Levetekɔ 1:3 - Bible

³ À kɛ̀ ŋɔsama-sɛŋ káa a kéreŋ sama-sɛŋ nyii è gùla ŋɔniŋa-ŋai samai, fɛ̂ɛ maa niŋai é kɛ́ a zirɛ nyii pɔ́ɔ fé mai. É maa salai kúla Yâwɛɛ ŋɔsua kɔ̂lɔ seɣe pɛrɛi gbôŋ lá a gɛɛ Yâwɛɛ é ǹyée sée mu.

Yálá laawoo hɛɓɛ (dc)

³ «Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Yálá laawoo hɛɓɛ

³ «Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Levetekɔ 1:3 ပူးပေါင်းရင်းမြစ်များ

Zɛnɛse 22:13

Nya ƃe Eberaɣɛ̃ɛ è ŋuŋ mu sìɣe é gɔlɛ mâ káa. È ƃála-sirɛ tɔnɔ káa tɔɔni bôlu-pere sɛŋ da piliɛɛ m̀ĩlai. Eberaɣɛ̃ɛ è lì é m̀álai kúla, é géreŋ salai kúla la ǹóŋ pɔ́ ŋá.

Zɛnɛse 22:2

Ɣâla ǹyɛɛ ma, “Ílii ma loŋ Aise siɣe, nyii í ŋwɛ́lini a ŋánaai, í lí la Moraiya lɔii su, í gula naa a kéreŋ sala ǹyée-ŋai dɔnɔ ma nyii ŋa pâi ǹɛ̂i yâi.”

Zɛnɛse 22:8

Eberaɣɛ̃ɛ ǹyɛɛ mai, “Ńoŋ, Ɣâla ǹyaa kpîŋ a pâi málai tɛɛ̂i géreŋ salai mɛni ma.” Nya ƃe dífeerɛ dí lì.

Zɛnɛse 8:20

Nôa è Ɣâla-teƃele kpɛ̀tɛ Yâwɛɛ mɛni ma, é vɛnɛ-sãa maa waa-ŋai da ŋɔni maa waa-ŋai dɔnɔ-tɔnɔ síɣe é kéreŋ sala kula a dîa ŋ̀âla-teƃelei ma.

Kɔlɔnikɔ Veerɛi 29:32

Gereŋ-sala sãai ǹûai dí pá lai gélee è kɛ a niŋa-sirɛ buu-lɔ́ɔlu mɛi feerɛ, ƃala-sirɛ ŋuŋ-tɔnɔ, da ƃala-lonii-sirɛ ŋuŋ-feerɛ. Dí pa a zãai ŋí kélee díkereŋ sala kula a dîa Yâwɛɛ ma.

Kɔlɔnikɔ Veerɛi 35:12

Dí géreŋ-sala sama-sɛŋ kùla ma dí zée a da kpɛ́ni a gɛ́ɛ dí dɛ̀ɛ ǹúai pɔ́ díkpulu ma dí sala kula lá Yâwɛɛ ma yɛ̂ɛ berei bɔ̃yɛɛi la Mose ŋɔtɔ̂ŋ sui. Dí ŋɔ́nɔ m̀ɛni tɔnɔi ŋí kɛ nɔ́ a niŋa-sirɛ-ŋai.

Mąątɛ̨nɛ̨ 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Mąątɛ̨nɛ̨ 40:8

Óo Ŋáɣâlai, ŋá ŋ̀wɛ̂lii ŋá ínîa mɛni kɛ́. M̀ɛnii ya ǹɛ ḿâi fa ǹia da ma. Ŋa gélee lâai kɛ̀ ŋ́gili ŋá.”

Lɛɛ gbɔwɔ ɓa 12:5

Káƃala-loŋ é kɛ́ a nyii pɔ́ɔ fé mai. É kɛ́ a ƃála-sîrɛ nyii ŋɔkóraŋ káa tɔnɔi. A pɔ̂ri kɛ̂i a ƃála-loŋ kpaa máŋ ƃoli-loŋ.

Lɛɛ gbɔwɔ ɓa 24:5

Mose è Eezuɛ nyáŋkpa-ŋa tɛ̀ɛ nyii-ŋai kéreŋ sala kùla naa dí laoi-laa sala kula a niŋa-sirɛ Yâwɛɛ mai.

Lɛɛ gbɔwɔ ɓa 29:18

Gélee kéreŋ a sâla ŋ̀âla-teƃelei ŋá. Gáa a kéreŋ-sala da sâla kúŋ nɛ̃ɛ ḿɛni ma.

Lɛɛ gbɔwɔ ɓa 29:4

“Pá a Eelɔŋ da ǹônii ŋásua seɣe pɛrɛi maa waai lá í díwaa a yá.

Lɛɛ gbɔwɔ ɓa 29:42

Ká géreŋ salai ŋí kúla a tãi kélee káfulu-laai su da kásuui, ŋasua-kɔlɔ seɣe pɛrɛ maa waai láƃelei ƃɛ́ ḿɛni ma. Nàa ƃé ŋa pâi kákâai naa ŋá lóno kápɔ.

Lɛɛ gbɔwɔ ɓa 32:6

Nya ƃe ǹûai dí dímu sìɣe a bôlu ma ɣele-wala pɛ̀pɛi, dí kéreŋ sala kula dí lii-see sala kula. Dí sée dí dílaa míi, dí dímu sìɣe dí pɛ́lɛ pêle kɛ́ɛ ma.

Lɛɛ gbɔwɔ ɓa 35:21

Diai kélee kɛ̀ ŋ̀wɛ̂lii kpaa máŋ nyii-ŋai kélee dílii è kùlai, dí pà a sama-sãa Yâwɛɛ pɔ́ tɛi-tɛi a gɛɛ dí tíi kɛ́ la Bɛ́rɛ maa waai mɛni ma. Dí ŋɔnɔ pà a sama-sɛŋ Bɛrɛi mu-tii kélee kɛ́ mɛni ma é pɛ́lɛ zeɣe ma waa-ŋai dîa.

Lɛɛ gbɔwɔ ɓa 35:29

Eezuɛ nɛyâai da zinaâi nyii-ŋai ŋwɛ̀li a gɛɛ dí sama-sɛŋ tɛɛ díi-ŋai kélee mɛni mai, Yâwɛɛ è mò Mose ma a gɛɛ dí gɛ́i, dí pà a sama-sãa Yâwɛɛ pɔ́ é kúla dílii su.

Lɛɛ gbɔwɔ ɓa 35:5

Ka sama-sɛŋ tɛɛ Yâwɛɛ mɛni ma. Diai kélee ŋ̀wɛ̂lii dí dísama-sɛŋ tɛ́ɛ a lii-nɛ̃ɛi, dí pá la. Dí pá a gôo, kane da ƃara,

Lɛɛ gbɔwɔ ɓa 36:3

Zama-sãai kélee ǹûai dí pà la Ɣâla ŋɔpɛ́rɛi tɔɔ mɛni mai, Mose è dɛ̀ɛ nyɛrɛ kɛ́-ƃelai pɔ́. Eezuɛ-ŋai dí kɛ̀ nɔ́ niî pâi a sama-sãa a ɣele wâla kélee.

Lɛɛ gbɔwɔ ɓa 38:1

È géreŋ sala kula teƃelei kpɛ̀tɛ máŋ a kpitili. M̀éla kélee è kɛ̀ a bɔriɛɛ. Ŋɔkôya è kɛ̀ a kɔ́ɔ-ƃɔlɔni lɔ́ɔlu mɛi feerɛ da gbûra, ŋɔŋa-kɛtɛ kɛ́ ƃò a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔmɛi-kôya kɛ̀ a kɔ́ɔ-ƃɔlɔni náaŋ da gbûra.

Azaya 1:11

A m̀ôi ǹyɛɛi, “Zâla támaai ka gulâi ḿâi, vé a sɛŋ dɔnɔ kpîŋ ŋ́ɛi. Káƃala-sîrɛ da niŋa sîrɛ sala támaai mɛni ƃɛlɛ fé ŋ́goi. Fé wɛ́li ní a niŋa sîrɛ, ƃála sîrɛ da ƃoli sîrɛ ŋãa mɛni.

Izikiɛ 20:40

Eezuɛ lɔii su ƃɛ́i ŋáyee maa-waa kɛ́tɛi káa naai, naa ƃé Eezuɛ-ƃelai kélee da pâi ḿvɛlîi naa ǹɔii su. Ǹyaŋ ǹaa ƃe ŋa pâi ǹyée seêi naa dí mu ŋ́ɛi kɛ ƃo ká perei a gɛɛ ká pá a kásala-sãai da kásama-sãa maa waa ŋai.

Izikiɛ 40:39

Têƃele náaŋ è kɛ̀ bɛ́rɛi ŋɛ́i túɛ loŋpoi su nyii kɛ̀ ziɣãŋ su-pere ŋ̀ɔi ma yá-ŋua pere. Lôŋpoi ŋí lá è kɛ̀ a gúlaa ziɣãŋ kɛ́tɛi ma pere. Veerɛ è kɛ̀ bɛ́rɛ ƃelai dɔnɔ ma veerɛ kɛ́ ƃò m̀éla gbéli ma. Têƃele-ŋai ŋí ŋá ƃé da kâa daa-tulɛ-ŋai pàa naa kéreŋ-sala, kpaa máŋ sɔnyɔ̂ŋ-sala da sɔnyɔ̂ŋ kula maa sâla mɛni ma.

Levetekɔ 1:10

“À kɛ̀ ŋɔkéreŋ sama-sɛŋ káa a ƃála kpaa ƃoli, é kɛ́ a zirɛ nyii pɔ́ɔ fé mai.

Levetekɔ 14:10

“Voloi ǹɔ́ɔlu mɛi saaƃa ɣelei a pâi pâi a kóraŋ tɔnɔ ƃala sirɛ feerɛ da kóraŋ tɔnɔ ƃala saa tɔnɔ nyii-ŋai pɔ́ɔ fé diai, lɛ̀ɣɛ pãŋ lɔ́ɔlu sumoɔɔ a ɔle-wúlɔ da ɔle-wúlɔ kɔ̂pu gborâ.

Levetekɔ 16:7

Gɛ̀ ní a pâi mòli veerɛ siɣêi é lí la Yâwɛɛ ŋɔpɛ́rɛi lá.

Levetekɔ 17:4

ǹyaŋ vé pá ní la Yâwɛɛ ŋɔpɛ́rɛi lá a gɛɛ é dɛ́ɛ a sama-sɛŋ Yâwɛɛ pɔ́, gɛ̀ ní maa nuui a ŋãa pú ǹɔii ma. Da pâi maa nuui kulâi ŋɔnûai sáma.

Levetekɔ 17:8

“Ǹyaŋ m̀ó dîa a gɛɛ Eezuɛ nuu da kélee kpaa máŋ ŋ̀ɔ̃ya-ŋai kélee dísamai nyii pâi kéreŋ sama-sɛŋ kpaa máŋ sâla kulâi,

Levetekɔ 17:9

vé pá ní a maa sâla kula taa-tulɛi Yâwɛɛ ŋɔpɛ́rɛi lá é gúla Yâwɛɛ ma a sâla, fɛ̂ɛ dí maa nuui kúla ŋɔnûai sáma.

Levetekɔ 23:12

Vóloi ka kɛ́ m̀ii-sãa sama-sãai ŋí tɛɛ̂i lai ka kéreŋ sâla kula a kóraŋ tɔnɔ ƃala sirɛ-loŋ nyii kpɔrɔ̂ŋ da kélee fé mai.

Levetekɔ 23:18

Eezuɛ-ŋai kélee dí kéreŋ sâla kula a ƃala-lonii lɔ́ɔlu mɛi feerɛ nyii-ŋai díkaa a kóraŋ tɔnɔ-tɔnɔi, niŋa naɣa tɔnɔ da ƃála-sirɛ feerɛ Yâwɛɛ ma. Díkɛ a taa-tulɛi nyii-ŋai kpɔrɔ̂ŋ fé diai. Dí díkula a kéreŋ sala da mii-sãa é pɛ́lɛ ŋwã̂ai ma. Zama-sãai ŋí kéreŋ kuŋ lɛ̂lɛɛi a Yâwɛɛ nîa.

Levetekɔ 3:1

À kɛ̀ núu da à kɛ̀ pâi a sama-sɛŋ Yâwɛɛ pɔ́ laoi-laa maa sâla kúla mɛni ma, nyii è gùla ŋɔniŋa-ŋai sámai, zirɛ kpaa záa, é kɛ́ a niŋa nyii pɔ́ɔ fé mai.

Levetekɔ 4:15

Ǹyaŋ Eezuɛ láa túɛ-ƃelai dí pá a ǹiŋa-nâɣai Yâwɛɛ ŋɛ́i-tuɛ dí díyee pɛ́lɛ ŋ̀uŋ ma dí báa.

Levetekɔ 4:23

a ŋɔsɔnyɔ̂ŋ kɔ̂lɔŋ nyii è gɛ̀i, fɛ̂ɛ é pá a ƃoli-sirɛ nyii pɔ́ɔ fé mai a sâla sɛŋ,

Levetekɔ 4:3

“À kɛ̀ a zâla láa soŋ nûu kɛ́tɛi ƃé zɔnyɔ̂ŋ kɛ̀i, ŋɔsɔnyɔ̂ŋ a pâi kɛ̂i ǹûai kélee dîa. Gɛ̀ ní fɛ̂ɛ é sâla kula Yâwɛɛ ma a niŋa-nâɣa nyii pɔ́ɔ fé mai ŋɔsɔnyɔ̂ŋ mɛni ma.

Levetekɔ 4:32

“À kɛ̀ a ƃála ƃé è pà la a ŋɔsɔnyɔ̂ŋ maa sâla sɛŋ, é kɛ́ a ƃála-sâa nyii pɔ́ɔ fé mai.

Levetekɔ 5:15

À kɛ̀ núu da a Yâwɛɛ ŋɔtɔ̂ŋ-ŋai da kàra dɛ̂i pere nyaŋ vé sama-sɛŋ maa waa tɛɛ ní nyii maa nɛ̃ɛi é dɛɛi, fɛ̂ɛ maa ǹúui é pá a ƃála-siɣɛ kpaa máŋ ƃoli-siɣɛ nyii pɔɔ́ fé mai. Daa-tulɛi ŋí bâa tée Ŋ̀âla-pɛrɛ Kɛ́tɛi ŋɔtɔ̂ŋ lá-wooi ma.

Levetekɔ 5:18

Fɛ̂ɛ é pá a ƃála-sirɛ kpaa máŋ ƃoli-sirɛ nyii pɔ́ɔ fé mai zâla láa soŋ nuui pɔ́ a ŋɔsɔnyɔ̂ŋ maa kpa kula sâla sɛŋ. Daa-tulɛi ŋí bâa tée ŋ̀âla-pɛrɛ kɛ́tɛi ŋɔtɔ̂ŋ lá-wooi ma. Zâla láa soŋ nuui é ǹúui ŋí maa sâla kula ŋɔsɔnyɔ̂ŋ mɛni ma è gɛ̀i. A kɛ̀ tí, ŋɔsɔnyɔ̂ŋ su mɛni a pâi lɛɛ̂i.

Levetekɔ 6:2

À kɛ̀ núu da a Yâwɛɛ ŋɔtɔ̂ŋ-ŋai da kàra a kíri tua kɛ́ɛ a m̀arâŋ Eezuɛ-nuu kɔ̃liŋ da siɣeɛɛ nyii è ǹɛɛ ǹyêei kpaa máŋ é ŋúma, kpaa máŋ é m̀arâŋ-nuu kɔ̃liŋ kúla ǹyêei a wôya pere,

Levetekɔ 6:8

Yâwɛɛ è mò Mose ma ǹyɛ̂ɛi,

Levetekɔ 7:16

Kɛ́lɛ à kɛ̀ a kono-tee sala sɛŋ kpaa máŋ kili-kula sâla-sɛŋ, da pɔ̂ri da miî gbeli é lɛ́ɛ dí m̀ii a bôlu ma ɣelei.

Levetekɔ 8:18

Nya ƃe è pà a mála sirɛi géreŋ sâlai kula mɛni ma. Eelɔŋ da ǹônii dí díyee pɛ̀lɛ m̀álai ŋuŋ ma.

Levetekɔ 8:21

Tãi dí goi sãai da gbɔ̂rɔ-ŋai maa waa lai, Mose é gélee kèreŋ ŋ̀âla-teƃelei ma a kéreŋ sɛŋ kúŋ nɛ̃ɛ Yâwɛɛ mɛni ma.

Levetekɔ 9:2

È mò Eelɔŋ ma ǹyɛɛi, “Niŋa sirɛ loŋ siɣe zɔnyɔ̂ŋ salai kula mɛni ma, í ƃálo sirɛ loŋ siɣe gereŋ salai kula mɛni ma. Dífeerɛ dí kɛ́ a daa-tulɛi nyii pɔ́ɔ fé diai í pá a dîa Yâwɛɛ pɔ́.

Zakari 13:7

Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Malasi 1:14

Náɣaŋ káa fili-nuu ma nyii sâla kula ḿâ a taa-sûa nyɔ́mɔɔ, ǹyaŋ a góno tee a taa-sûa lɛ́lɛɛ ŋɔtaa-sûai sáma a gɛɛ é sâla kula la ḿâ. Kpɛ́ni fêi, ŋ́gaa a kâloŋ kɛ́tɛ, ǹyaŋ ǹɔii-ŋûŋ-ŋai kélee da yao ḿâ.”

Lonon mo 15:3

ka pâi sâla kulâi naa Yâwɛɛ ma a niŋa, ƃála kpaa máŋ ƃoli a kéreŋ-sala kpaa máŋ lii-see sala, kakono-teei mɛni ma kpaa máŋ zâlai nyii a kula kálii sui, kpaa máŋ nyii ka gùla a káɣele kɛ́tɛ-ŋai maa-tãi. Zâla-ŋai ŋí kúŋ lɛ̂lɛɛi a Yâwɛɛ nîa.

Lonon mo 15:8

Ƃa niŋa-sirɛ kùla Yâwɛɛ ma a kéreŋ-sala kpaa máŋ zâlai nyii gáa kákono-teei mɛni mai, kpaa máŋ a lii-see-sala,

Lonon mo 19:2

“Ŋatɔ̂ŋ-ŋai ká ŋí ká dímɛi káa. M̀ó Eezuɛ-ŋai dîa yɛ̂ɛi, ‘Ka pá a niŋa kpɔ̂lu tɔnɔ nyii pɔ́ɔ da kélee fé mai, nyii vé nîi kpîri da kélee siɣe nii.

Lonon mo 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Lonon mo 23:27

Bâla è mò ǹyɛɛi, “Pá kú lí kwaa da kpɛ́ni ma. Tãi da Ɣâla a pâi fâai ma a gɛɛ í Eezuɛ-ŋai fóo naa mî.”

Lonon mo 23:3

Bâlaŋ è mò Bâla mà ǹyɛɛi, “Tɔɔ íkereŋ-salai kɔlɛ. Ŋa pâi liî ŋá gáa a kɛ̀ Yâwɛɛ a ŋ̀wɛ̂lii é lóno ḿbɔ. Mɛnii kélee a pâi nɛ̂i mâi, ŋa pâi môi yâ.” Nya ƃe è lì é tɛ́ yée tɔnɔ tôŋ su.

Lonon mo 23:30

Bâla è gɛ̀ yɛ̂ɛ berei Bâlaŋ è mò la mai, é sâla kula ŋ̀âla-teƃele-ŋai dîa tɛi-tɛi a niŋa-sirɛ tɔnɔ tɔ́nɔ da ƃála-sirɛ tɔnɔ tɔ́nɔ.

Lonon mo 28:11

“Ɣáloŋ kélee ŋɔfóloi maa-ŋuŋ ka géreŋ-salai ŋí kúla Yâwɛɛ mɛni ma. Niŋa loŋ-sirɛ feerɛ, ƃála-sirɛ tɔnɔ é pɛ́lɛ kóraŋ-tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

Lonon mo 28:19

Kɛ́lɛ ka géreŋ-salai ŋí kula Yâwɛɛ mɛni ma. Niŋa-sirɛ loŋ feerɛ, ƃála-sirɛ tɔnɔ é pɛ́lɛ kóraŋ tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai.

Lonon mo 28:31

Ka zâla-ŋai ŋí kúla da maa kpele-sɛŋ salai, ŋ̀ele-kelee kereŋ-salai da maa mii-sɛŋ-salai tɛɛ pôlu ma.”

Lonon mo 29:13

Kɛ́lɛ ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ puu káo saaƃa, ƃála-sirɛ, é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai.

Lonon mo 29:2

Fɛ̂ɛ ká zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ loŋ tɔnɔ, ƃála-sirɛ tɔnɔ, kóraŋ tɔnɔ ƃála-sirɛ lɔ́ɔlu mɛi feerɛ nyii-ŋai pɔ́ɔ fé diai.

Lukə 1:35

Ŋ̀âla-taa-kelai e mò ma, ǹyɛɛi, “M̀ɔlêŋ Maa Waai a pâi pâi ímɛi, ǹyaŋ Ǹúui Gɛ́tɛi ŋɔwála-wâla-laai a pâi ǹinîŋ pûi yâ, nyii ya pâi zɔlɔ ƃôi da pâi dólîi a núu maa waai, Ɣâla Ǹóŋ.

Ɉaan 1:36

È ŋ̀ɛi pîlaŋ Zîsɛ ma gɛ sia, ǹyɛɛ, “Ka Ɣâla Ŋɔƃála-loŋ káa!”

Ɉaan 10:7

Nya ƃe Zîsɛ e ŋɔ́nɔ mò dîa, ǹyɛɛi, “Tɔ̃yâ kpîŋ, ŋá m̀ó kâa, ńyãa ƃe ŋ́gaa m̀ála-ŋai díkóraŋ lá.

Ɉaan 10:9

Ńyãa ƃe ŋ́gaa a góraŋ lá; à kɛ̀ núu da à tɛ̀ɛ ŋ́gbonôi é lɔ́, a pâi ƃálôi, gɛ̀ ní, a pâi lɔ̂i é kúla e gɔ́nɔŋ sɔlɔ ƃo.

Korɛntə veelɛ 8:12

Kpɛ́ni fêi, à kɛ̀ sama-sɛŋ tɛɛ a kúla núu líi su, gɛ̀ ní, zɛŋ núu a gùla sama-sɛŋ tɛɛ sui, gáa nɔ́ yɛ̂ɛ zɛŋ gáa ǹúui ti yêei, kɛ́lɛ, va kɛ̂ yɛ̂ɛ zɛŋ ve ǹyêei.

Korɛntə veelɛ 9:7

Fɛ̂ɛ núu kélee é gɛ yɛ̂ɛ berei è gbɛ̀tɛ la gíli ŋái, vé gɛ̀ a lii-wiɛ, kpaa máŋ a wála-wala-laa, kpɛ́ni fêi, Ɣâla è líi-nɛ̃ɛ sɛŋ-tɛɛ-nuu wɛ́li ní.

Ifisiɛŋ 2:18

kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Ifisiɛŋ 5:27

a gɛ́ɛ e Kôrai-toli-kpɔŋ siɣe a ǹáa fɛɛ a folo-laa, nyíi pɔ́ɔ fe mà, kpaa máŋ milîŋ, kpaa máŋ sɛŋ kélee yɛ̂ɛ nyiti-ŋai, a gɛ́ɛ é kɛ́ a maa waa, kpɔlɔ̂ŋ fe ma.

Dutɛrɔnome 12:27

Ka lí a géreŋ sama-sãai da ŋãa Káɣalai Yâwɛɛ ŋɔteƃelei ma. Ka zama-sãai gbéli-ŋai ŋãa kpɛ́mɛŋ teƃelei kɔlɛ. Ka pɔ̂ri zua miî.

Dutɛrɔnome 15:21

Káfe taa-tulɛ sirɛ ǹóŋ maa-ŋuŋ kɔ̃liŋɔɔ da kùla Yâwɛɛ Káɣâlai ḿâ a sâla yɛ̂ɛ nyii gɔ́ɔ púɔɔ̂i, ŋ̀ɛ́i púɔɔ kpaa máŋ kɔlɔ-fela sii da kɛ́ ƃò mai.

Dutɛrɔnome 17:1

“Káfe sâla kùla Káɣâlai Yâwɛɛ ma a niŋa kpaa máŋ ƃála nyii pɔ́ɔ káa mai. M̀aa sâla-sɛŋ maa fé waa ní m̀ɛni ma.

Hebreu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.