Ɉeremi 7:4 - Bible

⁴ Káfe kákili tɔ̀ɔ ǹúu pɛlɛ-woo-ŋai ŋí dîa a gɛɛ ka pâi ƃálo-laa sɔlɔ ƃôi zu nyíi nûa da mò dîyɛɛi, ‘Yâwɛɛ ŋɔpɛ́rɛi ká ŋí. Yâwɛɛ ŋɔpɛ́rɛi ká ŋí. Yâwɛɛ ŋɔpɛ́rɛi ká ŋí.’

Yálá laawoo hɛɓɛ (dc)

⁴ Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Yálá laawoo hɛɓɛ

⁴ Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Ɉeremi 7:4 ပူးပေါင်းရင်းမြစ်များ

Tɔɔɓɛlaa dɔlɔɔ 9:7

gɛ̀ ní, ŋa pâi Eezuɛ-ŋai kulâi ǹɔii ma nyíi ŋá dɛ̀ɛ dípɔi. Ŋa pâi ńyee kulâi Ŋ̀âla-pɛrɛ Kɛ́tɛi ŋí mu nyíi ŋá ńyee sèe mu ńaai mɛni mai. Da pâi Eezuɛ maa mɛni sɔɔ̂i a sáŋ díkɛ ɣɛ́lɛ-maa kùla gbonôi ŋ̀éniɛi su-ƃelai kélee sáma.

Azaya 48:2

Ka m̀ôi a yoŋka pere a gɛ́ɛ Zerusalɛɛŋ taa-lee maa waai su lonii ƃa káa. Kákili tɔɔ̂i Eezuɛ Ŋɔɣâlai Yâwɛɛ ma. Ǹáa ƃa Ŋ̀wála-wâla kélee Yâwɛɛ.

Azaya 59:4

Káfa nûa dímɛni ŋá tèe a teniŋ ƃô-pere. Káfa dɔ̂ŋ ƃô a zã́a. Ka káwoli tɔ̀ɔ nɔ́ lɛ́ɛ mɛni-ŋa dîa. Ka mɛni nyɔ́mɔɔ-ŋa kpɛ̀tɛ é pîlaŋ nûa dîa, ká gɛ́ a dîa.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Ɉeremi 28:15

Nya ƃe ŋá mò ɣâla ŋɔlóno kɛ́-nuui Ananaya ma ńyɛ̃ɛi, “Ananaya, íwoli tɔ́ɔ! Yâwɛɛ fé í tɛ̀ɛ ní a gɛɛ í Ɣâla-woo ƃó. Kɛ́lɛ ya gɛ́ Zuda-ƃelai dí kɛ́ díwoli tɔ̀ɔ ílɛɛ ɣala-wooi ma.

Ɉeremi 29:23

Ǹûai ŋí dí mɛni nyɔ́mɔ kɛ̀ Eezuɛ-ŋai sáma. Ǹûai ŋí díwulu-wulu kpɛ̀ a díƃarâai dínɛyâai. Díkɛ̀ lɛ́ɛ ɣala-woo ƃôi dîyɛɛ ńyãa ƃé dí tɛ̀ɛ. Ḿve mó ní a gɛɛ dí gɛ́ tí. M̀ɛnii dí gɛ̀i ŋ́gaa a maa sêre.’ Ńyãa Yâwɛɛ ƃé mò tí.”

Ɉeremi 29:31

a gɛɛ ŋá ŋ̀orɛ̂-wooi ŋí tɛ́ɛ gɔ-sôŋ-ŋai díkaa Babelɔŋ pɔ́ ǹyɛɛi, “Mɛnii Yâwɛɛ a môi é pîlaŋ Neelaŋ nuui Simaya mai ƃa: Simaya è ɣâla-woo ƃò kâa. Kɛ́lɛ, Yâwɛɛ ǹyɛɛ, ‘Ŋa pâi Neelaŋ nuui Simaya kula ma kɛ̂i tãi kpua yée mu da ŋɔnûai. Ḿve dɛɛ ní a gɛɛ é ɣâla-woo ƃó kâa. Kɛ́lɛ, è lòno yɛ̂ɛ Ɣâla ŋɔlóno kɛ́-nuu, gɛ́ Ɣâla-woo ƃò a lɛ́ɛ-pere. È gɛ̀ ǹûai dí kɛ́ lɛ̀ɛ ŋɔlɛ́ɛ Ɣâla-wooi pôlu. Zuu fé pâi kɛ̂i ma a dɔnɔ kpîŋ. Ǹyaa da ŋɔsuui su-ƃelai dí fé pâi lɛɛ̂i a dífúlu ǹûai sáma dí m̀ɛni lɛ́lɛɛi ŋa pâi gɛ̂i ǹûai dîɛi dí da sɔlɔ ƃó. Kpɛ́ni fêi è ǹûai kɛ̀ a gɛɛ dí tɔ́ɔ ḿâ. Ńyãa Yâwɛɛ ƃé mò tí.’ ”

Ɉeremi 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 7:14

M̀ɛni ma, ŋa pâi m̀ɛni tɔnɔi ŋá gɛ̀ a Siloi da kɛ̂i a ŋápɛrɛi nyíi kákili tɔɔ̂i mai da gwaai ma ƃɛ́i ŋáwɔ́lɔ ǹaa tɛ̀ɛ kánâŋ-pɔlɔ ŋai pɔ́ wɔ́lɔ-wɔ́lɔi.

Izikiɛ 13:19

Ka ƃaâ kula mâ ŋánûai sama balee ŋɔ-yèe-laa fɛɛ mɛni ma, é pɛlɛ kpolo-kpua-kpua ŋa dîa. Ka ǹûai paa nyii maa fé nɛ́ɛ ni ka dí pâai. Kakɛ́ diai maa fé nɛ́ɛ ni dílɛɛ ŋ̀ele mai kɛ̀ díkɛ lɛɛ ŋ̀ele ma a ǹɛɛ̂i ka kɛ́ gɛi ŋánûai dîa díkɛ díwoli tɔɔ lɛɛ́ mai.”

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Sofoni 3:11

Maa ɣêlei tí dífe pâi íŋumɛ̂i ímɛni nyɔ́mɔɔ-ŋai ƃa gɛ́ a ńyãai m̀ɛni ma, kpɛ́ni fêi, ŋa pâi ǹyoŋka ƃela kpɛ́ni-kpɛni-ŋai kulâi kásama, ǹyaŋ yoŋka-nuu fé ŋɔ́nɔ pâi kɛ̂i ŋáyee maa waai ma.

Lukə 3:8

Maa-mɛni ma, ka ǹɛɛ naa káƃa e kálii-penêi lɛ́. Káfe pɛ̀lɛ m̀óɔ ma kákpîŋ koi-pere, ‘Eberaɣɛ̃ɛ káa kúyêei a kúnâŋ,’ kpɛ́ni fêi, ŋá m̀ó kâa, Ɣâla a pɔ̂ri gɔni-ŋai ŋi kɛ̂i a Eberaɣɛ̃ɛ-lonii.