Ɉeremi 7:26 - Bible

²⁶ Kɛ́lɛ, dífa díwoli tɔ̀ɔ ḿâ, kpaa dí ŋ́oo mɛni. Kɛ́lɛ da kɛ̂ nɔ́ ŋuŋ-su kpânaŋ kulâi. Da mɛni nyɔ́mɔɔ ŋánaa kɛ́ a tɛɛ dínâŋ pɔlɔ-ŋai dîa.”

Yálá laawoo hɛɓɛ (dc)

²⁶ Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Yálá laawoo hɛɓɛ

²⁶ Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Ɉeremi 7:26 ပူးပေါင်းရင်းမြစ်များ

Tɔɔɓɛlaa dɔlɔɔ 14:22

Zuda è sɔnyɔ̂ŋ kɛ̀ Yâwɛɛ ŋɛ́i-tuɛ. Zɔnyɔ̂ŋ-ŋai dí gɛ̂i è kɛ̀ dɛ́ɛ nyii-ŋai dîa dínâŋ pɔlɔ-ŋai dí wɔ́lɔ gɛi. M̀ɛnii ŋí è gɛ̀ Yâwɛɛ é ǹíi ŋwàna dîa é tɛ́ɛ bɔlɔi ma.

Tɔɔɓɛlaa dɔlɔɔ 14:9

Ƃa sɔnyɔ̂ŋ támaa kɛ́ tɛɛ dia-ŋai kélee dîa kɛ̀ a kâloŋ ítuɛi. Ƃa Ɣâla da kpɛ́ni-ŋa kpɛ̀tɛ íkpîŋ mɛni ma, Ɣâla pɔkɔɔŋ-ŋa nyíi dí kpɛtɛɛ̂i a kɔli. Ƃa gɛ́ ńii a ŋwána a zu kɛ́tɛ ƃa ḿbili ípôlu pere.

Tɔɔɓɛlaa veelɛ 17:14

Kɛ́lɛ Eezuɛ-ŋai dífe woo-mɛni kɛ́ ní. Dí kɛ̀ nɔ́ a díwôlii kpɔ́lɔɔ yɛ̂ɛ dínâŋ-pɔlɔ-ŋai nyii-ŋai dífe fáa ní ma a gɛɛ dí Yâwɛɛ Díɣâla fɛ́li.

Tɔɔɓɛlaa veelɛ 17:15

Dífe wɔ́lɔ díwoli tɔɔ ní Yâwɛɛ ma ŋɔlia-woo-ŋai da ŋɔtɔ̂ŋ-ŋai ǹyaŋ dí díyee kùla Gbanaŋ-woo kpanaŋɔɔ lɛ́lɛɛi mu nyii Yâwɛɛ è wɔ́lɔ gɛ̀ dínâŋ-pɔlɔ-ŋai yêei. Dí pɛ̀lɛ ɣâla-pɔkɔŋ kpɛ́ni-kpɛni-ŋa fɛliɛɛ ma ǹyaŋ dia kpîŋ dí kɛ̀ nɔ́ kpɛ́ni-kpɛni. Yâwɛɛ è wɔ́lɔ mò Eezuɛ-ŋai dîa a gɛɛ dífe pìlaŋ mɛni-ŋai pôlu díkɔlɛ ma lɔii-ŋuŋ-ŋai dí kɛ̀ gɛ̂i, kɛ́lɛ Eezuɛ-ƃelai dí díkpîŋ kɛ̀ nɔ́ yɛ̂ɛ dia.

Kɔlɔnikɔ Veerɛi 30:8

Káfe ŋuŋ-su kpânaŋ kula yɛ̂ɛ berei kánâŋ ni díwɔlɔ gɛ̀ lai. Ka Yâwɛɛ wóo mɛni. Ka pá Ŋ̀âla-pɛrɛ Kɛ́tɛi la nyíi aâ m̀aa wáa wɔ́lɔ-wɔlɔ da wɔlɔi. Ka tíi kɛ́ Káɣâlai mî a gɛ́ɛ é ŋɔlii-ŋwanâi ŋá ŋánai kúla kâa.

Kɔlɔnikɔ Veerɛi 33:10

Yâwɛɛ è lono Manasɛ da ŋɔnûai pɔ́, kɛ́lɛ dífe díwoli tɔɔ ní a dɔnɔ kpîŋ.

Kɔlɔnikɔ Veerɛi 33:23

Kɛ́lɛ Amɔŋ fé wɔ́lɔ gbîŋ maa-yeŋ ni Yâwɛɛ ŋɛ́i yɛ̂ɛ berei ǹâŋ Manasɛ è wɔ́lɔ gɛ̀ lai. Mɛni ma, ŋɔsɔnyɔ̂ŋ su e kɛ́ kpɔ́ a gɛtɛ a ŋánaa.

Nehemi 9:29

Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Hanwon 29:1

Ǹúui va lia-woo sìɣei é lɛ́ɛ nɔ́ ŋuŋ-su-kpanaŋ kɛ̂i, zu a pâi karâi a maa félaa, kpɛtɛ̂i fé pâi kɛ̂i mà.

Azaya 48:4

Ŋá kɛ̀ a gɔ́lɔŋɔɔ a gɛ́ɛ kákaa a wolii kpɔ̂lɔ-ƃela. Káŋuŋ su kpanaŋɔɔ̂i yɛ̂ɛ kɔli da ƃara.

Azaya 5:4

Lé tii kpîŋ ƃé gbɔmɔ kpâlaŋ ŋí ŋá ḿve niî gɛ́ níi? Kɛ́lɛ tãi ŋa lì la naai, ḿve ƃa lɛ́lɛɛ káa ní. Nyii ŋá gàa naai, è kɛ̀ a kpona-kpônaa ńyii ŋ́ili fé kɛ ni m̀ai.

Ɉeremi 11:8

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Díkelee dí tùa nɔ́ yɛ̂ɛ berei díwôlii kpɔ̂lɔ maa kili-ŋa sia nyɔ́mɔɔi káa lai. M̀ɛni ma ŋá pá dípɔ a dɔŋ kpɛ́-maai kélee gáa gbanaŋ-wooi su nyii ŋá mò dîa a gɛɛ dí gɛ́ kɛ́lɛ dífe gɛ́ nii.”

Ɉeremi 16:12

Kɛ́lɛ, ká tûa a nyɔ́mɔɔ a ńyãa é tɛ́ɛ kánâŋ pɔlɔ-ŋai dîa. Kákelee kpɔ́ káwôlii kpɔ̂lɔi, kásɔŋ nyɔ́mɔɔ, káfa káwoli tɔ̀ɔ ḿâ.

Ɉeremi 17:23

Dínâŋ pɔlɔ-ŋai dífe wɔ́lɔ díwoli tɔ̀ɔ ní ḿâ, kpaa máŋ dí díyee sée ŋ́oo mu, kɛ́lɛ, dí kɛ̀ a díwôlii kpɔ́lɔɔ. Dífe díyee see-ni ŋ́oo mu, kpaa máŋ dí ńdûa-pere maa kɔ́ri.

Ɉeremi 19:15

“Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Ɉeremi 22:21

Tãi ká kɛ̀ a kátɔɔ lai, Yâwɛɛ è lòno kápɔ, kɛ́lɛ, káfe káwoli tɔɔ ní a dɔnɔ kpîŋ. M̀ɛni sîi ŋí ƃé ká kɛ̀ gɛ̂i kákɛ-ɣeniɛi su. Káfe pɔri ní káwoli tɔɔ̂i Yâwɛɛ wóo ma.

Ɉeremi 25:3

“Yâwɛɛ a m̀ɛni tɔ̂nɔi ŋí ƃó ḿâ gîei kpɛ́-kpɛɛ kóraŋ buu-feerɛ kao-saaƃa yée mu. É síɣe tãi ma Amɔŋ ǹóŋ Zosaya è kɛ̀ la a kâloŋ é tóo tãi ŋí ma ŋa lônoi lai. Ǹyaŋ Zosaya ŋɔkâloŋ-laa koraŋ buu káo saaƃai su ƃé ŋá pɛ̀lɛ la ŋ̀orɛ̂-wooi ŋí ƃôi la kâa. Ŋ́gaa nɔ́ niî m̀ɛni tɔ̂nɔi ŋí ƃôi kâa. Kɛ́lɛ káfe niî káwoli tɔɔ ní ḿâ.

Ɉeremi 25:7

Kɛ́lɛ, káfe káwoli tɔ̀ɔ ní dîa a dɔnɔ kpîŋ. Kɛ́lɛ, ká ńii ŋwána mɛni kɛ̀ a ɣâla da-kpɛ́ni-ŋa fɛliɛɛ nyíi-ŋai ká díkpɛ̀tɛ a káyeei. M̀ɛni ma ŋa pâi ká kula maa kɛ̂i.

Ɉeremi 26:5

Ka káwoli tɔ́ɔ m̀ɛnii ŋálono kɛ́-ƃelai da môi kâai ma. Ŋá dítɛ̀ɛ kápɔ a tãi támaa, kɛ́lɛ káfa káwoli tɔ̀ɔ díwoo ma.

Ɉeremi 29:19

M̀ɛnii ŋí a pâi kɛ̂i a dia kpɛ́ni fêi, dífe díwoli tɔɔ ní ŋ̀orɛ̂-wooi ma nyíi ŋá dɛ̀ɛ a Ɣâla ŋɔlóno kɛ́-ƃelai nyíi-ŋai díkaa a ŋátii kɛ́-ƃelai. Ŋá ŋálono kɛ́-ƃelai tɛ̂ɛ a tãi támaa, kɛ́lɛ, dífe díwoli tɔ̀ɔ ní dîa a dɔnɔ kpîŋ. Ńyãa Yâwɛɛ ƃé mò tí.’ ”

Ɉeremi 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Ɉeremi 34:14

kóraŋ lɔ́ɔlu mɛi-feerɛ kélee su, dí díƃarâa Ibulu-nuui nyíi gáa díyêei a luɛ nyíi a tíi kɛ́ dîɛ a kóraŋ lɔ́ɔlu-mɛi-dai ŋuŋ ma ƃó. Kɛ́lɛ, kánâŋ pɔlɔ-ŋai dífe díwoli tɔ̀ɔ ní ḿâ, kpaa máŋ dí m̀ɛnii kɛ́ ŋá mò dîai.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 35:17

M̀ɛni ma, Ńyãai a Ŋ̀wála-wâla kélee Yâwɛɛ, nyíi gáa a Eezuɛ Ŋɔɣâlai, ŋa pâi pâi a m̀ɛni kpɔ̂lui ŋá ŋ́gono tèe a gɛɛ ŋa pâi pâi la Zuda da Zerusâlɛŋ-ƃelai dîai. Ŋa pâi nyíŋi kɛ̂i, kpɛ́ni fêi, káfe káwoli tɔɔ ní m̀ɛnii ma ŋá mò kâai. Káfe káyee see ní ŋ́oo mu a tãi ŋá kátòli lai.”

Ɉeremi 44:16

“M̀ɛnii kpɔ́ í mò kûa Yâwɛɛ láai sui, kúyee fé mu.

Ɉeremi 5:3

Tɔ̃yâ ma, Yâwɛɛ káa teniŋ ƃô laa kɔ̂rii. È ká lòkwa, kɛ́lɛ káfe káwoli tɔɔ ní m̀a. Káfe fáa ní ma a gɛɛ ká mɛni maa kɔ́ri. Káŋuŋ su a kpanaŋ kpɔ́ yɛ̂ɛ kɔni. Ǹyaŋ káfe niî kápôlu tɔ̀ɔ ní kásɔnyɔ̂ŋ-ŋai dîa.

Ɉeremi 6:10

Zɛlemaya è mò ǹyɛɛi, “Gbɛ̂ɛ ƃé ŋa pâi ǹia-woo ƃôi é mɛnii? Ka gáa, díwoli láa tɛɛ̂i, dífa díwoli tɔ̀ɔ. Yâwɛɛ wóo káa nɔ́ díwôlii a ɣɛ́lɛ-maa-sɛŋ. Dífa díyee sèe mù a lii-nɛ̃ɛ pere.

Ɉeremi 6:17

Ŋá núu da tɔ̀ɔ a gɛɛ é dímɛi káa. Ŋá mò dîa ńyɛ̂ɛi, “Ka káwoli tɔ́ɔ dúru-wooi ma.” Kɛ́lɛ dí mò dîyɛɛi, “Kúfa pɔ̂ri kúwoli tɔɔ̂i.”

Ɉeremi 7:24

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Kɛ́lɛ dítùa a dínîa-pere. Dí liî su kpanaŋɔ̂ɔi a mɛni nyɔ́mɔɔ kɛ́ɛ. Díkɛ lí pôlu pere dífa lî tuɛ-pere.

Ɉeremi 9:13

Nya ƃe Yâwɛɛ è mò ǹyɛɛi, “Kpɛ́ni fêi da dípôlu tɔ̀ɔ ŋátɔ̂ŋ ma nyíi ŋá dɛ̀ɛ dípɔi, dífe díwoli tɔ̀ɔ ní ŋ́oo ma, kpaa dísia a m̀ɛnii ŋá m̀o dîai.

Izikiɛ 12:2

“Núu-kpune ǹóŋ, íkaa tɔɔ-mâ ƃela sama. Díŋɛi káa dîa, kɛ́lɛ dífa kwaa kâa. Díwoli káa dîa, kɛ́lɛ dífa mɛni mɛ̂ni. Kpɛ́ni fêi díkaa a tɔɔ-mâ kɛ́ ƃela.

Izikiɛ 12:3

“M̀ɛni ma, núu-kpune ǹóŋ, ye ítiyɛ̃i tolo yɛɛ kɔ-sôŋ ǹuu, í pɛlɛ liî sia mâ yɛɛ núu ƃe liî kɔ-sôŋ sia mâ gbínii é lɛɛ pâi toôi. Ǹɛɛ naa díkelee díkɛ íkaa íkɛli. Kɛ́ liî kwaa ŋa m̀a íkɛ pá díkɛ íkaa. Tãi ta dɔɔ-mâ kɛ ƃelai tí da pâi tarêi m̀ɛnii su íkaa gɛi su.

Izikiɛ 20:30

M̀o Eezuɛ ƃelai dîa yɛ̂ɛi, Ŋ̀wála-wâla kélee Yâwɛɛi ǹyɛɛi, ka pâi lɛ̂ɛi ká ǹâŋ ni tua pere ŋai pôlu ka kákpîŋ maa tĩa kara ká lɛ́ɛ díŋâla-pɔɔkɔŋ ŋai tí pôlu?

Danîa 9:6

Kúfe kúwoli tɔɔ̂i ílono kɛ́-ƃelai dîa nyii-ŋai kúpɔ ílaai sui, kwa kúkâloŋ-ŋai, kúlaa túɛ-ƃelai, kúnâŋ pɔlɔ-ŋai da kúlɔii lônii-ŋai kpéli-ŋai kélee.

Osia 11:7

Ŋánûai ŋuŋ su kpanaŋɔ̂ɔi. Díkaa nɔ́ liî díkpîŋ-kwaa-ŋa ma. Da pâi kɔŋ-ma-kpɔnɔ toôi díkɔŋ ma. Da pâi kɛ̂i wɔ̂lɔi kpɔŋ maa mɛni ma kɛ́lɛ núu da fé pâi kɛ̂i naa é gula díkɔŋ ma.

Zakari 7:11

“Kɛ́lɛ dífe díwolii tɔɔ ní, dí díkoôŋ tɛ̀ a dia dí díwoli láa tɛ́ a gɛɛ dífe mɛni mɛ̂ni,

Malasi 3:7

Kámaa mɛ̂ni kɛ̂ɛi nɔ́ yɛ̂ɛ kánuu-pɔ̂lɔ-ŋai, ka kápôlu tɔɔ ŋátɔ̂ŋ-ŋai dîa káfe niî dímɛi káa ní. Ka tínaŋ ḿbɔ-naa pêre ńyaŋ ŋa pâi tínanîi kápɔ-naa pêre. Kɛ́lɛ ka môi kâa, ‘Kwa pâi tínaŋ-pere kɛ̂i léŋ ípɔ-naa pêre?’

Maafîu 21:38

Kɛ́lɛ, tãi díi-kɛ-ƃelai dí bɛ́rɛ-namui ǹóŋ kâa lai, dí mò díkîe-ni loai, dîyɛɛi, ‘Bɔɔ-sɛŋ-namu ká ŋí. Ka pá kú bàa, ku ŋɔpɔɔ-sɛŋ kúla ǹyêei.’

Maafîu 23:32

Ǹyaŋ ka pâi mɛni tɔnɔi kɛ̂i kánâŋ-pɔlɔ-ŋai dí gɛ̀i.

Gɛlaɠaa 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

Lomaŋ 2:5

Kɛ́lɛ, íwolii kpɔlɔ̂i, ífa ílii pene. M̀ɛni ƃé pâi gɛ̂i ímɛni kula-maai su é kɛ́tɛ a Ɣâla ŋɔtɔ̃yâ mɛni ŋá-tee ɣelei.

Dutɛrɔnome 8:20

Káŋuŋ lá a pâi pilîi yɛ̂ɛ berei Yâwɛɛ è gɛ̀ la a ǹɔii-ŋuŋ da kpɛ́ni-ŋai a tãi kákɛ̀ pâi lai.