Ɉeremi 50:6 - Bible

⁶ “Ŋánûai díkaa yɛ̂ɛ ƃála-ŋa ƃé dímɛi káa-ƃela da dí lɛ́ɛ naa da láŋ ǹyéei tôŋ su. Da kɛ́ nɔ́ siâi dí kɛ́ kùla ǹyée kɛ́tɛi dɔnɔ ma dí kɛ́ lì gbéli ma. Da nia dípɔ-taai perei ma.

Yálá laawoo hɛɓɛ (dc)

⁶ Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Yálá laawoo hɛɓɛ

⁶ Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Ɉeremi 50:6 ပူးပေါင်းရင်းမြစ်များ

Mąątɛ̨nɛ̨ 116:7

Ńii seɛ̂ɛi, kpɛ́ni fêi, Yâwɛɛ sɔŋ lɛ̂lɛɛi ḿɛni ma.

Mąątɛ̨nɛ̨ 119:176

Ŋa kɛ̀ nɔ́ sia-siai yɛ̂ɛ ƃála a làŋ. M̀ɛni ma, í ńyãai ŋ́gaa a íyee-mu nuui ŋ́gɔ̂ri, kpɛ́ni fêi ḿve tá ńyee kula ní ítɔ̂ŋ-ŋai mu.

Mąątɛ̨nɛ̨ 23:2

A gɛ́ ŋa láa kala ŋûnu ŋá. A lí a ńyãa yá séɛɛ tɔ̀ŋ kɔlɛ.

Mąątɛ̨nɛ̨ 32:7

Yá ƃé ŋa ǹoo íninîŋ mu. Ya pâi ŋ́uŋ ma ƃôi ŋámɛni kpɔ̂lui su. Ŋa pâi wule toôi yâ a ŋ́oo su kɛ́tɛ, kpɛ́ni fêi, ya ŋ́uŋ ma ƃó.

Mąątɛ̨nɛ̨ 90:1

Óo Ǹuu-namui, yá nɔ́ ƃé kúkili tɔɔ̂i yâ wɔ́lɔ-wɔlɔ da wɔ́lɔ-wɔlɔ.

Mąątɛ̨nɛ̨ 91:1

Ǹúui pâi kɛ̂i Yâwɛɛ ŋɔwála-wala-laai mui, a pâi víi tɔɔ̂i Ŋ̀wála-wâla kélee Ɣalai ninîŋ mu.

Azaya 1:3

Niŋa-ŋa dí dínuu-namu kɔ́lɔŋ. Wɛlɛ-sôo-ŋa dí ƃɛ́i kɔ́lɔŋ dínuu-nâmu a díkɔ̃nɔŋ pù naai. Kɛ́lɛ dáre sii ŋí fé ŋánûai Eezuɛ-ŋai ŋuŋ su. Dífa mɛni ŋá kàa a dɔnɔ kpîŋ.”

Azaya 30:15

Ǹuu-namui Yâwɛɛ, Eezuɛ Ŋɔɣâla Maa Waai è m̀o ǹyɛɛi, “Kà láa a ńyãa. Kà gɛ̀ tí, káŋuŋ ma a pâi kɛ̂i a m̀óɔɔ kákponôi kpanaŋɔɔ.” Kɛ́lɛ káfe gɛ̂i tí.

Azaya 32:2

Gâloŋ ŋí da ŋɔtíi kɛ́-ƃela kpaya-kpayai da pâi Eezuɛ maa kɔ̃ɔ̂i ŋɔkpɔara-ƃelai yêei. Da pâi kɛ̂i m̀ɛi yɛ̂ɛ ya-ɣɛ̂li ƃé ɣilînii lɔii kpâla ma. Da pâi kɛ̂i m̀ɛi yɛ̂ɛ kɔni kɛ́tɛ niniŋ fɛ̃ɛ-kpâlaŋ su.

Azaya 53:6

Kúkelee kú kɛ̀ nɔ́ yɛ̂ɛ ƃála láŋɔɔ-ŋa. Kú kɛ̀ nɔ́ liî kúkpîŋ ŋuŋ ma. Kɛ́lɛ m̀ɛni kula maai kɛ̀ kúmɛni mai, Yâwɛɛ è gélee pù ŋ̀ûa. Kúa ƃé m̀aa nɛ̃ɛ̂i kɛ̀ kú m̀ɛni kula maai ŋí sɔlɔ ƃó.

Ɉeremi 10:21

Ŋá mò dîa ńyɛ̃ɛi, “M̀ala-mɛi káa-ƃelai dífe táre ní, ǹyaŋ dífa Yâwɛɛ marê kɛ̀ é díteniŋ tɔɔ. M̀ɛni ma, dífa ƃûu ƃò. Díƃala-kpului a táa-taa.

Ɉeremi 13:16

Ka ƃaa kɛ́-maa tɛ́ɛ Káɣâlai Yâwɛɛ pɔ́, va lâ kpíni kɛ́tɛ too lâ kâa, kákɛ kàreŋ ǹyée kpaya-kpayai dîa nyíi-ŋai pâi kɛ̂i a dímaa kpiniɛi. Va lâ gwaa ponoɔɔi nyíi kákili káa mai kɛ́ lá yɛ̂ɛ tuna-ya kpini maa pɔlɔ-pɔlɔɔ.

Ɉeremi 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 2:32

Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Ɉeremi 23:1

Kpalo ƃêlaai ǹúu-mɛi-ƃelai dîa nyíi-ŋai Yâwɛɛ ŋɔnûai kɛ̀ dítaa-taa dí kɛ̀ làŋ.

Ɉeremi 3:23

Tɔ̃yâ ma kúfe sɛŋ da káa ní ŋ̀âla da kpɛ́ni-ŋai fɛliɛi su. Yâwɛɛ Ɣala ǹyaa tɔ̂nɔ nɔ́ ƃé a Eezuɛ ŋuŋ ma ƃò.

Ɉeremi 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Ɉeremi 33:12

Ŋ̀wála-wâla kélee Yâwɛɛ è mò ǹyɛɛ, “Ǹɔii ŋí nyíi gáa yɛ̂ɛ fɛ̃ɛ-kpâlaŋ su ƃɛ́i núu da kpaa máŋ fɛnɛ-sãa da fé naai, ǹaa a pâi kɛ̂i nâa a kwaa ma ƃɛ́i kala a pâi kɛ̂i naa a gɛɛ m̀ála mɛi-kaa-ƃelai dí kɛ́ díƃala-ŋai ŋáa kɔ̀ŋ la.

Ɉeremi 50:17

Yâwɛɛ è mò ǹyɛɛ, “Eezuɛ-ƃelai díkaa yɛ̂ɛ ƃála-ŋa nyíi-ŋai yala-sulu a díkpɛ̂i díkɛ tàa-taai. Tãi maa ŋuŋ, Asiria kaloŋ è kɔ́ pɛ̀lɛ dîa. Ǹaa pôlu ma, Babelɔŋ kaloŋ Nɛbukinaza é díkao wólo.

Ɉeremi 50:19

Ŋa pâi Eezuɛ-ƃelai tɛɛ̂i pôlu dílɔii su. Da pâi mii-sãa lɛ́lɛɛ-ŋa miî nyíi-ŋai da lɛ̂lɛ Kamɛɛ Yeei ma, Basãŋ kpiniŋ sui, da nyíi-ŋai da lɛ̂lɛ Ifiraŋ ŋɔlɔii kpiniŋ su da Giliai. Nyíi-ŋai kélee da pâi wɛ̂lii a diai, da pâi kɛ̂i miî.

Izikiɛ 13:10

“Kpɛ́ni fêi da kɛ̂ ŋánûai pɛlɛ̂i díke mò dîa dîyɛɛi, ‘Lii-sêe é kɛ́ kâa’ a tãi lii-sêe fé la naai. Kpɛ́ni fêi ŋánûa da siɣãŋ tɔ́ɔ nyii vé kpananii kɛ́lɛ ŋ̀âla-woo ƃó-ƃelai-ŋai ŋí da pá da wée-kole sia m̀a da m̀ɛi pɛ́lɛ gɛ́ ƃò yɛ̂ɛ ǹya ƃé gbanaŋɔ̂ɔi.

Izikiɛ 34:14

Ŋa pâi ǹɛɛ̂i naa dí dílaa míi kala lɛ́lɛɛ ŋá ǹyée-ŋai ma Eezuɛ lɔii su. Da pâi kɛ̂i laa-ni naa díkɛ dílaa mìi kala lɛ́lɛɛ ŋá Eezuɛ yee-ŋai ma.

Izikiɛ 34:15

Ńyãa kpîŋ ƃé pâi kɛ̂i a ŋ́gbîŋ ƃala-mɛi káa-nuui. Ŋa pâi gɛ̂i dí dífii tɔ́ɔ. Ńyãai a Ŋ̀wála-wâla kélee Yâwɛɛi Ńyãa ƃé mò tí.

Izikiɛ 34:16

“Ŋa pâi ŋáƃala láɣaŋɔɔ-ŋai kɔ̂rii, ŋá pá a dia pôlu. Diai díkɔ̃liŋɔɔi, ŋa pâi díkɔɔ ma ɣirîi. Diai dífii kpɛɛ̂i, ŋa pâi kpɔŋ mâ tɛɛ̂i dí pɔ́. Nyii-ŋai díkpaya-kpayai da nyii-ŋai díwala-walaai, ŋa pâi dímɛi kâai. Ŋa pâi dímɛi kâai teniŋ ƃô-laa su.

Maafîu 10:6

Kɛ́lɛ, ka lí m̀ála láŋɔɔ-ŋai pɔ diai díkaa a Eezuɛ-ŋai dísuui su-ƃelai.

Maafîu 15:24

Kɛ́lɛ, è díwoo su tòo, ǹyɛɛi, “Dí ńdɛ̀ɛ nɔ́ m̀ála láŋɔɔ-ŋai mɛni ma Eezuɛ-pɛrɛi mu.”

Maafîu 9:36

Kɛ́lɛ, tãi è gbɔŋ kàa lai, dímalôŋ è zòŋ. Kpɛ́ni fêi, dí kɛ̀ mɔ̃lɛ̂i, dílaŋɔɔ nɔ yɛ̂ɛ ƃála-ŋa ƃe dímɛi-kaa-nuu fé ma.

Piɛrə dɔlɔɔ 2:25

Kpɛ́ni fêi, ká kɛ̀ yɛ̂ɛ ƃála-ŋa nyíi-ŋai kɛ̀ pâi lánîi, kɛ́lɛ, ka nâa pá pôlu M̀ála mɛi-kaa-nuui pɔ, ǹúui a kámɔ̂leŋ mɛi kâai.