Levetekɔ 1:9 - Bible

⁹ Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Yálá laawoo hɛɓɛ (dc)

⁹ Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Yálá laawoo hɛɓɛ

⁹ Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 1:9 ပူးပေါင်းရင်းမြစ်များ

Zɛnɛse 8:21

Tãi Yâwɛɛ è géreŋ sala kúŋ nɛ̃ɛi kúŋ mɛ̀ni lai, è mò ǹyɛɛi, “Fé pâi ŋɔ́nɔ wɔ́lɔ ǹɔii náɣanîi núu-kpune mɛni ma, kpɛ́ni fêi, núu-kpune ŋɔkili-ŋa-sîai nyɔ̂mɔɔi é síɣe gɔ́ɔ pîlanii. Fé pâi ŋɔ́nɔ wɔ́lɔ fúlu sɛŋ kélee su karâi ǹɔii mâ yɛ̂ɛ berei ŋá gɛ̀ lai.

Kɔlɔnikɔ Maa-ŋuŋ 6:34

Ɛkana, Zɛroaŋ, Iliɛ, Toa ǹóŋ.

Kɔlɔnikɔ Veerɛi 4:6

È ŋɔ́nɔ sɛŋ-folo puu kpɛ̂tɛ nyíi da kâa géreŋ salai kula sãai maa wâa zui. Zɛŋ fóloi ŋí ǹɔ́ɔlu è kɛ̀ yá-ŋûa pere, ǹɔ́ɔlu kɛ́ ƃò séɣai pere. Kɛ́lɛ zâla láa-soŋ-ƃelai nɔ́ ƃé da kâa dímaa-wâa a ǹeɣi kɛ́tɛi su yai.

Mąątɛ̨nɛ̨ 51:6

Teniŋ ƃô da tɔ̃yâ laa nɔ́ ƃé í ŋ̀wɛli ní. Ńíi láa fɛ̂ɛ a ítarei.

Mąątɛ̨nɛ̨ 66:15

Ŋa pâi ŋáƃala kɔlɔ lɛ́lɛɛ ma-ŋai da kulâi yâ a kéreŋ sala íɣâla-teƃelei ŋá, da niŋa sîrɛ-ŋa é pɛ́lɛ ƃoli-ŋa dîa. Géreŋ sala sãai ŋí kéreŋ lûri a pâi tɛ̂i ŋ̀elei su.

Lɛɛ gbɔwɔ ɓa 12:9

Káfe dɔnɔ kpîŋ mìi a ŋúnu kpaa máŋ ká ɣíli. Kɛ́lɛ ka gélee ŋɔŋ, ŋuŋ, gbɔ̂rɔ da goi-sãa.

Lɛɛ gbɔwɔ ɓa 29:18

Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Lɛɛ gbɔwɔ ɓa 29:25

À kɛ̀ tí í dísoŋ díyêei í díkereŋ ŋ̀âla-teƃelei ma géreŋ salai mɛi a gɛɛ é kɛ́ a kéreŋ sala kúŋ nɛ̃ɛ ŋɛ́i. Gáa a ŋɔŋ sala ŋɛ́i-tuɛ.

Ɉeremi 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Izikiɛ 20:28

Ŋá li a dîa ǹɔii su ŋa ŋ́gono-tee a gɛɛ ŋa pâi dɛɛi dípɔi su. Kɛ́lɛ, tãi dí ǹyée-tɔɔ ŋai kâa la da ŋ̀uru-ŋai, dí pɛlɛ sala kulâi dîa. Dí kereŋ sala da ŋwã̂ai sala ŋa kula dîa. M̀ɛni ŋí è kɛ̀ a ńii ŋwãna mɛni.

Izikiɛ 20:41

Ŋa pâi ka kulâi ǹɔii-ŋuŋ ŋai su ŋá pá a káa pôlu kákîe ma. Ŋa pâi ǹyée seêi kákereŋ sala-ŋai mu. À kɛ̀ tí, ǹɔii ŋuŋ-ŋai da pâi gɔ́lɔnîi a gɛɛ ḿaa-wâai.

Izikiɛ 40:38

Lôŋpo tɔnɔ è kɛ̀ naa gánaŋɔɔ bɛ́rɛ-kaŋ ma nyii ǹá è kɛ̀ a gúlaa ziɣãŋ kɛ́tɛi ma perei. Gwaai ŋí ma ƃé da kâa géreŋ-sala-sãai maa wâa naa.

Levetekɔ 1:13

Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 1:17

É zóŋ a goôŋ veerɛ é zu-ƃéla, kɛ́lɛ vé gula ŋ̀á. Zâla láa-soŋ-nuui é géreŋ gɔi mɛi ŋɔŋ ŋá ŋ̀âla-teƃelei ŋá. Gáa a kéreŋ sama sɛŋ kuŋ nɛ̃ɛ Yâwɛɛ mɛni ma.”

Levetekɔ 2:16

Zâla láa soŋ-nuui é zama-sɛŋ ŋí géreŋ ŋ̀ɔi kúla zu nyii gáa a zãâi kélee pɔ́ɔ ŋá tôoi é pɛ́lɛ géreŋ sɛŋ kúŋ nɛ̃ɛi kélee ma é díkereŋ. Gáa a kéreŋ sama-sɛŋ Yâwɛɛ mɛni ma.

Levetekɔ 2:2

é pá la Eelɔŋ ǹônii pɔ́ nyii-ŋai díkaa a zâla láa soŋ-ƃelai. Zâla láa soŋ-nuui é ǹyée láa fɛ́ɛ tɔnɔ kula zu da ɔle-wulɔi é pɛ́lɛ géreŋ-sɛŋ kúŋ nɛ̃ɛi kélee ma é géreŋ a zãai kélee pɔɔ ŋa tôo ŋ̀âla-teƃelei ŋá nyii géreŋ kúŋ lɛ̂lɛɛi Yâwɛɛ mɛni mai.

Levetekɔ 2:9

Ǹyaŋ zâla láa soŋ-nuui a pâi zama-sɛŋ ŋí da kulâi ma é gɛ́ a zãai ŋí kélee pɔ́ɔ ŋa tôoi é géreŋ ŋ̀âla-teƃelei ŋá, nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 3:11

Zâla láa soŋ-nuui é zãai ŋí kéreŋ ŋ̀âla-teƃelei ma. Gáa a mii-sɛŋ sama-sɛŋ Yâwɛɛ mɛni ma.

Levetekɔ 3:5

Zâla láa soŋ-ƃelai dí zãai ŋí kélee kéreŋ da géreŋ sâla-sɛŋ gbéli-ŋai ŋ̀âla-teƃelei ŋá. Gáa a kéreŋ sama-sɛŋ nyii gúŋ lɛ̂lɛɛi Yâwɛɛ mɛni mai.

Levetekɔ 4:31

É ŋ̀úlɔ kélee kúla yɛ̂ɛ berei a gɛ̀ la a ǹíi-see sala sɛŋ. Ǹyaŋ zâla láa soŋ nuui é géreŋ ŋ̀âla-teƃelei ŋá nyii gáa a kéreŋ sâla-sɛŋ kúŋ nɛ̃ɛ Yâwɛɛ mɛni mai. Bere sîi ŋí su zâla láa soŋ nuui a Eezuɛ nuui ŋí ŋɔsɔnyɔ̂ŋ maa sâla kula. A kɛ̀ tí, ŋɔsɔnyɔŋ su-mɛni a pâi lɛɛ̂i.

Levetekɔ 6:14

M̀ii-sɛ̂ŋ sala-sɛŋ maa tɔ̂ŋ-ŋai ká ŋí. Zâla láa soŋ-nûui nyii gáa a Eelɔŋ ǹóŋ dɔnɔi, é lí a m̀ii-sɛ̂ŋ salai ŋí é gula ŋ̀âla-teƃele ŋá Yâwɛɛ ŋɛ́i-tuɛ.

Levetekɔ 8:21

Tãi dí goi sãai da gbɔ̂rɔ-ŋai maa waa lai, Mose é gélee kèreŋ ŋ̀âla-teƃelei ma a kéreŋ sɛŋ kúŋ nɛ̃ɛ Yâwɛɛ mɛni ma.

Levetekɔ 8:28

Nya ƃe Mose è zãai ŋí sòŋ pôlu díyêei é géreŋ ŋ̀âla-teƃelei ŋá dísee mɛni ma dítii mɛi. Ǹyaŋ è kɛ̀ a mii-sɛŋ sâla-sɛŋ nyii géreŋ kùŋ nɛ̃ɛ̂i Yâwɛɛ mɛni mai.

Levetekɔ 9:14

Gɛ̀ ní è goi sãai maa wâa da gbɔrɔ-ŋai é géreŋ ŋ̀âla-teƃelei ma.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Lonon mo 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kakono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Lonon mo 28:11

“Ɣáloŋ kélee ŋɔfóloi maa-ŋuŋ ka géreŋ-salai ŋí kúla Yâwɛɛ mɛni ma. Niŋa loŋ-sirɛ feerɛ, ƃála-sirɛ tɔnɔ é pɛ́lɛ kóraŋ-tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

Lonon mo 28:7

Fɛ̂ɛ í ŋwãai pãi feerɛ kúla máŋ a kpele-sɛŋ sala ŋ̀âla-teƃelei lá mu Yâwɛɛ mɛni ma a m̀ála-salai maa-ŋuŋ kula-tãi.

Lonon mo 28:8

M̀ála-salai veerɛi kúla a ɣele-wulii da mii-sɛŋ sala é pɛ́lɛ gbele-sɛŋ salai ma yɛ̂ɛ berei í gɛ̀ la a Ŋ̀ele-wâlai. Gáa máŋ a kéreŋ-sala kúŋ nɛ̃ɛ Yâwɛɛ mɛni ma.

Korɛntə veelɛ 2:15

Kpɛ́ni fêi, kúkaa a Kôrai maa-wuru-ya kúŋ nɛ̃ɛ Ɣâla mɛni ma diai sáma díƃaloɔ̂i da diai díkaa saâi.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ e kúwɛli la a gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Dutɛrɔnome 12:27

Ka lí a géreŋ sama-sãai da ŋãa Káɣalai Yâwɛɛ ŋɔteƃelei ma. Ka zama-sãai gbéli-ŋai ŋãa kpɛ́mɛŋ teƃelei kɔlɛ. Ka pɔ̂ri zua miî.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.