Ɉeremi 8:2 - Bible

² Ǹûai ŋí da kâa vóloi fɛ̀li, ŋáloŋ-foloi, ŋ̀elei su sãai kélee nyíi-ŋai dí díwɛli-ni, dí kɛ̀ tíi kɛ̀ dîɛ, dí kɛ̀ ƃò dípôlu, dí kɛ̀ dífɛ̀lii. Dí díkao kùla dí bú díŋɛi túɛ. Ǹyaŋ dífe pâi díkao ŋáa tɛ̂i gîe ma, kpaa dí díloo. Dí káo a pâi kɛ̂i a kala ǹɔii ma.

Yálá laawoo hɛɓɛ (dc)

² Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Yálá laawoo hɛɓɛ

² Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Ɉeremi 8:2 ပူးပေါင်းရင်းမြစ်များ

Tɔɔɓɛlaa veelɛ 17:16

Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôya tɔ̀ɔ ŋâla-pɔkɔŋ Asira fɛli mɛni ma. Dí kɛ̀ máŋ bɛ̂mɛlɛŋ-kao-ŋai fɛlîi da Bêe ɣala-pɔkɔŋ.

Tɔɔɓɛlaa veelɛ 21:3

È ŋâla-pɔkɔɔŋ fɛli-kwaa-ŋai ma tɔ̀ɔ pôlu ƃɛ́i-ŋai ǹâŋ Gâloŋ Ɛsekaya è dísu kàrai. È Ɣâla-teƃele-ŋa kpɛ̀tɛ Bêe ɣâla-pɔkɔɔŋ mɛni ma, ǹyaŋ è wúru kôya kpɛ̀tɛ máŋ ŋâla-pɔkɔɔŋ Asira laai mɛni ma yɛ̂ɛ berei Eezuɛ kaloŋ Eɣa è wɔ́lɔ gɛ̀ lai. È kɛ̀ bɛ̂mɛlɛŋ-kao-ŋai fɛlîi máŋ.

Tɔɔɓɛlaa veelɛ 21:5

Manasɛ è ɣâla-pɔkɔŋ-ŋa fɛli têƃele-ŋa kpɛ̀tɛ bɛ̂mɛlɛŋ-kao-ŋai fɛli mɛni ma ŋâla-pɛrɛ kɛ́tɛi banaŋ ma méla veerɛ ma.

Tɔɔɓɛlaa veelɛ 23:5

Zosâya è ŋ̀âla-pɔkɔŋ-ŋai dísâla-laa soŋ-ƃelai pàa máŋ nyii-ŋai kɛ̀ Zuda da Zerusâlɛŋ kɔlɛ ma kpiniŋ-ŋai sui. Kpakolo-ŋa dí kɛ̀ naa nyii-ŋai Zuda kaloŋ-ŋai dí dílɛ̀ a gɛɛ díkɛ sâla-ŋa kulâi Bee ma da vóloi, ŋáloŋ é pɛ́lɛ bɛ̂mɛlɛŋ-kao-ŋai dîa.

Mąątɛ̨nɛ̨ 53:5

Kɛ́lɛ, da pâi yaôi, yɛ̂ɛ berei kpɔ́ dífe ta yao ní lai, kpɛ́ni fêi, Ɣâla a pâi ŋɔnûai kpɔara-ƃelai káo-ŋai taa-taai. Ɣâla a ǹyée kúla dí mu. M̀ɛni ma Eezuɛ a pâi díyee mɛi ɣâlei a ŋánaa.

Mąątɛ̨nɛ̨ 83:10

Í díyee mɛi ɣâle Ɛŋdɔŋ, dípoma é lɛ́ɛ a dáa tâa ǹɔii ma dí lûla.

Mąątɛ̨nɛ̨ 83:11

Dílaa túɛ-ƃela wála-wala-ŋai kula maa kɛ́ yɛ̂ɛ berei í gɛ̀ la a Ore da Zɛɛ. Díkâloŋ-ŋai kula maa kɛ́ yɛ̂ɛ berei í gɛ̀ la a Zeba da Zamunai,

Ikilisiati 6:3

Núu a pɔ̂ri kɛ̂i ɣele ma a kóraŋ támaa é nîa-pɛlɛɛ ŋuŋ tɔ̂nɔ maa sɔlɔ ƃó. Kɛ́lɛ a nɛ̃ɛ ma ǹúui tí é namu ɣele ma, à wàla gɔ̃liŋ ŋ̀aa nɛ̃ɛ kula a sàa dí ǹoo a ǹɛ́lɛɛ, ŋa m̀ôi a gɛɛ ǹôloŋ dí màa sɔlɔ ƃôi vé tɛ́ ní taâi, m̀aa nɛ̃ɛ̂i é tɛ́ɛ ǹúui kpîŋ ma.

Ɉeremi 14:16

Ǹûai nyíi-ŋai da kɛ̂i dîa puru da kɔ́ dífe pâi ŋɔ́nɔ toôi dîai, dia máŋ ŋa pâi dípaâi a puru da kɔ́. Da pâi dípoma piliî bere-ŋai dîa Zerusâlɛŋ taa-leei su. Ǹyaŋ núu da fé pâi kɛ̂i naa é díloo da dínɛyâai, é pɛ́lɛ dílônii-sinaai da dílônii-nɛyãai dîa. Ŋa pâi dífela-fei dísɔnyɔ̂ŋ-ŋai mɛ̂ni ma.”

Ɉeremi 16:11

À kɛ̀ tí, mó dîa, Yâwɛɛ ǹyɛɛi, ‘Kánâŋ-pɔlɔ-ŋai dí dípôlu tɔ̀ɔ ḿâ, dí kɛ̀ ɣâla-da-kpɛni-ŋa fɛ̀li díkɛ tíi kɛ̀ dîɛ. Dí dípôlu tɔ̀ɔ ḿâ dífe díyee see ní ŋ́oo mu da ŋásɛŋ-lɛɛi.

Ɉeremi 16:4

Kɔlɔ-fela nyɔ́mɔɔ a pâi dípaâi, núu da fé pâi dímaa ḿâloŋ sèe ƃôi, kpaa máŋ dí díloo. Da pâi dípoma ŋáa tɛ̂i gîe ma yɛ̂ɛ sua-kpô nyíi da bù sí-sɛŋ kɔ́ɔ mùi. Da pâi dípaâi kɔ́ su, kpaa puru é dípaa. À kɛ̀ tí, ŋ̀ɔni-ŋai da vɛnɛ-sãai da pâi dípoma miî.

Ɉeremi 16:6

Dɔɔ-ƃelai da gôlo-ƃelai díkelee da pâi saâi ǹɔii tɔnɔi su. Kɛ́lɛ, núu da fé pâi dípoma loôi, kpaa máŋ é dímaa mâloŋ sèe ƃó. Núu da fé pâi ŋɔmaloŋ tôo maai lɛ̂i a pɔ́ɔ kɛ́ɛ mà, kpaa máŋ a ŋ̀uŋ ƃóɔɔ.

Ɉeremi 19:13

Bɛ́rɛ-ŋai díkaa Zerusâlɛŋ da nyíi-ŋai díkaa a Zuda kaloŋ-ŋai dípɛrɛi, é pɛlɛ bɛ́rɛ-ŋai dîa nyíi-ŋai díkereŋ sɛŋ kúŋ nɛ̃ɛ kèreŋ dítôŋ su ŋ̀âla-ŋai díkaa ŋ̀ele-kɔlɔŋ sui dîai, dí kɛ́ kpele-sɛŋ sama-sɛŋ pù ŋ̀âla-ŋai da-ni dîɛi, da pâi kɛ̂i a dímaa-tĩ̂a karáa yɛ̂ɛ Tofɛ.”

Ɉeremi 22:19

Yɛ̂ɛ berei da wɛlɛ-sôo lòo lâi, bere nɔ́ ƃé da pâi ǹoôi la. Da pâi ŋ̀âlai, dí bili dí doo Zerusâlɛŋ siɣãŋ pôlu-pere.”

Ɉeremi 25:33

Maa tãi tí ma, diai Yâwɛɛ a pâi dípâai, dípoma a pâi kɛ̂i a dáa-taa ǹɔii gwaa kélee ma. Núu da fé pâi kɛ̂i naa é dísaa wɔ̂lɔ kɛ́ kpaa é dísaa lóo. Kɛ́lɛ dípoma a pâi kɛ̂i a dáa-tâa ǹɔii ma yɛ̂ɛ kpó.

Ɉeremi 31:40

É lí dìŋ-tiŋ su ƃɛ́i da zaai lôo naa dí kɛ́ galai pîli naai, é seri ǹɔii su nyíi gáa Kidɔŋ Yai kɔlɛi, é pîlaŋ Zoo-ŋai tɛɛ siɣãŋ laƃerei, é lí vóloi kulâi pere. Gwaai ŋí ma a pâi kɛ̂i a kwaa maa waa ḿaa mɛ̂ni ma. Daa-leei ŋí fé pâi wɔ́lɔ ŋɔ́nɔ pâi pûi a dɔnɔ kpîŋ.”

Ɉeremi 36:30

M̀ɛni ma, ńyãa Yâwɛɛ ŋa môi yâ gâloŋ Zɛoakiŋ a gɛɛ ísuui su-nuu da fé pâi kɛ̂i a kâloŋ Deeƃé ŋɔkâloŋ-laai su. Da pâi ípoma pilîi ƃɛ́i a pâi kɛ̂i naa banaŋ ma vóloi kɛ́ tòo m̀a a ɣele-ƃɔɔ, kɔ́lɛ kɛ́ pù ma a gbínii.

Ɉeremi 9:20

Óo lee-ƃela, ka káwoli tɔ́ɔ Yâwɛɛ wóo ma. M̀ɛnii a m̀ôi é lɛ́ɛ kákili-ŋa. Ka kálônii-nɛyãai téniŋ tɔ́ɔ a wɔ́lɔ kɛ́ pere. Ká kánaa kɔlɛ ma-ƃelai téniŋ tɔ́ɔ a malôŋtoo-maa wɔ́lɔ kɛ́ pere.

Ɉeremi 9:21

Ka gáa, saa a tɛ́ kúwôna-ŋai lá. A lɔ́ kúkâloŋ pɛrɛ-ŋai mu. A kúnîa-pɛlɛɛ-ŋai paâi daai su, gɛ́ kúsia-a-nina ŋai pàa ǹɔ́ɔ-kpalaŋ-ŋai ŋá.

Ɉeremi 9:22

Yâwɛɛ è mò ǹyɛɛi, “Kɛ́ yɛ̂ɛi, ‘Núu poma a pâi kɛ̂i a daa-tâa ǹɔii su yɛ̂ɛ niŋa kpô. A pâi kɛ̂i yɛ̂ɛ mɔlɔŋ a tàa-taa mɔlɔŋ-kpâŋ su mɔlɔŋ tée núu pôlu. Núu da fé naa é díloo.’ ”

Izikiɛ 29:5

Ŋa pâi ka ǹyɛ̃ɛ-ŋai ká pilîi vɛ̃ɛ-kpâlaŋ sâmai. Ǹyaŋ ká poma a pâi lɛɛ̂i naa ká lòo-nuu fé m̀a. Ŋa pâi dɛɛ̂i ǹɔɔ-fɛnɛ sãai da ŋɔni-ŋai díkaa ŋ̀elei sui pɔ́ naa a díkɔnɔŋ.

Izikiɛ 39:5

Ka pâi saâi naa ǹɔɔi su. Ńyãai ŋ́gaa a Ŋ̀wála-wâla kélee Yâwɛɛi ƃé mò tí.

Izikiɛ 6:5

Ŋa pâi Eezuɛ-ŋai poma táa tâai díɣâla-pɔkɔɔŋ-ŋai ŋɛ́i túɛ. À kɛ̀ tí, ŋa pâi kákao-ŋai táa tâai ŋá dínaŋ káɣâla-teƃele-ŋai dîa.

Izikiɛ 8:16

È ŋɔ́nɔ lì a ńyãa Yâwɛɛ Ŋɔpɛ́rɛ Kɛ́tɛi ŋɔsiɣãŋ su pere siɣãŋ su bɛrɛi láƃerei. Kpakolo buu feerɛ káo lɔ́ɔlu díkɛ gbôŋ da ŋ̀âla-teƃelei díloai dípôlu féɣɛɛ Yâwɛɛ ŋɔpɛ́rɛi ma, díŋɛi liɛɛ voloi kulâi pere. Díkɛ naa díkɛ díŋuŋ mâ pîlaŋ díkɛ voloi-nɛnɛ̂ŋ ma foloi fɛli a díɣâlai.

Sofoni 1:17

Yâwɛɛ è mò ǹyɛɛi, “Ŋa pâi mɛni kpɔ̂lu lâai núu-kpune ma kpɛ́ni fêi da sɔnyɔ̂ŋ kɛ́ a ńyãa. Pɔri mâ fé pâi kɛ̂i dîɛ yɛ̂ɛ ŋ̀ɛ́i-pu-nuu nyii gáa berei kɔ̂rii. Díŋãa a pâi pûi yɛ̂ɛ yá. Ǹyaŋ dípoma a pâi lûlai ǹɔii ma.”

Sofoni 1:5

Ŋa pâi ǹûai kélee su karâi nyii-ŋai da pɛ̂lɛ díŋume ŋá dípɛrɛ-ŋai kɔŋ-ma díkɛ ŋ̀elei su sãai fɛ̂lii. Diai da pɛ̂lɛ díŋume ŋá díkɛ dífòo a ńaai, ǹyaŋ díkɛ ŋɔ́nɔ dífòo a ǹúu-kpɛtɛ ɣâlai Milekɔŋ laai.

Gɛlaɠaa 7:42

Ɣâla è tìnaŋ é bôlu fé dîɛ é dílɛɛ naa a gɛ́ɛ dí ŋ̀áloŋ fɛli, bɛmɛlɛŋ-kao-ŋai, da vóloi nyíi-ŋai díkaa ŋ̀elei sui, yɛ̂ɛ berei bɔ̃yɛɛ̂i la Ɣâla ŋɔlóno kɛ́-ƃelai díkɔlɔi su, ǹyɛɛi, ‘Eezuɛ-ƃelai kélee, káfe taa-tulɛ kula ḿâ a sâla da sâla da kpɛni-ŋa góraŋ buu náaŋ yée mu vɛ̃ɛ-kpâlaŋ su?

Dutɛrɔnome 17:3

ǹyaŋ a gbanaŋ-wooi kara, ǹyaa ƃa ɣâla da kpɛ́ni-ŋa fɛliɛɛ, vóloi, ŋ̀áloŋ, kpaa máŋ bɛmɛlɛŋ-kao-ŋai, nyii gáa a tɔ̂ŋ kpanaŋɔ̃ɔ a gɛɛ káfe gɛ̀i,

Dutɛrɔnome 4:19

Káfe vóloi, ŋ̀áloŋ da bɛmɛlɛŋ-ŋai fɛli. Yâwɛɛ è zãai ŋí pù ŋ̀elei su núu-kpune kélee mɛni ma.