Ɉeremi 7:3 - Bible

³ Ŋ̀wála-wâla kélee Yâwɛɛi nyíi gáa a Eezuɛ-ŋai Díɣâlai ǹyɛɛ, ká kátûa-pere pɛ́ŋ-pɛlɛ. À kɛ̀ tí, ŋa pâi ǹɛɛ̂i naa ká sée ǹɔii su.

Yálá laawoo hɛɓɛ (dc)

³ Yai-Laa Mɛ̨nį Kəlee ŋą Hééɓomun, yaai a Israɛlə Yálá nwoo ka, yɛ diɛ: 'Ka ka túwɔ́ pələ haŋą, ka ka hiɛ pələ ɲɛlɛ kɛ. Ka gɛ tii, ŋį́ pɛli ŋį́ hee ka lɔwai ɓɛ nɔi.

Yálá laawoo hɛɓɛ

³ Yai-Laa Mɛ̨nį Kəlee ŋą Hééɓomun, yaai a Israɛlə Yálá nwoo ka, yɛ diɛ: 'Ka ka túwɔ́ pələ haŋą, ka ka hiɛ pələ ɲɛlɛ kɛ. Ka gɛ tii, ŋį́ pɛli ŋį́ hee ka lɔwai ɓɛ nɔi.

Ɉeremi 7:3 ပူးပေါင်းရင်းမြစ်များ

Tɔɔɓɛlaa veelɛ 17:13

È kɛ̀ tí, Yâwɛɛ è ŋɔlóno-ƃelai da ŋɔworɛ̂-woo ƃó-ƃelai tɛ̀ɛ a gɛɛ dí Eezuɛ da Zuda-ƃelai lia-woo ƃò a ŋ̀óo-ŋai ŋí. “Ńyãa, Yâwɛɛ ŋa môi kâa a gɛɛ ká kpéra mɛni nyɔ́mɔɔ-ŋa kɛ́ɛ ma, ká pɛ́lɛ ŋátɔ̂ŋ-ŋai mɛi káa ma da ŋásɛŋ-lɛɛ-ŋai! Ŋá wɔ́lɔ dítɛ̀ɛ kánuu-pɔlɔ-ŋai pɔ́, ǹyaŋ ŋá mò ŋátii-kɛ-ƃelai dîa nyii-ŋai kɛ̀ a ŋálono-kɛ-ƃelai a gɛɛ dí mó kâa, káa máŋ.”

Ɛsdrasə 10:11

Mɛni ma, ka m̀ó kánâŋ-ni Díɣâlai Yâwɛɛ ma a gɛɛ ka mɛni nyɔ́mɔɔ kɛ́ la. Ka ká sɔnyɔ̂ŋ ƃó ká kálii pene, ká ǹîa mɛni kɛ́. Ka káyee kúla zîi da kpɛ́ni nɛyãai kula mɛni su, ká dítɛɛ pôlu dípɔ taai.”

Hanwon 28:13

Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔŋyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Ɉeremi 17:25

À kɛ̀ tí, díkâloŋ-ŋai da dítii kɛ́-ƃela kpaya-kpayai da pâi tɛɛ̂i a ziɣãŋ-ŋai ŋí láƃerei kâloŋ-wala-wala laa kɛ́ ƃò díyêei yɛ̂ɛ berei Deeƃé è wɔ́lɔ kɛ̀ lai. Gɛ̀ ní da Zuda-ƃela é pɛ́lɛ Zerusâlɛŋ-ƃela dîa, da pâi kɛ̂i seêi soo sia-keleŋ-ŋa su, dí kɛ̀ sèe soo-ŋa mɛi, gɛ̀ ní nûa da pâi kɛ̂i nɔ́ Zerusâlɛŋ a tãi kélee.

Ɉeremi 18:11

Mó Zuda da Zerusâlɛŋ-ƃelai dîa a gɛɛ ŋ́gaa mɛni kpɛtɛ̂i a gɛɛ ŋá dí kula maa kɛ́, ŋá mɛni kpɔ̂lu láa dîa. M̀ó dîa a gɛɛ dí kpéra zɔnyɔ̂ŋ tùa-ŋai kɛ̂i dí dítua-pere-ŋai pɛ́ŋ-pɛlɛ.

Ɉeremi 18:8

à kɛ̀ m̀aa lɔii-ŋuŋ tí a bôlu tɔ̀ɔ m̀ɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la é pîlaŋ mai.

Ɉeremi 26:13

M̀ɛni ma, ka kátûa-pere maa fáleŋ a ǹɛ́lɛɛ, ká Káɣâlai Yâwɛɛ wóo mɛ́ni. Kà gɛ̀ tí, gɛ̀ ní a pâi ǹíi maa fálenîi. Vé pâi kákula-maa kɛ̂i a m̀ɛni kpɔ̂lui nyíi-ŋai è mò a gɛɛ a pâi ǹâai kâai.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 35:16

Zonada ŋɔsuui su-ƃelai da díwoli tɔ̀ɔ m̀ɛnii ma dínâŋ pɔlɔi è mò dîai. Kɛ́lɛ, káfe káwoli tɔ̀ɔ ní ḿâ.

Ɉeremi 4:1

Yâwɛɛ è mò ǹyɛɛi, “Eezuɛ-ƃela, à kɛ̀ ka pâi ŋ̀wɛ̂lii ká tínaŋ, gɛ̀ ní ka tínaŋ pôlu ḿbɔ naa pere. À kɛ̀ kà kɛ̀ a káteniŋ ƃôɔɔ, ká káɣâla pɔɔkɔŋ-ŋai pí lî nyíi-ŋai díƃɛlɛ fé ŋ́goi,

Ɉeremi 6:16

Yâwɛɛ è mò ǹyɛɛi, “Ka tɔɔ bere tãɣaŋ lá ká wɔ́lɔ-wɔ́lɔi tí maa tûa-perei maa mare kɛ́ɛ kɛ́, ƃɛ́i tûa-pere lɛ́lɛɛ káa naai a gɛɛ kátûa tí, nyíi pâi gɛ̂i ká fii-tɔɔ sɔlɔ ƃó ká mɔ̂leŋ maa mɛ̂ni mai.” Kɛ́lɛ dí mò dîyɛɛi, “Kúfe pâi kúwoli tɔɔ̂i yâ.”

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.