la mą, bələ lɔ ɓə dɔ́n a lamun la mɛ̨i, nui tɔ́n gaa mą, a kulɔ mɛlaa kaalɛa pɔ, yɛ ɓo daa pulu pələ.

Yálá laawoo hɛɓɛ

⁴⁶ Bələi lɔ ɲɔ̨n a lamun la mą, bələ lɔ ɓə dɔ́n a lamun la mɛ̨i, nui tɔ́n gaa mą, a kulɔ mɛlaa kaalɛa pɔ, yɛ ɓo daa pulu pələ.

Levetekɔ 13:46 ပူးပေါင်းရင်းမြစ်များ

Samia Veerɛi 3:29

Tɔɔ ŋ̀ãa mɛni é kɛ́ Zôa da ŋɔpɛ́rɛi mu-ƃelai ŋûa. Bóŋ pala kpono ma kɔlɔ-fela fé pâi wɔ́lɔ kpɛɛ̂i ŋɔpɛ́rɛi mu. Puru a pâi dípaâi dí ƃóa-sɔ̂kpɔ saa kɛ́.”

Tɔɔɓɛlaa veelɛ 15:5

Yâwɛɛ è gɛ̀ kpono-ma kɔlɔ-fela nyɔ́mɔɔ é Gâloŋ Azaria soŋ. Gɔlɔ-felai ŋí è lɛɛ ma é lɛ́ɛ la zu é sáa. Gɔlɔ-felai è gɛ̀ vé kɛ́ ní gâloŋ-pɛrɛ kɛ́tɛi mu kɛ́lɛ è kɛ̀ pɛ́rɛ da kpɛ́ni mu ǹyaa tɔ̂nɔ. Azaria ǹóŋ Zotaŋ ƃé kɛ̀ gâloŋ-pɛrɛ kɛ́tɛi mɛi kâai da diai kɛ̀ tíi kɛ̂i naai, é pɛ́lɛ ǹɔii su-ƃelai kélee dîa a tãi ǹâŋ è kɛ̀ kɔ̂lɛi lai.

Tɔɔɓɛlaa veelɛ 7:3

Maa tãi tɔnɔi tí, sinaa náaŋ díkɛ̀ seêni Sameria galai lá ŋ̀enei ŋá pere nyii núu kpono ma kɔlɔ-fela nyɔ́mɔɔ è kɛ̀ diai. Dí mò díkîe-ni dîa dîyɛɛi, “Kwa pâi kɛ̂i seêni ƃɛ́, kú kɛ́ maa-kpɛ̂ŋ kɛ̀ a gɛɛ kú sáa lé mɛni ma?

Kɔlɔnikɔ Veerɛi 26:21

Gɔlɔ-kala-maa kɔlɔ-fela nyɔmɔɔ è lɛ̀ɛ kpɔ́ Uzia ma é lɛ́ɛ la zu zaa-tãi é seri. Tãi gɔlɔ-felai ŋí è kɛ̀ la m̀ai, dí bili zɛnɛ mu. Dífa kâa faa m̀a a gɛ́ɛ é lí Yâwɛɛ ŋɔpɛ́rɛi mu. Nya ƃe ǹóŋ Zotaŋ è nâa lɛ̀ɛ gâloŋ-pɛrɛi mɛi gɛ́ ǹûai mɛi kâa ǹɔii su.

Hanwon 30:12

Núu sîi da-ni-ŋa da díkpîŋ sìɣe a núu maa waa-ŋa, kɛ́lɛ dímaa fé waa ní dílii su.

Woolaa 1:1

Zerusâlɛŋ lâai léŋ ŋí a vóloi, nyii ǹáa è kɛ̀ a vɛ́ɛ a núui? A kɛ́ léŋ ŋí yɛ̂ɛ pɔɔ-nɛnii, ǹyaai kɛ̀ a gɛ́tɛ ǹɔii-ŋûŋ-ŋai sámai? Ǹyaai kɛ̀ a kâloŋ-nɛni ǹɔii-ŋûŋ-ŋai mɛni mai, aâ kɛ́ a luɛ.

Woolaa 1:8

Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Woolaa 4:15

Ǹûai dí kɛ̀ lâɣii dîa dîyɛɛ dîai, “Ka kula ƃɛ́ ká lí, ká maa fé waa ní. Ka lí, káfe lɛ̀ɣɛ kúta ma.” Díkɛɛ tɛɛ-tɛɛi, ǹɔii su-ƃelai da-ŋa dí mò dîyɛɛi, “Díta fé pâi wɔ́lɔ lɛɛ̂i ǹɔii ma ƃɛ́!”

Levetekɔ 13:47

“À kɛ̀ pûŋ à pɛ̀lɛ seɣe ma, a nɛ̃ɛ ma maa seɣei é kɛ́ a gbɛtɛɛ a sua leɣa kpaa máŋ yee,

Levetekɔ 14:3

Zâla láa soŋ nuui a pâi maa nuui kulâi m̀ûui su é lí la é maa kpɛɛ. À gɔlɔ-felai a ƃálo.

Levetekɔ 23:29

Ǹúui kélee pâi mii-sɛŋ da miî a ŋ̀elei tí ŋa pâi zu-karâi. Vé pâi wɔ́lɔ kɛ̂i ŋɔnûai sáma.

Lukə 17:12

Gɛɛ a seri kɛ̀ kpanâŋ tɔnɔ lái, e gbôdo-ƃela puu kâa tɔɔ ni kwaa kôya ma.

Korɛntə dɔlɔɔ 5:5

Ka nalôŋ ŋí tɛ́ɛ Sêtɔŋ pɔ a gɛ́ɛ gbîŋ-tua-pere-nyɔŋ su e kara, a gɛ́ɛ ƃálo-laa é kɛ́ ŋɔmɔ̂leŋ yêei a Kúnuu-namui Zîsɛ ŋɔɣelei.

Tɛsalonikə veelɛ 3:14

À kɛ̀ núu da kélee fe faa ni a gɛ́ɛ é ǹyée see mɛni-ŋai mu ku mò gɔlɔi ŋí sui, maa-nuui é lɛ́ɛ kákili ŋá, ka dîa-ni káfe nɛ̃ɛ. Ka gɛ́ ti a gɛ́ɛ maa-nuui e ŋumɛ.

Tɛsalonikə veelɛ 3:6

Mɛni ma, ŋánûa, kwa m̀ôi káa Kúnuu-namui Zîsɛ Kôrai láai su a gɛ́ɛ ká kasu kula káƃarâŋ-nuu kélee ma nyíi va tíi kɛ̀, va tela pìlaŋ mɛni-ŋai pôlu ku nɛ̀ kâai.

Timote dɔlɔɔ 6:5

díkɛ sîa too ǹûai sama nyíi-ŋai díkili káa kpɛni-kpɛni, dɔ̃yâi fé díyêei. Ǹûai ŋí da gàa a gɛ́ɛ Ɣâla-mɛni-kɛɛ káa a sɛŋ sɔlɔ ƃoɔ maa-pere.

M̀ɛni-lɛɛi 21:27

Kɛ́lɛ, sɛŋ nyíi kélee maa fé waa níi, vé pâi lîi zu, kpaa máŋ núu kélee a ŋwana-lɔ̂ɔ maa kɔ̂rii, kpaa máŋ wôya-mɛnii, kɛ́lɛ, fɛ̂ɛ nɔ́ diai dílaa pɔ̃yɛɛ̂i M̀ála-loŋ ŋɔfúlu-laa-kɔlɔi sui.

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.