Ɉeremi 7:18 - Bible

¹⁸ Ǹîa-pɛlɛɛi da gɔ̀i ŋáa tɛ̂i ma, dínâŋ-ni díŋɔŋ tóo mà, ǹɛyâai dí kɛ́ félaƃai kîiŋ, dí kɛ̀ kpólo kpɛ̀tɛ ŋ̀ele-kɔlɔŋ-su kaloŋ nɛnii mî, dí kɛ̀ kéreŋ-sɛŋ sala kùla ɣâla da kpɛ́ni-ŋa dîa a gɛɛ dí gɛ́ ŋá ńii ŋwána.

Yálá laawoo hɛɓɛ (dc)

¹⁸ Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Yálá laawoo hɛɓɛ

¹⁸ Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 7:18 ပူးပေါင်းရင်းမြစ်များ

Tɔɔɓɛlaa dɔlɔɔ 14:9

Ƃa sɔnyɔ̂ŋ támaa kɛ́ tɛɛ dia-ŋai kélee dîa kɛ̀ a kâloŋ ítuɛi. Ƃa Ɣâla da kpɛ́ni-ŋa kpɛ̀tɛ íkpîŋ mɛni ma, Ɣâla pɔkɔɔŋ-ŋa nyíi dí kpɛtɛɛ̂i a kɔli. Ƃa gɛ́ ńii a ŋwána a zu kɛ́tɛ ƃa ḿbili ípôlu pere.

Tɔɔɓɛlaa dɔlɔɔ 16:2

“Ŋá ímu sìɣe ŋá íkula muluŋ su, ŋá íkɛ a kâloŋ ŋánûai Eezuɛ mɛni ma. Kɛ́lɛ í sìa a bere nyɔ́mɔɔ tɔnɔi Zɛroboaŋ è sìa lai, í ŋánûai Eezuɛ kɛ́ dí sɔnyɔ̂ŋ kɛ́ ŋá ńii ŋwána dîa.

Mąątɛ̨nɛ̨ 16:4

Diai da díkili tɔ̀ɔ ɣâla da kpɛ́ni-ŋa dîai, dímɛni kpɔ̂lui su a pâi kɛ̂i nɔ́ kɛ̂tɛi. Fé pâi ńyee pîlii dísâla kula mɛni-ŋai da su. Fé pâi díɣâla-ŋai da fɛlîi.

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Azaya 57:6

Ka kɔni-ŋa sàa, ká díkɛ a káɣâla-ŋa, ká kɛ́ dífɛ̀li. Ka kɛ̂ ŋ̀wã̂ai sama-sãa da mii-sãa sama sãa tɛɛ̂i dípɔ. Ká lâai la kátûa-pere sãŋ-ŋai ŋí ƃɛlɛ káa ŋ́goi a gɛ́ɛ ńii é kɛ́ a ǹáa káyêei?

Azaya 65:11

“Kɛ́lɛ, a pâi kɛ̂i a da kpɛ́ni ká mɛni ma káai ka kápôlu tɔ̀ɔ ḿâ, ka nia Zãiyɔŋ ma nyii gáa a ŋá yée maa waai, kákɛ Gâa-ɣalai da Mɛni-ɣalai fɛ̂li ńyii-ŋai dí káa a ŋ̀âla-ŋai nyii-ŋai da lɔku tɛ̀ɛ núu pɔ́ díkɛ mɛni ŋá teei.

Azaya 65:3

Ŋumɛ fé dîa a dɔnɔ kpîŋ. Díkaa nɔ́ ńii ŋwânai. Díkaa nɔ́ sâla-ŋa kulâi díɣâla fɛli kwaa-ŋai ma, díkɛ kéreŋ-sɛŋ kúŋ-nɛ̃ɛ kèreŋ ŋ̀âla da kpɛ́ni-ŋai díɣâla teƃele-ŋai ma.

Ɉeremi 1:16

Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 11:17

“Ńyãai a Ŋ̀wála-wâla kélee Yaawɛ nyíi Eezuɛ da Zuda síi, ŋaâ gbɛtɛ a gɛɛ ŋá mɛni kpɔ̂lu láa kâa. Kpɛ́ni fêi, káai a Zuda da Zerusâlɛŋ-ƃelai ka mɛni nyɔ́mɔɔ kɛ́, ká kɛ́ ńi ŋwàna. Kpɛ́ni fêi ká kɛ̀ kéreŋ-sãa kúŋ-nɛ̃ɛ kérenîi Bêe ɣalai ma.”

Ɉeremi 17:2

Kánûai díkaa Ŋ̀âla-nɛnii Asira fɛlîi ǹyée-ŋai tôŋ su, ŋ̀uru kpaya-kpayai mu ƃɛ́i ŋɔɣâla teƃele-ŋai káa naa da ŋɔŋɛi kɛ́-maa-ŋai.

Ɉeremi 19:13

Bɛ́rɛ-ŋai díkaa Zerusâlɛŋ da nyíi-ŋai díkaa a Zuda kaloŋ-ŋai dípɛrɛi, é pɛlɛ bɛ́rɛ-ŋai dîa nyíi-ŋai díkereŋ sɛŋ kúŋ nɛ̃ɛ kèreŋ dítôŋ su ŋ̀âla-ŋai díkaa ŋ̀ele-kɔlɔŋ sui dîai, dí kɛ́ kpele-sɛŋ sama-sɛŋ pù ŋ̀âla-ŋai da-ni dîɛi, da pâi kɛ̂i a dímaa-tĩ̂a karáa yɛ̂ɛ Tofɛ.”

Ɉeremi 25:7

Kɛ́lɛ, káfe káwoli tɔ̀ɔ ní dîa a dɔnɔ kpîŋ. Kɛ́lɛ, ká ńii ŋwána mɛni kɛ̀ a ɣâla da-kpɛ́ni-ŋa fɛliɛɛ nyíi-ŋai ká díkpɛ̀tɛ a káyeei. M̀ɛni ma ŋa pâi ká kula maa kɛ̂i.

Ɉeremi 32:29

dí ŋɔŋ tóo m̀a. Da pâi ǹaa kérenîi da bɛ́rɛ-ŋai ƃɛ́i ǹûai dí ńii sòli naa ŋ́goi a dí kɛ́ɛ kéreŋ sãa kúŋ-nɛ̃ɛ-ŋa kérenîi Bêe ɣalai ma, dí kɛ́ kpele-sɛŋ sama-sãa tɛ̀ɛ ɣâla da kpɛ́ni-ŋa pɔ́i.

Ɉeremi 44:4

Ŋá ŋálono kɛ́-nuui tɛ̂ɛ ká pɔ́naa nyíi-ŋai mò kâa a gɛɛ ká kpéra m̀ɛni nyɔ́mɔɔ ŋánaa-ŋai kɛ̂i nyii m̀ɛlɛ fé ŋ́goi.

Ɉeremi 7:17

Ífe m̀ɛnii kâai da gɛ̂i Zuda taa-lee-ŋai su da bere-ŋai ma Zerusâlɛŋ?

Woolaa 5:13

Kúnyáŋkpa-ŋai dí kɛ̀ mɔ̃̂lɛi m̀ii-sãa táŋ kwaa-ŋai ma yɛ̂ɛ luɛ-ŋa, zinâa-nɛyãai dí kɛ́ mɔ̃̀lɛ kɔi-ɣiri wuyɛɛ-ŋa mu.

Izikiɛ 16:26

Ká ŋɔ́nɔ fâa m̀a a gɛɛ ka Ize sinaai nyii-ŋai nɛnî fa tɛ̀ɛ diai ka dîa ni ká wulu kɛ́. Ká ŋulu-wului ŋí kɛ a gɛɛ ŋá ǹíi ŋwana.

Izikiɛ 20:28

Ŋá li a dîa ǹɔii su ŋa ŋ́gono-tee a gɛɛ ŋa pâi dɛɛi dípɔi su. Kɛ́lɛ, tãi dí ǹyée-tɔɔ ŋai kâa la da ŋ̀uru-ŋai, dí pɛlɛ sala kulâi dîa. Dí kereŋ sala da ŋwã̂ai sala ŋa kula dîa. M̀ɛni ŋí è kɛ̀ a ńii ŋwãna mɛni.

Izikiɛ 8:16

È ŋɔ́nɔ lì a ńyãa Yâwɛɛ Ŋɔpɛ́rɛ Kɛ́tɛi ŋɔsiɣãŋ su pere siɣãŋ su bɛrɛi láƃerei. Kpakolo buu feerɛ káo lɔ́ɔlu díkɛ gbôŋ da ŋ̀âla-teƃelei díloai dípôlu féɣɛɛ Yâwɛɛ ŋɔpɛ́rɛi ma, díŋɛi liɛɛ voloi kulâi pere. Díkɛ naa díkɛ díŋuŋ mâ pîlaŋ díkɛ voloi-nɛnɛ̂ŋ ma foloi fɛli a díɣâlai.

Izikiɛ 8:17

Yâwɛɛ è ŋɔ́nɔ mò ḿâ ǹyɛɛi, “Núu kpune ǹóŋ, yâ m̀ɛnii nyiŋi kâai da gɛi? Zuda ƃelai lii fé nîi laa ni a mɛni nyɔmɔ-ŋai da gɛi ƃɛi. Díkaa nâa pâi a ŋɛi-tɛ mɛni támaa ǹɔii mela kélee ma a gɛɛ dí gɛ ǹíi é ŋwana dîa. Da ƃaa kula mâ. Díkɛ ǹaraŋ a pere-sii kélee.

Korɛntə dɔlɔɔ 10:22

Kwa kɔ́i a gɛ́ɛ ku Kúnuu-namui kɛ́ e tólo? Kúkpanaŋɔɔ̂i e tɛ́ɛ mà?

Dutɛrɔnome 32:16

Dí gɛ̀ Yâwɛɛ é ǹíi ŋwána dîa díɣâla da kpɛ́ni-ŋai fɛli mɛni ma.

Dutɛrɔnome 32:21

Da ŋgɛ́, ŋgɛ́ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Dutɛrɔnome 4:19

Káfe vóloi, ŋ̀áloŋ da bɛmɛlɛŋ-ŋai fɛli. Yâwɛɛ è zãai ŋí pù ŋ̀elei su núu-kpune kélee mɛni ma.