Ɉeremi 5:24 - Bible

²⁴ Káfe kákili-ŋa sia ní a gɛɛ ká ƃaa-kɛ-ma tɛ́ɛ ḿbɔ, berei ŋá dunai maa-ŋuŋ da gbɛɛ-ŋai tɛ̀ɛ la ká pɔ́ é gɛ́ ká mii-sãa támaa sɔlɔ ƃó a kóraŋ kéleei.

Yálá laawoo hɛɓɛ (dc)

²⁴ Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Yálá laawoo hɛɓɛ

²⁴ Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Ɉeremi 5:24 ပူးပေါင်းရင်းမြစ်များ

Zɛnɛse 8:22

Tãi nɔ́ ǹɔii káa niî la naai, sí-sɛŋ sí tãi, dée tãi, kɔ́lɛ da wúle-wuleŋ, sama-ɣêle da fólo ɣêle, kpíni da ɣele ƃɔ́ɔ dífe pâi kpɛɛ̂i ǹɔii ma.”

Tɔɔɓɛlaa dɔlɔɔ 17:1

Tisibi-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa ɣele mai, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Zôo 29:23

Da kâa kɛ̀ ḿaa kpɛ́nii yɛ̂ɛ nûa ƃé tuna maa kpɛ́nîi, díŋɛi kɛ́ ƃò ḿberêi yɛ̂ɛ kpâlaŋ ŋá tii-kɛ-nuu à kɛ̀ dunai maa-ŋuŋ maa kpɛ̂nii.

Zôo 38:37

Gbɛ̂ɛ ƃé táre káa ǹyêei a gɛɛ é ŋ̀ele-kɔlɔŋ kolei lóno, kpaa máŋ é gɛ́ tuna é pu,

Zôo 5:10

Ɣâla a gɛ̀ tuna é pú ǹɔii ma, gɛ̀ yá pù gbálaŋ-ŋai ŋá.

Mąątɛ̨nɛ̨ 147:8

È ŋ̀ele-kɔlɔŋ-ŋai pɛ̂lɛ ŋ̀elei su. A gɛ̀ tuna kɛ́ pù, ǹɔii kɛ́ yɔ̀ɔ, é gɛ́ gala-ŋai díkɛ lɛ̀lɛ ǹyée-ŋai ma.

Mąątɛ̨nɛ̨ 65:9

Ya gɛ̀ tuna é pú ǹɔii ma é ma yɔɔ, í gɛ́ sí-sãa dí kpɛtɛ. Ya gɛ̀ ǹya-lee-ŋai dí fɛ́ɛ, sí-sãa dí kpɛtɛ ǹɔii mâ. Ǹyaŋ bere ƃé ítûa-perei káa la.

Azaya 64:7

Núu da fé naa a gɛɛ é tínaŋ ípɔ naa pêre, é ífɛli. Núu da fé naa é pá ípɔ naa a gɛɛ íkpɔŋ-mâ tɛɛ bɔ́. Ya íŋɛi lóo kûa, ya ípôlu tɔɔ kûa, kpɛ́ni fêi kwa sɔnyɔ̂ŋ kɛ́ a yá.

Ɉeremi 10:13

Tãi a lôno lai, ŋ̀elei su a dùa, ǹyái nyíi gáa ŋ̀elei sui, a kpêɣe. A gɛ̀ ŋ̀ele-kɔlɔŋ-kolei é síɣe ŋ̀éniɛi kpɛɛ-ŋa. A ŋ̀ele-gbana ŋɔmãla-mãlai kɛ̀ da tuna dípa, é fãa kula ǹâai kɛ̂i.

Ɉeremi 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 3:3

M̀ɛni ma, Ńyãa Yâwɛɛ ŋá dunai kpêra a gɛɛ vé pu. Kɛ́lɛ, ífe niî kpera ní wulu-wulu kɛ̂i. Ŋumɛ kpîŋ fa ísòŋ.

Ɉeremi 5:22

Ńyãa ƃa Yâwɛɛ, lé mɛni ƃé káfa ƃaa-kɛ-ma tɛ̂ɛ la ḿbɔi? Lé mɛni ƃé káfa kpɛ̃̂liŋ la ŋ́ɛi túɛi? Ŋá ŋaya kɛ̀ a yúo ŋɔgɔ̃yɛŋ-pere, gáa a gɔyɛŋ-pere kpanaŋɔɔ nyíi va pɔ̂ri maa tíyeniî. Ǹyuoi a pɔ̂ri túmo-tumoi, kɛ́lɛ, va pɔ̂ri naɣînii m̀ɛi. Ǹyái ŋɔzikɛ-zikɛi a pɔ̂ri toôi, kɛ́lɛ, va pɔ̂ri tɛɛ̂i gɔyɛŋ-perei mɛi.

Ɉeremi 50:5

Da pâi Zãiyɔŋ perei maa mare kɛ̂ɛ kɛ̂i dí lí ǹaa pere. Kwa dîa ni kwa pâi wɔ́lɔ-wɔlɔ kpanaŋ-woo kɛ̂i kúloai. Ǹyaŋ m̀aa kpanaŋ-wooi fé pâi wɔ́lɔ kulâi dɔɔ̂i.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Zooɛ 2:23

“Óo Zãiyɔŋ-ƃela, ka lii-nɛ̃ɛ kúla Káɣâlai Yâwɛɛ mɛni ma kpɛ́ni fêi, a dunai maa-ŋuŋ tɛ́ɛ kákpɔŋ maa mɛni ma. A tuna támaa tɛ́ɛ kámɛni ma. A dunai maa-ŋuŋ da gbɛɛ-ŋai tɛ́ɛ yɛ̂ɛ berei a kâa gɛ̀ lai.

Amɔsə 4:7

“Ŋa dunai sòŋ a ɣáloŋ saaƃa zi-sɛŋ ba kula-tãi é lɛ́ɛ serîi. Ŋa tuna pú taa-lee tɔnɔ su, fé tuna pú ní taa-lee da kpɛ́ni su. Tuna è pù kpâlaŋ tɔnɔ ŋá, ǹyaŋ gbâlaŋ nyii tuna fé pú ní ŋái, ŋ̀á è kpàla.

Zakari 10:1

Yâwɛɛ marê kɛ́ tuna mɛ̂ni ma a fólo-laa-ƃoɔɔ, ǹúui a gɛ̀ tuna kpîni é tóo gɛ́ gɛ̀ ya-kpôloŋ kɛ́ tɛ̀ɛ núu kélee ŋɔkpâlaŋ ŋá.

Maafîu 5:45

a gɛɛ kákɛ a Kánâŋ nyii gáa Ɣâla-taai ǹônii. Kpɛ́ni fêi, a voloi kɛ̀ é tóo sɔnyɔ̂ŋ-ƃela da tɔ̃yâ-ƃela dîa. É dunai tɛ́ɛ dɔ̃yâ-ƃelai da ŋwôya-ƃelai dîɛ.

Gɛlaɠaa 14:17

È máŋ kɛ̀ tí, vé fɛ̀ɣɛ ní gbîŋ m̀aa sêre-faa kɛ̂i m̀ɛni lɛ́lɛɛ-ŋai è gɛ̀i mɛni ma. È tuna tɛ̀ɛ kápɔ, é sí-sãa lɛ́lɛ tãi tɛɛ, é mii-sãa tɛ̀ɛ kápɔ kálii é láa ka kɛ́ lii-nɛ̃ɛ kùla.”

Dutɛrɔnome 28:12

A pâi ŋ̀ele-kɔlɔŋ lá ƃôi tuna é pú a bú tãi ǹɔii é yɔɔ kási-sãai dí kpɛtɛ. Ka pâi kpa-pîlii lɔii-ŋuŋ támaa su-ƃela dîa, kɛ́lɛ káfe pâi wɔ́lɔ kpa sonîi dîa.

Zĩi 5:7

Mɛni ma, ŋánûa, ka kálii kpéle é lɛ́ɛ la zu Kúnuu-namui pa-tãi é seri. Ka gáa, gbâlaŋ ŋá tii-kɛ-nuui a dunai maa-ŋuŋ da gbɛɛ ŋái maa kpɛ̂ŋ lii-kpele-pere su a gɛɛ é ŋɔsí-sãai m̀á lɛlɛɛ sɔlɔ ƃo.

M̀ɛni-lɛɛi 11:6

Wála-wala káa díyêei a gɛɛ dí ŋele-kɔlɔŋ lá tɛ́ a gɛɛ tuna fé pu tãi díkaa Díɣâla-wooi ƃôi lai. Wála-wala kɛ́ ƃo díyêei ǹyá-ŋai mɛi a gɛɛ dí dípene a ŋãa, wála-wala kɛ́ ƃo díyêei a gɛɛ dímɛni-kpɔ̂lu-sii kélee láa ǹɔii mâ a tãi kélee nɔ́ da ŋ̀wɛli lai.