Ɉeremi 5:12 - Bible

¹² Da lɛ́ɛ támaa kɛ́ a pîlaŋ Yâwɛɛ ma da m̀ó dîyɛɛi, “Vé pâi sɛŋ da kɛ̂i. Mɛni nyɔ́mɔɔ da fé pâi kú kɛ̂i. Púru fé pâi toôi kûa kpaa kɔ́ é pá kûa.

Yálá laawoo hɛɓɛ (dc)

¹² Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Yálá laawoo hɛɓɛ

¹² Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Ɉeremi 5:12 ပူးပေါင်းရင်းမြစ်များ

Kɔlɔnikɔ Veerɛi 36:16

Kɛ́lɛ, dí ɣɛlɛ-maa kula Ɣâla ŋɔlo-kɛ-ƃelai kponoi. Dífe díyee see ní ŋ́oo mu. Díkɛ ɣɛlɛ-maa kulâi ŋɔlóno-kɛ ƃelai kponôi é lɛɛ la zu Yâwɛɛ é ǹíi ŋwana dîa nyíi gula-maa fé kɛ ni ma.

Mąątɛ̨nɛ̨ 10:6

Da kɛ́ môi díkpîŋ ma dîyɛɛi, “Kúfe pâi fɛɣɛ̂i. Kúfe pâi wɔ́lɔ kɛ̂i mɛni kpɔ̂lu su.”

Mąątɛ̨nɛ̨ 14:1

Diai dífa mɛni ŋá kaai, da mò dílii su dîyɛɛi, “Ɣâla fé ɣele ma.” Díkelee kpɔ́ díwôyai. Da mɛni nyɔ́mɔɔ maa pɔlɔ-pɔlɔɔ sii támaa kɛ̀. Ɣâla nîa mɛni kɛ́ nuu tɔnɔ kpîŋ fé dísama.

Hanwon 30:9

À wàla kɛ́ tí, ŋà sɛŋ támaa sɔlɔ ƃô à tɛ̀ɛ gɛ̂i ma, gɛ̀ ní ŋa pâi ímaa sîa toôi ńyɛ̂ɛi, “Gbɛ̂ɛ ƃa Ɣâla Yâwɛɛ?” Kpaa máŋ ŋà wàla sɛŋ támaa sɔlɔ ƃó, ŋà kòlo, ŋa ŋúma kɛ́, gɛ̀ ní ŋa ƃâa kula Ŋáɣâlai ma.

Ɉeremi 14:22

Ŋ̀âla-pɔkɔɔŋ-ŋai díkaa ǹɔii-ŋuŋ-ŋai sui, da fa pɔ̂ri gɛ̂i tuna é pú. Ŋ̀ele-kɔlɔŋ fa pɔ̂ri gɛ̂i tuna é pú gbîŋ-yee ma. M̀ɛni ma, yá nɔ́ ƃé kúkili káa yâ, óo Yâwɛɛ, yái íkaa a Kúɣâlai. Kpɛ́ni fêi yá tɔnɔ nɔ́ ƃé ya pɔ̂ri m̀ɛni-ŋai ŋí kɛ̂i.

Ɉeremi 2:6

Dífe kɛ́ ní dîɛ Yâwɛɛ kɔɔ, berei ŋá díkula yêei kɛ̀ la Izei, ŋá tɛ́ɛ a dia vɛ̃ɛ-kpâlaŋ sui, ǹɔii nyíi fɛ̃ɛ-kpâlaŋ da lóa-ŋa díkaa naai, ǹɔii nyíi yá fé zui, nyíi mɛni nyɔ́mɔ káa zui, ǹɔii nyíi núu da fa tɛ̂ɛ zui, ǹɔii nyíi núu da fa sêe zui.

Ɉeremi 28:4

Ŋa pâi pâi a Zuda kaloŋ Zɛoasiŋ pôlu nyíi gáa a Zɛoakiŋ ǹóŋ é pɛ́lɛ Zuda-ƃelai kpéli-ŋai kélee dîa nyii-ŋai Babelɔŋ kaloŋ è wɔ́lɔ lì a dia Babelɔŋ, ŋá ǹiŋa kɔŋ-ma karaŋ kúla díkɔŋ mâ nyíi Babelɔŋ kaloŋ è dòo díkɔŋ mai.’ ”

Ɉeremi 4:10

Nya ƃe ńyɛ̂ɛi, “Ŋ̀wála-wâla kélee Yâwɛɛ, í ínûai da Zerusâlɛŋ-ƃelai pɛ́lɛ. Í mò a gɛɛ lii-sêe a pâi kɛ̂i ǹɔii su kɛ́lɛ ǹyaa ká ŋí da nâa kɛ́ pâi kú paâi.”

Ɉeremi 43:1

Ŋá nâa m̀ɛni-ŋai kélee ƃò ǹúai dîa nyíi-ŋai Díɣâlai Yâwɛɛ è ńdɛ̀ɛ a gɛɛ ŋá m̀ó dîai.

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Ɉeremi 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Izikiɛ 13:6

Da lɛ́ɛ zĩ̂a-ŋa kàa. Díkɛ lɛ́ɛ-ɣâla-woo ƃo. Da kɛ mòi diɛi díkaa ŋ̀óo su kulâi, kɛ́lɛ ḿva dítɛɛ. À kɛ̀ tí, díkɛ gâai yɛ̂ɛ sɛŋ ƃé m̀ɛnii da môi a pâi kɛ̂i a tɔ̃yâ.

Mise 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Dutɛrɔnome 29:19

Káfe ǹɛɛ naa káta é m̀ó ǹyɛɛ tãi a dɔ̂ŋ-ŋai ŋí mɛni ŋ̀uŋ ma a nâa ƃó berei máŋ a tûai la a gbîŋ nîa-perei. A gɛ̀ tí Yâwɛɛ a pâi maa-nuui su karâi ka dîa-ni.

Zɔ̂ŋ Maa-ŋuŋ 5:10

Ǹúui a lâa a Ɣâla Ǹóŋ, sere-faa káa gbonôi. Ǹúui va lâa a Ɣâlai, a gɛ́ a lɛ́ɛ-nuu, kpɛ́ni fêi, vé niî laa ní a Ɣâla ŋɔsêre-faai è gɛ̀ Ǹóŋ mɛni mai.

Samuɛlə dɔlɔɔ 6:9

À kɛ̀ tí, ka tɔɔ ká gáa à kɛ̀ a pâi berei siɣêi é lí Eezuɛ-ŋai dítaai su nyíi da dòli a Bɛ-simɛ. À kɛ̀ a lì gbɔ́ɔi lɔii su, gɛ̀ ní ka pâi gɔ̂lɔnii a gɛ́ɛ Ǹuu-namui yée pɔɔ káa mɛni sôlii ŋí su kwa gâai. Kɛ́lɛ à kɛ̀ Gono-tee Gãlai à wàla lí pôlu gbɔ́ɔi lɔii su pere, gɛ̀ ní Ǹuu-namui yée pɔɔ fé gɔlɔ-felai ŋí su kûai. Kɛ́lɛ gáa nɔ́ a kɔlɔ-fela da kpɛ́ni.