Ɉeremi 9:10 - Bible

¹⁰ Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Yálá laawoo hɛɓɛ (dc)

¹⁰ Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Yálá laawoo hɛɓɛ

¹⁰ Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:10 ပူးပေါင်းရင်းမြစ်များ

Azaya 41:15

Ŋa pâi kákɛ̂i yɛ̂ɛ sí-sãa ƃá táŋ-kɔli, ńyii ǹyíŋ káa a nina, ŋ̀á liɛɛi. Ka pâi ǹyée kpaya-kpayai táŋ nîi, ká dí fũa-fũa, ká bɛlɛ-pɛlɛɛi wólo-wôlo, ká dífũa-fũa dí pene a muluŋ.

Azaya 49:19

“Kálɔii su a kara a lɛɛ a lɔii pûŋ. Kɛ́lɛ ǹaa a pâi kɛ̂i a guro-té ǹûai mɛ̂ni ma pâi kɛ̂i naai. Diai ǹaa su-karai, da pâi pûi.

Ɉeremi 12:10

Ƃála-mɛi káa-ƃela támaa da ŋá kpɔmɔ ƃá-kpalaŋ su kara. Da ƃɔ́rɔŋ ŋákpâlaŋ ŋá sãai dîa. Da pâi ŋákpâlaŋ ŋá lɛ́lɛɛi kɛ̂i é lɛ́ɛ a bûŋ, kɛ̂i fé ma.

Ɉeremi 12:11

A pâi kɛ̂i a lɔii nyíi núu fé pâi kɛ̂i zu, gɛ́ wɔ̀lɔ ḿâ a gɛɛ da ǹɛɛ a lɔii nyɔ́mɔɔ. Ǹɔii a lɛɛ a bûŋ, núu da fé naa, é kpáaŋ maa mɛ̂ni ma.

Ɉeremi 12:4

Tãi ɣɛɛlu ƃé ǹɔii a pâi gɛ̂i la maloŋ tôo maa su, galai kɛ́ kpàla nɔ́ ǹɔii su? Kpɛ́ni fêi, ǹûai díkaa ǹɔii sui, dísɔŋ nyɔ̂mɔɔi. Vɛnɛ-sãai da ŋ̀ɔni-ŋai da saa. Ǹaa pôlu ma, ǹûai da môi dîyɛɛi, ‘Vé pâi m̀ɛnii kâai kwa gɛ̂i.’ ”

Ɉeremi 14:6

Ŋ̀wɛlɛ-sôo-ŋai ǹɔɔi sui, díŋɛi a pú kpɛ́ni fêi díkɔ̃nɔŋ fé ma. Dí káa tɔɔ̂ni ǹyée ma ƃɛ́i kala fé naai, díkɛ dísũa tɛ̀ díkɛ kala kɔ̂ri yɛ̂ɛ berei lɔɔ fɛ̃nɛ-saa da gɛ̀ lai.

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 2:6

Dífe kɛ́ ní dîɛ Yâwɛɛ kɔɔ, berei ŋá díkula yêei kɛ̀ la Izei, ŋá tɛ́ɛ a dia vɛ̃ɛ-kpâlaŋ sui, ǹɔii nyíi fɛ̃ɛ-kpâlaŋ da lóa-ŋa díkaa naai, ǹɔii nyíi yá fé zui, nyíi mɛni nyɔ́mɔ káa zui, ǹɔii nyíi núu da fa tɛ̂ɛ zui, ǹɔii nyíi núu da fa sêe zui.

Ɉeremi 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Ɉeremi 50:3

“Lɔii-ŋuŋ da a kula yá ŋûa-pere a pá a kɔ́ pɛ́lɛ Babelɔŋ ma. Ǹyaŋ a pâi ǹaa lɛɛ̂i a fɛ̃ɛ-kpâlaŋ su. Ǹûai da daa tulɛ-ŋai da pâi pûi, ǹyaŋ núu da fé pâi lɛɛ̂i naa.”

Ɉeremi 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Ɉeremi 8:18

Ńii toɔ̂ɔi pôlu é tɛ́ɛ gɛ̂i ma. Ńii su a kara ŋ́gbonôi.

Woolaa 1:16

“M̀ɛnii ŋí ƃé ŋa wɔ̂lɔi la, ŋ́ɛi-ya kɛ́ yèŋ. Núu da fé naa é ŋ́aa nɛnɛ, é pá ḿbɔ a kili-kɛ zu. Ŋ́gbɔara-ƃelai da ńyee mɛi ɣále, ǹyaŋ ŋánûai da mɔ̃lɛ̂i.

Woolaa 2:11

Ŋ̀wɔ́lɔi a ŋ́ɛi ŋá ŋána. Ŋa sôlii ŋ́gɔlɔi-pere. Ŋánûai su-kara pere a gɛ́ kɔlɔ a kpɛɛ ḿâ. Ǹîa-pɛlɛɛi da gwatâra-ŋai da fôai bere lêe-ŋai ma daa lêei su a puru.

Woolaa 5:18

Zãiyɔŋ yeei ma a lɛɛ fóŋ-kpoŋ. Ǹaa a lɛɛ nɔ́ a lɔɔ-ɣîla-ŋa kɛ̂i.

Izikiɛ 14:15

“Kpaa máŋ, ŋâa pà fɛnɛ-sãa tɛɛ̂i ǹɔii kpîŋ su dí naa sãa kélee kpɔ́ su kara é lɛ̀ɛ a bûŋ. À kɛ̀ tí, núu da kpîŋ fa pɔri tɛɛi naa, kpɛ́ni fêi vɛnɛ-sãai da pâi kɛ̀i naa.

Izikiɛ 27:2

“Núu kpune ǹóŋ, ye Taya mãa wɔ̂lɔ kɛ́.

Izikiɛ 29:11

Núu da, kpaa máŋ fɛnɛŋ-sãa da kélee fé pâi siâi m̀a. A pâi kɛ̂i a lɔii pûŋ a kóraŋ buu náaŋ.

Izikiɛ 33:28

Ŋa pâi ǹɔii kɛ̂i a lɔii pûŋ nyii núu da fé pâi kɛ̂i naa. À kɛ̀ ti, ŋ̀wála-wala laai díkili è kɛ̀ a dɔ̀ɔ mà díkɛ ŋɛi-tɛ kɛ̀i a pâi kperâi. Ǹyée-ŋai díkaa Eezuɛi díkelee da pâi lɛɛ̂i a dípûŋ núu da fa pɔ̂ri tɛɛ̂i zu.

Izikiɛ 6:6

Ƃɛ́i kélee kpɔ́ ká káa naai, ŋa pâi kátaa-lee-ŋai kɛ̂i dílɛɛ a díkpolôŋ da káɣâla-fɛli kwaa-ŋai ma. Ǹyaŋ ŋa pâi ŋ̀âla-pɔɔkɔŋ-ŋai wólo-woloi, ŋa kákereŋ-sɛŋ-kuŋ nɛ̃ɛ kéreŋ ɣâla-teƃelei su kara kpɔ́ ŋá doo ǹɔii ma. Díi-ŋai kpɔ́ ká gɛ̂i ŋa pâi gɔɔ̂i kpɔ́ fati-fati.

Osia 4:3

M̀ɛni ma ǹɔii káa wɔ̂lɔi, zu sɛŋ kélee kpalâi, zua-ŋai, ŋɔni-ŋai, da nyɛ̃ɛ-ŋai da pâi saâi.”

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:19

Óo Yâwɛɛ, ŋa wɔ̂lɔi yâ. Ŋɔŋ a galai kélee kéreŋ vɛ̃ɛ-kpâlaŋ su, ŋɔŋ léŋ a ŋ̀úru-ŋai kélee kéreŋ ǹɔii ma.

Amɔsə 5:1

Ka ŋ̀óoi ŋí mɛ́ni, óo Eezuɛ-ƃelai, nyii gáa a wɔ́lɔ-woo kámɛi:

Amɔsə 5:16

M̀ɛni ma Ɣâla Yâwɛɛ ǹyaa kpîŋ ǹyɛɛi, “Wɔ́lɔ-woo a pâi kɛ̂i gwaa-ŋai kélee ma nûa da kpɔ̂ŋ naai. Da pâi lâɣii bere-lee-ŋai kélee su, dîyɛɛi, ‘Óo! Óo!’ Da pâi gbâlaŋ ŋá tii kɛ́-ƃelai tôlii ŋ̀ɔ́lɔi mɛni ma, da diai dí wɔ́lɔ-pere kɔ́lɔŋ.”

Mise 2:4

Maa ɣêlei tí, da pâi malôŋ wule ŋí toôi é pîlaŋ kâa: ‘Da kú su kara. Yâwɛɛ a kúlɔii kúla kúyêei a dɛ́ɛ kúkpɔara-ƃelai pɔ́.’ ”

Mise 3:12

Kátûa-perei mɛni ma, Zãiyɔŋ a pâi kɛ̂i a kpâlaŋ ŋá tii kɛ̂i. Zerusâlɛŋ a pâi kɛ̂i a pilêŋ ŋá, Ɣâla ŋɔpɛ́rɛi tɔɔ̂i kɛ́ ƃò a wolâ su.