Ɉeremi 7:25 - Bible

²⁵ É síɣe tãi ma kánâŋ pɔlɔ-ŋai díwɔ́lɔ kùla la Izei é tóo sâai ma, ŋa wɔ́lɔ kɛ́ nɔ́ ŋálono kɛ́-ƃelai tɛɛ̂i dípɔ naa a tãi kélee.

Yálá laawoo hɛɓɛ (dc)

²⁵ Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Yálá laawoo hɛɓɛ

²⁵ Ə həɠə kpɔ di nąnni kulɔ yələ ɓa Eziptə lɔi hu, ə həli háákələi ɓa, və́ ta kpəla li gwə́i mɛ̨nį hukulɔ nuą tɛɛ ɓa di pɔ, diɛi ɓaa nwɔ́ tínuą; ŋį́ di tɛɛ a hvoló tɛitɛi kəlee.

Ɉeremi 7:25 ပူးပေါင်းရင်းမြစ်များ

Kɔlɔnikɔ Veerɛi 24:19

Berei máŋ Yâwɛɛ è ŋɔlóno kɛ́-ƃelai dí ǹûai dísɔnyɔ̂ŋ lɛ̀ la diai, dífe wɔ́lɔ díwoli tɔɔ ní a dɔnɔ kpîŋ.

Kɔlɔnikɔ Veerɛi 36:15

Yâwɛɛ nyíi gáa a dínâŋ ni Díɣâlai è wɔ́lɔ lono dípɔ ŋɔlono-kɛ-ƃelai sarâi a tãi támaa. Kpɛni fêi, ŋɔnûai maloŋ è kɛ ma da ŋɔpɛ́rɛi.

Ɛsdrasə 9:7

É kúla kúnuu-pɔlɔ-ŋai díwɔ̂ ɣele-ŋai dîa, é tóo sâa ma, kúai a ínûai, kwa sɔnyɔ̂ŋ kɛ́ a yá a zu kɛ́tɛ. Kúsɔnyɔ̂ŋ-ŋai da gɛ́ kúkâloŋ-ŋai da kúsâla láa soŋ-ƃelai é pɛ́lɛ kúla kpîŋ kûa kwa too lɔii ŋuŋ da kpɛ́ni-ŋa mɛi kâloŋ-ŋa yêei. Da kú ta-ŋa paa, da sãâ kula kú ta-ŋa yêei, da lí a kúta-ŋa luɛ-laa su. Da ƃaâ kula kûa a ŋ̀ánaa, ǹyaŋ díkaa nɔ́ niî sɔnyɔ̂ŋ kɛ̂i.

Nehemi 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí í lóno kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Nehemi 9:30

Í kɛ̀ nɔ́ a ílii kpéleɛɛ díyêei a kóraŋ kélee. Í mɔlêŋ è díteniŋ tɔ̀ɔ í lono kɛ́-ƃelai sârai. Kɛ́lɛ, dífe díwoli tɔɔ ní yâ a dɔnɔ kpîŋ. Nya ƃe gɛ̀ í dí tɛ́ɛ lɔii-ŋuŋ da kpɛ́ni-ŋa su-ƃela pɔ́ dí lí a dia luɛ-laa su.

Azaya 5:4

Lé tii kpîŋ ƃé gbɔmɔ kpâlaŋ ŋí ŋá ḿve niî gɛ́ níi? Kɛ́lɛ tãi ŋa lì la naai, ḿve ƃa lɛ́lɛɛ káa ní. Nyii ŋá gàa naai, è kɛ̀ a kpona-kpônaa ńyii ŋ́ili fé kɛ ni m̀ai.

Ɉeremi 11:7

Kpɛ́ni fêi, tãi ŋá kánâŋ pɔlɔ-ŋai kùla la Izei, ŋá dí lia-woo ƃò gîe mɛi, é tóo sâa ma, ńyɛ̃ɛ dîa ka káwoli tɔ́ɔ ŋ́oo ma.

Ɉeremi 25:3

“Yâwɛɛ a m̀ɛni tɔ̂nɔi ŋí ƃó ḿâ gîei kpɛ́-kpɛɛ kóraŋ buu-feerɛ kao-saaƃa yée mu. É síɣe tãi ma Amɔŋ ǹóŋ Zosaya è kɛ̀ la a kâloŋ é tóo tãi ŋí ma ŋa lônoi lai. Ǹyaŋ Zosaya ŋɔkâloŋ-laa koraŋ buu káo saaƃai su ƃé ŋá pɛ̀lɛ la ŋ̀orɛ̂-wooi ŋí ƃôi la kâa. Ŋ́gaa nɔ́ niî m̀ɛni tɔ̂nɔi ŋí ƃôi kâa. Kɛ́lɛ káfe niî káwoli tɔɔ ní ḿâ.

Ɉeremi 25:4

Yâwɛɛ a ǹyée-mu-ƃelai nyíi-ŋai díkaa a ŋɔlóno kɛ́-ƃelai tɛ́ɛ kápɔ naa gîe mɛi dí kɛ́ lòno kápɔ. Kɛ́lɛ, káfe niî káyee sèe ní ŋ̀óo mu a dɔnɔ kpîŋ, kpaa máŋ ká káwoli tɔ́ɔ dîa.

Ɉeremi 29:19

M̀ɛnii ŋí a pâi kɛ̂i a dia kpɛ́ni fêi, dífe díwoli tɔɔ ní ŋ̀orɛ̂-wooi ma nyíi ŋá dɛ̀ɛ a Ɣâla ŋɔlóno kɛ́-ƃelai nyíi-ŋai díkaa a ŋátii kɛ́-ƃelai. Ŋá ŋálono kɛ́-ƃelai tɛ̂ɛ a tãi támaa, kɛ́lɛ, dífe díwoli tɔ̀ɔ ní dîa a dɔnɔ kpîŋ. Ńyãa Yâwɛɛ ƃé mò tí.’ ”

Ɉeremi 35:14

Zonada ŋɔsuui su-ƃelai da ŋ̀óo ŋ̀aa-see kɛ́. É síɣe tãi tí ma é seri tãi ŋí ma ŋa lòno la kápɔi dífe niî ŋwã̂ai kpele ní yɛ̂ɛ berei è wɔ́lɔ mò la dîai. Kɛ́lɛ, ŋ́gaa nɔ́ wɔ́lɔ lônoi kápɔ káfa ŋ́oo m̀ɛni.

Ɉeremi 35:15

Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 44:4

Ŋá ŋálono kɛ́-nuui tɛ̂ɛ ká pɔ́naa nyíi-ŋai mò kâa a gɛɛ ká kpéra m̀ɛni nyɔ́mɔɔ ŋánaa-ŋai kɛ̂i nyii m̀ɛlɛ fé ŋ́goi.

Ɉeremi 7:13

Yâwɛɛ è mò ǹyɛɛ, kpɛ́ni fêi, kâa m̀ɛni-ŋai ŋí kɛ́i, berei ŋá lòno la kápɔ gîe mɛi a gɛɛ káfe gɛ̀ tíi, káfe ká wóli tɔɔ ní ḿâ. Tãi ŋá ká tòli lai, káfe ŋ́oo su too ni.

Izikiɛ 2:3

È mò ḿâ ǹyɛɛi, “Núu-kpune ǹóŋ, ŋa ítɛɛ̂i Eezuɛ-ŋai pɔ́ naa. Ǹûai ŋí díkaa a tɔɔ mâ-ƃela nyii-ŋai da tɔɔ ḿâi, nyii-ŋai dínâŋ ni da ŋátɔ̂ŋ kara ǹyaŋ dia máŋ díkaa nɔ́ nîi ŋátɔ̂ŋ-ŋai karâi tãi-ŋai ŋí yée mui.

Osia 11:7

Ŋánûai ŋuŋ su kpanaŋɔ̂ɔi. Díkaa nɔ́ liî díkpîŋ-kwaa-ŋa ma. Da pâi kɔŋ-ma-kpɔnɔ toôi díkɔŋ ma. Da pâi kɛ̂i wɔ̂lɔi kpɔŋ maa mɛni ma kɛ́lɛ núu da fé pâi kɛ̂i naa é gula díkɔŋ ma.

Osia 12:10

“Ŋá lòno ŋálono-kɛ́-ƃelai pɔ́. Ŋá díkɛ dí pili zĩ̂a su, dí sɛŋ támaa káa. Dísârai, ŋá ŋánûai lia-wôo ƃò.

Amɔsə 2:11

Ŋá Ɣâla ŋɔlóno kɛ́-ƃela kùla kálônii sáma, ŋá ká nyaŋkpa-ŋai da-ni tɛɛ Ɣâla pɔ́. Vé tí, káai a Eezuɛ-ƃelai?

Malasi 3:7

Kámaa mɛ̂ni kɛ̂ɛi nɔ́ yɛ̂ɛ kánuu-pɔ̂lɔ-ŋai, ka kápôlu tɔɔ ŋátɔ̂ŋ-ŋai dîa káfe niî dímɛi káa ní. Ka tínaŋ ḿbɔ-naa pêre ńyaŋ ŋa pâi tínanîi kápɔ-naa pêre. Kɛ́lɛ ka môi kâa, ‘Kwa pâi tínaŋ-pere kɛ̂i léŋ ípɔ-naa pêre?’

Lukə 11:49

Maa-mɛni ma Ɣâla Ŋɔtárei ǹyɛɛi, ‘Ŋa pâi lóno-kɛ-ƃela da sia-ƃela tɛɛ̂i dípɔ. Da pâi da-ni paâi, dí da-ni ŋɛi maa nɔ̃̂ɔ,’

Dutɛrɔnome 9:7

“Ka gɔ́lɔŋ berei ka Káɣâlai Yâwɛɛ líi ŋwàna la vɛ̃ɛ-kpâlaŋ sui. É síɣe tãi ma ká kùla la Ize é lɛ́ɛ la zu ká seri ƃɛ́i ka tɔɔ̂i naai.