Ɉeremi 9:20 - Bible

²⁰ Óo lee-ƃela, ka káwoli tɔ́ɔ Yâwɛɛ wóo ma. M̀ɛnii a m̀ôi é lɛ́ɛ kákili-ŋa. Ka kálônii-nɛyãai téniŋ tɔ́ɔ a wɔ́lɔ kɛ́ pere. Ká kánaa kɔlɛ ma-ƃelai téniŋ tɔ́ɔ a malôŋtoo-maa wɔ́lɔ kɛ́ pere.

Yálá laawoo hɛɓɛ (dc)

²⁰ nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Yálá laawoo hɛɓɛ

²⁰ nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Ɉeremi 9:20 ပူးပေါင်းရင်းမြစ်များ

Zôo 22:22

Íwoli tɔ́ɔ Ɣâla ŋɔsɛŋ-lɛɛi ma. Í ŋ̀óo lâai kɛ́ ílii su.

Azaya 3:16

Yâwɛɛ è m̀o ǹyɛɛi, “Zerusâlɛŋ nɛyãai yoŋkai. Da kɛ̀ siâi, da dí díkoôŋ tɔ̀ɔ dîa, díŋɛi piliɛɛ ɣelêi. Da kɛ̀ siâi, dígôo yɔlɛ-ŋai da kɛ̂ díkoo kɔŋna, díyee kaƃaa dípôlu pere, dí kɛ́ ŋɛ́i gbana pìli.

Azaya 3:4

Yâwɛɛ a pâi sinâa-nɛyaa kɛ̂i a dínuu kpaya-kpaya, kwatâra-ŋa dí kɛ́ ƃò a dílaa túɛ-ƃela.

Ɉeremi 14:16

Ǹûai nyíi-ŋai da kɛ̂i dîa puru da kɔ́ dífe pâi ŋɔ́nɔ toôi dîai, dia máŋ ŋa pâi dípaâi a puru da kɔ́. Da pâi dípoma piliî bere-ŋai dîa Zerusâlɛŋ taa-leei su. Ǹyaŋ núu da fé pâi kɛ̂i naa é díloo da dínɛyâai, é pɛ́lɛ dílônii-sinaai da dílônii-nɛyãai dîa. Ŋa pâi dífela-fei dísɔnyɔ̂ŋ-ŋai mɛ̂ni ma.”

Ɉeremi 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Ɉeremi 23:28

Tɔɔ ɣâla-ŋɔlóno kɛ́-nuui nyíi see ƃôi, é m̀ó a gɛɛ è see ƃô, kɛ́lɛ ɣâla-ŋɔlóno nuui nyíi ŋáworɛ̂-wooi mɛ̂nii, tɔɔ é m̀ó a teniŋ ƃô pere. Ya pɔ̂ri kala kɔɔ̂ni léŋ wîi ma?

Ɉeremi 6:11

Yâwɛɛ, ńii ŋwânai kpɔ́ dîa yɛ̂ɛ berei í liî ŋwânai la dîa ǹyaŋ fa pɔ̂ri ńii maa sonîi.” Nya ƃe Yâwɛɛ è mò ḿâ ǹyɛɛi, “Ílii ŋwána ǹîa-pɛlɛɛi díkaa berei mai dîa é pɛ́lɛ ǹyaŋkpa-ŋai díkaa kɔyɛ̂ŋ sui, é pɛ́lɛ ǹɛyãai da dísinâai dîa da ǹúu-pɔlɔ-ŋai.

Ɉeremi 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Ɉeremi 8:2

Ǹûai ŋí da kâa vóloi fɛ̀li, ŋáloŋ-foloi, ŋ̀elei su sãai kélee nyíi-ŋai dí díwɛli-ni, dí kɛ̀ tíi kɛ̀ dîɛ, dí kɛ̀ ƃò dípôlu, dí kɛ̀ dífɛ̀lii. Dí díkao kùla dí bú díŋɛi túɛ. Ǹyaŋ dífe pâi díkao ŋáa tɛ̂i gîe ma, kpaa dí díloo. Dí káo a pâi kɛ̂i a kala ǹɔii ma.

Ɉeremi 9:12

Ŋá Yâwɛɛ marê kɛ̀ ńyɛ̃ɛi, “Gbɛ̂ɛ ƃé dáreɛ̂i a gɛɛ é m̀ɛni-ŋai ŋí ŋá káa? Maa nûu fé ma. Gbɛ̂ɛ ƃé Yâwɛɛ è mò m̀a a gɛɛ é m̀ɛnii ŋí dùŋ tooi? Maa nûu fé ma. Lé ƃé kɛ̀ ǹɔii a lɛ̀ɛ a bûŋ yɛ̂ɛ fɛ̃ɛ-kpâlaŋ su, núu da líi fé kpele ní a gɛɛ é tɛ́ɛ naai? Núu da fé gɔ́lɔŋ.”

Woolaa 2:19

Ímu-siɣe a kpíni í wɔ́lɔ mà. Wɔ́lɔ mà a ɣele ƃɔ̂i kpini. Íkili kɛ́ mà í gbera fé. Íyee tɛ́ ɣelei í vɛli ínîa-pɛlɛɛi mɛni ma. Ǹîa-pɛlɛɛi díkaa saâi a puru bere lêe-ŋai ma.

Woolaa 2:21

Ǹîa-pɛlɛɛi da ǹúu-pɔlɔ-ŋai da lâani bere-ŋai ma muluŋ su a dí poma. Da ǹyaŋkpa-ŋai da nɛnî-kpela-ŋai paâi a ƃóa-sɔ̂kpɔ. Ílii ŋwânai su, í gɛ̀ dí dípaa. Ífe dímalôŋ káa ní.