Ɉeremi 50:10 - Bible

¹⁰ Ǹûai da pâi too maa kɛ̂i, zãâi kélee da ŋ̀wɛ̂lii, da pâi ziɣêi. Ńyãa Yâwɛɛ ƃé mò tí.”

Yálá laawoo hɛɓɛ (dc)

¹⁰ Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.

Yálá laawoo hɛɓɛ

¹⁰ Kalde lɔi aa kɛ a kɔ́ hon, nuąi kpɔ too mɛ̨i, gəlee kaa pilɛi, Yai-Laa woo li.

Ɉeremi 50:10 ပူးပေါင်းရင်းမြစ်များ

Azaya 33:23

Kúkpɔara-ƃelai dímɛni kpɛtɛ́ɛi kélee a pâi lɛɛ̂i nɔ́ kpɛ́ni-kpɛni. Kwa pâi dítɔɔ-sãai kélee kulâi díyêei. Dɔ̀ɔ-sãai ŋí a pâi kɛ̂i a zu-kɛ́tɛ nyíi kwa pâi kpîŋ da tɛɛ̂i diai pɔ́ díkɔɔ púɔɔi.

Azaya 33:4

Yɛ̂ɛ berei nɔ́ gotó a sí-sãa láa mìi la dîa kpâlaŋ ŋái, bere nɔ́ kwa pâi gɛ̂i la a kúkpɔara-ƃelai.

Azaya 45:3

Ŋa pâi tɔɔ-sãa tɛɛ̂i ípɔ nyii núu-kpune da fé pâi kɛ̂i a ǹaa kɔ́lɔŋɔɔi. À kɛ̀ tí, gɛ̀ ní ya pâi gɔ̂lɔni a gɛ́ɛ ńyãa ƃa Yâwɛɛ, Eezuɛ Ŋɔɣâlai nyii a ítòli a ílaai.

Ɉeremi 25:12

Kɛ́lɛ góraŋ buu lɔ́ɔlu-mɛi feerɛi tí a kpɛ̀ɛ, ŋa pâi Babelɔŋ kaloŋ da ŋɔlɔii su-ƃelai kélee kpɔ́ kula-maa kɛ̂i dítua-pere nyɔ̂ŋ mɛ̂ni ma. Ŋa pâi dílɔii lɛɛ̂i a fɛ̃ɛ-kpâlaŋ su wɔ́lɔ-wɔlɔ.

Ɉeremi 27:7

Ǹɔii-ŋuŋ-ŋai kélee da pâi tíi kɛ̂i Nɛbukinaza da ǹônii díwɔ̂ lònii dîɛ. À kɛ̀ tí, tãi a pâi pâi a gɛɛ núu da é Babelɔŋ yée mɛi ɣále. À kɛ̀ tí, lɔii-ŋuŋ támaa da kâloŋ kpaya-kpaya támaa da pâi Babelɔŋ kɛ̂i a díyee ŋá-ƃela.

Ɉeremi 50:26

Ka pɛlɛ dîa ƃéla kélee ma. Ka dímii-sãai lâai-kɛ̂i kélee wólo. Zãâi ka pâi ziɣêi naai, ka gélee ŋáa tɛ́ gîe ma mii-sãa ŋáa tɛ́ gîe ma kwaai ma. Ka ǹɔii su-kara! Káfe sɛŋ da lɛ̀ɛ naa.

Ɉeremi 50:37

Ka ŋɔsoo-ŋai da zoo sia-keleŋ-ŋai su-kara. Saa a too wɔ̃́ya kɔkuluƃa-ŋai è dísiɣaŋ sòŋ, dîa, dífii a kpɛɛ a ŋ̀ánaa. Ka too dîa ká dílaai kɛi-sãai kúla díyêei ka dísu-kara.

Ɉeremi 51:24

Yâwɛɛ è mò ǹyɛɛ, “Ka pâi ŋ́gâai mɛni kpa kùla Babelɔŋ ma m̀ɛnii kélee è gɛ̀ a Zerusâlɛŋ mɛ̂ni ma.

Ɉeremi 51:35

Tɔɔ Zãiyɔŋ-ƃela dí mó dîyɛɛi, “Tɔɔ m̀ɛni nyɔ́mɔ-ŋai Babelɔŋ è wɔ́lɔ gɛ̀ a kúai, é kɛ́ a m̀aa mɛ̂ni.” Tɔɔ Zerusâlɛŋ-ƃela dí mó dîyɛɛi, “Tɔɔ mɔ̃lɛ-laa kú tɛ̀ɛ zui, gélee é kɛ́ a Babelɔŋ maa mɛ̂ni.”

Izikiɛ 11:24

Nya ƃe Ɣâla ŋɔmɔ̂leŋ è ńzìɣe zĩ̂ai su é pá a ńyãa gɔ-sôŋ-ŋai pɔ naa Babelɔŋ. Gɛɛ tii, zĩ̂ai ŋa gaai è nâa kula ŋ̀ɛi.

Habakukə 2:8

Ƃa lɔii-ŋûŋ támaa su-sãa siɣe. Diai lɛ̂ɛ pôlui, da pâi í wɔ̂i siɣêi a wála-wâla kpɛ́ni fêi, ƃa mɛni nyɔ́mɔɔ támaa kɛ́, ƃa núu támaa páa ǹɔii su da diai díkaa daa kpaya-kpaya-ŋai sui.

M̀ɛni-lɛɛi 17:16

Míla puui í díkàai da zuai da pâi ŋwulu-wulu-nɛnii kpɔarâi. Da pâi ǹɛɛ̂i a ǹyée-folo, dí mà kpôloŋ, dí ǹúu mii, dí géreŋ a ŋɔŋ.