Ɉeremi 51:5 - Bible

⁵ Ǹyãai ŋ́gaa a Ŋ̀wála-wâla-kélee Yâwɛɛi, ḿve niî ḿbôlu tɔ̀ɔ ní Eezuɛ da Zuda-ƃelai dîa, berei máŋ dí sɔnyɔ̂ŋ kɛ̀ là a ńyãa dí lɔii gwaa kéleei. Ŋ́gaa a Eezuɛ Ŋɔɣâla Maa Waai.

Yálá laawoo hɛɓɛ (dc)

⁵ Mąąhɔlɔɓo, nɛ̨ŋɛ̨n di ɉəɠə Israɛlə nwɔ Yálái Mąąhəɠɛɛ ɓa, gɛnɛ̨i nɔi, ya pa, Israɛlə da Ɉuda di wɔ Yálái hvo haa li di yəi, di hvo lɛɛ li a Mɛ̨nį Kəlee ŋą Hééɓomun Yai-Laa wɛli.

Yálá laawoo hɛɓɛ

⁵ Mąąhɔlɔɓo, nɛ̨ŋɛ̨n di ɉəɠə Israɛlə nwɔ Yálái Mąąhəɠɛɛ ɓa, gɛnɛ̨i nɔi, ya pa, Israɛlə da Ɉuda di wɔ Yálái hvo haa li di yəi, di hvo lɛɛ li a Mɛ̨nį Kəlee ŋą Hééɓomun Yai-Laa wɛli.

Ɉeremi 51:5 ပူးပေါင်းရင်းမြစ်များ

Tɔɔɓɛlaa dɔlɔɔ 6:13

Ŋa pâi kɛ̂i Eezuɛ-ŋai sáma, ǹyaŋ fé pâi mbôlu fêi ŋánûai Eezuɛ mì.”

Tɔɔɓɛlaa veelɛ 21:16

É kúla nyíti-ŋai kélee pôlu, Manasɛ è núu támaa pàa nyii-ŋai dísɔŋ fé kɛ́ ní zu. Ǹûai ŋí díkɛ̀ kpɔ́ a dí támaa a sɛŋ dí ŋãa kpôloŋ kɛ́ tɛ̀ɛ Zerusâlɛŋ taa-leei su, é síɣe daai ƃéla tɔnɔ ma é tóo gbéli ma. Zuda-ƃelai dí pìlaŋ gɔ́ɔ pɔ̂ɔi dísɔnyɔ̂ŋ kɛ́, dí Yâwɛɛ wóo píli. Vé fáa ní ma a gɛɛ diai dísɔŋ fé dîai é dí maa-kɔ̃ɔ.

Ɛsdrasə 9:9

Kú kɛ́ a luɛ-ŋa, kɛ́lɛ ífe íyee kula ní kú mù. Í gɛ̀ Pɛsia kaloŋ-ŋai dí wála-wala làa tɛ̀ɛ kúpɔ a gɛɛ kú Ŋ̀âla-pɛrɛ Kɛ́tɛi tɔ́ɔ pôlu nyíi nûa dí wɔ́lɔ ŋ̀oloi. Ya gɛ́ kwa kɛ́ Zerusâlɛŋ taa-leei da Zuda lɔii gwaa kélee su ŋuŋ-ma ƃô su.

Mąątɛ̨nɛ̨ 94:14

Yâwɛɛ fé pâi ǹyée kulâi ŋɔnûai mu. Vé pâi ǹyée kulâi diai mu díkaa a bɔ́ɔi.

Azaya 44:21

Yâwɛɛ ǹyɛɛi, “Eezuɛ-ŋa, m̀ɛnii ŋí é lɛ́ɛ kákili ŋá. Ka gɔ́lɔŋ a gɛ́ɛ ńyãa ƃé kákpɛ̀tɛ. Ŋá ká kpɛ̀tɛ a gɛ́ɛ ká kɛ́ a ŋátii kɛ́-ƃela. Fé pâi wɔ́lɔ niâi kâa.

Azaya 51:15

“Ńyãa ƃa Yâwɛɛ, Káɣâlai Ńyãa ƃé yúo tùmo-tumo gɛ́ tòo a gɛ́ɛ díŋ é kúla. Ńaa ƃa Ŋ̀wála-wâla kélee Yâwɛɛ!

Azaya 62:12

Da pâi kátôlii a “Ɣâla Ŋɔnûa Maa Waa-ŋai.” “Ǹûai Yâwɛɛ A Díŋuŋ Ma Ƃói.” Da pâi Zerusâlɛŋ taa-leei ŋí láa seêi a “Ɣâla Ŋɔwɛli Kɛ́-maa Taa-leei.” “Daa-lêei Nyii Ɣâla Fé Ǹyée Kula Ní Mui.”

Ɉeremi 14:19

Yâwɛɛ, íyee kuláa Zuda m̀u kélee nɔ́ ƃé tí? Zãiyɔŋ ƃɛlɛ fé íkoi? Lé mɛni ƃé ya mɛni kpɔ̂lu lâai la kûa a gɛɛ ŋí kúfa pɔ̂ri kulâi zui? Kwa lii-see kɔ̂rii, kɛ́lɛ, kúfa mɛni lɛ́lɛɛ sii kélee da sɔlɔ ƃô. Kwa ƃálo-laa kɔ̂rii, kɛ́lɛ mɛni kpɔ̂lu nɔ́ ƃé lâai kûa.

Ɉeremi 14:9

Lé mɛni ƃé íkaa la yɛ̂ɛ núu ƃé mɛni a kulâi lai, yɛ̂ɛ kɔ-kuluƃa ƃé pɔri fé mì a gɛɛ é kpɔŋ núu mai? Tɔ̃yâ ma, Yâwɛɛ, íkaa kú kɔlɛ ma. Kúkaa a ínûa. Ífe ípôlu tɔ̀ɔ kûa.’ ”

Ɉeremi 16:18

Ŋa pâi díkula-maa kɛ̂i a ŋá-ŋanaa dísɔnyɔ̂ŋ-ŋai da díŋwana lɔ̂ɔ-ŋai mɛ̂ni ma. Kpɛ́ni fêi da ŋálɔii maa-tĩ̂a kara, da nãni pɛ́lɛ ma a díɣâla da kpɛ́ni-ŋa fɛliɛɛi. Da ŋ́gɔ̃lîŋ maa-tĩ̂a kara a ŋ̀âla-da-kpɛ́ni-ŋai nyíi-ŋai díkaa yɛ̂ɛ saa, díƃɛlɛ fé ŋ́goi.”

Ɉeremi 19:4

Kpɛ́ni fêi, ǹûai da dípôlu tɔ̀ɔ ḿâ, da gwaai ŋí ma maa-tĩ̂a kara a kéreŋ-sɛŋ kúŋ-nɛ̃ɛ kéreŋɔɔ ɣâla da kpɛ́ni-ŋa dîa, nyíi dínâŋ pɔlɔ-ŋai, Zuda kaloŋ-ŋai é pɛ́lɛ dîa dífe gɔ́lɔŋ. Da núu támaa páa gwaai ŋí ma nyíi-ŋai dísɔŋ fé dîai.

Ɉeremi 23:15

“M̀ɛni ma, m̀ɛnii ńyãa Ŋ̀wála-wâla kélee Yâwɛɛi ŋá mó é pîlaŋ Ɣâla ŋɔlóno kɛ́-ƃelai dîa Zerusâlɛŋ ƃa: Ŋa pâi wúru ŋwánaa tɛɛ̂i dípɔ dí mii, ŋá ŋ̀ale-maa tɛ́ɛ dípɔ dí gbele. Kpɛ́ni fêi dûai nyíi-ŋai m̀ɛlɛ fé ŋ́goi, da dáa-taa ǹɔii gwaa kélee ma.”

Ɉeremi 31:37

À kɛ̀ nɔ́ da pɔ̂ri ŋ̀ele-kɔlɔŋ kɔɔ̂nii, dí kɛ́ pɔ̀ri ǹɔii kpɛtɛ-sãai kélee maa kpɛɛ̂i, gɛ̀ ní maa tãi tí ƃé a pâi ǹyée kulâi la Eezuɛ-ƃelai mu, mɛnii dí gɛ̀i mɛ̂ni ma. Ńyãa Yâwɛɛ ƃé mò tí.

Ɉeremi 46:28

Ŋa pâi pâi kápɔ-naa ŋá káƃalo. Ǹɔii-ŋuŋ-ŋai ŋá kátaa-tàa zui, ŋa pâi gélee su karâi. Ḿve pâi ká su-karâi. Ḿve pâi ǹɛɛ̂i naa ká lí kpɛ́ni. Ŋa pâi ká kula-maa kɛ̂i, kɛ́lɛ ŋà pâi gɛ̂i a teniŋ ƃô-pere. Ńyãa Yâwɛɛ ƃé mò tí.”

Ɉeremi 50:20

Ŋ̀elei tí a pà, núu da fé pâi ŋɔ́nɔ sɔnyɔ̂ŋ kɛ̂i Eezuɛ. À kɛ̀ tí, núu da fé ŋɔ́nɔ pâi ŋwana lɔ̂ɔ tua kɛ̂i Zuda, kpɛ́ni fêi, diai ŋá gɛ̀ dí lɛ́ɛ ɣele mai, ŋa pâi dísɔnyɔ̂ŋ su-mɛni lɛɛ̂i. Ńyãa Yâwɛɛ ƃé mò tí.”

Ɉeremi 51:19

Zeeka Ŋɔɣâlai fé ƃóloŋ ní dîa. Nya ƃe sɛŋ kélee kpɛ̀tɛ, ǹyaŋ è Eezuɛ sìɣe zu a gbîŋ ŋɔnûa. Ǹáa ƃa Ŋ̀wála-wâla kélee Yâwɛɛ.

Izikiɛ 8:17

Yâwɛɛ è ŋɔ́nɔ mò ḿâ ǹyɛɛi, “Núu kpune ǹóŋ, yâ m̀ɛnii nyiŋi kâai da gɛi? Zuda ƃelai lii fé nîi laa ni a mɛni nyɔmɔ-ŋai da gɛi ƃɛi. Díkaa nâa pâi a ŋɛi-tɛ mɛni támaa ǹɔii mela kélee ma a gɛɛ dí gɛ ǹíi é ŋwana dîa. Da ƃaa kula mâ. Díkɛ ǹaraŋ a pere-sii kélee.

Izikiɛ 9:9

Nya ƃe Ɣâla è ŋ́oo su tòo ǹyɛɛi, “Eezuɛ ƃelai da Zuda ƃelai dísɔnyɔ̂ŋ-ŋai su kɛ̂tɛi kpɔ́ a m̀aa pɔlɔ-pɔlɔɔ. Da núu páa kpɔ́ ǹɔii gwaa kélee ma. Ǹyaŋ teniŋ ƃô laa fé ŋɔ́nɔ Zerusâlɛŋ. Kpɛ́ni fêi, da kɛ̂ m̀ôi dîyɛɛi, ‘Yâwɛɛ a bôlu tɔɔ ǹɔii mâ. Yâwɛɛ fé kú kaai.’

Osia 1:10

É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ̂i dí mò naa dîa, “Káfe a ŋánûai,” da pâi dí tôlii nâa a “Gɛɣele-ma ɣalai ǹônii.”

Osia 2:1

M̀ɛni ma íƃarâ Eezuɛ-ŋai tóli a “Ɣâla ŋɔnûai nyii a dímalôŋ kaai.”

Osia 2:3

À wàla kɛ́ tí, ŋa pâi maa kpôlonii é lɛ́ɛ a gáa kàŋ yɛ̂ɛ berei dí m̀aa sɔlɔ ƃô lai. Ŋa pâi gɛ̂i yɛ̂ɛ fɛ̃ɛ-kpâlaŋ ŋá, gɛɛ yɛ̂ɛ lɔii-kpûa ƃɛ́i yá fé naai, ŋá báa a kpele wɛ̂li.

Osia 4:1

È mò ǹyɛɛi, “Teniŋ ƃô-nuu tɔnɔ kpîŋ fé naa. Dífa ŋ́oo sìɣe a gbanaŋɔɔ. Dífe ŋɔ́nɔ ŋ́gɔlɔŋ a Díɣâla.

Osia 4:2

Ǹûai da Ɣâla láa sìɣe kpɛ́ni-kpɛni, dí lɛ́ɛ kɛ́, dí núu páa, dí ŋúma kɛ́, dí kɛ́ wulu-wulu kɛ̀. Da m̀ɛni-ŋai ŋí kɛ̀ a tãi kélee. Da kɛ̂ nɔ́ mɛni nyɔ́mɔɔ kɛ̂i gîe mɛi a tãi kélee, dí kɛ́ núu pàa nɔ́ gîe mɛi kéleŋ.

Mise 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwànaa wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Zakari 12:6

“Maa ɣêlei tí, Zuda-lɔii-kpiniŋ su-ƃelai kélee da pâi kɛ̂i yɛɛ leɣi à kɛ̀ nɛ́nîi ŋɔŋ ŋá wolâ su, yɛ̂ɛ ŋɔ́nɔ kpáleŋ a kɛ̀ lénîi kala kpâla su. Ǹyaŋ da pâi ǹûai kélee kêrenii laa-mii-yee-mɛi da kɔɔ-yee-mɛi. Kɛ́lɛ Zerusâlɛŋ taa-leei a pâi lɛɛ̂i nɔ́ dɔɔ̂i da zu-ƃelai kélee mɛni da fé pâi kɛ̂i a dia.

Zakari 12:8

Maa ɣêlei tí, Yâwɛɛ a pâi Zerusâlɛŋ-ƃelai maa tínanîi yɛ̂ɛ siyãŋ a gɛɛ diai pɔri fé dîɛi da pâi kɛ̂i yɛ̂ɛ Deeƃé, ǹyaŋ Deeƃé ŋɔpɛ́rɛi-mu-ƃelai da pâi kɛ̂i dítuɛ yɛ̂ɛ Ɣâla, yɛ̂ɛ Ɣâla-taa-kela.

Zakari 2:12

Naa pôlu ma Zuda a pâi ŋɔ́nɔ kɛ̂i a Yâwɛɛ kɔ̂liŋ kpîŋ-kpiŋ ŋɔlɔii maa waai ma, ǹyaŋ Zerusâlɛŋ a pâi kɛ̀ ŋɔ́nɔ a gbîŋ taa-lee.

Samuɛlə dɔlɔɔ 12:22

Ǹuu-namui a kásiɣe zu a ŋɔnûa. A pâi kámɛi kâai a tãi kélee a gɛ́ɛ ǹûai dí ŋɔkɛ́tɛ-laai kâai.