Ɉeremi 6:28 - Bible

²⁸ Díkaa a tɔɔ mâ-ƃela wôlii kpɔ́lɔɔ. Díkɛ lóno nyɔ́mɔɔ kɛ̀ é pîlaŋ ḿâ. Díkaa yɛ̂ɛ ƃara da kɔli. Díkelee kpɔ́ da tûa a wôya-pere.

Yálá laawoo hɛɓɛ (dc)

²⁸ Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Yálá laawoo hɛɓɛ

²⁸ Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Ɉeremi 6:28 ပူးပေါင်းရင်းမြစ်များ

Mąątɛ̨nɛ̨ 14:1

Diai dífa mɛni ŋá kaai, da mò dílii su dîyɛɛi, “Ɣâla fé ɣele ma.” Díkelee kpɔ́ díwôyai. Da mɛni nyɔ́mɔɔ maa pɔlɔ-pɔlɔɔ sii támaa kɛ̀. Ɣâla nîa mɛni kɛ́ nuu tɔnɔ kpîŋ fé dísama.

Mąątɛ̨nɛ̨ 50:20

Ká kpîŋ kpɛtɛ̂ɛi a gɛɛ ká mɛni lɛ́ɛ kákayɔɔ-ŋai dîa, kákɛ dísɔŋ kɔ̂ri dîa.

Hanwon 10:18

Ǹúui a kpɔara mɛi pɛ̂lɛi, gáa a lɛ́ɛ-nuu, ǹyaŋ ǹúui nyii a m̀arâai láa kàrai, gáa a ƃoo-nuu.

Azaya 31:6

Yâwɛɛ è m̀o ǹyɛɛi, “Eezuɛ-ƃela, ka sɔnyɔ̂ŋ kɛ́ a ńyãa, ka tela tɔɔ ḿâ. Kɛ́lɛ ka tínaŋ ká pá ḿbɔ-naa pôlu!

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Ɉeremi 20:10

Ǹûai kélee da kɛ̂ m̀ôi ninîŋ-woo su dîyɛɛi, “Yao kɛ́tɛ káa kwaa kélee ma! M̀ɛni ma, kwaa zɔ̀ŋ láa ǹúu-mɛi-ƃelai ŋɛ́i!” Ńaôi-ni kpîŋ da tɔɔ ḿâ. Da m̀ó dîyɛɛi, “Tãi da kwa pɔ̂ri bɛlɛ̂i, gɛ̀ ní kwa pâi zoniî kúmɛni kpa kula m̀a.”

Ɉeremi 5:23

Kɛ́lɛ, kákaa a nûa ŋuŋ-su kpanaŋɔɔ nyíi-ŋai da dí pôlu tɔɔ ḿâ. Ka tínaŋ ka kápôlu tɔɔ ḿâ.

Ɉeremi 6:30

Da kɛ dîa káne nyíi núu a ǹyée kula mui, kpɛ́ni fêi, Yâwɛɛ a ńyee kula dímu.”

Ɉeremi 7:28

M̀ó dîa yɛ̂ɛ ‘Ǹɔii ŋí ƃé vé ŋ̀óli tɔɔ ní Ŋɔɣâlai Yâwɛɛ ma. Dífa díyee sèe sɛŋ lɛ́ɛ mu. Tɔ̃yâ a láŋ ǹá. Tɔ̃yâ a tée kpɔ́ ǹá-gbɔ ma.’ ”

Ɉeremi 9:3

Da dínɛŋ ŋáa tɛ̀ yɛ̂ɛ kerâŋ. Lɛ́ɛ mɛni nɔ́ ƃé a ƃɔ̂lɔ díla ǹɔii su, tɔ̃yâ fêi. Yâwɛɛ è mò ǹyɛɛi, “Kpɛ́ni fêi da kûla nɔ́ mɛni nyɔ́mɔɔ tɔnɔ su dí píli gbéli su. Ǹyaŋ dífe ŋ́gɔlɔŋ a dí Díɣâla.”

Ɉeremi 9:4

Ka ká mɛi káa a kálâoi-ni. Káfe kákili tɔ̀ɔ kákaayɔɔ-ŋai dîa. Kpɛ́ni fêi, kákaayɔɔ-ŋai díkaa a núu pɛlɛ-ƃela yɛ̂ɛ Zeeka. Ǹyaŋ núu kélee káa a núu láa kara-ƃela.

Izikiɛ 2:7

M̀ɛni ma, ŋá worɛ̂-wooi ƃó dîa a nɛ̃ɛ ma dí díwoli tɔ́ɔ kpaa máŋ dífe díwoli tɔɔ ni yâ, kpɛ́ni fêi díkaa a tɔɔ mâ ƃela.

Izikiɛ 24:13

Ŋɔkpɛ̃ɛi káa yɛ̂ɛ ŋɔwulu-wulu kɛ́ɛ maa liƃiɛɛi. Kpɛ́ni fêi, ŋá ká maa waa, kɛ́lɛ ká maa fé waa ní. Ká maa fé ŋɔ́nɔ paî waâi é lɛ́ɛ la zu ŋá ŋálii-ŋwanai ŋ̀aa see kɛ́ a káa.

Levetekɔ 14:43

“À kɛ̀ bûŋ a pà ŋɔ́nɔ pôlu bûŋ kɔni-ŋai kuláa da bɛ́rɛ kâŋ-ŋai maa kálaŋɔɔ da naa siaa a ninai pôlu ma,

Levetekɔ 19:16

Káfe lɛ́ɛ tuŋ taa-taa é pîlaŋ káƃarâŋ nuu ma. Káfe wôya sere faa kɛ̀ a káƃarâŋ nuu láa nyii pâi gɛ̂i ǹɛwo su é karai. Ńyãa ƃa Yâwɛɛ.

M̀ɛni-lɛɛi 11:18

Diai dífe Ɣâla-mɛni wɛ̂li nii dílii è ŋwàna kpɔ́ a ŋánaa, kɛ́lɛ, ílii-ŋwanai è pà, a da zaa-ƃelai dímɛni-ŋa-tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, Diai ǹɔii su karai, dísu kara tãi a seri.”

M̀ɛni-lɛɛi 19:2

Kpɛ́ni fêi, ŋɔmɛni-ŋa-teɛɛi káa a tɔ̃yâ, zã́a. A ŋwulu-wulu-nɛni kɛ́tɛi ŋɔmɛnii ŋá tée, nyíi ǹɔii su kàra a ŋɔwulu-wulu-kɛɛi. È tɔ̂ŋ kpɛ̀ ma ǹyaa Ɣâla yée-mu-ƃelai ŋãa mɛ̂ni ma.”