Ɉeremi 5:22 - Bible

²² Ńyãa ƃa Yâwɛɛ, lé mɛni ƃé káfa ƃaa-kɛ-ma tɛ̂ɛ la ḿbɔi? Lé mɛni ƃé káfa kpɛ̃̂liŋ la ŋ́ɛi túɛi? Ŋá ŋaya kɛ̀ a yúo ŋɔgɔ̃yɛŋ-pere, gáa a gɔyɛŋ-pere kpanaŋɔɔ nyíi va pɔ̂ri maa tíyeniî. Ǹyuoi a pɔ̂ri túmo-tumoi, kɛ́lɛ, va pɔ̂ri naɣînii m̀ɛi. Ǹyái ŋɔzikɛ-zikɛi a pɔ̂ri toôi, kɛ́lɛ, va pɔ̂ri tɛɛ̂i gɔyɛŋ-perei mɛi.

Yálá laawoo hɛɓɛ (dc)

²² Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Yálá laawoo hɛɓɛ

²² Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Ɉeremi 5:22 ပူးပေါင်းရင်းမြစ်များ

Zɛnɛse 1:9

Ɣâla è ŋɔ́nɔ mò ǹyɛɛ, “Tɔɔ ǹyái gáa ŋ̀elei mu-perei é tuâŋ kwaa tɔ̂nɔ ma, ǹɔii kpâlai é kúla.” Nya ƃe è kɛ̀ tí.

Tɔɔɓɛlaa dɔlɔɔ 13:28

Nya ƃe è lì é bomai káa tooni bere-lêei ma, ŋ̀wɛlɛ-sôoi da ǹyala-sûlui dí kɛ́ ƃò tɔɔ̂-ni gɔlɛ. Ǹyala-sûlui fé bomai mii ní kpaa máŋ é ŋ̀wɛlɛ-sôoi páa.

Zôo 26:10

È kpíni da kwaa ponoɔɔ loai lâa yúo mɛi.

Zôo 37:24

M̀ɛni ma nûa da yâo m̀a. Ǹúui kélee a gbîŋ sìɣe a táre-nuui, Ɣâla fa ǹyée sèe mu.”

Zôo 38:8

“Gbɛ̂ɛ ƃa yúo kpèra a gɛɛ vé ɣìliŋ ǹɔii ma gwaa kélee, tãi ǹya-lee-ŋai da fɛ̂ɛ la dí táa-taa ǹɔii mai?

Mąątɛ̨nɛ̨ 104:9

Í díkoyɛŋ lɛ̀, ǹyaŋ da fa nâɣiŋ naa mɛi é ǹɔii mɛi pɛ́lɛ.

Mąątɛ̨nɛ̨ 119:120

Yá nɔ́ ƃé ŋa yaôi yâ. Ŋa yaôi kpɔ́ í mɛni ŋá téɛɛi ma.

Mąątɛ̨nɛ̨ 33:7

È ǹyúo-ŋai kélee ŋáa tɛ̀ gîe ma kwaa tɔ̂nɔ ma, é gao ma kɛ́ a sãa pûi kɛ̂i.

Mąątɛ̨nɛ̨ 46:3

kpaa máŋ ǹyúo-ŋai díkɛ tòo díkɛ fule-fule, ǹyée pɛlɛ-pɛlɛɛi díkɛ ƃùleŋ díkɛ tòo a wála-wala laa.

Mąątɛ̨nɛ̨ 99:1

Yâwɛɛ káa a kâloŋ. M̀ɛni ma, nûa, ka kpɛ̃lîŋ. Gáa ŋɔkâloŋ see-sɛŋ ŋá ŋ̀âla-taa kooŋ-sãai loai, gɛ́ ŋɔnûai mɛi kâa. Tɔɔ ǹɔii é kpɛ̃lîŋ.

Hanwon 8:29

tãi è yúo ŋɔkôya lɛ̀ la a gɛɛ vé tɛ̀ɛ naai, tãi è ǹɔii ŋɔsonôŋ-su-kɔni-ŋai pìlaŋ lai, ŋá kɛ̀ naa.

Azaya 50:2

“Lé ƃé gɛ̀ ŋá pà fé núu da káa níi? Lé ƃé gɛ̀ núu da fé ŋ́oo su too níi? Ka ǹɛ̂i ḿâ fa pɔ̂ri káŋuŋ ma ƃôi? Kpaa máŋ káŋuŋ maa ma ƃó wala-wala fé ńyêei? Ŋa gɛ̀ yúo é kpála, ŋá gɛ́ ya-lêe-ŋa dípene a vɛ̃ɛ-kpâlaŋ-ŋa su, ǹaa su nyɛ̃ɛ-ŋai dí sáa.

Azaya 64:2

Dîi kɛ̀ kpɛ̃lînii yɛ̂ɛ yá ƃé nɛ́ŋ-nîi ŋɔŋ ŋá. Pá í íwala-wala laai lɛ́ íkpɔara-ƃelai dîa, í gɛ́ ǹɔii-ŋûŋ-ŋai díkɛ kpɛ̃̀liŋ tãi da kɛ̂ la íŋɛi tuɛi.

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Ɉeremi 10:7

Yái íkaa a ǹɔii-ŋuŋ-ŋai díkâloŋ, gbɛ̂ɛ ƃé va yâo yâi? Ǹɛ̂lɛɛi kú ƃaa kɛ́-maa tɛ́ɛ ípɔ. Dáre-ƃelai kélee ǹɔii-ŋuŋ-ŋai su, daa-ŋai kélee sámai, núu da fé naa é kɛ́ yɛ̂ɛ yá.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 31:35

Yâwɛɛ a gɛ̀ vóloi é kwaa ponóɔɔ tɛ́ɛ a ɣele-laa ƃoɔɔ, ŋáloŋ da bɛ́mɛlɛŋ-kaoi dí kɛ́ fòlo a gbínii. A ǹyúoi tùmo-tumo gɛ́ tôo. Ǹáa ƃa Ŋ̀wála-wâla kélee Yâwɛɛi.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Amɔsə 4:12

“M̀ɛni ma, óo Eezuɛ, bere ƃé ŋa pâi gɛ̂i la a káa. Ka kákpîŋ kpɛtɛ ká Kaɣâlai káa, óo Eezuɛ, kpɛ́ni fêi, ŋa pâi m̀ɛnii ŋí kɛ̂i a káa!”

Amɔsə 9:6

Nyàa ƃe ŋɔtaai tɔ̂ɔ ɣâla-taa, é gɔ́ɔ ǹɔii ma. Nyàa ƃe yá kùla yúo su é bú ǹɔii su. Ǹáa ƃa Kúnuu-namui.

Zôna 1:16

Ǹûai dí nâa yào Yâwɛɛ ma kpɔ́ a dámaa. Dí sâla kùla ma dí díkono tée ǹyêei.

Nahumə 1:4

A gɛ́ Yúo é kpála da ǹyá lêe-ŋai kélee. A gɛ́ Basãŋ lɔii da Kamɛɛ Yeei ma wuru-ŋai dí fɔ̃ya, Lɛƃanɔŋ wuru poa-ŋai dí kpála.

Maafîu 10:28

Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai.

Markə 4:39

Nya ƃe Zîsɛ è ŋ̀ɛi lá ƃò ǹyɛɛ vãai mai, “Ye ímɛi sáa!” Ǹyɛɛ ǹya-ɣiliŋ mai, “Ye see tɔ̀ɔ!” Vãai è kpèra, ǹyái é sée tɔ̀ŋ, naa mɛi é kɛ́ sáa.

Lukə 12:5

Kɛ́lɛ, ŋa pâi kálîa-woo ƃôi ǹúui nyii fɛ̂ɛ ka yao mai. Ka yao ǹúui ma a kápàa, nàa pôlu ma wala-wala kɛ́ ƃo ǹyêei a gɛɛ e kápili Dɛ̂ƃele-taa; ooei, ŋá m̀ó kâa, ka yao mà!

Dutɛrɔnome 28:58

“Ka wàla dɔ̂ŋ-ŋai ŋí kélee mɛi káa bɔ̃yɛ̂i gɔlɔi ŋí su ka ƃaa-kɛ-maa tɛ́ɛ Káɣâlai Yâwɛɛ pɔ́,

M̀ɛni-lɛɛi 15:4

Gbɛ̂ɛ ƃé vé pâi yaôi yâ é ílaâi ŋɔfólo-laai maa tɛ́, Óo Kúnuu-namui? Kpɛ́ni fêi, ƃia tɔnɔ nɔ́ ƃe ímaa waâi. Lɔii-ŋuŋ kélee a pâi pâi é ífɛli, kpɛ́ni fêi, ímɛni-ŋa-teɛɛ sã́ai a lɛ́.”