Ɉeremi 6:26 - Bible

²⁶ Yâwɛɛ è mò ǹûai dîa ǹyɛɛi, “ŋánûa, ka seɣe sâa too kâa ká tóo ǹuui sú kákɛ kɔ̀-kɔ. Ka malôŋ see ƃó yɛ̂ɛ núu ǹóŋ-surɔŋ tɔnɔ à sàa. Ká wɔ́lɔ a ŋánaa, kpɛ́ni fêi, diai pâi ká paâi, díkaa nâa kákɔlɛ ma.

Yálá laawoo hɛɓɛ (dc)

²⁶ Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Yálá laawoo hɛɓɛ

²⁶ Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Ɉeremi 6:26 ပူးပေါင်းရင်းမြစ်များ

Zɛnɛse 21:16

È lì é sée kwaa kôya ma, ƃɛ́i ŋɔkôya è kɛ̀ a yée kɔni pilìi. È mò ǹyɛɛi, “Fé ŋ̀wɛ̂lii a gɛɛ ŋá ńoŋ saâi káa.” Tãi nɛnîi è kɛ̀ seeni la naai, ǹôloŋ è wɔ̀lɔ a ŋ̀óo su kɛ́tɛ.

Zôo 15:21

A núu maa yao-woo sii támaa mɛni. Tãi nɔ́ a gàa la yɛ̂ɛ sɛŋ ƃé ŋuŋ ma ƃôɔɔi lai, maa tãi tí ƃé ŋúma-ƃela da pɛ̂lɛ la mà.

Zôo 2:8

Zôo è lì é sée ǹuui su é leɣi-kalaŋ siɣe gɛ́ balai ŋá wɔ̀rɔ la.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Azaya 22:4

M̀ɛni ma ŋá m̀ôi ńyɛ̃ɛi, “Ŋa pâi wɔ̂lɔi a zu kɛ́tɛ ŋ́ɛi-ya é pú ŋánûai su-kara mɛni ma. Núu da fé pà ŋ́ɛi a gɛɛ é ŋá-nɛnɛ.”

Azaya 3:24

Díwulɔ kúŋ nɛ̃ɛ kpoo-ŋai da pâi penêi a sãa lula tee-tee. Dí bɛ̂ti lɛ́lɛɛ-ŋai da pâi penêi a ɣɛli-ŋa. Díŋuŋ lêɣa lɛ́lɛɛ-ŋai naa pâi a penêi a kpólaŋ. Dímaa ɣiri seɣe lɛ́lɛɛ-ŋai da pâi penêi a maloŋ-too maa seɣe-ŋa. Dílɛ́lɛɛ-laai a pâi pûi.

Azaya 30:13

Kákaa a mɛni nyɔ́mɔɔ kɛ́-ƃela. Kákaa yɛ̂ɛ pɛ́rɛ kâŋ nyii wôloi zu perei. Ŋa pâi kásu-karâi a maa félaa.

Azaya 32:11

Ka wɔ́lɔ tûa kánîa kɛ̂i. Lii-sɛ̂lɛŋ da fé kâa. Kɛlɛ yao a pâi pâi kákɔlɔ̂i lonii ma. Ka kámaa kpôloŋ ká malôŋ seɣe too kâa.

Ɉeremi 12:12

Núu paa-ƃela da kulâi vɛ̃ɛ-kpâlaŋ su dípa ǹɔii su. Da pâi kɛ̂i a Yâwɛɛ ŋɔƃóa-sɔkpɔi dí ǹûai kélee páa, é síɣe ǹɔii ƃéla dɔnɔ ma é tóo gbéli ma. Núu da fé pâi kɛ̂i ɣele ma lii-see su.

Ɉeremi 13:17

Kɛ́lɛ, à kɛ̀ ká fé pâi ká wóli tɔɔ̂i, gɛ̀ ní ŋa pâi wɔ̂lɔi loo-pere su ká su-mɛni kɛ̂tɛi mɛ̂ni ma. Ŋá pâi wɔ̂lɔi kpɔ́ a ŋánaa, ŋ́ɛi-ya kɛ́ pù, kpɛ́ni fêi, Yâwɛɛ ŋɔnûai da pâi liî kɔ-sôŋ pere su.

Ɉeremi 14:17

Yâwɛɛ è ŋɔ́nɔ mò ḿâ a gɛɛ ŋá lóno ǹûai pɔ́ ńyɛ̃ɛi, “Tɔ́ɔ ŋ́ɛi-ya é pú a kpíni da fólo, nyíi gɔ̃yɛŋ fé kɛ̀ ma. Kpɛ́ni fêi da ŋánûai ŋwána kpɔ́ a ŋánaa. Pala kɛ́tɛ kɛ́ ƃò dîa.

Ɉeremi 15:8

Ŋa gɛ́ kápɔɔ-nɛyãai da táma, da tɛɛ ŋãyai ma gáa nyuoi koo mai. Ŋá kánîa-pɛlɛɛ-ŋai pâa a díŋunu tãi, a vólo-tɛɛ-ŋuŋ mâ tãi, dílee-ni dí kɛ́ mɔ̃́lɛ-laa sɔlɔ ƃô. Ŋ̀á gɛ̀ lii-too pôlu da mɛni kpɔ̂lu dílaa kâa a m̀aa félaa.

Ɉeremi 18:22

Yóo-yoo kpɔŋ tɛɛ é dípɛrɛi mu-sãai síɣe dí lɛ́ɛ pâi díkpîŋ kpɛtɛ̂i. Ǹɛɛ naa díwɔ́lɔ mɛni kpɔ̂lu su. Da lóa tée ḿberêi a gɛɛ ŋá tóo zu. Da ƃáre tɛ́ ḿberêi a gɛɛ ŋá kɔ́ la.

Ɉeremi 30:5

“Ŋà wɔ́lɔ-woo ŋánaa mɛnîi. Gáa a yao-wɔlɔ-woo. Vé a lii-see woo.

Ɉeremi 4:11

Tãi tí à sèri, da pâi môi Zerusâlɛŋ-ƃelai dîa a gɛɛ fãa kɛ́tɛ su kpanaŋɔɔ fãa káa kulâi vɛ̃ɛ-kpâlaŋ su pere gɛ̀ pà dí pɔ naa pere. Vãai ŋí fé pâi kɛ̂i a fãa loŋ. Vé pâi kɛ̂i nɔ́ yɛ̂ɛ mɔlɔŋ kâla fɛ́ɛ fãa.

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 4:8

Ka maloŋ tôo maa seɣe too kákɔŋ mâ, ká wɔ́lɔ a ɣelêi pere, kpɛ́ni fêi, Yâwɛɛ lii ŋwânai niî Zuda ma a ŋánaa.

Ɉeremi 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Ɉeremi 8:21

Ńii toɔ̂ɔi pôlu é tɛ́ɛ gɛ̂i ma kpɛ́ni fêi, ŋánûai su a kara. Ŋa malôŋ-see ƃôi, ńii toɔ́ɔ pôlu a ŋánaa.

Ɉeremi 9:1

Eêi kɛ̀ ŋ́uŋ kɛ́ ƃò a ya-ɣɛli-loŋ, ŋ́ɛi-ya kɛ́ pù yɛ̂ɛ yá ƃé ɣilînii, ŋâi pɔ̀ri wɔ̂lɔi a kpíni da fólo ŋánûai dí dípâai maa mɛ̂ni ma.

Ɉeremi 9:10

Ŋá mò ńyɛ̃ɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Woolaa 1:16

“M̀ɛnii ŋí ƃé ŋa wɔ̂lɔi la, ŋ́ɛi-ya kɛ́ yèŋ. Núu da fé naa é ŋ́aa nɛnɛ, é pá ḿbɔ a kili-kɛ zu. Ŋ́gbɔara-ƃelai da ńyee mɛi ɣále, ǹyaŋ ŋánûai da mɔ̃lɛ̂i.

Woolaa 1:2

A gbêɣei toôi kpɔ́ a ŋánaa a kpíni kélee ŋ̀ɛ́i-ya kɛ́ yèŋ a ǹɛ̂ɣɛŋ. Ŋɔwɛli kɛ́-maa-ƃelai dɔnɔ kpîŋ fé naa é ŋ̀aa nɛnɛ. Díkelee da gíri, da kɛ́ a gbɔara-ƃela.

Woolaa 2:11

Ŋ̀wɔ́lɔi a ŋ́ɛi ŋá ŋána. Ŋa sôlii ŋ́gɔlɔi-pere. Ŋánûai su-kara pere a gɛ́ kɔlɔ a kpɛɛ ḿâ. Ǹîa-pɛlɛɛi da gwatâra-ŋai da fôai bere lêe-ŋai ma daa lêei su a puru.

Woolaa 3:16

A ńa kîiŋ muluŋ su a ńyiŋ ɣále a gɔni-kayaŋ.

Woolaa 3:48

Ŋánûai su-kara pere a gɛ̂i ŋ́gɛ wɔ̀lɔ ŋ́ɛi-ya kɛ́ yèŋ yɛ̂ɛ ya lêe.

Woolaa 4:10

M̀ɛni kpɔ̂lui pà ŋánûai pɔ́ daa lêei sui, è gɛ̀ wɛli kɛ́-maa lee-ƃela dí kɛ́ dílônii kɛ̀ a mii-sãa, dí kɛ́ dímîi.

Woolaa 4:3

Lɔɔ-ɣîla-ŋa kpîŋ da ŋíni tɛ̀ɛ dílônii pɔ́. Kɛ́lɛ ŋánûai díkaa yɛ̂ɛ dua-too ŋɔ̂ni nyii gáa vɛ̃ɛ-kpâlaŋ sui. Dífe kpáani dílônii mɛni ma.

Woolaa 4:6

Ŋánûai díwɔ̂ mɛni kula maa kɛ́ɛi tɛɛ̂i Sodɔŋ-ƃelai díwɔ̂i ma, nyii Ɣâla è gɛ̀ a dia a m̀aa félaa, núu da fé kɛ́ ní naa é tɔ́ɔ berei.

Amɔsə 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleɣei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi a maloŋ too-maa kɛ́tɛ.”

Zôna 3:6

M̀ɛnii ŋí duŋ è sèri Ninivɛ kaloŋ ma. Nya ƃe è mu sìɣe ŋɔkâloŋ see-sɛŋ ŋá é ŋɔkâloŋ yokpoi kúla mà é maloŋ tôo-maa sêɣe ɣiri ma é sée luu su nyii ǹɛ a gɛɛ a bôlu tɔɔ ŋɔsɔnyɔ̂ŋ ma.

Zakari 12:10

“Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Lukə 7:12

Gɛɛ a lɛɣɛ kɛ̀ daai ma galai lai, e núu-poma kaa, dí kɛ̀ kula la daai su. Ǹyaa nɔ ƃe kɛ̀ a ǹee ŋɔlóŋ-surɔŋ tɔnɔ. Nɛnîi e kɛ̀ a pɔɔ-nɛni. Daai su kpɔŋ kɛ́tɛ e kɛ̀ gɔlɛ.

Zĩi 4:9

Ka malôŋ é tóo, ká malôŋ-see ƃó, ká wɔ́lɔ. Tɔɔ káɣɛlɛ̂i é kɛ́ a maloŋ too-maa. Kálii-nɛ̃ɛi é kɛ́ a ŋumɛ.

Zĩi 5:1

Kâloŋ-ŋa, ka tɔ̀ɔ. Ka wɔ́lɔ a káwoo sú kɛ́tɛ mɛni-kpɔlu-ŋai mɛni ma nyíi-ŋai pâi laai kâai.